松屋 (仁信大廈)

今次嚟到西營盤嘅「松屋」，一間主打日式甜品嘅小店。店面唔算大，但氛圍溫暖舒適，令人一坐低就好放鬆。先試咗丸久小山園抹茶卷伴白玉十勝紅豆，蛋糕卷鬆軟綿密，入口帶淡淡蛋香，內餡抹茶忌廉茶味濃郁而微帶甘澀，白玉煙韌，紅豆粒粒飽滿香甜，三者配合得天衣無縫，口感層次豐富。之後係焙茶芝士蛋糕，切開時蛋糕身紮實細滑，入口即化，帶住濃濃焙茶香氣，茶味同芝士嘅奶香完美融合，不會膩口，反而越食越香，收尾仲有一陣溫和茶韻。最後試埋抹茶拿鐵（熱），奶泡幼滑細膩，抹茶香厚實而帶點回甘，甜度適中，溫熱嘅口感令人倍感治癒，好適合慢慢坐低歎返杯。…ดูเพิ่มเติม

星期日因為下午同朋友食過下午茶，晚餐冇去食但係又有少少肚餓之下，太太建議不如去食甜品，於是我就想起第三街嘅松屋了，一如預期維持水準；不過想叫個鰻魚飯或者蛋包飯，可惜可能夜咗少少之後飯已經沽清，老闆話試吓他的串燒雞肉又真係唔錯，比起以前佢對面已經搬走咗嘅BBQ有過之而無不及！而那個綠茶心太軟配合那一個雲呢拿雪糕，唔太甜又能帶出綠茶味道，而最後個疏乎厘好大個，聽到師傅講原來也已經用晒材料，不佢可能覺得乜都沽清對客人感受唔好，於是再刻意開工再去預備材料，結果之後再有兩枱客人入嚟，因為見到我哋個疏乎厘好大個，都話要試試真係唔錯，值得再三來幫襯！😍😍😍👍🏻👍🏻👍🏻…ดูเพิ่มเติม

tiramisu 按落去出哂水，同啲comment 講嘅一樣，唔甜，因為冇咩味叫咗心太軟半個鐘先上，menu冇寫要等，如果要15分鐘製作時間都情有可原。問題係，另外一個姐姐仔啱啱坐低，佢都係點同一款心太軟，佢個心太軟一陣就有，仲同我嗰個一齊出，心理好咁平衡。點同一樣嘅野，我嗰個要半個鐘，佢嗰個就5分鐘，我嘅時間唔洗錢，佢嘅時間珍貴啲？題外話，係餐廳入面打死兩隻飛飛認真，唔明點解咁多comment話佢好食，75蚊咁嘅質素可以係出面有好多選擇，仲要有水準嘅，once and never…ดูเพิ่มเติม

第一次寫食評，若詞不達意，請見諒。在西環高低錯落的街道上穿梭，偶爾發現此店。一入到店內，便有一個小男孩熱情地招呼我，請我坐下。許是下雨的緣故，餐廳裡只有我一個食客。我看完菜單，點了一個招牌抹茶心太軟配雪糕。等了大約十五分鐘，老闆端上了香噴噴的心太軟。乍一看，擺盤十分精緻——心太軟上附有一球抹茶雪糕，碟子的另一邊是沾滿抹茶粉的蕨餅，還有小丸子配上士多啤梨醬和一片薄荷葉。雪糕因心太軟的溫熱而逐漸融化。我連忙用匙羹切開心太軟，裡面的抹茶流心瞬間和微融的抹茶雪糕混合在一起。放進口中，心太軟外面烤得恰到好處，中間的流心和雪糕吃起來也不錯。本人不喜甜，因此覺得稍微有點甜，但無阻大礙。最後，小丸子和蕨餅正常發揮，一切都搭配得很好。據老闆所說，小店的所有食品都是手工製作，在速食甜品流行的今天，這樣一盤誠意滿滿的甜品實在是非常難得。我開始思考為什麼人流會這麼少，若是小店開在更當眼的商場或者街道，人流或許就會如潮水了。…ดูเพิ่มเติม

在西营盘拍完第三街的网红机位，走几步就被这家挂着木牌的小店吸引了，店里飘着淡淡的抹茶香，像在香港偷到了片刻京都的松弛感～🍵 日式蕨饼抹茶心太软雪糕刚上桌的熔岩蛋糕还在轻轻晃，切开的瞬间抹茶流心“噗”地涌出来，蛋糕体松松软软的，裹着微苦的流心吃一点不腻。配的雪糕奶香味很足，挖一勺和蛋糕混着吃，甜苦刚好中和～🍧 特制抹茶百匯这碗百匯端上来惊到我，满满一碗全是料！抹茶啫喱滑滑嫩嫩，白玉团子糯叽叽的，十勝红豆甜甜的但不齁，抹茶冰淇淋香味也特别的浓郁，还有牛奶味夹心的蛋卷酥脆可口🥤 “我唔係荷包蛋”点单时看到这个名字笑出声，好可爱！北海道牛乳打底，上面盖着厚厚的抹茶，顶端飘着个小太阳。搅匀后喝第一口就被惊艳到，牛乳的香和抹茶的微苦融在一起，甜度刚刚好！离港大超近，下课或者扫街累了来坐会儿很舒服。店里安安静静的，吃份甜品喝杯冰饮，感觉一天的烦躁都被抚平了， 抹茶控一定要试试呀～…ดูเพิ่มเติม

