極尚大喜屋

營業中

休息中

約左媽咪食午餐，12點上去，餐廳已經坐滿咗三份二，真係好多人食！款式豐富，味道款款合乎水準。-見到每台人都會叫一盤刺身，新鮮嘅刺身，刺身款式繁多，有三文魚油甘魚，甜蝦帶子等等，刺身味道新鮮，又夠肥美。-熟食有炸乳鴿，出面好少放題會有呢種菜式！炸到脆卜卜！香口得來又好肉汁！-鵝肝壽司，油甘魚壽司，三文魚腩壽司🍣唔會整到好大嚿！可以試多幾款，真心唔錯😋-酥皮焗周打魚湯，呢一款真係好吸引！酥皮超好食，而且魚湯都好好飲！-葡式煮蜆，超鮮甜嘅味道！湯底好濃郁！而且蜆肉好新鮮！-金蒜粉絲蒸扇貝，蒜蓉味夠香！扇貝都好新鮮！自助吧有大量日式前菜，我媽媽最鍾意食佢嘅前菜！仲有水果，蛋糕，大量Häagen-Dazs同movenpack雪糕，仲有自助飲品區仲要好多選擇！呢一間仲有生啤任飲，鍾意飲酒朋友一定唔好錯過啊

冇嘢開心過午市都可以食放題🥳🥳🥳, 呢度嘅放題真係多不勝數, 而且唔係一般嘅放題,除咗中西日都有齊，但係中菜唔係普通嘅🥘🧆中菜真係我哋飲熱嘅中菜款式都有，今次去旺角呢間分店，估唔到連蛇羹🐍都有🤣上菜又快手嘢又好食地方又闊落,唔怪之得中午都爆曬場,👶🏻👧🏻🧒👩🏻👵🏻🧓 今期佢哋推出咗黑松露忌廉虎蝦🍤呢個真係好鬼正, 呢個我encore 咗幾次，仲有佢哋嘅雪燕椰皇🥥燉蛋白係女仔都超級鍾意，又唔太甜夠晒熱又滑溜溜😍😍😍

同班friend去咗旺角食日式放題，真係好滿足！一坐低就即刻落單，第一round就試咗天婦羅秋葵同南瓜天婦羅，炸得啱啱好，外脆內軟，秋葵仲keep到啲汁，好正！跟住仲有芝麻雞翼，皮脆肉嫩，啖啖肉，食到停唔到口。芝士年糕就更加唔使講，一咬開啲芝士流晒出嚟，熱辣辣，好香濃！刺身方面，赤貝同帶子都好新鮮，赤貝爽口彈牙，帶子就鮮甜得嚟仲好滑溜。俄羅斯甜蝦刺身都唔錯，蝦肉鮮甜，食落去有啲回甘。仲有拖羅蓉軍艦同海膽手卷，拖羅蓉入口即化，海膽就濃郁得嚟唔腥，真係食到唔想停。燒物方面，鹽燒牛舌同牛油燒翠玉瓜都好出色，牛舌燒得啱啱好，唔會太韌，翠玉瓜就吸晒牛油嘅香味，食落去好juicy。鐵板鵝肝就更加係驚喜，外皮煎到脆脆哋，入面就係入口即化，好香濃。最後仲有蟹黃海皇粥，粥底好綿滑，蟹黃嘅香味好突出，食完之後成個人都暖笠笠。燒有機新鮮菠蘿就係完美嘅結尾，菠蘿燒到微焦，甜得嚟帶少少酸，好解膩。

今日返工唔開心☹️所以特登去食大餐，希望可以令自己心情好返啲，最後揀咗極尚大喜屋，放題任食，最重要嘅係佢有Häagen-Dazs雪糕任食❤️同好多放題唔同嘅地方就係除咗平時食到嘅日式嘢🇯🇵仲有唔少香港本地嘅美食，例如點心、蛇羹⭐️酥皮焗周打魚湯魚湯味濃，足料，送到上枱嘅時候仍然熱辣辣，酥皮好鬆脆⭐️蛇羹細細碗，但好足料，有埋蛋散，冬天食一定暖笠笠🥰⭐️榴槤燒我好鍾意食榴槤，佢嘅榴槤燒基本上佢係成舊榴槤送上嚟，加上燒完水份少咗，甜味更勁，好正😋⭐️刺身擺盤超靚，刺身款式多，仲有松葉蟹腳，刺身肉厚新鮮🤤

