松屋 (仁信大廈)

營業中

休息中

這是第二次去。除了飲咖啡外，便是食souffle,上次食原味，今次試了綠茶。其實是有水準的小店。份量夠，綠茶味濃，texture 也好好，夠熱，沒有凹咗下去那些造得不好的souffle。等了廿分鐘左右，送到枱上，一食下去，同我想像中一樣，很好，無失望。咖啡也很大杯，souffle 連咖啡做下午茶，绝配！兩人也只是$138.這店是一對年輕夫婦經營，因限聚令只可兩人一枱，本來全店只有一枱客，到我們走時，已坐滿。替這勤力的兩口子開心。他們是有心人，走時，他們還對我們說最重要是我們食的開心，滿意，他們已夠！太好，要支持。我一定會再去這“有心”的小店。

松屋係一間以抹茶甜品岀名嘅日式甜品輔，睇返先知道都幾受西環地區少女們嘅歡迎( ・∇・)近日岀咗招牌甜品抹茶卷嘅焙茶版！住九龍區嘅我都一定要過去試吓！入到去裝修都幾有心思，雖然地方唔大但係都坐得舒服嘅, 而且我個人幾鍾意舖頭裝飾同顏色都比較鮮艷，影相tune下顏色都幾靚打卡friendly(*ﾟ∀ﾟ*) : 📸📸📸/5Price💰圓焙茶卷配白玉十勝紅豆 —— $55(好香焙茶味^o^整個甜品偏甜但係唔會過分，我適合女仔嘅口味\(//∇//)\)冰焙茶 ——— $35(本身以為勁平平無奇嘅一杯茶，反而令我最心感受！有淡淡的甜味去襯托陪茶嘅香味，比起其他貴啲舖頭更加值得試!依家諗返起都好想再喝(*'▽'*))推薦值💡:⚜️⚜️⚜️⚜️/5以甜品店來講非常值得！而且價錢都親民，$50左右已經可以食到近期好Hit嘅甜品🍮唯一考慮就係員工服務唔係咁積極，我自己去嘅時候覺得有少少尷尬(*´-`不過以水準和環境來講冇得挑剔(≧∀≦)

北海道牛奶梳乎厘配雲呢拿雪糕Hokkaido souffle with ice cream😍Totally love the souffles here! 😍 They were so fluffy and the milk flavour wasn't too strong. Mild sweetness and they matched well with the vanilla ice cream! Look at how tall the souffles were! I got the buy one get one free discount, so it was such a great deal! Remember to eat quickly before the souffle cool down😍Taste: 4/5Service: 4/5Environment: 3/5Revisit: yes

雖然外表睇落好普通但食落有水準。焙茶卷好香焙茶味，焙茶拿鐵都好濃，落足料好飲過其他餐廳。抹茶同黃豆粉決餅都好食有咬口但我媽話如果更Q彈會更好。有水準嘅甜品店難怪不斷有客人支持，見有好多對情侶去食。

餐廳：松屋 (西環)地址：西環西營盤第三街142-150號仁信大廈地下F號舖松屋係一間主打日式抹茶甜品同飲品嘅小店，雖然店舖唔係好大，但係佢地嘅裝修雅致🧸，仲有唔少書本、裝飾同掛畫🖼焙茶芝士蛋糕 $55原本諗住試佢哋嘅焙茶卷，但咁啱賣晒🙈，所以就試咗佢哋嘅焙茶芝士蛋糕🍰，本身以為佢哋嘅焙茶或者芝士味會好突出，點知佢哋嘅balance又做得幾好😎，絕對唔會太濃/太膩。焙茶係香港興咗一段時間，唔知你對佢又有冇了解呢？原來焙茶喺綠茶嘅一種分類，經約200度高溫煎炒烘焙而成🔥，所以顏色較深亦較濃烈，同時因高溫處理過嘅關係，咖啡因含量都比較低👍🏼抹茶拿鐵 $38抹茶同綠茶唔同，製成需要經過蒸煮、烘乾、研磨等部分，所以價格會比較貴，而為咗等茶葉可以製造更多葉綠素🌱，農夫會減少茶葉被陽光直接照射，所以抹茶嘅顏色會比較鮮艷綠，亦無咁苦澀。雖然抹茶嘅咖啡因含量較高，但因為入面含有茶氨酸，反而有鬆弛神經同舒壓嘅作用🥰，岩哂我呢啲鍾意飲咖啡、又想放鬆嘅都市人飲

