楚撚記大排檔 (寶光大廈)

營業中

休息中

最近去咗人氣大排檔✨楚撚記✨食晚飯，真係好熱鬧！呢間餐廳永遠都係滿座，食物選擇多到你眼花撩亂👏🏻👏🏻網上睇到好多人推介，無怪乎全場都咁多人！價錢又唔貴，份量又足，最啱朋友聚會一齊食。餐廳內部設計好有港式大排檔嘅feel，環境又乾淨😚**脆皮炸豬手 - $166** 呢道菜真係一絕！外面酥脆，裡面嫩滑，皮膚好crispy，肉質又鮮美，搭配佢哋特製醬汁，味道升華到無得輸。份量又多，食完真係好滿足😍**椒鹽鮮魷 - $108** 呢個真係好有驚喜！鮮魷口感彈牙，椒鹽味道恰到好處，食得好開心。**猴頭菇蟲草花煲豬骨湯 - $118** 呢個湯真係特別好味，猴頭菇同蟲草花煮出嚟嘅滋味濃郁，口感一流，最正係完全冇加味精。每張枱都有人點呢個湯，份量足夠分五碗，作為愛飲湯嘅我，真係好中意呢個味道。最後仲送咗紅豆沙糖水，煲得又沙又正😍總括來講，楚撚記真係一個唔可以錯過嘅好地方，無論係食物定環境都超級推介！

早兩日同朋友去咗食小菜，店內裝修十足舊時港式大排檔格調，叫左幾道招牌菜，估唔到食出驚喜香煎黑松露手打蓮藕墨魚餅呢個墨魚餅真係無得輸，一上枱就聞到陣陣黑松露香，煎到外皮香脆，咬落去夠哂彈牙，入面仲有蓮藕粒，增加咗爽脆口感，食落唔會覺得膩，夾雜中間墨魚鮮味同黑松露香味，整個味道即刻變左高級版街邊墨魚餅，必試!椒鹽九肚魚九肚魚炸得啱啱好，外皮酥脆薄身，入面魚肉依然保持到嫩滑，椒鹽調味唔會太鹹，仲帶少少蒜香同辣椒碎，好惹味，送啤酒真係一流，愈食愈停唔到口菠蘿拔絲咕嚕肉（梅頭）好少地方會咕嚕肉同拔絲分開，梅頭豬肉肥瘦適中，炸到外脆內軟，個酸甜汁調得啱啱好，唔會太甜，夾少少拔絲一齊食增添多個脆甜口感，原來咕嚕肉當中仲有脆粒焦糖脆脆，食完件咕嚕肉再食返粒焦糖脆脆好過癮，之後再食返舊多汁菠蘿同蜜桃解咗油膩感 楚撚豬油撈飯懷舊豬油撈飯簡單得黎又超級邪惡，倒入豬油香到不得了，撈埋豉油同飯，每一啖都係童年回憶，加咗少少蔥花食香氣更濃，細細碗兩份食夠哂最後點都要叫杯楚撚記冰凍大檸茶解渴解膩先至圓滿呢幾道菜樣樣都夠鑊氣，味道正宗得來又有少少創新，價錢合理，絕對會再encore，值得一試

