桂花小幸 (將軍澳廣場)

營業中

休息中

桂花小幸位於將軍澳廣場商場內，裝修間潔帶有田園風味，設有梳化卡位及長枱櫈。餐廳主打台式地道食物和特式飲品，餐廳供應高質套餐，性價比極高，餐廳經常爆滿。原盅燉湯湯時菜紅燒三寶牛肉定食(牛筋,牛腩,牛肚) $102今晚燉湯係冬瓜黃豆薏米煲排骨，燉湯清甜不膩，牛肉三寶夠入味又腍滑，再配埋娃娃菜湯更豐富。原盅燉湯湯時菜鹽酥雞扒滷肉飯 $84鹽酥雞扒有8大件，雞扒炸到外脆而肉質保持嫩滑，香濃滷肉飯夠入味。再加多兩隻鹵水蛋 $16。蜜桃烏龍多多(凍)(微甜少冰) $29鐵觀音珍珠鮮奶茶(凍)(微甜少冰) $29兩杯飲品都好大杯，烏龍茶味濃，珍珠又多，蜜桃又香微甜。

晚餐可以做到70蚊有找 包埋足料燉湯都係8 90蚊 超抵食！！😙✌🏻• 鹽酥雞扒滷肉飯 $59 🍚 3.9/5其實佢地嘅調味同做法都比較港式 鹽酥味老實講其實冇乜 可以當佢係普通炸雞扒咁睇 份量十足 雞扒唔算厚 肉唔會乾又韌 米飯粒粒分明 加埋有乾蔥 QQ肥豬腩肉 冬菇嘅肉燥 超好送飯！ yum yum😆❤️• 酥炸排骨麵（紅燒牛肉湯）$59 🍜 3.7/5最中意食呢度嘅酥炸排骨 同樣地佢並唔係台式個種酥炸排骨 而係吉列炸皮個type 每次食佢地嘅豬扒都係新鮮即炸 熱辣辣 脆卜卜嘅 反而麵就比較一般 湯底唔算太濃總結：個人最推薦係酥炸排骨滷肉飯！呢個combination係最好食der $60蚊晚飯 好味之餘係男仔都夠飽嘅份量 一個字：抵！🤩

實在好想去台灣，可惜無假期，唯有搵間台式餐廳止下渴，餐廳喺將軍澳廣場，裝修好有特式，超有台灣風味。鹽酥雞扒麵轉特濃蕃茄湯台式食品代表點少得鹽酥雞扒，炸得酥脆，超多肉汁，麵底軟硬適中，茄湯超濃郁，非常好食。滷水豆腐滷得好入味，唔會一夾就散。上湯浸時菜清甜鮮味，食完蒸炸野食就最啱。古早味滷水拼盤腱心牛肉，牛肚，雞翼，滷水蛋腱心牛肉都係餐廳其中一樣主打菜式，咬落好軟淋，配合滷水一齊更正，其他食材一樣滷得好入味，同埋唔會好咸。夏日水果茶滿滿既水果，甜度適中，消暑一流。

收銀員選錯收款方法, void 單也推三推四. 搞左成10 分鐘先肯做. 咁既服務態度真係餐廳應有? 食飯仲要受氣, 唔會再幫襯.裝修完後, 服務真係差左好多, 同以前差好遠. 佢哋真係要好自為之啦

💡抵食台式料理今日係同朋友係將軍澳做完運動，就當然要搵下有咩好野食，桂花小幸，座位闊落、食物份量大又抵食。🍽麻辣牛三寶🐂包含牛腩、牛筋及牛肚，牛腩炆得好入味，又軟又嫩，好容易咬開。牛筋亦都非常嫩滑，燜成啫喱狀，好有質感。而牛肚好彈牙，食落有口感。湯底非常濃郁，有種藥材味道。🍽滷水蛋牛腩雞肉飯🐂🐔牛腩份量都幾多，燘得軟淋，仲要係好入味，另外配菜有鹵水蛋、白蘿蔔、胡蘿蔔🥕生菜🥬等。而滷肉飯跟左好多雞肉且嫩滑無骨，醬汁香濃而不鹹，飯粒吸收左醬汁，拌飯吃十分美味。🍽椒鹽花枝丸時間岩岩好，熱辣辣唔乾身仲要係juicy。🍹仙氣柚子茶淡淡柚子味，好清新，岩曬夏天飲。🍹夏日水漾鮮果茶茶底清香，水果亦很新鮮，入面有菠蘿🍍、士多啤梨切片仲帶有莓子等，分清新！