Encore好多次的抹茶甜品店了🍵抹茶心太軟餐廳主打top one，心太軟剛上桌熱騰騰的，外皮脆、內餡流心，濃郁滑順，搭配冰淇淋，冰火交融，清爽不膩白玉糯嘰嘰，蕨餅也軟嫩彈牙；抹茶控必點🍮北海道牛奶梳乎厘這款也是招牌，大學時期就有了。口感蓬松軟，入口即化，帶點蛋香和奶味，還附贈一顆香草雪糕。現點現烤，像雲朵一樣，有一點空氣感，很適合打卡🍵我唔系荷包蛋抹茶牛奶上面再點綴一顆用北海道milk cream+自家特製醬的「荷包蛋」。賣相超級療愈可愛，整體不會太甜，抹茶味突出，記得攪勻再喝～🍋‍🟩青檸海鹽梳打期間限定飲品。檸檬片給得很大方，不會苦澀，酸酸的搭配氣泡感非常沁涼舒心，夏天來一杯很解暑，不到一分鐘直接喝完啦整體甜品和飲料都不錯。店面不大，三四張桌位，周末下午剛開門不久就坐滿了…ดูเพิ่มเติม

西環隱世日式料理，主打多款特色定食，還有一系列抹茶飲品及甜品。先來兩款主食，鰻魚蛋包飯，蒲燒汁鰻魚原條上，份量好大份，肥美嫩滑。蕃茄牛肋定食口感非常軟腍，炆得好入味，入口即化，送飯一流。牛油果沙律好fresh清新，大大碟好足料。必點這裡的抹茶甜品，抹茶卷配白玉及紅豆，味道清新，抹茶心太軟賣相吸引，流出濃濃抹茶流心。牛奶梳乎厘也是招牌甜品，口感蓬鬆輕盈，入口即化，帶有淡淡的蛋香和甜味。野莓法式多士口感香脆，酸酸甜甜，味道層次豐富。新推出-焙茶芝士蛋糕茶香濃郁，醇厚順口，還帶有淡淡的焦香。…ดูเพิ่มเติม

身為抹茶控同大家介紹下好食抹茶甜品，我地已經係第2次專登黎呢間小店 - 松屋，水準依然keep到👍🏻! 佢地係主打京都丸久小山園抹茶甜品，好欣賞佢地專心研發唔同嘅抹茶甜品，係香港飲食業有呢份堅持的確唔容易，希望佢地頂得住，多d人去食😋~ 餐廳係位於西環，西營盤站出口行5分鐘左右就到，岩晒假期黎西環行下影相同搵cafe食！今次叫咗➡️"日式蕨餅抹茶心太軟伴抹茶雪糕"，擺盤好靚，味道好高質，絕對可以同日式抹茶名店比拼下! 👍🏻蕨餅嘅口感好彈牙，重點係抹茶心太軟裡面熱烘烘嘅抹茶溶漿好香濃滑順，流心嘅抹茶醬一切開就流出黎，茶香味十足。再加上旁邊冰凍嘅抹茶雪糕，味道清新又唔膩，冷熱兩感交融，搭配得非常好，味道好有層次，抹茶控一定要點!🤩另外今次除咗黎食抹茶，仲想試下➡️"Tiramisu"，見到佢份量十足，成個手掌心咁大。上層嘅可可粉微微苦澀，底層cream好綿密，口感濕潤柔軟，奶香味濃郁又不膩，每一啖都好有層次感😋！😎利申：之前仲黎食過➡️"我唔係荷包蛋"，個外型都好得意，好岩打卡，上層嘅自家製抹茶奶蓋濃郁幼滑，不妨一試!🤤🔹日式蕨餅抹茶心太軟伴抹茶雪糕 ($75)🔸Tiramisu ($75)🔹我唔係荷包蛋 ($58)…ดูเพิ่มเติม

以抹茶為主題，喜歡抹茶嘅朋友一定愛上呢度！小小一間店，温馨家庭式！👉🏻日式蕨餅抹茶心太軟伴抹茶雪糕 日式蕨餅Q彈柔軟，帶有淡淡清香，精華係流心抹茶醬，切開時茶香內餡緩緩流出，甘味鮮明！仲有抹茶雪糕，茶味濃郁而不膩，散發醇厚口感！！👉🏻Tiramisu 比想像中大件，上層可可粉微苦香醇，中層嘅cream輕盈綿密，帶有濃郁奶香，濕潤柔軟，層次分明！除左抹茶甜品，仲有其他味道嘅甜點、飲品、飯類都有！…ดูเพิ่มเติม