最近鍾意咗食大排檔，平靚正又有鑊氣，最緊要氣氛夠熱鬧，有冷氣更加食得開懷啲。土瓜灣 楚撚記大排檔，裝修充滿懷舊風，坐得舒服，性價比高，長期人氣高企，排隊等位是必須的，也是值得的。另一個賣點係唔收茶錢，唔收加一服務費，仲要有抵食晚餐，這次我來到楚撚記，點了幾道招牌菜。沙爹粉絲金菇牛肉煲 $105 牛肉煲的賣相十分誘人，金菇與牛肉的搭配讓人垂涎。牛肉煮得剛好，嫩滑多汁，沙爹醬的香氣恰到好處，粉絲吸收了湯汁，口感滑順，整體非常滿意。楚撚記小炒王 $108 色彩鮮豔，食指大動，各種食材的搭配相當豐富，韭菜花炒得火候適中，腰果、蝦乾、銀魚仔、保留了食材的鮮味。特別是蝦仁和韭菜花的口感，食落清新，是一個不錯的選擇。菠蘿生炒骨 ($98)菠蘿生炒骨誠意十足，酸甜菠蘿，嫩滑排骨，排骨炸得外脆內嫩，菠蘿的清香增層次感，非常好吃。特式乾炒牛河 $95 牛河的賣相簡單卻不失精緻，河粉炒得香滑，牛肉的份量也很足。調味恰到好處，讓人回味無窮。每一口都能嚐到炒鍋的香氣，配搭埋傳統辣椒醬十分過癮。陳皮紅豆沙綠豆清心丸凡惠顧晚餐，每位客人敬送是日糖水一碗，記得食埋糖水先好走啊！餐後完美選擇，紅豆沙香濃，陳皮的味道為

之前去完荃灣楚撚記食，一直對佢地嘅味道念念不忘，今次就約埋朋友到位於土瓜灣嘅楚撚記，繼續食好味道!呢間分店面績非常大，坐位都好多，當日夜晚9點幾去到都仲係好多人等位!餐廳嘅裝修都係以舊香港為主，非常有氣氛!今次因為朋友唔太舒服，所以食嘅野都比較清，但係都唔阻我地嘅雅興。猴頭菇蟲草花淮山螺頭煲豬骨湯，我地叫左小煲嘅份量，夠哂2-3個人飲，每人都可以飲到大概2碗!湯入面有不少湯料，包括粟米、蟲草花、豬骨、淮山、紅蘿蔔等，湯嘅味道非常鮮甜!另外仲附有鹽同豉油，俾我地加落湯或點湯料，非常體貼。三色蒸水蛋，三色蒸水蛋分別用雞蛋、皮蛋受咸蛋製成，水蛋非常嫩滑，雖然加入左咸蛋，但味道又唔會太咸，用黎送飯一流!菠蘿拔絲咕嚕肉，咕嚕肉份量都幾多，咕嚕肉唔會好多粉，而且唔會好多骨，食落啖啖肉，醬汁酸甜程度剛剛好，加上仲有三色椒、菠蘿同埋核肉一齊炒，食落酸酸味味又夠鑊氣，夠哂開胃!豆漿杞子鮮腐竹浸時蔬，佢嘅時蔬可以自己揀選，我地揀左菠菜! 菠菜夠嫩身，腐竹味道夠濃，仲用上杞子同埋紅棗一齊煮，夠哂健康!金沙黃金白飯魚，白飯魚炸完之後，再用咸蛋黃醬炒過，味道咸香又脆口，十分惹味!懷舊豬油撈飯，呢款係可以自己調節

最近我有機會到土瓜灣的楚撚記用餐，這裡以其獨特的港式小炒和煲湯聞名。與朋友一同前來，我們點了幾道招牌菜，期待能品嚐到他們的精華。首先，我們試了楚撚記小炒王。這道菜色香味俱全，炒得恰到好處，食材新鮮，特別是肉類的醃製入味，讓人一口接一口。配上豐富的配料，包括魷魚、白飯魚、蝦乾、花生和腰果讓人對這道菜讚不絕口。接下來是啫啫雞煲。這道菜的汁濃郁，雞肉鮮嫩多汁，搭配上香菇和蔬菜，充分釋放了雞肉的鮮味。煲中的啫啫聲更增添了食欲，讓人忍不住想要再來一碗白飯，將汁一併享受。猴頭菇蟲草花淮山螺頭煲豬骨湯是我們的下一道選擇。這道湯的味道清甜，豬骨熬煮得非常入味，湯底清澈見底，喝上一口令人感到心靈的慰藉。猴頭菇的口感特別，增加了湯的層次感，而蟲草花和淮山則為湯品增添了健康的元素，讓人感到滿足。最後，我們點了港式燈籠滷味，包括墨魚、火雞腎和生腸。每一樣都滷得入味，特別是墨魚，口感Q彈，讓人欲罷不能。火雞腎的味道獨特，搭配特製的滷汁，更是讓人驚喜。最後餐廳仲送咗糖水俾我哋，一碗係紅豆沙，另外一碗係清心丸，食埋糖水真係非常滿足。整體來說，土瓜灣楚撚記的用餐體驗給了我很大的滿足感。無論是小炒還是煲湯，所有菜式都展