桂花小幸耐唔耐都會想食台灣野， 今次又黎到桂花小幸食晚餐， 貪佢野食選擇多同埋環境坐得舒服。 平時經過都會買佢嘅手搖飲，味道都唔錯！今日我地叫左鹽酥雞滷肉飯原盅燉湯定食套餐同埋紅燒牛筋三寶台灣麵再加上湯時菜同涼拌貓耳朵。鹽酥雞滷肉飯原盅燉湯定食套餐本身套餐有燉湯同時菜， 燉湯足料好甜， 飲完唔口渴。鹽酥雞炸得岩岩好， 配番滷肉飯，還原番台式風味！涼拌貓耳朵酸酸辣辣好清新， 好啱夏天食用。紅燒牛筋三寶台灣麵湯底夠濃帶少少辣，仲有我鍾意食嘅牛肚牛筋。牛筋軟冧入味，牛肚爽口。台灣麵條舊煙韌。鐵觀音珍珠鮮奶茶呢個係我成日都買嘅項目，個茶底好香， 珍珠甜度岩岩好！蜜桃烏龍蘆薈夏天必定會加蘆薈， 清爽口感再加蜜桃烏龍好夾！

將軍澳廣場真係食肆林立 好多選擇舖位仲好大 好耐冇去台灣好想食台灣嘢嚟到呢一間餐廳真係選擇好多 價錢唔貴仲有台式特飲添 酸菜魚台灣麵第一次食 原來同台灣面好夾 魚份量都好多湯好入味 麵條非常彈牙酥炸排骨滷肉飯滷肉份量好多 配埋珍珠米好夾酥炸排骨炸到好香口 點沙律醬食 小食點咗煎餃子炸得唔錯餡料好多飲品方面點咗佢哋推介嘅蜜桃烏龍多多 係乳酸飲品你同蜜桃味好夾芝士奶蓋桂花烏龍茶好鍾意飲芝士奶蓋嘅嘢同桂花味好夾呢一餐我們食到好飽 價錢唔貴 唔夠七點就滿咗真係下次要早啲嚟

🌳酥炸排骨滷肉飯$64滷肉係台灣經典美食之一，就咁食都已經可以食成碗飯🍚炸排骨酥脆，超大塊一開始仲以為係上錯🤣🌳番茄花枝丸台灣麵$62轉咗做麻辣番茄湯，呢度嘅麻辣好啱我口味😝一定要試吓💕花枝丸大大粒又彈牙，台灣麵口感煙靭，回頭率勁高🥰🌳台灣烤香腸$35台灣香腸好好味😋切開薄薄一片好方便🌳酥炸甜不辣$28甜不辣口感好似魚蛋片，配獨特醬汁，後來試下點桂花醬又幾夾🤣🌳桂花雞翼$28炸雞翼配桂花汁，味道清新獨特🐔🌳夏日水漾鮮果茶$29水果茶茶味清幽，甜度適中，非常消暑🍎🌳純蜂蜜綠茶$19蜂蜜味香甜，綠茶味同蜂蜜嘅比例啱啱好🍯