發現西環一間隱世嘅抹茶甜品小店，有抹茶卷、抹茶戚風蛋糕、抹茶心太軟，種類都幾多～梳乎厘即叫即整，啱啱出爐熱辣辣，香噴噴蛋味，空氣感十足，配左雲呢拿雪糕小山園抹茶茶味幾香，口感舒爽…ดูเพิ่มเติม

西環區域除左我最近上癮嘅煲仔飯之外，原來仲有間隱世嘅抹茶甜品小店，入面嘅抹茶甜品選項陣係齊全到你唔信，有抹茶卷、抹茶戚風蛋糕、抹茶心太軟等等（就算帶埋唔係抹茶控嘅朋友一齊來，都仲有好幾款non-抹茶嘅選擇滿足佢😌）/日式蕨餅抹茶心太軟伴抹茶雪糕$75/心太軟切開即刻連埋抹茶雪糕一齊流落來，超吸睛👀心太軟口感軟熟，抹茶味香而不澀，配抹茶雪糕🍦同少許紅豆🫘真係好夾。蕨餅煙韌得來質感係滑身，平時出邊食開個d一般痴左好多粉粒，口感不太好。/冰抹茶$40/茶味幾香，口感舒爽，係解決春日悶熱天氣嘅good choice~🍹…ดูเพิ่มเติม

呢間鋪頭唔算大，先有果啲小店FEEL。我哋叫咗兩款甜品，首先係法式焦糖燉蛋配雲尼拿雪糕，呢個唔錯！燉蛋口感滑溜，焦糖面層燒得香脆，帶有微微嘅焦香，配上雲尼拿雪糕，冷熱交融跟住係雙色蕨餅，呢個都唔錯喎！平時覺得街外果啲成嚿粉，但佢呢間蕨餅口感煙煙韌韌，帶有淡淡嘅甜味，雙色分別係抹茶同原味，抹茶味濃郁，原味就清新，兩款都好有特色。評分：👍🏻👍🏻👍🏻/5另外我地叫多杯綠茶飲，不過個人覺得少甜。評分：👍🏻/5如果你鍾意食綠茶或者想搵個地方Hea下，呢度可以考慮一下！整體味道指數：😋😋/5性價比：💰💰/5環境：❤️❤️/5服務：✅✅/5…ดูเพิ่มเติม

在西環西營盤的仁信大廈，有間街坊甜品店，真的是個隱藏的美味寶藏！我最近試了他們的日式蕨餅抹茶心太軟，搭配抹茶雪糕，簡直是夢幻組合。蕨餅的口感Q彈，內裡的抹茶餡香濃滑順，外面的抹茶雪糕則是清新又不膩另外，他們的冰抹茶也是必試的，茶香濃郁，冰涼解渴，特別適合這個炎熱的天氣。每一口都可以感受到新鮮抹茶的香氣，讓人忍不住想再來一杯。整體來說，這間甜品店的環境舒適，適合和朋友聚會或獨自享受一段悠閒時光。服務人員也很親切，讓人感覺賓至如歸。松屋 (仁信大廈)(香港)香港西環西營盤第三街142-150號仁信大廈地下F號舖…ดูเพิ่มเติม

西環｜松屋 抹茶烘必去🍵———————————————————————ᴍ1 久丸小山園抺茶卷伴白玉十勝紅豆 $58 - 抺茶卷口感紮實，重蛋香～ - 抺茶cream令蛋卷令濕潤，帶出更多嘅抹茶風味 - 自家制嘅白玉非常煙靭，同紅豆蓉好夾～ᴍ4 抹茶芝士蛋糕 $62 - 蛋糕中間係軟心嘅，好滑好濃厚～ - 抺茶同cream cheese嘅比例較得啱啱好🍵🧀 - 抺茶濃之餘，微苦，令芝士蛋糕嘅甜冇咁單調～冰抺茶 $40- 微甜，食完甜品解渴一流🍵———————————————————————📍西環西營盤第三街142-150號仁信大廈地下F號舖…ดูเพิ่มเติม

自己好鍾意食抹茶甜品，所以成日都想搵啲抹茶甜品店😍 原來西營盤都有一間小店，當然就係主打抹茶甜品啦，亦都有焙茶同埋日式熱食 🍛 全部都好吸引，都好想試😛 不妨可以過嚟同朋友一齊嘆個甜品傾吓偈😇 除咗頭髮之外，見佢都可以喺外賣平台落單添抹茶芝士蛋糕 🍰一定要試佢嘅招牌抹茶芝士蛋糕，正宗嘅日式抹茶，芝士蛋糕好好食，唔會太甜😌冰抹茶 🍵另外都一定要試佢既冰抹茶，飲落好清甜，如果鍾意嘅話佢仲有抹茶鮮奶揀添😉…ดูเพิ่มเติม