杏甜品 (豉油街) (已結業)

🍨滋補港式糖水甜品🍨秋風起 成日都心思思 想搵啲滋補少少嘅甜品舖 食吓糖水 咁啱就比我見到呢間標榜天然健康嘅港式糖水甜品 一睇個名就知道佢嘅招牌係杏仁系列 夠晒滋補😗-🍧招牌杏汁波波爽冰木蓮凍 $65呢款招牌產品有齊晒佢地最出名嘅杏汁同木蓮凍 仲配埋四色芋圓同青鑽 仲可以揀爽冰球嘅口味 成日想試唔同嘢嘅朋友一定要試吓😋 杏汁好純好滑 但係唔會太厚身 食落有啲似杏仁奶版嘅花奶 更加香同健康🥰 木蓮凍好滑好水潤 有啲似仙草凍或者冰粉嘅口感 又低卡又滑 做甜品糖水就最夾 加埋QQ口感嘅芋圓 同脆卜卜嘅青鑽 口感好有層次👍🏻-🥥椰皇貓山皇燉雙皮奶 $75椰皇同榴槤冰係分開上嘅 建議可以首先試咗椰皇燉雙皮奶 雙皮奶好幼滑 比起坊間嘅一般燉奶更加綿滑 仲會有少少椰奶嘅香味🤤 榴槤冰本身都已經聞到榴槤嘅香味 食落去更加係食得出有榴槤肉整成嘅爽冰球 加埋落椰皇雙皮奶一齊食又會提升左另一個層次🤩-📍 杏甜品旺角豉油街25-31號地下3號舖

Walking along Mong Kok after dinner, we noticed a new dessert place called Almond Dessert. It was small and seemed to serve Chinese desserts. Which we love to say, it's better for you as it's mostly based on natural ingredients.Menu is in English and Chinese. There is no 10% service charge. It's a very VERY small place. They served a variety of basic Chinese desserts that we've all come to love.One of these was a dessert using Moore Jelly.  I've never heard of Moore Jelly before so gave it a try

💁🏻‍♀️ 上次食完尖沙咀分店，念念不忘又想食🤣，因為杏仁今次去左旺角新開分店🥳。旺角分店細過尖沙咀分店，不過有幾個靚仔店員坐陣😳。► 招牌杏汁波波爽冰木蓮凍 $65（自選爽冰一款，四色小芋圓，青鑽，杏汁）（爽冰：榴槤，蜜瓜，士多啤梨，芒果，龍眼，任選一款口味 雙拼加$5 三拼加$8 四拼加$10）我地揀左芒果🥭同士多啤梨🍓，士多啤梨酸酸甜甜更開胃，木蓮凍本身唔太甜，又多配料，其中青鑽係禾穀類作物，好有咬口，幾特別。好期待佢個杏汁，杏汁好香杏仁味，我自己好怕杏仁有陣味，不過我又好鐘意食杏仁，呢碗木蓮凍就冇果陣味，食到一口接一口🤣🤣💕推薦✨► 杏仁茶燉蛋白 $55 熱 （加湯丸2粒 $10）一黎到就聞到好香杏仁茶味，蛋白夠滑溜，一樣唔會太甜，暖暖的杏仁茶同蛋白入口真係暖入心，湯丸會另上，用桂花水浸住好美觀✨，煮得岩岩好。蛋白好滑溜好香，♡⋯⋯總結⋯⋯♡ ☻ 4.7/5 如果好sweet💕，有好味的甜品食又有靚仔睇，味蕾同視覺雙重享受，差啲唔捨得走🥺🥺

招牌杏汁波波爽冰木蓮凍 $65＋四拼 $10龍眼爽冰 芒果爽冰蜜瓜爽冰 士多啤梨爽冰 椰汁木蓮凍西米露 $39迷你貓山皇棟蓮爽冰＄20 折扣 用$1 換 分店尖沙咀加拿分道40-46號香檳大廈地下6號舖葵涌昌榮路9-11號同珍工業大廈A 座17樓B1室唔講太多先講期間限定 至 11月30 尾啫，買任何甜品 加 1 蚊 多一個迷你爽冰 只限 旺角個間。（好似喺，有咩上網查返HA，唔關我事架） 聽朋友講原店好好食，所以見旺角開咗就試吓，但試完招牌杏汁波波爽冰木蓮凍，我覺得好普通，可能新開啦 ，所以未整調教到好好啦，個芋圓有啲粉，杏汁有啲淡淡地，但青鑽幾特別。但佢啲爽冰幾好食。椰汁有啲淡淡哋，西米露無試答唔到你。所以覺得想試，先去尖沙個間先，之後經過旺角先試，試到唔同話我知。

