杏甜品 (豉油街) (已結業)

最近旺角開左間新嘅甜品店《杏甜品》，原來係佢係尖沙咀戈時已經相當有人氣。位置就係旺角豉油街，地方唔算大，同埋係半開放式設計。人多嘅時候就要排隊。講到餐廳名杏，就知佢地嘅甜品都同杏仁有關。招牌杏汁波波爽冰木蓮凍 $65 配一款雪糕。5款口味可以揀，有榴槤、蜜瓜、士多啤梨、芒果、龍眼。榴槤雪糕聽講係最出名，但係因為我唔食榴槤，所以就揀咗第二款熱門嘅龍眼雪糕。依款甜品一次過有四球雪糕，龍眼味都幾清香。木蓮凍就第一次食，形狀同埋口感都同涼粉好似，但係就更加天然健康。呂宋芒小丸子杏仁茶吸吸 $55有一半都係呂宋芒，粒粒芒果果肉。杏仁味好香濃，好鍾意裏面有埋小丸子，煙煙韌韌咁，生磨合桃露 $32合桃味好香濃，質感呈糊狀，口感幼滑。