放題食左咁多次，開始好識食🤭除左刺身必食，壽司都係必試👍🏻👍🏻當然，除左日本料理，都有其他推介😌～刺身～池魚王刺身：新鮮的魚肉，口感滑嫩。油甘魚：肉質緊實，脂肪含量適中。松葉蟹腳：肉質鮮甜，搭配檸檬汁，提升了整體的味道。～壽司～鵝肝醬薄牛壽司：創意十足，牛肉的鮮嫩搭配鵝肝醬，風味絕佳。牛油果醬吞拿魚：融合了鮮魚與牛油果的滑順，口感豐富。三文魚腩：脂肪含量高，口感柔滑。魚籽醬北海道帶子：帶子鮮甜，魚籽鹹香。極品大赤蝦：肉質鮮美，口感細膩。～熱菜～羊肚菌烏雞湯：滋補又美味，適合冬天享用，暖心又暖胃。鹽燒牛舌：外焦內嫩，獨特的鹽味提升了肉的鮮香。-金蒜蓉粉絲蒸扇貝：蒸的扇貝鮮嫩，蒜蓉香氣撲鼻，令人垂涎。時令蟹黃扒冠軍豆苗：蟹黃的鮮甜與豆苗的清香相得益彰。～甜品/湯品～極尚椰皇燕窩燉蛋白：清新爽口，極具養生價值組典花蛇羹：獨特的花蛇羹，湯底鮮美，滋補又有特色。～｜特別推薦｜～燒溫室甜菠蘿：作為菠蘿發燒友，極推👍🏻👍🏻焦糖化的菠蘿香甜可口，帶有熱帶風情。厚切鵝肝：質地柔滑，口感豐富，是愛好者不可錯過的美食。川味燒鮮蠔：帶有一絲辛辣，提升了海鮮的風味。

食物久久沒到，好些東西點到走也沒有出，食物沒温度沒味道，已向經理反映，質素如同兆萬中心，但價錢就貴很多！不知道那來的自信定價，走前也聽到其他食客也說差評！除魚生跟罐裝飲料屬正常，其他大多也不合格，之後睇到其他評論才後悔莫及，香港真淪為不值得消費的地方！

今晚同朋友去左旺角食放題，成日都無食野，所以我哋叫左好多野食：-刺身盤（超級要食）叫咗三文魚、帶子、油甘魚、甜蝦、赤蝦、螺片、赤貝、蟹腳，全部都好新鮮～-乳鴿（超級要食）咪睇佢細細隻佢好多肉㗎👍🏻-泰式虎蝦（超級要食）呢個又一定要試吓，好好味-飛天豉椒蟶子（必食推介）有鮮香的海鮮味，小小辣，好惹味-蛇羹（必食推介）天氣凍凍地暖下肚都唔錯-酥皮焗周打魚湯（必食推介）魚湯的滑順口感與酥脆的外皮相互輔助，帶來豐富的層次感-鱆紅魚薄切（一定要食）-枝竹羊腩煲 （一定要食）都好入味，份量略為多，兩個人分會比較好-蟹粉豆苗（必食）-甜品係燕窩燉蛋 （必食）唔夠飽仲有出邊嘅熟食可以出去攞，有蝦餃燒賣，炸餃子，口水雞，仲有超多飲品選擇，啤酒、汽水、珍珠奶茶🧋、果汁等等。

早收工嚟食大喜屋就最啱 食頭一輪都仲有時間消化😆出面嘅熱盤有椒鹽瀨尿蝦蝦、蒜香骨、辣子雞、炸餃子再行過啲就有中式點心 蝦餃皮薄餡靚㗎冷盤就有凍蝦同青口 生果仲有哈蜜瓜、火龍果、西瓜食完幾輪之後 要落單嘅嘢食就差唔多上菜啦豉椒炒蟶子超級惹味 西京燒比目魚香口得來魚肉好滑溜香煎Black Tiger Prawn拌黑松露忌廉汁食多幾隻蝦真係值回票價 隻蝦超級巨型 蝦肉彈牙鮮味仲有點少得海膽壽司呀 夠晒鮮味 一定要encore餐廳樓底好高 座位夠闊落 而且出餐速度好快兩個鐘都一定夠食飽