新開張甜品鋪，有friend食過尖沙咀嗰間店，話超好食，所以入去試下。店員推介 “招牌杏汁波波爽冰木蓮凍”：木蓮凍口感似龜苓膏，有啲煙韌，味道似凉粉，波波爽好好爽脆，入面仲有好煙韌嘅小芋圓，我哋揀咗芒果汁冰，係用真正嘅芒果打成，好濃郁，成碗野口感豐富，味道清新，充滿香濃芒果同杏汁味，真心好食。但數到今餐嘅最愛就係 “泰國金標龍眼爽冰”。成碗都係用龍眼肉打出嚟，每一啖都係龍眼肉同埋龍眼汁，好好食，自從聰嫂執咗之後都食唔到咁好食嘅龍眼冰，真係喜出望外，大大推介！食咗兩碗凍甜品，叫番碗熱湯丸，湯底係桂花糖，非常清新，唔會好甜，桂花好香。總結：地方好乾淨，店員服務好好，最重要係食物高質，甜度適中，真心推介！

杏甜品於旺角鬧市開設分店同時新推出木蓮凍系列 真係要嚟試試佢！招牌杏汁波波爽冰木蓮凍 $65 木蓮凍口感彈滑 又健康 味道跟仙草相似以杏汁做底 有粒粒青鑽 4色小芋圓香甜軟糯 份量都好多包括一款爽冰 +$10 仲可以四拼夠滿足到我揀咗榴槤、士多啤梨、芒果、龍眼 好好味雖然杏汁同椰奶落重手咗 成碗變咗白色 但冇所謂真係好好食好大一碗甜品！好足料呢！椰皇貓山皇燉雙皮奶 $75原個椰皇🥥 係一款凍食嘅甜品面層係椰奶 底下係嫩滑嘅雙皮奶貓山王榴槤肉另上 加入椰皇內一齊食真係好滋味 味道夠香濃 榴槤控一定不能錯過！店舖內位置不多日間早啲嚟到唔使點等位✌🏻

💕Almond Dessert店如其名，餐廳主打杏仁甜品，由尖沙咀開到嚟旺角📍係近期大熱嘅人氣甜品店🍧除咗傳統嘅杏仁茶，將杏仁原素加入到唔同嘅甜品，仲食到第一次食嘅木蓮凍同青鑽，幾有新鮮感 🔸招牌杏汁波波爽冰木蓮凍 ＄65 配上色彩繽紛嘅小芋圓同雪糕賣相吸引❣️揀咗榴連同蜜瓜🍈雪糕，榴連味同杏汁都幾夾🙌🏽木蓮凍有點似燒仙草，口感滑溜食落有回甘，配料仲有青鑽同埋濃郁嘅杏汁，感覺滋潤🔸養顏青鑽桃膠杏仁茶吸吸杏仁茶香醇濃郁，果然係佢哋嘅招牌，有足料桃膠同青鑽，聽店員講青鑽係禾穀類作物，營養豐富同時增加口感，加上桃膠，幸福感滿滿🥰🔸生磨合桃露 ＄32熱辣辣夠晒正🤤合桃味香濃，質感濃稠，口感幼滑唔會太甜服務方面亦都值得一讚，店員好nice又有禮貌，好加分😊

