杏甜品 (豉油街)

營業中

休息中

和朋友吃了一頓不好吃的午飯，決定在附近找甜品吃來補償一下！找到這家杏甜品，之前在尖沙咀試過，覺得不錯，所以來這店吃甜品吧～～店面很細，座位少亦很狹迫，不是一個可邊食甜品邊輕鬆聊天的環境。呂宋芒椰木蓮凍 ($68)，木蓮凍跟涼粉及仙草一樣都是黑色的，口感偏向仙草，但更為柔軟，而且帶微微回甘。此款甜品用料豐富，以芒果奶昔木蓮凍做基底，配有芒果雪糕、芒果肉、三色小芋圓、椰果及薏米。芒果微酸，幸有芒果雪糕搭配。小芋圓口感軟糯、薏米煙韌、椰果爽口，口感層次豐富！椰皇雪燕燉雙皮奶 ($67)，朋友點的這份甜品都不錯，嚐到椰香奶滑，感覺滋潤。甜品味道是好吃的，惟價錢稍貴，而且座位不太舒適啊！

七點半得兩三丁友 都食唔夠30分鐘就趕人走啲嘢食仲銀喺個胃度冇人想坐多個梳化都唔得😅80蚊個甜品 就算冇人都要坐木櫈廿分幾鐘即趕你走 食到似隻狗 真係祝你哋生意興隆呀咁嘅服務態度

Follow 社交平台就會有一球爽冰，大家都可以玩，有士多啤梨梨同埋芒果味道都幾唔錯！🍴龍眼冰 $49 (7.5/10)食落去非常清爽，龍眼味非常濃郁，好清新，入邊就有椰果同爆爆珠，味道都好唔錯！🍴椰皇椰汁燉雙皮奶 $67 (5/10)係原個椰皇上，椰皇size比較細😂椰汁好似有少少燶味，桃膠都幾大塊，雙皮奶比椰汁蓋過咗，雖然質感係幾滑，但係食唔到又奶味，份量係椰皇嘅1/3😅都係食返龍眼爽冰好好食啲！推薦指數: 6/10個龍眼冰ok，椰皇唔得😅

和朋友吃完晚餐，飯後甜品少不了🤣就找了家甜品糖水店，打算繼續聊在外面等的人很多，人氣很高👍叫了椰皇桃膠燉雙皮奶(熱) $ 67我要椰汁，味道很好，雙皮奶很滑，一整個椰子，份量十足。朋友叫了呂宋芒椰木蓮凍 $68很大一碗，芋圓小小粒的，和水珍珠鋪滿了材料，味道冰爽清甜。另外還叫了芝麻糊 $38芝麻糊很香很滑，不會很稀👍我們share吃，很好吃，但店舖空間很小，所以十分擠迫🙈整體價格都偏貴🙈還有每人一定要有最低消費🙄

經過左幾次，終於得閒試下，好彩平日黎，都唔駛等太耐位，三個人各自叫左唔同野share龍眼冰夠濃味好香，同埋都算大兜木蓮凍第一次見同食，唔錯，又有好多配料，小芋圓仲有埋綠茶圓，好豐富！同埋估唔到雙皮奶同芒果都幾夾～奶味好香，同甜甜地芒果好夾，最鐘意凍食！同埋見到都幾多人叫杏仁燉蛋白但飽啦，下次再黎試啦！值得讚下肥肥地眼細細的店員姐姐唔怕我地煩，好比心機推薦我地！仲會問我地好唔好食☺️好好笑容好好態度～

我想講我叫咗一個椰皇雙皮奶，嚟到之後首先個椰皇其實好細個，但我覺得唔緊要，最大問題係佢雙皮奶嘅份量係椰皇入邊10%嘅量，基本上佢係用個細椰皇裝左一堆椰汁溝水，雙皮奶嘅高度真係唔夠1cm，我忍唔住問咗店員咁樣係咪叫正常跟住佢好Hea咁話’係咁㗎啦‘⋯依個椰皇要$79極度貨不對辦，同自己去買罐椰汁有冇分別⋯而且店員態度令我更加嬲⋯另外佢嘅杏仁茶亦都係好浠勁甜⋯之後所謂嘅招牌湯圓夠粉又好淋pat pat⋯絕對唔會再幫襯⋯

今日得9度諗住叫個外賣糖水暖下我用app叫 一早落單但話晏啲拎點知拎出嚟凍哂佢應該好早整定咗啦仲要唔通知話整好咗放咗喺舖頭外面都唔知幾耐😒😒9度咋大佬拎出嚟 份量好少又唔平點又唔係特別好味啲湯圓淋batbat 以後唔會再食真係好唔掂 嗰啲好評係點嚟自己諗!!!!叫佢走餐具又唔走啲員工好似發緊夢咁