行左好耐，搵左好耐先搵到仲有間開緊嘅甜品店～就叫左感覺最好食嘅抹茶心太軟試下🙈⠀⠀🍵日本蕨餅抹茶心太軟伴抹茶雪糕🍦 $65⠀✤ 有流心效果🙆🏻‍♀️ 啲抹茶漿都幾多😂一切開就好似泉湧咁傾瀉出黎⠀✤自己覺得個抹茶漿個味都幾香濃，都重抹茶味～而且甜味適中～唔會死甜，而抹茶嘅回甘味又唔會好苦，同我地平時食開好食高質嘅心太軟同一個甜度😆 ⠀✤心太軟同雪糕真係perfect match🥰因為有冰火效融嘅感覺🥰 不過我自己就覺得心太軟個抹茶味濃度高過抹茶雪糕～所以自己就覺得心太軟比較出色😂⠀✤抹茶蕨餅同白玉就正常質素😂同雪糕食真好match,可以唔洗咁dry，得心太軟食🙆🏻‍♀️可以不時換換口感味道🥰((其實好有以前食緊某間L_g-on入面甜品甜嘅抹茶雪糕杯個feel😂))⠀⠀Overall我都覺得唔錯，但個人就覺得未到驚艷🙈 正常好味嘅水平😆但去開嗰頭又想食甜品嘅，不妨可以試試☺️⠀⠀

之前大食妹同大同去左西營盤食晚飯, 食完飯梗係要食埋甜品至夠圓滿嫁嘛大食妹search到附近嘅松屋, 睇個menu啲野食都似模似樣, 就入去試下<日式蕨餅抹茶心太軟伴抹茶雪糕>大同係抹茶控, 嗌左份抹茶心太軟上抬嘅時候抹茶雪糕小溶係抹茶心太軟度, 望住就好有食慾切開心太軟, 流心嘅抹茶醬傾湧而出心太軟係熱辣辣嫁, 配上冰凍嘅抹茶雪糕, 係冰火中嘅享受抹茶味超級濃郁覺得有啲甜膩嘅時候, 食埋側邊啲日式蕨餅同白玉就啱啱好啦<北海道牛奶梳乎厘(原味)伴雪糕>大食妹就嗌左空氣感十足嘅北海道牛奶梳乎厘呢種彈彈又軟棉棉嘅甜品食落唔會好heavy, 而且唔會太飽, 最啱食完飯去食雪尼拿雪糕甜度就比較高, 食落好creamy

同朋友兩個人叫咗個抹茶心太軟同牛奶梳乎厘，食物好食的，但服務態度可以以差劣形容。女店員在我地未食完的情況之下掉張單過嚟，話「外面有人等緊」，但我哋根本未食完啊，而且一開頭亦無提過有限餐時間，之後仲試圖想收我地未食完嘅甜品。唔單止係我地，左右兩枱，兩枱各自有5個人，都受到相同的待遇被趕。其實外面等緊嘅得兩個人，而且店內根本有空餘的兩人枱，只係嗰張係女店員坐開嘅櫈，同埋放咗啲店鋪嘅碗，可能因為咁趕我哋走掛🤷🏻‍♀️食物係好食嘅，不過很抱歉呢種趕客態度真係令人卻步。

終於來到這店。看了餐牌，有很多抹茶甜茶可選擇，又想食souffle, 又想食這店出名的抹茶丸久小山園抹茶卷，還有其它選擇，很好。入去，只有一個客，我們終於決定食souffle. 等了15分鐘左右便做好，看上去做得很好，高高的,souffle 發得剛好，不像那些拿到來已變型那些凹咗那些.，做souffle有一定的艱度，這店出品好有水準，滿意，好有經驗的chef，有souffle的質感,在香港地食到也不錯，很好。. 我們也叫了兩杯咖啡，大大杯。一件souffle 加兩杯咖啡，也只是$125. 唔貴。老板是個有心做好甜店的人，有志氣，要支持。

食完晚飯一路散步一路睇下有咩甜品好食，行到去西營盤第三街見到呢間餐廳，有d有特色的甜品，所以決定入去試下，見到佢個menu d 相都好吸引，所以叫左個推介的日式蕨餅抹茶心太軟伴抹茶雪糕，另外想食朱古力，所以叫左個朱古力流心梳乎厘（雲尼拿雪糕），製作時間都比想像中快，日式蕨餅抹茶心太軟伴抹茶雪糕有好濃的抹茶味，朱古力流心梳乎厘（雲尼拿雪糕）真係做到流心效過，兩樣甜品都食到我Lam Lam 脷，下次一定會試埋其他推介