Almond Dessert旺角都有分店喇之前去親尖沙咀都要去食埋甜品先走依家咁近我開左分店仲方便平時必食龍眼冰嘅我嚟到新店就想試下新野芒椰木蓮凍木蓮凍呢個名真係第一次見 好奇叫嚟試下有啲似仙草凍 但口感唔同 同埋甘味比較重三色芋圓好有咬口 同埋大量芒果肉同椰果好豐富好大份 同朋友share就啱晒椰皇桃膠燉雙皮奶呢排天氣乾燥係時候潤番下底層嘅雙皮奶好滑好濃奶香上面仲有椰汁桃膠 好滋潤呀糖不甩好煙韌呀 加左大量椰絲花生碎 勁香唔太甜一份五粒唔係幾夠喉 仲想再叫多份食食下仲送左份迷你椰汁冰依家新開張去幫襯就送迷你木蓮凍甜品但職員話見我叫左木蓮凍 就轉第二樣俾我地 好sweet呀 椰汁冰好清甜 水晶珠勁爽脆 好鍾意佢地嘅爽冰系列依家喺旺角店充值仲送番同等金額優惠卷仲抵過平時增值送甜品 不過冇留意優惠幾時完

招牌杏汁波波爽冰木蓮凍（$65)💡龍眼口味爽冰賣相：🐧🐧🐧🐧味道：🐧🐧🐧🐧🐧甜品用大大個木碗盛放滿滿，再配搭小木托盤呈上，簡潔別緻。甜品份量十足，內裡包括波波爽冰、四色小芋圓、青鑽，數量之多足夠二人分享有餘，十分抵食。味道方面，木蓮凍爽嫩滑溜，有點像龜年膏，入口甘香，搭配香濃的杏汁十分合拍，值得一試。龍眼口味爽冰龍眼味足，清新可口。四色小芋圓小巧可愛，入口煙韌彈牙，嚼口十足。椰皇湯圓燉雙皮奶（$69)賣相：🐧🐧🐧🐧味道：🐧🐧🐧🐧🐧甜品以整個椰皇呈上，同樣附加小木托盤裝載，齊整美觀。味道方面，雙皮奶入口滑溜細嫩，奶味香濃可口，配合椰皇椰奶十分美味，值得一試。湯圓為大大粒芝麻湯圓，煙韌有嚼口，咬開流心芝麻餡料甚多，芝麻味十足，美味之選。輪候時間：🐧🐧🐧🐧🐧在假日下午4點幾前往用膳，無需輪候能即時入座。候餐時間：🐧🐧🐧🐧🐧兩款糖水都在5-10分鐘內製好呈上，十分迅速。服務：🐧🐧🐧🐧🐧店員親切有禮，樂意盡量滿足顧客需求。🐧❤️結語：甜品質素理想，高度推薦。

呢間係以杏仁為主題嘅甜品店，除咗有杏仁茶、懷舊中式糖水、湯圓、燕窩等款式之外，最近仲推咗個木蓮系列呀！裝潢採用文青綠搭配大地色系嘅木枱櫈，有種小清新嘅感覺🌱～ 地理位置方便，食完晚飯不妨過嚟品嚐吓佢哋嘅甜品💞一場嚟到梗係要叫佢哋嘅新產品招牌杏汁波波爽冰木蓮凍啦！爽冰揀咗蜜瓜、士多啤梨、芒果同龍眼口味，味道濃郁，甜而不膩，口感綿密，超級解暑～ 四色小芋圓煙靭Q彈，青鑽養生美顏，搭配香濃幼滑嘅杏汁簡直係perfect match，口感豐富，十分推介👍🏻椰皇湯圓燉雙皮奶原個上，賣相十分可愛迷人😋 雙皮奶採用3.6牛乳，奶味幾出，入口滑身，搭配三粒爆餡嘅芝麻湯圓，食完仲可以刮啲椰肉食添！整體味道天然健康，暖粒粒咁令到個胃好舒服呀😛～

依家去到秋天非常乾燥，飲糖水滋潤吓就最好啦！加上而家天氣好熱所以呢我都點咗一啲凍嘅甜品，但同樣有滋補嘅效果！我點咗呢個芝麻糊木蓮凍，個芝麻糊佢磨得好幼滑，下低嗰層有非常Q彈嘅木蓮凍，口感非常之好！朋友就點咗椰皇桃膠雙皮奶，食落去個口感都係非常滑一滑，同埋食完之後佢覺得個身都暖笠笠～～我哋都好鍾意呢度食甜品，因為我哋都鍾意食啲唔係咁甜嘅甜品，我哋覺得佢個甜度啱啱好，食完唔會覺得好有罪惡感～～大家行過旺角都不妨試吓呢間新店啦

