東京街日本料理 (西洋菜南街)

營業中

休息中

天氣超熱完全唔想食熱嘢，決定食日本嘢降一降溫。咁啱去開旺角附近就決定去東京街食個午餐。先叫咗個火炙壽司拼盤，一共十二件，擺盤超用心絕對係打卡able ! 每一款都幾唔錯而我自己最鍾意係佢嘅牛油凡立貝，牛油剛好融化，保留到帶子爽彈口感。另外佢火炙三文魚超大件，大到連舊飯都夾唔到阿，熟度烤得剛剛好唔會太乾，身為三文魚怪嘅我表示滿足。火炙牛肉都幾推薦，厚肉燒得剛好唔會韌又食得到牛香整體嚟講十二件壽司都係好味嘅！仲有份炸蟹鉗，炸到熱辣辣咁上枱加埋泰式雞醬絕對係熱氣邪惡之選。另外仲試咗個牛油果沙律去一去油膩，點知咁鬼大份，蔬菜都清爽新鮮，表面仲鋪滿牛油果，咁大份如果有人同我share 就好啦！店員都係抱住同一信念嘅年青人，就算過咗繁忙時間都不乏當食同外賣嘅客人，希望佢地越嚟越好生意。