前幾晚約埋班朋友仔黎咗楚撚記食大排檔小炒🍻雖然已經係第二次黎食，但係食物質素一樣咁好，務必要將呢間餐廳推薦俾每一位想嘆住冷氣食小炒嘅朋友！😍今次我地嗌咗好多碟餸，以下幾樣係我地都大推仲想encore嘅：😋✨菠蘿拔絲咕嚕肉（梅頭） 🍍🍖呢道咕嚕肉真係超級正！梅頭肉質嫩滑多汁，炸得香脆但唔會過火，咬落去好有嚼勁😎配埋甜甜酸酸嘅菠蘿同拔絲糖漿，味道層次豐富，食到停唔到口❤️糖漿掛住咕嚕肉，個口感甜甜鹹鹹，好開胃。每一啖都係夏天小炒檔必食之選！✨西檸煎軟雞 🍗🍋軟雞煎得香脆又嫩滑，外皮帶點微微焦香，肉質非常juicy😍淋上酸酸甜甜嘅西檸汁，提升咗整體嘅清新感，仲好開胃添！味道唔會太重，啱晒想輕鬆食嘅朋友仔🤪每口雞肉都帶住柑橘嘅香氣，夏天食特別舒服，絕對係每次必點嘅招牌💯✨蜜椒薯仔牛柳粒 🥩🥔牛柳粒切得啱啱好，軟嫩唔韌，炒到啱啱好熟透，仲保留牛肉嘅鮮甜🥩配埋香口嘅蜜椒醬，味道濃郁但唔會辛辣過火，令人成日想多食啲。薯仔炸得外脆內軟，吸收晒醬汁，好惹味！🤤牛肉同薯仔嘅配搭好特別，令人食落好滿足！！✨ 金沙黃金白飯魚 🐟✨今次食到嘅白飯魚整得幾得意，外層包住咗鹹蛋黃醬，有啖啖金沙香，好香口😍魚肉炸得香脆

餐廳位於土瓜灣站附近，人氣旺盛，經常座無處席。門面不算大，但裏面卻很深，可以容納數十枱。霓虹燈飾，舊式鐵閘裝飾，充滿七、八十年代香港情懷。座位也較寬敞，枱與枱之間亦算闊落。餐牌上都是傳統港式粵菜，掃碼下單，幾分鐘便上菜，效率非常高。“原隻脆皮炸豬手”原隻豬手去骨起皮，份量不少。豬皮烤得脆卜卜，非常香口。豬手肉肥瘦適中，有火腿的鹹香，沾上附設燒肉醬更惹味。“京都骨”選用上乘腩排，七三比例，肉質爽口彈牙，加上酸甜芡汁，味道調校得宜，每一口都好滋味。“枝竹火腩豆腐煲”原煲熱騰騰上枱，材料豐富，有火腩、炸豆腐、枝竹、冬菇、西芹等。火腩份量不少，肉質彈牙，富口感，豆腐枝竹亦非常入味，配飯吃最合宜。餐廳有海報提醒顧客晚飯之後送糖水：“清心丸綠豆沙”不太甜，清爽怡人。“陳皮紅豆沙”有陳皮香味，紅豆起沙，製作認真。好滿意一頓富懷舊風情晚餐。

