楚撚記大排檔 (寶光大廈)

營業中

休息中

楚撚記依個名聽得多，今次就黎到土瓜灣總店試下! 原來總店係會有d其他店無既款式，咁我地當然要試下la!🔸️ 拔絲焦糖香燒脆腩仔 $98- 燒腩仔食得多，加埋拔絲焦糖落去真係未食過，好新奇! 脆腩仔外皮超級脆，肥瘦適中，配埋焦糖嘅甜味好夾!🔸️ 啫啫唐生菜煲 $83- 上台時個煲熱到不斷有泡泡滾煙，真係即煮即上! 唐生菜配埋少少辣椒，好惹味!🔸️ 秘製熱辣辣麻辣雞煲（半隻）$158- 今日重頭戲係麻辣雞煲! 雞煲好大，基本上可以滿足三到四個人嘅份量。雞煲入邊有蓮藕、豆卜、雞塊等等可以夾，雞塊嫩滑，味道超濃郁! 配飯食一流!🔸️猴頭菇蟲草花淮山螺頭煲豬骨湯（細）$113- 材料超級足嘅老火湯，真材實料，啖湯啖啖都有鮮味，螺頭多到食極仲有! 好似唔洗錢咁😂🔸️懷舊豬油撈飯(復刻版) $25- 依個超得意! 原來D豬油配菜會分開上，你自己根據喜好撈落去，咁就可以調節自己既需要。飯超級熱令豬油即時溶落去，好好玩又好好食!（可樂每枝$13）🔸️5星⭐評分好食指數:⭐⭐⭐⭐整體份量:⭐⭐⭐⭐性價比:⭐⭐⭐⭐打卡度:⭐⭐⭐餐廳環境:⭐⭐⭐⭐✅聚會聊天✅港式味道

楚撚記大排檔（To Kwa Wan）港式大排檔依家仲係買少見少 想舒舒服服食下鑊氣小炒🍲 哩間舖就可以一次過滿足你😙😙 ⌖ 拔絲焦糖香燒脆腩仔🍯🐖💰$98賣相好吸引 豬腩仔個皮都幾脆🤔 平時都係鹹食多 估唔到焦糖同脆腩仔甜甜地都幾夾 幾推薦～🤪🤪⌖ 魚香茄子煲🍆💰$94茄子煲熱辣辣🔥 撈飯就最啱🍚 味道正常發揮喇😌😌⌖ 蜜椒薯仔牛柳粒🍯🫑🥔🐂💰$113賣相一樣好掂 色彩夠靚✨ 三色椒小編就真係唔多食🫑 薯仔甜甜啲😋 隔離仲有洋蔥🧅 牛柳粒都幾嫩😙😙 唔會老 不過略嫌份量少左啲🤏⌖ 避風塘鮮魷🦑💰$106爆多嘅炸蒜🧄覆蓋住鮮魷 炸蒜有驚喜🤩 好酥脆 撈飯都正😍😍 鮮魷反而失色左😢 唔係太入味 同埋份量都少🤥🤥⌖ 懷舊豬油撈飯（復刻版）🐖🍚💰$25之前都係哩度食過豬油撈飯 今次新出左貴$2嘅復刻版🤨 原來分別在於復刻版係凝固左嘅豬油 配埋香蔥、芫荽同埋甜豉油撈落飯度 食落超香👃 不過好似之前液體版嘅豬油比較易撈飯添 都係試一次就夠😂😂⌖ 醇滑嘉士伯（大枝）💰$37食開小炒 飲翻枝啤酒先夠爽💦💦 正呀！⌖ 附送：蕃薯糖水🍠💰$0估唔到食小炒 都有糖水送🥰 蕃薯糖水薑味好夠 甜度適中 蕃薯都幾

