東京街日本料理 (西洋菜南街)

營業中

休息中

今日係太子突然好想食日本野呀🇯🇵🇯🇵係附近做完野發現依間東京街 二話不說即刻入左去🤩雖然入面面積唔大 不過都坐得舒服同埋裝修好有日式既感覺😳由於太肚餓關係即刻叫野食😁好快就到左火炙壽司盤😍😍😍見到都即刻流唒口水🤤火炙三文魚壽司真係好正 鮮甜又入口既溶🤭加洲卷連埋沙律醬兩粒真係唔夠食😂😂想Encore😵‍💫依個拼盤真係好高質 大家真係要試吓仲有人氣炸物 天婦羅同日式炸蟹鉗😆不得不說佢嘅炸物全部都好卜卜脆！果然係人氣之選🤩店員介紹德國無骨黑椒豬手飯🍚鍾意食黑椒既朋友一定會鍾意食 超級肥美嘅豬手👍🏻椰子雪葩🥥椰子味非常香濃 依家天氣咁熱非常啱食😍

天氣超熱完全唔想食熱嘢，決定食日本嘢降一降溫。咁啱去開旺角附近就決定去東京街食個午餐。先叫咗個火炙壽司拼盤，一共十二件，擺盤超用心絕對係打卡able ! 每一款都幾唔錯而我自己最鍾意係佢嘅牛油凡立貝，牛油剛好融化，保留到帶子爽彈口感。另外佢火炙三文魚超大件，大到連舊飯都夾唔到阿，熟度烤得剛剛好唔會太乾，身為三文魚怪嘅我表示滿足。火炙牛肉都幾推薦，厚肉燒得剛好唔會韌又食得到牛香整體嚟講十二件壽司都係好味嘅！仲有份炸蟹鉗，炸到熱辣辣咁上枱加埋泰式雞醬絕對係熱氣邪惡之選。另外仲試咗個牛油果沙律去一去油膩，點知咁鬼大份，蔬菜都清爽新鮮，表面仲鋪滿牛油果，咁大份如果有人同我share 就好啦！店員都係抱住同一信念嘅年青人，就算過咗繁忙時間都不乏當食同外賣嘅客人，希望佢地越嚟越好生意。

💖同朋友食晚餐，黎呢間出名CP值高嘅日本餐廳食嘢。餐廳都幾多人，好多係朋友一齊聚餐。一入座會即刻上熱水♨️1⃣️鰻魚吉列蠔便當🍱 $138💖便當好豐富，除左鰻魚同吉列蠔🦪之外，仲有醃蘿蔔、沙律🥗同番茄仔🍅。鰻魚有三大件，吉列蠔炸皮香脆，配上燒汁炸皮酸甜。其他配菜配搭食減低膩口感。便當可以兩個人share。2⃣️壽司定食🍣 $118💖呢個推薦！有十件壽司，包括北寄貝、三文魚腩、芒果🥭花之戀、怪獸甜蝦🦐、油甘魚、拖羅魚籽帶子戀、三文魚三重奏同兩件加州卷。魚生全部都厚切，新鮮、份量豐富。個人最鍾意芒果花之戀，芒果嘅甜香配上沙律醬同新鮮三文魚好清甜。3⃣️小食拼盤🦑 $88💖有齊芝麻八爪魚🐙、辣味螺肉同素翅海蜇。芝麻三文魚有着驚，醬汁香甜。辣味螺肉甜辣，開胃小食。素翅海蜇口感爽脆，係清涼嘅開胃小菜。4⃣️三文魚刺身(5件)🐟 $48💖推薦！佢哋嘅刺身幾抵， $48有五件三文魚，仲要係厚切同埋大大件。上黎仲有乾冰，勁得意。5⃣️章魚丸(5件)🐙 $28💖章魚小丸子內餡足料，椰菜同章魚都俾得多。配上燒汁、沙律醬同柴魚片，味道豐富。6⃣️麵豉湯🥣 $0💖一入座即刻上嘅免費🆓麵豉湯，暖笠笠💕💖兩個人食都幾多，埋單$400幾，C