屋企附近嘅甜品店寥寥可數，不過幾間都幾高質素，其中第三街果間由課室裝修嗰間轉手到而家松屋，真係正咗好多。甜品好食又大件，而且價錢仲好抵，老闆用心經營，大家係感受到嘅。餐廳而家剩係放假先做Set dinner，鹹食都賣埋，老實講質素都幾好，而家幾十蚊有湯有沙律有飲品，我地要左一個和風牛肉飯同燒鯖魚定食。牛肉飯味道ok，餸料都多，可改善嘅地方就係飯粒比較笠身。至於燒鯖魚定食，份量都幾多，我最欣賞係個汁定豉油好正，因為係有壽司醋嘅感覺。我女朋友最鍾意。基本上大部分甜品我都試過，係好食的，share Instagram post仲送雪櫃。抹茶心太軟好食，又有蕨餅同雪糕，不過流心程度再高啲話好，我次次都叫。最後今次試咗個火焰雪山，個樣好靚，雪山係有蛋白組成，下低就係布朗尼。個組合都ok，不過未必會再食，下次叫返疏乎厘。呢個簡直係我哋嘅甜品飯堂，絕對絕對可以Encore，推介啊👍。

日式蕨餅抹茶心太軟拌抹茶雪糕🍃($65)-係香港其實都幾少甜品店食到咁日式既甜品，例如蕨餅啊、日式芭菲啊、大量抹茶味甜品啊☺️，選擇真心花多眼亂。如果多幾個朋友黎就可以share食多幾款。司令試左佢既抹茶心太軟，一切開個流心做得好好，都算幾澎湃，上面仲有大大球既抹茶雪糕😏，抹茶味係有回甘既，但又唔會死甜死苦，對甜品黎講岩岩好，另外旁邊仲伴左幾粒蕨餅同白玉丸子，蕨餅軟糯，丸子煙韌，又多一番口感，令到整個甜品豐富左🥰。

西環區內不少用心制作小店。松屋也是其中想去的一間。黃昏入到店內，是一對小夫妻努力經營的小店啊。點了疏乎厘及厥餅。疏乎厘需要比較多的時間制作。但值得一等。坊間嘅甜品店亦唔多有呢款幼非常鬆軟亦甜度剛剛好。水準可比美外面嘅餐廳。厥餅的軟硬度剛剛好。加上有黑糖同綠茶味。感覺好似日本食到的質素。唯一美中不足嘅係雪糕。雪糕唔夠滑溜。*由於疫情的情況夫妻小孩需留在店中。十分活潑可愛。希望大家努力支持本地用心小店。

是日在西營盤食過晚飯後，就想食點甜的來結束美好的週末。開了openrice搜尋到這一家日式小店。首先是抺茶心太軟，配綠茶蕨餅。 心太軟做到流心的效果，它們選用的綠茶粉有茶香味又不會太苦，蕨餅的口感也十分有咬口，不會只是軟軟的感覺。第二樣是牛奶梳乎厘香港要找有供應梳乎厘的甜品店還真的有點難度，所以見到這裡有供應就立刻點來試試！這兒的梳乎厘有空氣感得黎又唔會得個殼，而且充滿濃濃的蛋香！食完兩個甜品都感到十分滿足！如果大家經開西營盤，不妨試試。

松屋位處第三街，附近都好多黃食店所以我經常嚟呢頭覓食，今晚食完飯就嚟嘆個甜品先佢枱唔算多，坐得舒服。店內裝修簡約，配有多張掛畫，助人放鬆心情聽講佢抹茶係主打，作為抹茶控當然要一試！點咗一客日式厥餅抹茶心太軟，拌抹茶雪糕唔算等咗好耐，佢賣相幾好心太軟唔係超級流心，但有抹茶香，又唔會覺得苦過頭，配埋雪糕食又冷又熱好正除咗抹茶，佢都係出名梳乎厘，不過今次無叫，因為比tiramisu吸引住tiramisu份量都大，食落好香濃，唔係落魚膠粉個隻，但唔夠綿滑，唯一可惜之處下次嚟再嘆個梳乎厘先話說見到好多外賣單，但好奇一問其實如果心太軟同梳乎厘，打包仲好食嘅咩？🤔🤔