成日經過桂花小幸都好多人排隊，唔止有堂食台灣菜，仲有台式手搖飲品🥢原盅燉湯湯時菜鹽酥雞排滷肉飯💰$84台灣菜必食滷肉飯，好多滷肉好好送飯，燉湯好夠味老火湯👍🏻🥢滷水雞翼米線💰$52要咗紅燒湯，味道微辣，滷水雞翼入晒味🍑蜜桃烏龍多多💰$29開頭以為全部係益力多會好甜，但原來加咗茶底，所以溝埋啱啱好，唔會太甜，有茶味又有益力多都係第一次飲，又有桃香好好飲🥤芝士奶蓋抹茶💰$27有抹茶香，加埋厚厚芝士軟滑奶蓋，鹹鹹甜甜咁🚩桂花小幸 (將軍澳廣場) (將軍澳) @cafebbc_mcp 📍將軍澳唐德街1號將軍澳廣場1樓L1-133 - L1-134 - L1-135號舖

好抵食既一間台式餐廳，有多款台式美食同台式飲品，係元朗都有分店。晚市仲有原盅燉湯套餐，晚市食飯時間都幾多人。🌟酸菜魚湯飯 $78酸菜魚同飯係分開，酸菜魚就只有魚片同娃娃菜，就冇寬粉個啲，魚片份量都幾多，魚片較軟滑。酸菜魚湯底唔會好酸，但就比較辣🌟蕃茄濃湯水餃 $52/8隻佢地都有自我制既水餃，有4款湯底可以揀，要咗酸酸甜甜既蕃茄濃湯，仲見到粒粒蕃茄碎。水餃都幾大粒，皮唔會太厚，餡料都幾多，調味適中。，🌟古早味滷水拼盤$68有滷水雞翼、牛肚、雞蛋同牛展，全部都煮得好腍，牛肚都唔會好難咬，仲要好入味，滷水汁帶少少甜味，又唔會好咸🌟仙草凍鮮奶 $32🌟黑糖仙草凍鮮奶$32 有好多唔同款式既台式飲品，仙草幾滑，黑糖仙草凍鮮奶唔可以走甜

第三次食呢間嘢，每一次都係飯腳話想食，每一次都覺得好普通🤣今日糾結緊食呢個煲仔塔香三杯雞（$73）定係麻辣米線，最後揀左前者menu寫要等十五分鐘，但好快已經黎到，同朋友叫嘅鹹酥雞排麵（$64）同步上一上菜好似好吸引有個煲熱辣辣，但其實d雞超級大舊，個皮好乾，入面無味，sosad🥲個湯就有d菜幾好，但偏鹹🫤最鍾意都係杯野飲，梅子綠茶（+8）半糖啱啱好🤤鹹酥雞好味啲，今餐全靠佢食得開心返小小，另外叫左沙律醬但佢地無，點千島醬都唔錯～坐左兩個鐘都無俾人趕走，普通食餐晚飯唔加一，$100以內都算係咁美味指數：❤️‍🔥❤️‍🔥抵食指數：❤️‍🔥❤️‍🔥❤️‍🔥覆桌指數：❤️‍🔥

朋友去台灣旅行後，跟我到這店聚聚，派派手信，感受台灣台式菜長期滿座，要早些來排隊，人非常多點單要自行出去收銀處點菜，回座再等餐到紫菜貢丸湯小食，價錢吸引，味道很棒鹽酥雞扒雞肉飯雞肉嫩滑，在白飯上，肉味就較為香口，主菜選一款，另附送涼拌及燉湯。餐廳有健怡雞肉飯可以選擇，相對上比肥肉比較少，也很健康！黃金雞扒皮脆肉嫩多汁，惹味，感覺好好。原盅燉湯定食套餐晚市最令人期待終於回歸，滋潤原盅燉湯，地道台灣之滋味，暖心滋味！選擇也是不同的燉湯有海底椰蘿蔔粟米，足料，潤肺益氣，化痰生津 炸排骨台灣面招牌貨台灣面，是正宗台灣感，好吃入味，紅燒牛肉湯底入口辛香，配上幼滑的面，吸湯！酥炸排骨，炸得金黃香脆，表面很香，滿滿滋味多層味道更添滋味。台式味道很濃，裝修很好，每一個句子也令人窩心。有卡座，晚市套餐不貴，又有燉湯附送，最好別錯過是店子特飲，價格很抵！不加糖、在冰涼的飲品，濃郁，醇厚感大。