人氣《杏》甜品店Almond Dessert（Almond杏）進駐旺角，之前喺尖沙咀食過幾次，每次都非常非常足料，每款口味都即日鮮製，旺角分店雖然細D,但味道一樣不變👍🏻除了要試試招牌的杏仁茶燉蛋白、芒果奶昔雙皮奶、榴槤冰外，仲有全新木蓮凍🥥 椰汁木蓮凍西米露 $39椰汁味香濃，口感有小小似仙草，但比仙草更滑嚟得當然要食埋我最愛既貓山王榴槤爽冰 $59及呂宋芒果小丸子吸吸 $49 特飲啦💥現在新店推出期間限定優惠，由即日起至11月30日，凡在旺角新店內惠顧任何一款輕食或甜品，加$1即可升級自家製迷你鮮果爽冰🥳

杏甜品開到旺角啦🎉 地點同樣係好方便。分店走的裝修風格同尖沙咀店一樣，都係文青風。薄荷綠外牆加上木系餐桌餐椅，氣氛舒適。✪ 芒椰木蓮凍 ⌫💲62呢款係新推出，所以點咗一個試試先☺️入面有芒果爽冰，芒果粒，4色小芋圓，椰果。估唔到咁大碗，份量好多呀！木蓮凍外形晶瑩剔透，有少少似涼粉同仙草，口感更加軟滑，冰涼清爽。芋圓口感煙韌，地瓜圓味道最突出。椰果好有嚼口，口味偏甜。芒果粒香甜唔酸。✪ 士多啤梨小丸子吸吸 ⌫💲42呢杯吸吸嘅口感係濃郁嘅。入面有士多啤梨果肉，味道香甜。底層有好多小丸子，口感煙韌，唔錯。✪ 椰汁芒果西米露 ⌫💲45香濃椰汁，加埋彈牙西米，經典甜品、經典美味。【Almond dessert】📌旺角豉油街25-31號地下3號舖

見到旺角新開呢間甜品店款式有別於傳統嘅甜品，仲有我最愛嘅榴槤，即刻入去試一試。✨貓山王榴槤爽冰榴槤嘅味道比起平日食嘅XX飄香更濃郁加入粒粒透明嘅爽冰，口感好爽彈面層圓圓嘅榴槤果肉好幼滑✨招牌杏汁波波爽冰玉蓮凍加咗4球唔同味道嘅爽冰 揀咗蜜瓜．士多啤梨．芒果．龍眼，冰冰涼涼，味道鮮甜底層墊滿滑嘟嘟嘅涼粉，青鑽嘅口感好特別，咬開時會卜一聲加入杏汁更加香加入唔同顏色嘅小芋圓同椰果，煙煙靭靭，令口感更豐富✨榴槤湯丸鍾意榴槤嘅話，一定要試埋榴槤湯丸，咬開一啖，裡面榴槤餡料流心般湧出

最近旺角開左間新嘅甜品店《杏甜品》，原來係佢係尖沙咀戈時已經相當有人氣。位置就係旺角豉油街，地方唔算大，同埋係半開放式設計。人多嘅時候就要排隊。講到餐廳名杏，就知佢地嘅甜品都同杏仁有關。招牌杏汁波波爽冰木蓮凍 $65 配一款雪糕。5款口味可以揀，有榴槤、蜜瓜、士多啤梨、芒果、龍眼。榴槤雪糕聽講係最出名，但係因為我唔食榴槤，所以就揀咗第二款熱門嘅龍眼雪糕。依款甜品一次過有四球雪糕，龍眼味都幾清香。木蓮凍就第一次食，形狀同埋口感都同涼粉好似，但係就更加天然健康。呂宋芒小丸子杏仁茶吸吸 $55有一半都係呂宋芒，粒粒芒果果肉。杏仁味好香濃，好鍾意裏面有埋小丸子，煙煙韌韌咁，生磨合桃露 $32合桃味好香濃，質感呈糊狀，口感幼滑。