楚撚記大排檔以傳統的大排檔風味、品質穩定的港式小炒和舒適環境著稱。餐廳充滿香港本土特色，適合家庭和團體用餐。椒鹽鮮魷口感十足，外脆內軟，椒鹽和蒜香味突出，帶有少許辣味。非常惹味，瑤柱肉鬆蒸水蛋口感滑嫩，味道鮮甜而不膩，瑤柱的獨特鮮味和肉鬆的鹹香相結合，是一道簡單但非常美味的家常蒸蛋菜餚。京都骨用腩排做，炸過的腩排外酥內嫩，醬汁裹住肉塊味道酸酸甜甜，鮮美多汁有口感。鮑汁海皇福建炒飯帶有芡汁的濕潤口感，加入鮑汁和多款海鮮後，味道會有海鮮鮮甜和鮑汁的醇厚。飯後有糖水送，紅豆沙本身口感細膩甜美，帶有濃郁的紅豆香氣和奶香。

📍楚撚記［土瓜環人氣港式大排檔］香港大排檔極多，但想去一間開得夜、有水準又乾淨企理嘅，選擇就相對少得多，今次就黎到楚撚記嘅土瓜灣分店，晚上十點黎到依然高朋滿座𓌉◯𓇋 原隻脆皮炸豬手 $166 - 份量十足，豬手外皮亦炸得好脆口𓌉◯𓇋 西楚霸王雞 $158半隻 - 雞肉相當嫩滑，配上調味豉油非常惹味，但表面炸蒜唔香口同太乾，影響咗整體嘅口感𓌉◯𓇋 沙嗲粉絲金菇肥牛煲 $105 - 濃濃沙嗲味加埋鮮嫩牛肉極送飯𓌉◯𓇋 魚香茄子煲 $96 - 茄子好惹味，但稍為偏鹹𓌉◯𓇋 沙拉骨 $105 - 排骨件件多肉，上粉炸亦都冇過火，但係個沙律醬好似求其擠上去咁，而且味道都唔係好夾𓌉◯𓇋 啫啫芥蘭煲 $88 - 芥蘭用蝦醬配啫啫煲上，一上枱已經香味四射，芥蘭火喉啱啱好，蝦醬味亦唔太鹹𓌉◯𓇋 豉油皇銀芽炒麵 $82 - 炒麵炒得夠乾身同唔油膩，加埋辣椒醬食一流𓌉◯𓇋 腐竹糖水沙冰 $38/杯 - 極香腐竹糖水味，天時暑熱黎返杯沙冰，解渴又解暑𓌉◯𓇋 楚撚冰凍大檸茶 $38/杯 - 特大杯裝，一杯夠飲成晚，茶底亦夠香濃

事隔幾年再次返返嚟食，佢嘅餸菜依然都係咁有鑊氣，今次再翻炒薯仔牛柳粒同埋拔絲咕嚕肉，仲keep到當年嘅水準，咕嚕肉可以做到外脆內有肉汁，甜酸度比例啱啱好，而牛柳粒醃唔炒得太老，認真抵食

這間食店於荃灣也有分店，但位於土瓜灣這間就首次光顧。整體感覺：地方寬敞，裝修有懷舊氣氛，餐牌選擇琳瑯滿目。我們選了西檸煎軟雞，這款菜式要煮得好食真的不容易，但這裏煮得十分好吃，把雞的皮煎得脆脆的，加上甜中帶酸的芡汁，吃起來很有口感。另外，椒鹽九肚魚亦十分出色，九肚魚已經去骨，啖啖肉，加上外皮脆脆，最適合用來佐酒。我們還叫了一個涼瓜炒牛肉，雖然是家常菜式，但炒得很有鑊氣，牛肉有牛味，又不會太韌。由於叫了啤酒的緣故，我們再點了一個七味黃金炸一口金磚豆腐，細細粒，一啖一口，豆腐炸得金黃香脆，非常美味。總括而言，這裡是食小菜的上佳之選。

以為好食🤨在馬頭圍道舊舖已經人山人海，搬咗去新鋪之後發現冇舊鋪咁誇張。 昨晚人少等位，等咗25分鐘入去場內嘈吵，見有多位待應，拎住張枱號飛問待應冇回應，塲內QR code落單，侍應越叫越沒有反應，沒有幫忙添加茶，要碗的話自己去拎，最主要食物質素不是大家評價的高，👎👎👎👎非常唔夠熱已經 No next time…