東京街日式料理💛朋友介紹呢間小店比我😬出名抵食又大份！我即刻同家人嚟食💁🏻‍♀️💁🏻‍♀️呢道以東京街頭作主題，裝修未算美輪美奐，算是親民個種。餐牌選擇好多，每樣食物都有相片睇。牛油果沙律 $58首先食個沙律開胃先。牛油果切成薄片擺在沙律上，上面加咗邪惡嘅美奶滋。牛油果好香滑，好好味呀！晚市極尚火炙壽司定食 $148定食包咗黑椒三文魚、黑椒大赤蝦、怪獸三文魚腩、芝士蟹棒、牛油帆立貝、蒜香黑椒牛肉、左口魚、芝士三文魚、芝士鰻魚、帶子戀、加洲帶麵豉湯。全部壽司都用火炙過好香香噴，見到油光滿滿，好吸引！帶子戀賣相好特別，上面有香蔥同蒜蓉，口感層次豐富。2×拖羅壽司 $262×加拿大海膽壽司 $28怪獸鰻魚壽司 $25單叫壽司都有靚靚擺盤，好有心機～充滿油脂嘅拖羅入口即溶。加拿大海膽壽司質感綿密細緻，味道鮮甜幼滑。怪獸鰻魚壽司有厚厚嘅鰻魚，一啖都食唔哂！雜錦天婦羅 $68入面有炸蝦天婦羅、南瓜天婦羅、香菇天婦羅、番薯天婦羅。炸衣係脆米個種，好香脆。

旺角日本野有咩選擇？緊係要試下黎間幾有名氣既黃店😙係太子站行幾分鐘就到，相當方便！——————🐽 田園沙律沙律菜十分新鮮，淋上滿滿既日式沙律汁，作為前菜黎講相當清新，酸酸地亦十分開胃🐽 東京精選1人盛相當具份量既壽司刺身拼盤，三文魚帶子甜蝦同埋生蠔都好新鮮，生蠔食落海水味好濃好正🥰壽司黎講每一件都好特別，例如怪獸三文魚腩、芒果花之戀等等，一個人黎食岩岩好！🐽 晚市壽司定食另一款經濟小小既壽司拼盤選擇，可以食到三文魚、油甘魚，中有花之戀！全部都好新鮮🐽 海鮮拉麵如果壽司唔岩心水，亦可以試下黎到既拉麵👍🏻鮮蝦大大隻，中有青口同帶子！食完真係飽曬

係附近返工，今日就去東京街食日本野~ 佢地有做午餐，有壽司set、丼飯、熟食等等我同同事食左分別叫左個午市極上壽司定食同埋午市極上火炙壽司定食~兩個定食都跟特飲同麵豉湯🍱午市極上壽司定食 ($88)吞拿魚/三文魚腩/油金魚/左口魚/海膽/大赤蝦/鰻魚/帶子/加洲卷整體新鮮，覺得帶子同左口魚都好出色；不過海膽就一般啦🍱午市極上火炙壽司定食($98)芝士玉子/芝士三文魚/怪獸三文魚腩/柚子胡椒油金魚/左口魚/辣味魷魚/黑椒大赤蝦/鰻醋青魚/蒜香帶子/蒜香黑椒和牛/加洲卷聞到好香~同事十分推薦左口魚，蒜香帶子同蒜香黑椒和牛~火炙完D油脂落左飯面，好好食呢個價錢性價比算唔錯~中規中矩～

今日去咗太子做完嘢💼收工喺附近🤤搵食，見到呢間小店門面幾🇯🇵突出，就入去試吓！本來以為佢得地下一層，😮但原來樓上🤩仲有一層，而且地方更加大🪑座位更加寬躺！我哋🕖七點未夠就坐低咗，所以樓上果層未有太多客人，佢周圍都有🏯和風牆畫🖼裝飾，營造左一個充滿🇯🇵日式嘅感覺。我哋先要咗🇯🇵麵豉湯🥣暖吓個胃，味道唔錯👌唔會太鹹，但麵豉味都幾濃。素翅海蜇🌊鮮味得來有少少🤏微辣味道唔錯，特別係啲🤤海蜇好厚肉好😋爽口。刺身🌊拼盤🐟包括吞拿魚赤身、三文魚、三文魚腩、鱆紅魚、池魚王同埋油甘魚，🤩全部都係厚切🤤大大件，好鮮味👍！🔥炸蟹鉗🦀好香脆，肉質都幾鮮甜，點埋個醬食好滋味😋。

