榮昌茶座

呢日同同事一齊衝出公司結界🤣，直奔一間隱世懷舊冰室食lunch！😋公司附近啲餐廳已經食到心淡，又冇乜選擇，好彩有車梗係想衝遠啲搵新嘢試啦～呢間餐廳超有old school feel！露天同室內任揀，隔離仲有車位，但數量唔多，基本上揸車先方便入到去。呢度位置都幾隱蔽，入面冷氣開到足，環境夠乾淨，感覺係upgraded版大排檔～洗手間仲勁乾淨又有梘液，呢個細節超加分😭服務質素令人驚喜，全部員工態度都爆親切！看似老闆嘅男士超有禮貌，完全冇「唔憂做」嘅感覺，仲有位姐姐，食緊飯都主動幫我哋介紹menu精選，好貼地又有heat～話晒都係老字號，親民指數爆燈！👍🏻呢餐我哋點咗兩款飯share：- 必食椒鹽豬扒飯🥩：豬扒煎到香脆，雖然咸咗啲，但配埋白飯就sooo good！椒鹽絕不吝嗇～- 鰻魚炒飯🍛：炒得夠香夠力水，鑊氣足，雖然鰻魚味唔太搶，但整體都唔錯，飽到爆～- 飲品方面就有黑牛同雪糕涼粉冰🍹，全部都用碎冰，好飲又夠冰感！近年要搵到正宗碎冰仲有味道嘅真係超難，加分加分！聽講佢啲地道小食都勁受歡迎，超多外地朋友特登搵嚟食，連內地遊客同其他區啲人都會專程開車過嚟搵呢種懷舊滋味～🤪如果大家趁假期有時間，絕對可以book齊朋友一起嚟試下，體驗下香港d地道大排檔氛圍！👭👬室內冷氣爽爆，天氣晴朗嘅話坐露天都正！相片入面就係盤香噴噴炒飯，開心share同事飯聚一刻～🍚📸#上水 #懷舊冰室 #榮昌茶座 #椒鹽豬扒飯 #鰻魚炒飯 #黑牛 #雪糕涼粉冰 #lifestyle #hongkonger #copperlui …查看更多

聽講呢間茶記係揸車/放狗人士好鍾意幫襯嘅茶餐廳，事關佢喺正公路邊，又鄰近附近高爾夫球場嘅狗公園，位置相對偏僻，真係要專登嚟先會試到佢，今次咁啱要放狗就嚟試下，下晝2點幾去到見坐滿人，見到好多狗狗，仲有人帶鸚鵡 (喺籠入面)，好多都係熟客入嚟食野，幾有人情味，而且好多懷舊茶記野食，黑牛都有得飲~我地叫咗兩個茶餐，個香煎豬扒的確出色，上到嚟係熱辣辣，咬落好鬆軟，而且煎到好香口，調味啱啱好，配出前一丁好味~仲搭咗幾條生菜，檸檬茶都俾幾多片檸檬，味道就正正常常~另一個餐個吉烈魚柳好出色，新鮮炸起，咬開好嫩滑，點沙律醬正~個奶油豬都好出色，好多煉奶，個包烘到好脆，甜得嚟好香口！見好多人都叫佢個乳鴿，睇落都好吸引，嚟開不妨試下~係可以專登再入嚟食嘅茶記~💰價錢參考：- 馳名香煎豬扒出前一丁 $50- 吉烈魚柳配煎蛋雞肉腸轉奶油豬 $55…查看更多

近golf club又可以帶狗嘅茶餐廳食物味道正常,大部份食物都唔包飲品,主要係午餐客飯套餐和輕盈麵包餐先包飲品鹹檸水唔錯，同凍檸茶一樣錢，話有化痰作用，推薦大家試試煎豬扒出名,個人覺得比煎牛仔骨好食工人姐姐話魚香茄子飯同出邊茶餐廳差唔多,OK啦,份量偏細店員提我哋如果狗仔要坐膠凳，就要自己鋪毛巾先好坐，好彩架車有室內部份都幾大，仲有得賣水果、蔬菜、哥爾夫球同埋酒埋單可以俾現金或者八達通餐廳門口有免費泊車…查看更多

呢間位於粉錦公路嘅餐廳。 由於方便行山人士餐廳本身亦附設有好多車位。 所以每逢假日假期就會有好多人幫襯。 有時甚至要等位。 好多人亦會帶寵物一齊嚟幫襯。 佢嘅食物種類有好多，而且味道亦相當唔錯，但佢沒有套餐。 我自己覺得價錢偏貴。早兩日就於餐廳叫了一個煎雞尾包加熱奶茶。 煎雞尾包幾有特色嘅， 味道亦唔錯， 略嫌，有少少油膩。 熱奶茶亦都係一般茶餐廳嘅好味。…查看更多

以傳統港式風味和街坊人情味聞名尤其深受附近居民和遠足人士喜愛（鄰近粉嶺蝴蝶山、蓬瀛仙館等）懷舊港式環境   - 保留舊式茶餐廳格局，綠色瓷磚、鐵皮卡位老式風扇，充滿1960-70年代氛圍，打卡感強   - 街坊熟客多，服務態度親切，但繁忙時段需自助寫單   椒鹽豬扒飯：豬扒厚身鬆軟，但調味一般  而且理解不能為什麼椒鹽是甜的   涼粉奶茶茶味濃郁，口感滑順 奶味香濃乳鴿是最好的 即點即炸 爆汁鮮嫩可口👀 注意事項排隊與等候：週末或假日早上可能需拼桌建議避開9:00-10:30的早餐高峰。食物選擇  菜單以傳統港式快餐為主創新菜式較少，追求新派口味可能不適合。🍽️ 整體評價****味道**：⭐️⭐️⭐️ (3/5) － 地道港味，鑊氣足  **環境**：⭐️⭐️ (2/5) － 懷舊但略擁擠  **服務**：⭐️⭐️⭐️ (3/5) － 自助式街坊體驗  **推薦人群**：想體驗老香港風情、遠足前後補給📌 小貼士- 附近景點可搭配 **聯和墟市集，蝴蝶山或 龍躍頭文物徑安排半日遊建議出發前確認營業時間，避免摸門釘！…查看更多