東京街日本料理 (西洋菜南街)

這間人氣居酒屋其中一間分店位於太子西洋菜南街，主打一系列正宗的日式料理，提供各色各樣時令新鮮的刺身及壽司，價錢定位大眾化且份量十足。店內環境寬敞舒適，裝潢以簡約的日系木材為主，擺放不少清酒瓶及海報。午市時段免加一服務費，並設有多款套餐，跟配沙律菜、茶碗蒸及麵豉湯。火炙芝士三文魚壽司(2件) - $16火炙三文魚使魚油滲出，外層微焦，而內層保持滑嫩多汁，還有半溶化的芝士富奶香。燒鰻魚串 - $25厚度十足的鰻魚，外皮烤至酥脆，內裡肥美多汁，有醬汁的鹹甜滋味。美國牛板腱壽喜燒 - $148先溶化滑順絲滑的牛油，再加入濃郁甜鹹風味的壽喜燒汁。四大塊牛板腱軟嫩中帶有嚼勁，中間有一條透明嫩筋，結實而不失軟嫩，牛肉風味濃郁，可蘸上日本生蛋醬。前菜有滑嫩有嚼勁的味付螺頭、爽脆酸辣的泡菜。細滑的稻庭烏冬滑順有嚼勁且不黏牙。大板盛 - $188三文魚腩紋理細密，豐腴的魚脂好潤滑；油甘魚滑嫩肥美，帶有濃郁的魚油香氣；磯煮鮑魚有嚼勁又不失軟滑，充分吸收醬汁的香氣；吞拿魚不含魚脂，魚味更濃郁；三文魚鮮嫩滑順；海膽滑順細膩，如奶油般幾乎入口即化。沙律中華沙律爽脆清爽。茶碗蒸日式蒸蛋加入高湯特別細緻滑嫩，有濃厚的蛋香，又有帶子及香菇等豐富配料。麵豉湯鹹中帶香，口感豐富且溫和。…查看更多

餐廳走家庭日式風, 燈光柔柔地, 枱距唔算逼, 有私人空間~環境加上服務都唔錯, 食飯氣氛輕鬆舒服, 不論係同朋友聚會定自己一個Chill飯都啱晒而且價錢合理, CP值非常高!!!菜式選擇超多!!! 多到樣樣都好想食丫美國牛板肩壽喜燒 $148成個壽喜燒SET好大份喔!!! 有一碟美國牛板肩, 蔬菜盤, 烏冬, 生雞蛋, 小食等等~~先燒熱牛油, 再將牛板肩放入鐵鍋, 加點壽喜燒汁煮一陣就食得喇~~壽喜燒個湯底係典型甜鹹平衡嗰種, 帶少少日式醬油香加洋蔥甜味牛板肩肉切得厚薄適中, 油花分布靚, 夾住一片涮喺汁裡面幾秒, 啲汁黏住牛肉表面, 入口滑嫩有彈性, 咬落牛味濃郁, 鹹甜醬香滲晒入肉入面三文魚帶子甜蝦蓉魚籽丼 $108呢個丼真係色香味俱全, 一上枱已經超吸睛!!白飯鋪底, 面層舖滿三文魚片、帶子、甜蝦蓉同魚籽, 色彩繽紛得嚟睇見都開心三文魚厚身油潤,  非常新鮮；帶子超滑, 有鮮甜海水味；甜蝦蓉係新鮮打成嘅, 軟滑又爽；魚籽一粒粒爆開, 鹹香喺嘴入面「啵啵」彈開, 好過癮！微暖壽司飯, 酸度啱啱好, 夾住啲刺身一齊食成個口感層次豐富每啖都係新鮮、甜香、海味咸香嘅混合+$28就有湯, 茶碗蒸, 蟹籽, 沙律 & 飲品好抵食呀!!!香煎油甘魚鮫 $58連乾冰上既效果好靚好正呀!!!油甘魚鮫外層煎到金黃香脆、邊邊微焦但肉質依然嫩滑～魚身厚厚一塊, 切開時仲見到油份滲出食落去魚香濃郁, 脂香滿滿但唔腥, 皮脆肉軟, 鹽調味啱啱好!!芒果綿花冰 $58一大盤金黃色綿花冰好似一朵芒果雲咁綿花冰口感超輕盈、一入口即溶!!芒果味香濃、甜度啱啱好, 食落似飲緊芒果汁雪融版~~上面仲有啲新鮮芒果粒酸酸甜甜, 配合冰體真係醒神…查看更多