太子食好西🐟🦐🐚🍣思鄉病又發作 🤣🤣🤣今次這一站 日本《東京街》這間性比價高日式科理店非常易揾 一出地鐵站 幾分鐘就到樓高兩層 座位唔多 裝橫簡單平實👌#刺身拼盤賣相靚靚 秋天紅葉擺件加上海螺器具上碟 好吸睛😍多款🐟刺身 新鮮大件肥美😚帶子鮮甜厚身 真係妃正呀~~#極上火炙壽司定好豐富 一次過食曬十一款🍣魚油豐富既三文魚 鰻魚 左口魚 怪獸三文魚 還有帆立貝 帶子 魷魚蟹棒 牛肉 加州卷 大赤蝦 用上黑椒 芝士 蒜香……等配料 經火炙之後 件件微微焦香 食完好滿足😋#田園沙律新鮮爽脆 green🌿🌿🌿

11點幾去到已有3枱人食緊，得我一枱落order但都可以落錯單 好彩唔趕時間可以再等！坐的位置地面好跣，店員已提示小心但真心唔明點解唔係營業前處理好？食食下的時候清潔姐姐先係度抹地，大家邊食佢就邊抹，感覺唔多舒服。午市極上壽司（$98）原來唔包前菜及湯，壽司好細件，當日胃口麻麻但食完都唔覺飽，新鮮度又不是非常出眾，非常不值。收呢個價錢我寧願去食迴轉壽司好過！

天氣咁熱就好想食生冷野🤪東京街啲魚生飯同定食都唔貴，味道又唔錯，只係我叫火灸啲油甘魚燒到全熟咁滯，變左燒鯖魚個啲肉質😂係呢樣野比較特別。兩款炸物黎講，吉列蠔比較好食，夠熱又唔會乾，蠔唔會冇味，至於天婦羅啲蔬菜太大舊了，份量足唔係唔好，因為CP值真係超高，但食落真係too much，蝦係炸得好好食😋🥢三文魚魚子海膽飯$158🥢火灸拖羅左口魚三文油甘飯$108🥢雜錦天婦羅$68🥢廣島吉列蠔$48

呢一間非常近始創中心嘅日本餐廳，成日經過都見到佢嘅餐牌好吸引，而且啲價錢仲要好親民，同爭鮮價錢有得揮，但佢嘅質素一啲都唔差！首先講吓佢嘅蟹子蟹膏飯，成隻蟹蓋上，仲有兩隻蟹腳，蟹子份量超級多，然後啲蟹膏入面都有啲蟹肉，成個飯撈埋一齊食，超級滿足而佢亦都有個牛油果沙律，牛油果有成半個咁多，沙律菜食落口都幾新鮮佢嘅三文魚刺身擺盤好靚，三文魚大概都有成六塊咁多，除咗夠厚身之外，亦都好鮮甜好新鮮以佢嘅炸雞翼一份有成3隻咁多，味道同炸嘅程度都啱啱好，真係食到唔停口而最後佢嘅壽司拼盤真係要試吓，佢嘅三文魚腩壽司，完全係入口即溶，大到成塊刺身咁，真係超級抵食！其實佢每一款壽司都有用心咁製作，上面有唔同嘅配料，口感同味道一流🤩

去到食飯時間 都幾多人黎食 所以我地又貪新鮮試下呢間餐廳了～ 東京蟹王飯 $128一上枱個蟹蓋好岩打卡 食落發現都唔錯 飯唔會太酸太多醋 飯煮得岩岩好～ 蟹膏味幾濃🥰 除左蟹膏仲有蟹籽 食落一啲都唔單調😋晚市極尚壽司定食 $148另外叫左一修定食～ 定食裏面有怪獸三文魚腩、油甘魚、龍蝦沙律伴皇帝蟹棒、帶子拖羅戀、三文魚親子、有頭甜蝦、芒果花之戀、原隻北寄貝同加州卷。 定食都包左好多款唔同既壽司 都算幾抵食😎田園沙律 $48朋友話沙律個汁唔錯 我就覺得一般🤣🤣 正正常常既沙律 開下胃咁啦😆 黑椒三文魚醬油清壽司 $12黑椒味幾重 都唔錯食🤠

