楊恩記麵家

營業中

休息中

水餃好過魚片原來東張西望真系好大影響力，本來話無乜生意，而家排曬長龍，本來話都系熟客，現在大部分都系其他地區特別來，但基本質量都真系吾錯，應該支持。服務(5分)— 系電視睇到乖女喊住話特別辭職幫老豆的故事，但個女真系就算忙到不得了都幾有禮貌，包辦下單，剪魚片，埋單等工作。— 坐低已經把筷子放系熱水杯，系雲吞麵鋪未見過。環境(3分)—一家傳統老粉麵店，算乾淨，—安排位置亦吾會太逼。性價比(4分)— 如果無講大話，真材實料，雖然分量比較少，都算值得。味道(4分)魚片(4分)$84— 因為一點幾都賣曬魚蛋，所以只有叫一份魚片過足癮，其實到我食完，連魚片都賣曬，排緊隊好失望走了。— 魚片仲有小溫，炸皮吾硬吾厚，有魚味，當然吾會好似平時食到果d咁爽咁其他味精味。水餃米(4.5分)$40— 因為無魚蛋，所以叫了哩個— 水餃只有三粒，真系以為幾貴，但食落皮薄同滑，連包邊都吾覺得厚，涵料有一隻大蝦同其他幾好味的配料，個人覺得難得啊。—湯底亦幾清甜。油菜(3分) $20— 正常啦，分量算多。努力啊！

屋企人睇完東張西望嘅訪問之後覺得呢一間嘅魚片魚蛋好吸引，所以專程嚟試一下。星期六中午嚟到，唔需要排隊直接可以堂食。我哋嗌咗三款唔同配搭嘅粉麵，不過因為有朋友識同我反應佢嘅魚片一般，所以我哋都冇專登叫一條嚟食。1.魚片魚餃麵2.雲吞魚餃粗麵3.魚片墨丸河粉總體嚟講魚片胡椒味比較重，算係彈牙，但未至於食完好回味。佢嘅墨丸比較特別，幾重芫茜味，諗起食點心嗰種牛肉球嘅感覺。雲吞同魚餃就正常發揮。但我哋都覺得份量比較少，而午餐嚟講食完一碗唔夠飽。電視訪問提到佢哋嘅堅持，我覺得係值得支持一下，不過味道方面又未值得我再次回訪。

今天特意同家人過嚟幫襯此店，因先前報導過師傅自己一手主持麫檔，而他的女兒也出嚟幫手，支持父親。我好欣賞這份人情味。店舖只有3個人，父親負責厨房，女兒及另一伙記姨姨負責店面堂食及外賣。3個其實好有默契，有時發現某些打樁位，女兒及伙記姨姨会識通知厨房優先主理那些訂单。店舖不大，要耐心等侯食物。但食物及服務也非常好。店面兩位好有禮貌，做到冇停手。至於在厨房，爸爸主厨.，見他又切鱼蛋片，又煮麫....忙得不可開交，但你细心留意他們三人，係好有 heart 同好比心機去經營。而且價錢合理，一點也不是因為略有名氣而貴價。我們三人叫了菜心，牛筋鱼片河（＄56），鱼片，鱼蛋麫（＄42），牛腩麫（$46).牛筋，牛腩好冧，好味道，而出名的魚片，魚蛋確實名不虚傳。口感真的有別於出面吃開的魚片，魚蛋那麼死實。我忘記映相，但也寫下食評，推介给大家去光顧此店。😁👍👍

大年初七要到西環辨點事，辨完事揾間小店鋪吃下午茶。揀咗一間街坊麵店「楊恩記麵家」，小店鋪尚算整潔。服務員為我們遞上一杯熱水，熱水浸著筷子與匙羹，真的很有上茶樓飲茶的風格，這是我才第二次在餐館遇上，可以讓我們清潔筷子與匙羹作清潔，說實話，我是樂意此舉服務。選擇了牛腩麵與牛筋麵，湯底很濃郁的牛腩湯味，不過鹹；麵質爽滑，沒有鹼水味，麵的份量也多，牛腩份量偏少，牛筋夠腍滑可口。大年初一到大初七，每款食品加收$5。

楊恩記位於電車路旁 每次路過都俾佢個牌匾吸引 今次終於第一次食 入到去見裝修簡樸 簡單幾張圓枱 牆上掛咗啲書法 大讚職員態度友善 入面食客大部分都係街坊 見到職員同食客互動 係一間人情味重嘅魚蛋粉 職員話佢地係每日新鮮製造嘅魚蛋魚片 唔怪之得好有鮮味 好味 而佢地嘅辣椒油非常夠辣 正 咁先係潮州辣油牆上都貼有溫馨提示提醒小心辣椒油辣度 鐘意仲可以買一樽自製辣椒油番屋企調味添呀麵食價錢都非常相宜 抵食又好食 期待下次試食埋佢地嘅牛腩麵潮州魚蛋粉 $38油菜一碟 $20