18:10取7人枱，排第二張，19:00問要等，到19:30再問還要再等，問題是服務員話您可以唔好等，可以唔來食㗎！最快都要21:00才有位，最後到現在20:45才有，如果附近有其他選擇，一定唔等，即走，人多到塞著整條路，啲街坊行都無得行，影響環境！環境差、衛生差，廳面的地下是油油的，可以說好一點就是洗手間，比預期衛生，食物都是一般，普普通通，排個名是大排檔，名過其實，可以就不要慕名而來，您會體驗的是一肚氣！

成功小店的魔咒當每間小店成功後擴充店子或開分店後出品總是強差人意昨天被朋友約往楚撚記新店晚飯試菜新店比舊店二，三十位大五、六倍。但經驗告知讓心底下對食物巳打了折一行六人點了脆皮炸豬手皮不脆，死鹹。蒜茸粉絲蒸元貝皇味道尚可，勝在粉絲多香辣水煮花甲酒煮花螺，款菜味道一樣，只得死辣硬麻吃不到其它食物的味道楚撚記小炒王味道尚可以㷛仔香焗白胡椒蝦我已不期望蝦是新鮮，可惜蝦肉有霉感只是大鹹重味來飾蓋食材西楚霸王雞半隻，雞肉冇味也不嫩滑，以大量脆蒜甜豉油伴製，可惜豉油過甜也過鹹而鹹甜味像水溝油般不能溶為一體，各種味道各自過火脆皮炸大腸算吧！又是皮不脆也靱，鴨寮街掃街店比這裡還好吃菠蘿拔絲咕噜肉，在幾年前舊舖走招牌菜，味道過火，包肉粉䊢不脆，所謂拔絲只是一舊又軟又靱物體，做不到劃龍點睛卻又多舊餘的感覺其它的豬油撈飯只是復刻大榮華，沒甚特别。和鹹魚雞粒炒飯則飯不乾身油感重，也吃不到鹹魚味，坊間比這裡好吃多的是數年前一位難求只因對食材，味道有執著，所以能在這競爭劇烈飲食行業站起來。如今站起來卻沒有了對食物嚴緊執着，品質一落前丈，真如中了魔咒，一擴店就味道差，而且現在像集團式經營，價錢卻比同區貴好吃又貴又

記得N年前在尖沙咀食過楚撚記，人生如夢轉眼間咁多年，今日與幾位紅土友book了位試新開張嘅「楚撚記」😋今次再食心目中已經有一兩小菜想食番！我哋一去到門口已經勁多人排隊，我地等咗一陣就有位（記得記得要book定位唔使等咁耐☺️）呵呵😗一入去已經聞到一陣陣少炒味道，場地好大，環境舒適座位寬躺，佈置裝修都保留住一份舊香港情懷💝因為太多人booking ,我地只能book 到晚上九點半食飯（限食用時間兩小時）疫情這幾年我平時已經好少咁夜食飯，今次第一次咁夜食😜一坐低就那那林攞張餐牌，四個人叫咗六個招牌小菜，我最想食「楚撚記小炒王」和「鑊氣豉椒炒蜆」，朋友最想食「酥炸黑松露芝心手工乒乓球牛丸」和「蜜椒薯仔牛柳粒」，其他仲叫咗「香煎黑松露手打蓮藕墨魚餅」和「馬拉戔炒時蔬」，超開心完全没有失望，真心覺得碟碟小炒都超好味😋最基本色香味俱全且不太油膩，份量足料👍🏻價錢合理👍🏻我地仲叫咗「杞子龍眼菊花蜜」熱飲☕️仲有兩個靚仔🍚🍚☺️另外侍應服務態度也好好👍🏻唔會因為忙碌以劈碟餸落張枱，加分👍🏻四個人叫咗六個小菜諗住食唔晒打包，但因為碟碟都太好味所以全部清晒🤣😂😂希望下次再去又可以試吓其他小菜👏🏻👏🏻很滿足的味道

難得 出色 炒飯蛋白蝦仁帶子炒飯土瓜灣好多舖頭已經收舖11pm 仲可以有宵夜可能因為咁所以都仲有好多客生啤比較貴但ok下次想試下午餐 睇睇其他是否一樣出色店員服務有禮人手都充足