又怕回唔到本又想放題咁食, 朋友推介我黎東京街, 本身以為得外賣店, 原來有堂食?台同台之間距離好近, 基本上都聽到隔離台傾咩成間鋪都走日本風, 又燈籠又SAKE 幾有FEEL~前菜：三文魚刺身(68$)＋芒果沙律 (48$)海量沙律醬有小小震攝眼球, 好似完全唔怕蝕俾你相當大方, 味道正正常常, 芒果同青瓜絲都清甜刺身好好好好好厚切, 放入口油脂大爆發, 真係2舊已經ko .散叫sushi：三文魚腩 (11$/件) ; 海膽 (35$/件) ; 花之戀 (16$/件) ; 油甘魚 (13$ 件)串燒小試牛舌 (28$), 想留返quota 俾鎮店寶盒熱辣辣上台, 唔算特別厚切 BUT 爽口唔韌, 重點有牛味雜錦寶盒 B – 128$(芝麻八爪魚 ; 溏心蛋+ 冷烏冬; 刺身有帶子&油甘魚; 壽司有三文魚; 甜蝦; 鰻魚; 加州卷)仲有甜品日本大福一枚+跟餐DRINK, 食完絕對係happy ending lol食材好新鮮, 深信小店係好有heart由外賣做到堂食. 平民價錢滿足到放題慾望, 唔怪得全場滿座！埋單喪食加埋4百幾, 高質素我地覺得推推推推 0 肉痛放題式咁eat！…查看更多

東京街日本料理裝修猶如一般日本常見的平民食堂格局，款式很多樣化，丼飯種類很多，又可配成套餐，有齊蟹籽沙律、味噌湯及茶碗蒸。蟹籽沙律沙律用上高杯，蟹籽蟹柳絲青瓜絲菜絲混上甜甜酸酸的沙律醬，清爽甜美。北海道丼 北海道丼用上北海道常見食材，如三文魚、帶子、牡丹蝦、油甘魚、海膽、蟹膏、蟹肉及三文魚籽。三文魚籽充滿光澤，入口煙韌得來一咬即破，滲出點點甜香。海膽有滿滿的一小盒，鮮味十足，海水味濃。三文魚、油甘魚及帶子厚切口感柔軟細滑。大阪盛魚生丼大阪盛魚生丼與北海道丼最大的不同是多了磯煮鮑魚。鮑魚以醬汁及昆布慢火炆煮，肉質煙韌，軟硬適中，不失軟滑，味道濃郁。…查看更多

同大少去開太子，就當然要係食埋個午餐先得，上次自私食嚟左東京街都覺得唔錯，所以今次就帶埋大少嚟個好味係要再encore啦！餐廳唔算大，不過都坐得舒服。午餐定食選擇都多，有壽司、魚生丼、拉麵或者咖哩飯類，總有一款啱你嘅。最後我地一份什錦寶盒套餐、牛板腱壽喜燒同埋珍寶帶子刺身。先嚟我嘅一人前什錦寶盒，估唔到真係超級豐富，既有生蠔、三文魚、油甘魚、甜蝦、吞拿魚、帶子魚籽、加州卷、日式煎餃、玉子燒、日本大福。額外追加$28可以有埋麵豉湯、茶碗蒸、蟹籽沙律及飲品，而且仲配上冷烏冬，真係何其豐盛，當然味道同樣唔錯。各款刺身、都好鮮甜，絕對係水準之作。另外肥啫啫嘅生蠔同樣鮮味不絕，煎餃入口都脆卜卜，以依個價嚟講絕對係勝價比高。另外珍寶帶子刺身同樣出色，無論其軟滑度、鮮甜味道、厚度都係超水準之作，令人一食難忘。大少就嚟左一客美國牛板肩壽喜燒，壽喜燒材料都好豐富，除左有肥美嘅牛板肩之外，仲有前茶、野菜拼盤、蛋、及烏冬。店員姐姐教我地可以牛板肩兩食，先嚟可以鍋上將牛板肩燒熟，就可以令肉味更加香濃鮮甜，其後就可以將野菜拼盤、烏冬、壽喜燒汁加入鍋上，野菜及烏冬吸入湯汁變得更香口，而牛板肩肉質就細嫩又帶點彈性，滿滿牛肉嘅鮮甜。兩個人食到飽飽好滿足呀！…查看更多