極上大喜屋長期都係我必食口袋清單入面🌟無論係食物種類定係質素，一直都保持得好好🥰🥰重點係定時定候就會出啲唔同款食物，令人唔會有食厭嘅感覺!!😛每次去都會好有驚喜~🤭今次新品發現❣️❣️❣️飛天豉椒蟶子❣️烤福岡芝心漢堡❣️蛇羹❣️香煎黑虎蝦拌黑松露忌廉汁❣️極品芝士烤榴槤羊腩煲 (期間限定!)刺身一樣大大件又厚切又新鮮~啲蝦超大隻!!🤯壽司都係咁有創意，味道保持水準🤓自助區又係好多選擇，個中湯好香好好味😚飲品多款，保證一定岩飲😏飛天豉椒蟶子係有鑊氣嘅味道，蟶子份量唔少，值得一試😋烤福岡芝心漢堡淨係睇個擺盤都贏左，勁高級咁，好多芝士仲要有粒蛋好香牛味，又好嫩滑!😍香煎黑虎蝦拌黑松露忌廉汁隻蝦好彈牙，個汁好好味，如果有埋意粉就正~覺得超夾呀😆極品芝士烤榴槤羊腩煲太獵奇我就唔敢試啦!希望有勇者試完話我知啦~~🤭🤭🤭

極尚大喜屋，位於旺角雅蘭中心4樓，前往嘅方法非常簡單及方便，旺角港鐵站依一出口，行3分鐘就到；每次去到餐牌上面都總有一啲新驚喜經典花蛇羹，真係估唔到大喜屋連蛇羹都有，好耐冇食過，細細碗一人份量，唔夠仲可以任嗌酥皮焗周打魚湯，熱辣辣嘅周打魚湯上邊配合焗得香脆嘅酥皮，啱晒咁凍嘅天氣 老香港極尚手工叉燒，手工叉燒，港式酒樓嘅王牌，大喜屋一樣做得咁出色，啖啖肉古法羊腩煲，咁凍嘅天氣，見到羊腩煲，點可以唔叫，一定要試吓飛天豉椒蟶子，每次去食海鮮，一定會叫蟶子，今次大喜屋嘅新品，點都要叫嚟試吓天婦羅皇帝蟹棒，一見到個賣相，就知唔少嘢，鮮嫩，鮮甜，美味椰皇燉蛋白，天氣凍，甜品都要考慮熱食，椰皇燉蛋白絕對係最佳之選

隨住時間過去，小朋友漸漸長大，陪伴的時間越來越少。有時間就同女兒撐枱腳食個午餐。✨極尚大喜屋✨打咭必點✅飛天蟶子自助區自己揀食品飲品，好方便坐低就 QR CODE 落單，好快就上枱❤️刺身有多款選擇，不過個人偏愛松葉蟹腳，帶子，甜蝦，赤蝦其實仲有三文魚，磯煮凍鮑魚，池魚，油甘魚，希靈魚，北寄貝，赤貝，馬刀貝，鮑片，榮螺，冰鎮柚子海蜇，泰式虎蝦，魚籽柚子醬鱆紅魚薄切三文魚肥美，赤蝦彈牙，赤貝爽脆，蟹腳鮮嫩，帶子鮮甜❤️海膽手卷賣相精緻，一口一件岩岩好❤️乳鴿皮脆肉嫩❤️芝麻雞翼炸到金黃香脆，肉質嫩滑juicy❤️燒菠蘿開胃解膩🍍酸酸甜甜好juicy❤️鹽焗海螺食落少少鹹幾好味新品推介❤️酥皮焗周打魚湯新鮮熱辣，酥皮夠哂酥脆❤️飛天豉椒蟶子香口惹味▶️老香港極尚手工叉燒▶️鮮魚湯白玉龍躉▶️蛇羹 ▶️一品蟹黃小籠包拌麵仲有好多好味推介✅海膽魚子拖羅蓉中餅，鹽燒雞軟骨串，厚切鵝肝甜品櫃雪糕櫃有多款甜品同雪條雪糕選擇