天氣麻麻地，今日留係商場入面行街食飯。將軍澳嘅商場一個連住一個，選擇都幾多。呢間桂花小幸有卡座，晚市套餐唔貴之餘又有燉湯附送，亦可加配特飲，價格相宜。是日燉湯有海底椰蘿蔔粟米，十分足料，潤肺益氣，化痰生津，相當養生😌🌷原盅燉湯時菜 滷水蛋牛腩滷肉飯牛腩有4件，份量唔少，味道偏清淡。滷肉以豬肉加香濃醬汁，送飯一流。今日配上湯娃娃菜，令整個餐更均衡營養。🌷原盅燉湯時菜 煲仔塔香三杯雞定食以煲仔上嘅三杯雞就較為香濃，雞肉煎至金黃，雞皮炒出油香，利用塔香做香料，增添風味。🌷桂圓蘆薈菊花茶 特飲有非常養生嘅花茶，一邊飲可一邊食到桂圓同埋蘆薈粒，非常豐富。🐷🛎️必試指數：8/10🔆

🚩桂花小幸（將軍澳）依家想試好耐，平時次次路過，見到好多人，覺得好似要排好耐，咁所以一直都冇食過今晚終於扚起心肝去排隊，8:00去到排10張二人枱，只係排咗15分鐘你想像中短時間，唔錯唔錯1️⃣麻辣牛肚麵今次只係嗌咗小辣俾老公食，辣味嘗辣，牛肚爽，麵質彈牙2️⃣即煎鍋貼外皮超脆，餡料肉質完全冇流失，好香3️⃣鹽酥花枝丸好大粒，外皮炸粉雖然偏厚，但係都冇減分，入面真係有原粒花枝，唔會剩係得粉，係我好鍾意嘅口感4️⃣紅油抄手呢個係蒸版嘅鍋貼，雖然好似，但各有特色5️⃣台式香腸皮唔起完全唔韌，香腸肉好軟熟，但香煎過又有啲香口、食唔停口6️⃣黑糖珍珠奶茶黑糖味有少少偏甜，但可接受7️⃣芝士奶蓋阿華田最近同公司同事成日提起沖美樂啊，阿華田呢啲飲品，就嗌杯阿華田試吓，完全係細個飲阿華田嘅味道好香滑，再配上芝士奶蓋，兩個味道好夾鍾意店內嘅特色語句有特色，不過如果空間闊落🤏🏻🤏🏻食面唔怕同隔離位手踭撞手踭就舒服晒P.s落完單先發現唔記得點雞排，不過好彩無嗌，因為都可能食唔晒🤤味道🤤： 4/5🏝️环境🏝️：4/5💵抵食💵：4/5💁🏼服务💁🏼‍♀️：4/5

🥰充滿台灣文青氣息, 裝修簡潔, 食店唔算太大, 但座位舒適夠空間感, 自助形式點餐非常方便, 點餐後, 店員會送餐上枱🧑‍💼🍜台灣菜一向唔少得麵食、滷肉飯及地道小吃, 呢間食店完全滿足晒想食台式地道菜嘅口味😍✨古早味滷水拼盤 $68鹵水汁煮得好入味, 非常足料😋✨酥炸排骨滷肉飯 $59大塊肉厚嘅豬扒, 炸得香脆唔油膩, 有嚼口感, 足料嘅滷肉, 肥瘦度適中, 撈飯一流😋✨三盛牛肉米線（養生湯）$75包括牛筋、牛腩及牛展肉可惜店員告知台灣麵今天已經沽清, 改咗要米線, 結果沒有失望, 米線口感軟硬度適中, 掛滿濃濃嘅養生湯汁, 非常滋味, 牛腩及牛筋炆得軟淋😋🧋跟主食餐飲+$15台式特飲, 仲有甜度及冰塊嘅多少可選擇👍🌼桂圓蘆薈菊花茶濃香菊花味, 清甜滋潤🫘日式紅豆抹茶濃郁嘅抹茶充滿奶香, 粒粒紅豆軟綿, 完全可以滿足咗想食餐後甜品嘅慾望😍