It was late and we noticed this place that served simple bowl of noodles with some people ordering a whole stick of fishcake. We found it a bit weird and decided to give it a try.Menu is in Chinese only. There is no English and not 10% service charge. Noodles are basically $40 and you can have two choices of ingredients for an additional charge.But this was the odd thing we saw a few tables eating. A whole fish cake, sliced.  On the menu it is $50-65 depending on weight. Ours came to $70. Person

楊恩記麵家西環西營盤德輔道西211-213號同興大廈地舖物價高企又通漲, 而家茶餐廳一個碟頭飯, 都要成$60-70,連一些常平民食材, 炒麵碟頭飯都要90元一碟, 更是只有5-6片細細的肉塊。把心一橫去粉麵好起碼人家更便宜, 筷子夾起上手有存在感。粉麵由$38起一碗, 淨食$2, 而淨牛筋/腩/雜都只是$90。點了碗淨雲吞,有6隻$40 , 仲可以額外加料, $20油菜同 $6 升級紫菜湯。雲吞細細隻，個餡是調得入味，點下辣油同醋好好食，加了紫菜的湯更是好喝，湯無加味精。炸魚片頭好出名，淨食一碟，認真彈牙，魚味重，好食

本身唔知有呢間粉麵，係最近搬左黎西營盤日日要搵嘢食先黎試下。一開始喺門口望望下，呀姐姐就出黎sell我食魚蛋河😂 我心諗魚蛋河都咁熱情sell?!😂 就入去試下啦，一試就愛上，日日晚餐都黎食，飲碗湯都抵呀！又懶得煮飯😮‍💨 其實我最鍾意食呢到嘅牛腩飯，但當時冇影底相😅 牛腩超入味，好淋唔痴牙！好耐未喺香港食過（可能我本身住大西北，冇啖好食掛🥲）另外魚片真心推薦！雖然唔平，但食得出冇落粉冇落味精，好食！嚟左幾次，炸魚皮都係冇貨！希望下次試到啦🫶🏻

餐廳位於西營盤電車路，地方就腳，上次嚟嘅時候牛腩賣晒，今日等完放學，時間尚早，一齊過嚟食番個港式dinner😄🙌🏻淨牛腩牛腩經過長時間燉煮，肉質鮮嫩軟糯，夠入味不膩口。湯汁濃郁醇香，帶有微微嘅甜味，我哋都幾滿意架😁紫菜湯清爽、微帶咸味潮州鮮炸魚片外皮炸至金黃咸香，內裡味道鮮嫩，口感彈牙，堂食完，我地仲外賣一條返屋企添！鮮蝦雲吞麵雲吞皮薄，Size唔算大，但包裹嘅蝦肉餡料都算多，蝦肉鮮甜彈牙。整體味道鮮美。魚蛋魚餃粉魚餃皮口感彈牙有嚼勁，內餡鮮嫩，唔錯！

第一次來貴店光顧，裝修不錯，員工服務有禮，超級好食啊叫了淨魚蛋和生菜🥬湯底好好飲啊下次試下雲吞同牛筋，又無味精，餐廳只收現金，大家要記得啊！一定會成為我的飯堂！

用腦讀書真係特別餓😂接阿囡放補習，一見到補習社對面開咗間新嘅粉麵店，就嗌哂肚餓，一於晚餐就喺度搞掂！餐廳燈光光猛，open kitchen食得安心。我哋order咗唔少款架！特別一提✨潮州鮮炸魚片，賣相誘人，外層金黃色，內裏彈牙，每一片魚片都充滿香氣，味道鹹香中帶有微微甜味🙌🏻高質！另外仲有潮州魚蛋麵、水餃貢丸粉、淨雲吞、紫菜湯～店家好熱情同我哋介紹，湯頭係由魚骨豬骨雞骨淆出湯，全部材料自家製，飲落甘甜，完全冇味精👍🏻水餃雲吞都好足料，賣相晶盈剔透，入口爽彈，吸收咗湯頭嘅鮮味，大人小朋友都好啱食！第日我哋放學醫肚，又一好去處🙌🏻

星期五lunch同同事出去食，當然食好嘢啦！我哋去咗呢間西營盤嘅粉麵檔，聽講佢嘅潮州鮮炸魚片好出名，兩個人嗌咗一條黎食，果然好驚喜😍😍😍先炸魚片用新鮮嘅海曼打成，啖啖肉，肉質好厚實😍師傅同老闆自己親手人手造成，新鮮出爐，無得頂！仲有好多人外賣返去打邊爐添，真係好好食呀😋😋榮升最好食嘅鮮榨魚片😍另外叫左個紫菜四寶河，份量好足夠，湯底好清甜，食落冇味精，一啲都唔口渴！老闆仲話佢係用足人哋兩倍嘅肉去煲成日湯，所以食落去新鮮啲，唔會口渴😋😋人情味滿滿嘅舖頭，下次一定會再嚟食😇😇