旺角雅蘭分店的極尚大喜屋，聚會首選，愈多人食就會坐得愈舒服，4人起會有卡位安排，當枱面位置大一點時，食物上枱時也可以慢慢享用了～ 當我地今次2人撐枱腳時，就好似勁食大賽咁，一上就要快清😂出面的自助區、飲品區、雪糕等有超過20款，唔夠喉仲有甜品櫃！最吸引係熱盤，有鍋牛及瀨尿蝦！ 冷凍海鮮有青口、蝦等等，心心眼，等野食上菜前出去拎一轉，都滿載而歸😍坐低一定叫刺身先，帶子、三文魚、油甘魚、吞拿魚全部都係我最愛，樣樣都鮮甜。帶子鮮帶子肉厚味甜，口感極富彈性。另外試咗幾款創意壽司，火灸三文魚魚油香十足，海膽壽司食到啖啖海膽，壽司飯溫度濕度都唔錯！熟食類都認真好味，飛天豉椒聖子上枱極吸晴，同泰式fusion 餐廳有得揮！而且食材都好新鮮，大蝦肉質厚身，羊架燒到嫩滑多汁。以下是我的推介必食：📌燒福岡芝心漢堡🌟🌟🌟🌟🌟📌三文魚腩醬燒芝士竹輪卷🌟🌟🌟🌟🌟📌 海膽魚籽拖羅蓉中餅🌟🌟🌟🌟🌟📌 香煎Black Tiger Prawn拌黑松露忌廉🌟🌟🌟🌟🌟📌 金湯慢煮鮑魚花膠盛 🌟🌟🌟🌟🌟📌 薑蔥爆鱔球🌟🌟🌟🌟🌟📌 川味燒鮮蠔🌟🌟🌟🌟🌟📌 金蒜蓉粉絲蒸扇貝🌟🌟🌟🌟📌 飛天豉椒聖子🌟🌟🌟🌟🌟📌 燒羊架🌟🌟🌟🌟🌟今

近排好少食日本野，新年後就同老公黎食下大喜屋放題！順便2人世界下啦～黎過呢間大喜屋食過幾次，每次都好滿足可能今日係新年假後第一日，晏就都爆晒場～！好彩一早book定先，可以慢慢食3個鐘呢到既熟食做得好出色，款式又多 飲品既選擇都好多，好正！除左有d 手工茶外，仲有生啤，日本果酒甜品一樣好多款式，豆腐花，雪糕呢d都一定有拎完飲品，第一件事落單 除左刺身外，乳鴿都係好出色！啖啖肉，熱辣辣食勁正呀一次過嗌左好多食物 上菜速度都好快～！刺身好新鮮，雖然客人好多但食物水準依舊 三文魚，甜蝦，大蝦，油甘魚，帶子都好正熟食有蒜蓉燒生蠔，扇貝，蜜糖牛肉薯仔粒，都好好食中式食物都好不錯！有螺片，蟹粉豆苗等等都好好味最後當然嗌返個燕窩燉蛋 今餐食得好滿足

跑完馬拉松好肚餓，一班朋友一齊去到極尚大喜屋度食放題，補充番啲熱量唔使加埋一三舊水都唔使，有齊刺生、熱食、甜品、飲品Menu 仲要間唔中就轉下，保持新鮮感今期有榴槤羊腩煲，作為榴槤控真系要試試枝竹羊腩煲柱候味好濃，羊腩又淋又入味好大煲，同朋友share食會好啲裏面有兩整嚿燒鵝榴槤，同羊腩汁嘅味都夾到，幾得意創意壽司款式百搭，每件都細細嚿，試多幾款都仲有為食其他嘢重點任食Häagen-Dazs同MovepickHäagen-Dazs仲要有日本版嘅Earl Grey雪糕批，喺放題界真系第一次見，大食妹明明好飽都食咗兩舊

又黎到旺角嘅極上大喜屋食餐勁😋 除咗新鮮夾大件嘅刺身壽司，今次🐧 仲試咗佢哋新出嘅菜品，好有驚喜😘 先來平時食西餐先有嘅酥皮焗周打魚湯🤩 頂層酥皮鬆化香脆，下面嘅魚湯濃稠鮮美，真係好高質勁美味🤤 再來一客飛天豉椒蟶子🤩 蟶子勁大條啖啖肉😘 食落口感爽滑彈牙，嚼感一流👍 配搭辣香惹味嘅豉椒醬汁，令蟶子嘅鮮味更出眾，必食喲😚 老香港極尚手工叉燒又一驚喜之作😆 叉燒經煙燻處理，上枱時散發著陣陣熏香，好吸引人🤤 叉燒肥瘦比例恰到好處，咬落肉感滿滿，軟而不韌，鹹中帶甘☺️ 真係令人回味無窮😚 估唔到係放題有蛇羹食🤣 滿滿一碗勁足料👍 食落濃郁又甘美，滋補又養身，一定要食返碗喲😘 除咗以上新品，仲有多款刺身、壽司、卷物、一品料理、串燒、炸物等美食無限提供🥰 真係勁豐富超滿足❤️ 記得要留肚食Haagen Dazs 同埋Movenpick 等多款口味正正雪糕喲✅