🔶🔷🔶經典中經典 楚撚記你一定有聽過🔷🔶🔷。土瓜灣大名鼎鼎嘅楚撚記相信大家都有聽過，我自己都係多年捧場客，由舊鋪食到新鋪，環境乾淨企理左，食物質素都一樣keep得到。香煎黑松露手打蓮藕墨魚餅（$118）黎親我都要食呢道招牌菜，幾樣食材互相輝映，唔洗沾任何醬汁都已經好好味，送啤酒一流。菠蘿拔絲咕嚕肉（$119）另一招牌菜咕嚕肉耐唔食就會掛住，拔絲好似藝術品咁放係旁邊，咕嚕肉大大碟仲有唔少菠蘿同蜜桃，我鍾意將少少拔絲放上咕嚕肉一齊食。西楚霸王雞- 半隻（$158）霸王雞其中一個重點係食蔥花，雞件連雞胸部分都處理得好滑。晚市係會有甜品送，當晚有清心丸綠豆爽或者紅豆沙，兩款都比大部分甜品鋪整得出色！

朋友想食大排檔，怕熱同驚坐得唔舒服，於是嚟到土瓜灣嘅#楚撚記大排檔 ，平日夜晚應該會少啲人，點知差唔多坐滿晒😂 店內嘅裝修充滿懷舊特色，有好多創意畫作同招牌，仲可以用黎打卡🤭 ，免收加一服務費，食完飯仲送紅豆沙或綠豆清心丸 送🍡🥢金沙黃金白飯魚上枱嗰陣時仲以為係魷魚鬚，食落肚先知系白飯魚，仲俾鹹蛋黃味包住，鹹鹹香香咁，冇絲骨之餘，炸得又香又脆，真係好正👍🏻👍🏻👍🏻🥢黑松露醬爆漿手工乒乓球牛丸咬一口，醬汁隨之而爆出來，帶著黑松露香氣，讓您一試難忘。🥢飛天通菜煲熱辣辣的！超濃郁既蝦乾味，同通菜好夾好好味！雖然冇辣到飛天，勝在惹味又夠鑊氣🤩🥢楚撚豬油撈飯 (碗)呢碗撈飯配料全自助，蔥，豬油同豉油的份量可自己控制，既食到香滑豬油，口感清新又香。太過邪惡喇!!🥢楚撚桂圓手工啤飲得出有少少桂圓味，易入口。🥢杞子龍眼菊花蜜(杯)

美味子最愛呢度既墨魚餅同粟米斑塊。不過今晚試咗幾款新菜，首先係豬大腸，爽脆得黎帶點嚼勁，真係大排檔經典！燕麥金沙蝦球係驚喜之作，外層燕麥香脆，蝦球裹上鹹蛋黃醬，O先生同我都搶食！楚撚冰凍大檸茶係必點，酸甜清爽，解膩一流，可以2個人share 飲。而楚撚豬油撈飯（復刻版）就係今晚嘅亮點！店員好細心教我哋點樣撈飯，簡單到極致但好食到想喊！拔絲波蘿咕嚕肉又係一個創意菜，酸甜嘅波蘿配上脆卜卜嘅咕嚕肉，外層仲有微微嘅拔絲糖衣，食到唔停口！飯後仲有免費甜品——紅豆沙同綠豆沙。因為太飽，我哋只試咗紅豆沙，點知竟然係驚喜！紅豆沙濃稠順滑，仲加入咗陳皮，甜度啱啱好又消滯，雖然係免費但質素完全唔馬虎，飲到一啖就覺得胃部舒服晒。總括黎講，楚撚記大排檔係一個集味道、情懷同人情味於一身嘅地方。無論係老饕定新客，呢度總有啲嘢啱你嘅胃！下次美味子我仲會再試其他菜開心share！