呢間💮東京街日本料理💮，本身都好多分店，今次經朋友介紹，嚟到位於旺角西洋菜南街228號地舖，地理位置非常方便，雖然地方唔算大，但環境乾淨舒服，佈置亦頗有特色，服務員都非常有禮。 小食💮雞軟骨餃子棒雞軟骨餃子棒炸到金黃香脆，咬落爽口又有肉汁，好啱邊傾計邊食炸芝麻雞翼炸芝麻雞翼就超香，外層有淡淡芝麻味，甜甜地又唔油膩，好好食！ 💮火炙壽司盛B呢個壽司拼盤都好有驚喜，入面有三文魚、黑椒大刺蝦、熟帆立貝、左口魚裙邊同鰻魚，每件都燒得啱啱好。特別係黑椒大刺蝦同左口魚裙邊，食落鮮甜又帶輕輕焦香味，一啖咬落去超滿足😌主食💮滑蛋蒲燒鰻魚丼滑蛋做到好滑溜，鰻魚勁厚身佈滿油香，仲有濃濃嘅蒲燒汁鋪滿鰻魚上面，撈飯一流，份量亦好多，好抵食。💮美國牛板肩壽喜燒有兩種食法：先用牛油煎香塊牛板肩，再倒少少壽喜燒汁，再蘸蛋汁食，啖啖牛香，非常嫩滑；之後用個鑊剩番嘅油香加壽喜燒汁作打邊爐，淥咗啲牛嘅油脂佈滿哂成個湯底，好香甜濃郁，配菜入哂味，超好味👍整體嚟講，呢間餐廳嘅性價比真係高，份量足、味道出色，無論一個人食定同朋友聚會都好啱！💮東京街日本料理 (太子)📍地址: 香港太子西洋菜南街228號地舖…查看更多

太子這間東京街日本料理店，以家庭日式風格為主調，地方不大，餐牌多樣化，有壽司，刺身，串燒，鍋物等，價錢抵食大份，性價比高，是平民之選‧他們的壽司定食，賣相吸引，有十款壽司(三文魚，吞拿魚，八爪魚，油甘魚，赤蝦，真鯛，馬刀貝，北海道帶子及花之戀)，壽司新鮮肥美，飯身不會死實，另有茶碗蒸，麵豉湯及沙律菜。滑蛋吉列蝦丼，份量大，賣相精緻，採用日本蛋，十分嫩滑，吉列蝦炸得金黃香脆，粉漿不會太厚，配上香濃咖哩汁，十分好送飯。這個餐加$22 便有飲品或湯及蟹籽沙律。餐廳亦提供不少前菜及小食。他們的炸芝麻雞翼十分香口，內邊肉汁滿滿。清酒花甲，份量都頗多，很香酒味，花甲乾淨無沙，肉粒鮮甜。…查看更多

今日就同朋友去左東京街 餐廳環境好有日式風情，有多款時令菜式選擇雜錦寶盒有齊壽司，串燒，刺身，烏冬，賣相精緻茶碗蒸口感滑嫩; 三文魚花之戀刺身肥美; 原隻北寄貝壽司鮮甜爽口; 油甘魚壽司，肉厚滑嫩，入口即化燒帆立貝，肉質彈牙，帶有日式燒汁的微甜極尚火炙壽司定食總共有10款火炙壽司,燒怪獸鰻魚壽司; 鰻魚口感紮實; 燒油甘魚壽司肉質細膩; 火炙令魚油滲出，層次豐富日本空運蘋果雪葩雪葩口感幼滑細膩，帶有清新的蘋果香…查看更多