新宿街頭 十餘萬人🇯🇵依個時勢無得喺東京撞回熟人但正所謂一生都不出去也好 一街商店繼續掃Bellofood就去咗太子嘅東京街度食壽司嚕🍣-依度嘅款式極多 真係有選擇困難症😵‍💫最後我地散叫刺身 壽司就嗌定食睇相都見到刺身嘅紋路鮮明 非常新鮮👍🏻三文魚刺身($48/5件)非常厚切 肉質堅挻鱆紅魚刺身($58/5件)魚味淡且爽口 甜蝦刺身($58/5件)十分鮮甜🦐-🍣極尚壽司定食 $148我想講怪獸三文魚腩係真係怪獸級厚到癲😨😨😨 側面圖佢仲厚過啲飯🤣一咬成口油脂香佈滿個口 好正🤤帶子拖羅戀 一啖食哂我兩個最愛 爽🤪依個set仲有好多其他款例如芒果花之戀🥭 皇帝蟹棒 北寄貝等等岩哂咩都想試嘅我地🤣-🥑牛油果軟殼蟹卷 $38人氣卷物之一 每舊都有兩片牛油果軟殼蟹食到最後都keep到香脆👍🏻-🍱鰻魚吉列蠔便當 $138好豐盛嘅便當 值得一讚嘅係吉列蠔外層炸得香脆又唔會太粉咬嘅時間食到新鮮嘅蠔味 意外地出色🤩如果鰻魚汁再多啲餸飯就爽喇-🥠芝士年糕 $32/3件睇到最後嘅你就無走寶啦因為佢嘅芝士年糕係超級無敵好味😳熱辣辣外小脆內軟 入面係滿滿咸香嘅芝士🧀重點 點煉奶!!!! 🍼個種夾係好似bell

餐廳面積不大， 裝修簡單明亮 ， 小店主打日本料理， 提供刺身、壽司、炸物和鍋物等， 款款用心製作， 價錢親民， 十分抵食。活魚鱆紅魚刺身$198 原條章紅魚用長竹籤穿起， 還冒著煙， 放在四方木盆裏面， 用冰塊墊底保持溫度， 賣相十分精緻 ， 薄切帶一點紅的魚肉，晶瑩剔透近乎透明，師傅刀工一流 ，魚肉挺身， 新鮮貨色，吃下去爽彈之中帶出清甜，沾上甜甜的豉油，鮮味衝擊味蕾，令人大快朵頤。晚市極上火炙壽司定食$148火炙壽司定食，十分豐富和吸引， 有黑椒三文魚、黑椒大赤蝦、怪獸三文魚腩、芝士蟹棒、帆立貝、黑椒牛肉、左口魚、芝士三文魚、芝士鰻魚、帶子卷，加州卷等， 還配上 熱燙燙的日式麵豉湯一碗， 特別喜歡火炙後的三文魚腩、左口魚、芝士三文魚及芝士鰻魚，魚鮨豐盈， 火炙之後，帶微微焦香， 甘香的魚油 ，隨即滲透底層壽司米飯，能細味魚之鮮味， 還有壽司飯的油香，充滿口腔。芝士蟹棒、 芝士三文魚和芝士鰻魚，加上半溶芝士點綴，每口都是邪惡惹味， 十分誘人。田園沙律$48爽脆沙律菜表面， 鋪上熟透的油果， 配上酸酸甜甜的沙律醬， 令人胃口大開。酥炸蟹鉗四件$58薄薄的粉漿包著巨型的蟹鉗， 炸到金黃

係太子睇完金魚，兔仔為食朋友仔話去食日本野，咁我都喜歡食壽司的，就去東京街食。東京街店內好多索女畫像好吸引人🤭，刺身壽司款式都好多，餐牌多款到令人目不暇給，每樣都好精緻咁，搞到人地樣樣都想叫。最後我都係將決定權交比為食友，為食友一口氣落左好多野食。壽司set 真係做得好吸引， 我地呢碟係叫做 極尚火炙壽司定食， 每隻壽司都別出心裁， 鰻魚份量大到嚇親， 帶子卷幾得意， 怪獸三文魚腩夠特別。刺身就必叫三文魚甜蝦油甘魚帶子啦！， 三文魚油脂分布夠平均。炸物方面，叫左天婦羅蝦，有4大件， 煉奶芝士年糕，原來點左煉奶咁好食的，大家下次都可以咁食。食咁多炸物，我要叫返個田園沙律中和返， 沙律醋汁另上，番茄仔超新鮮。最後為食友唔夠喉仲要叫個豬手飯， 但我已經好full 了。