影片
更多
5天前
0 瀏覽
最近同朋友去咗極尚大喜屋旺角分店食放題，發現佢哋多咗好多新款海鮮熟食，海鮮控真係要bookmark定！刺身方面，極品大赤蝦爽甜大隻，啖啖鮮味，三文魚、帶子都新鮮。壽司推介厚切鵝肝壽司，油香滿滿，仲有海膽魚籽拖羅蓉中餅，creamy之餘拖羅勁肥美😍重點推介新出嗰堆海鮮熟食🌟籠仔桑拿大頭蝦蒸得啱啱好，蝦肉彈牙；辣酒煮海螺香辣夠味，啖啖螺肉唔韌；避風塘大頭蝦炸得脆卜卜，蒜香濃郁；海鹽焗海螺就清淡啲，食到海螺原味；仲有海鹽燒大眼雞，魚皮微焦，魚肉滑溜，鹽香突出，成個海鮮控夢想😝另外試咗酥皮焗周打魚湯，香滑creamy，魚香突出，燒福岡芝心漢堡有溶溶芝士心，幾邪惡，韓式慢煮牛肋骨冧冧肉滑，川燒茄子超多炸蒜好香口！甜品方面，自助區有多款糕點，仲有椰汁燉木瓜，滑溜唔太甜，椰皇燉燕窩蛋白清甜滋潤，日本Häagen-Dazs雪糕任食😋飲品選擇超多，汽水、果汁、茶、啤酒、清酒、紅白酒樣樣齊，無論想飲返杯chill下定同朋友開心share都無問題。今次極尚大喜屋旺角分店新加海鮮熟食真係加分，刺身質素穩定，甜品飲品夠多，價錢合理，坐得舒服，放題迷可以約埋去試！
最近同朋友去咗極尚大喜屋旺角分店食放題，發現佢哋多咗好多新款海鮮熟食，海鮮控真係要bookmark定！
刺身方面，極品大赤蝦爽甜大隻，啖啖鮮味，三文魚、帶子都新鮮。壽司推介厚切鵝肝壽司，油香滿滿，仲有海膽魚籽拖羅蓉中餅，creamy之餘拖羅勁肥美😍
重點推介新出嗰堆海鮮熟食🌟籠仔桑拿大頭蝦蒸得啱啱好，蝦肉彈牙；辣酒煮海螺香辣夠味，啖啖螺肉唔韌；避風塘大頭蝦炸得脆卜卜，蒜香濃郁；海鹽焗海螺就清淡啲，食到海螺原味；仲有海鹽燒大眼雞，魚皮微焦，魚肉滑溜，鹽香突出，成個海鮮控夢想😝
另外試咗酥皮焗周打魚湯，香滑creamy，魚香突出，燒福岡芝心漢堡有溶溶芝士心，幾邪惡，韓式慢煮牛肋骨冧冧肉滑，川燒茄子超多炸蒜好香口！
甜品方面，自助區有多款糕點，仲有椰汁燉木瓜，滑溜唔太甜，椰皇燉燕窩蛋白清甜滋潤，日本Häagen-Dazs雪糕任食😋飲品選擇超多，汽水、果汁、茶、啤酒、清酒、紅白酒樣樣齊，無論想飲返杯chill下定同朋友開心share都無問題。
今次極尚大喜屋旺角分店新加海鮮熟食真係加分，刺身質素穩定，甜品飲品夠多，價錢合理，坐得舒服，放題迷可以約埋去試！
張貼