朋友帶左去間日本風裝修壽司店，刺身非常厚切，鮮味十足，每一個套餐都包煮食同甜品，好似食放題咁滿足☺️🔸什錦寶盒C刺身：三文魚、油甘魚、甜蝦、吞拿魚、生蠔小食：玉子燒、日式煎餃子、茶碗蒸壽司：帶子魚籽壽司、加州卷烏冬、飲品、甜品：日本大福非常推介生蠔刺身，估唔到驚喜十足，馬上點多一隻再食，帶子魚籽壽司外型非常華麗，好似綻放緊嘅鮮花👍👍油甘魚吞拿魚係VIP 🔸極尚火炙壽司定食壽司：燒三文魚、燒鰻魚、燒油甘魚、燒帆立貝、燒吞拿魚、燒醋鯖魚、燒左口魚、燒牛肉、燒芝士蝦及加州卷配茶碗蒸.麵豉湯.沙律菜火炙壽司份量十足，滿滿油脂喺口溶化，特別推介燒三文魚同油甘魚，另外燒左口魚都眼前常推介👍👍…查看更多

「東京街」的食物質素越來越高，價錢平民。餐廳每日都差不多坐滿客人。雖然整間鋪得一個服務員，但他做事非常爽手，乾淨俐落，態度良好，值得稱讚。🥢雜錦寶盒$158，有麵豉湯、壽司、刺身、甜品和烏冬，加28元還有茶碗蒸和蟹籽沙律。帶子和油甘魚刺身日本大福，芝麻八爪魚三文魚壽司、甜蝦壽司、鰻魚壽司、加州卷溏心蛋、胡麻汁冷烏冬每樣都非常新鮮，豐富多元化，配搭精美，一次過食到咁多種類，夠滿足。🥢火炙醋鯖魚$48鯖魚營養豐富又好味，皮脆肉嫩，價錢便宜，絕對抵食🥢日式炸芝麻雞翼三隻$38非常惹味的雞翼，脆卜卜，讓人愛不釋手。🥢北海道三文魚頭鍋$128至愛的魚頭鍋讓人垂涎欲滴，大大個三文魚頭，還有很多粉絲、雜菜、豆腐.....，奶白色的湯底一啲都唔腥，清甜好喝。…查看更多

旺角行完街，去左始創中心後面一間價錢合宜，平民之選的日式料理「東京街日本料理」，被其和風裝潢吸引左，就決意大快朵頤。餐廳裝潢好和風，木系做主調，配上柔和優雅吊燈，仿似置身於日本🇯🇵之中。桌子櫃桶放了筷子、芥末、餐具供客人使用。極五色火炙魚生丼飯：非常豐盛！有三文魚刺身：鮮甜濃郁，脂肪含量較高，甜感更明顯。肉質緊實有彈性，咀嚼時能感受到纖維的細膩。油甘魚：入口柔滑而不膩。吞拿魚：鮮味濃郁，帶有微酸。北海道帶子：入口是海洋的清新，咀嚼是天然的甘甜，口感在嫩滑與彈牙間取得完美平衡，余味是純淨而持久的鮮醇。左口魚裙邊：咬外焦里脆，經過火槍或炭火的高溫，裙邊表面會瞬間收縮，變得微微焦脆，甚至帶有些許脆邊。而內部則依然保持軟糯、彈牙和多汁。油脂迸發：在咀嚼的過程中，被鎖在膠質中的魚油會受熱融化，在口中迸發出來，形成一種爆漿般的油潤感，香氣四溢。南非生蠔🦪：肉質飽滿，充滿海水金屬味，海水味濃。壽司🍱定食：三文魚夠曬肥美。油甘魚油脂豐韻、池魚帶有彈性，八爪魚、真鯛魚、北海道帶子、魚籽花之戀、大赤蝦、吞拿魚、加州卷、味增湯，茶碗蒸：夠曬細滑、口感細膩滑嫩猶如布甸，充滿味噌味，包含竹輪和蟹柳，好味。整個定食好豐盛。辣味螺肉🐙：螺肉屬於海鮮/河鮮，自帶一種獨特的、濃郁的鮮味，這種鮮味不同於魚或蝦，帶有一點泥土和礦物質的風味，非常醇厚。螺肉的質地非常緊實，咀嚼起來有明顯的抵抗感，但又不會硬到嚼不動，這種Q彈的口感是很多人痴迷的原因。過程中，辣味、鮮味和醬香味會持續在口中釋放，越嚼越香。總結：太子平民日式料理性價比高 味道一流…查看更多

由疫情嗰陣開始食東京街，覺得堂食同外賣都唔錯👍🏻。Lunch set $68起，而且星期一至五午市仲免加一。冇食早餐，所以中午豐富啲食個秋田盛（$198）。跟埋沙律菜（其實係中華沙律🤣）、茶碗蒸、麵豉湯、飲品。已經嗌咗少飯，不過整體份量已經好多。秋田盛有超啱撈飯嘅甜蝦蓉、三文魚籽同埋蟹肉。三文魚大大片。甜蝦來貨幾靚，連近蝦頭位都完全唔腥。我仲追加咗金菇牛肉卷（$18）。口味係甜味照燒汁。無論係金菇定牛肉都煎得好香。…查看更多

很喜歡在太子的「東京街」用餐，除了裝潢別具日本居酒屋特色，食材亦十分新鮮！極尚火炙壽司定食呈現了一系列令人垂涎的壽司。套餐配有三文魚壽司、大鰻魚壽司、燒油甘壽司、燒帆立貝壽、燒左口魚壽，以及燒牛肉壽司等等，每一款都是經過精心製作，鮮嫩的魚肉令人欲罷不能，融合新鮮食材與獨特調味。另一方面，極付刺身定食提供了新鮮的選擇，包括三文魚、油甘魚、赤貝等，每一件刺身都讓人感受到海洋的鮮味，特別是活赤貝和珍寶帶子的口感鮮嫩，令人難以忘懷。除了壽司和刺身外，餐單還有其他精緻的選擇，如香煎油甘魚鮫以金黃酥脆的口感取勝，燒荔枝煙肉卷則藉由新鮮荔枝和煙肉的搭配，帶來獨特的風味。最後，炸煉奶芝士年糕作為甜品，外脆內軟，十分完美。東京街日本料理 (太子)地址：太子西洋菜南街228號地舖…查看更多

一入到去，就已經好有日本居酒風情！今日午市嚟食壽司，一至五免加一，樓下全部滿座，就知道大家幾鍾意食！今次叫咗午市極尚火炙壽司定食，除咗壽司之外，仲會有中華沙律、茶碗蒸同味噌湯，再送你一包茶飲！壽司飯唔算太大件，但上面嘅火炙魚生就好大嚿，我自己最鍾意食係怪獸三文魚腩，入口好肥美！另外左口魚同埋油甘魚都唔錯，一個人食絕對夠飽！見另外嘅清酒煮蜆都好吸引，就叫埋嚟試，反而入口有浸牛油味，清酒味道好香，蜆肉冇沙都算肥美！…查看更多

🍣🍣🍣🍣🍣（滿分5🍣）旺角西洋菜南街地舖，真係有驚喜！東京街呢間日料，價錢親民到笑，兩個人食到撐爆都係四百蚊左右，抵到癲。必食推介：- 🇺🇸 美國牛板肩壽喜燒：牛脂香到黏嘴，蛋液一裹入口，嫩到好似食雲咁，甜甜醬汁送飯一流。 - 🦑 洋蔥炒墨魚咀：爽脆到咬出聲，洋蔥甜香滲晒入去，配啤酒簡直無敵。 - 🍣 北海道丼：三文魚厚切脂潤、牡丹蝦甜糯、蟹膏加魚籽鋪滿碗，鮮味爆炸，每一口都想尖叫。 - 香蔥拖羅卷：油潤拖羅加青瓜，四件完全唔夠食！環境係簡約日式風，影相好出片；服務員態度超溫柔，好似朋友幫你斟茶咁。旺角要搵高質日料，呢度真係可以鎖死。🔖📍 旺角西洋菜南街228號地下 東京街日本料理 hkfoodie #旺角日料 #抵食推介…查看更多