呢度嘅芝麻糊真係一流！( ´▽｀)超好食！(>^ω^<)同出面嗰啲比，芝麻味重好多，又滑啲，唔會好水咁樣，_(´ཀ`」 ∠)_食到真材實料嘅感覺！（¯﹃¯）之後佢哋嘅芝麻湯圓都好唔錯！( ´ ▽ ` )ﾉ因為我叫嘅係全家福湯圓，(*¯︶¯*)佢仲有抹茶同榴槤味，係好特別嘅味！☆*:.｡. o(≧▽≦)o .｡.:*☆但本人最鍾意都係黑芝麻味！（¯﹃¯）歡迎大家嚟一試*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*

我地同行7個人，食完飯諗住喺附近搵間糖水舖食下啦。跟住就喺OpenRice搵到呢一間嘢，但係舖頭冇乜位，佢就話七個人要等5-10分鐘 okge! 都好合理轉個頭我朋友見到佢入人，但係其實佢間鋪得嗰四五張枱，佢入得人 我地都唔會有位食最搞笑係轉個頭佢問我你哋係咪等緊？如果你唔等我就入人，首先你都已經入咗人啦，其次咁請問我唔係等緊拎飛企喺你門口做咩呢？然後比兩張枱我哋，話嗰度可以坐到八個人先不論佢嘅甜品冇味，服務態度仲要奇差免費俾我都唔會食，食到我一肚氣

我對旺角的這間甜品店有一些不滿之處。首先，我注意到他們的芋圓可能存在食品衛生問題，尚未將食材煮熟，這對顧客的健康與安全帶來潛在風險，值得關注。其次，他們的燉奶雙皮奶在口感和味道上並未達到令人滿意的水準，且份量相對較少，這讓我感到失望。此外，他們的店面環境並不舒適，給人一種只為吸引遊客而不顧本地人感受的印象。最後，他們的甜品偏向甜膩，缺乏平衡和層次感，這使我的味蕾感到單一和飽足。總之，這些是我對旺角甜品店一些負面評價的原因。

高質糖水舖 如果鍾意食杏汁 一定要試 已經唔知第幾次黎食杏佢係近年一間高質既糖水舖價錢係偏貴 但係食得出真才實料今次叫左杏汁木𦻗冰 木𦻗其實食落好似仙草咁 係無味主要都係個杏汁依杯野就偏淡我會推介杏仁茶燉蛋白杏仁味出好多 龍眼冰 冰底係用龍眼汁整 所以每一啖都食到龍眼汁 上面有少少龍眼肉佢既龍眼肉唔係罐頭龍眼 貓山皇榴連冰佢有榴連雪糕貓山皇榴連肉 份量都唔少同埋好香 杏仁茶燉蛋白蛋白非常滑 蒸得啱啱好杏汁好香 又唔會太甜甜品甜度適中份量正常值得一試佢有套票賣 如果鍾意食既人 可以買套票 會低啲舖頭環境狹窄 住都好少人 如果一大班人去食 可能就唔太方便 

食飽飽都要食甜品🙈因為甜品係第二個胃😛1️⃣椰皇桃膠燉雙皮奶（可選椰汁/杏汁）原隻椰皇連椰肉，清燉1小時的雙皮奶。我就揀左杏汁，雙皮奶好滑亦有好多料。2️⃣泰國金標龍眼爽冰好濃龍眼味😍加上有爆珠同椰果，好好味呀3️⃣抹茶湯圓爆漿湯圓，個餡就似心太軟果種味😂試下無妨

晚上路經油麻地，飯後想食甜品，係openrice搵到lee間店，由行入門口開始，就辣到上心口！我真係去左食甜品嗎？事情是咁的，因店家環境狹窄，四個人被指示坐在廚房門口，心諗當時無乜客，我地4人靠牆坐，佔兩台。揀好野食，見無人招呼，自行出去搵肥收銀員落單。（事先講清楚，肥只係為左形容佢，唔想令人混淆另一位高瘦有禮的員工）佢一句"QR code落單，手機比錢"就將我彈回頭。原地轉身補多句"你地點解咁樣坐，四個人坐一台，我有其他客ga"就封印左我地係間店的死角。碰到"高手"，點都要還一招"我怕阻住你地廚房出入位ma"，換來的當然係一句"唔會"。果一刻我開始有d火，想走！今時今日，乜服務態度？！為左個甜品我忍！當我地圍住張台坐好，就點野食。去到比錢果頁，又出事！要入信用卡資料，要入名，又要入電郵同電話……大佬呀, 外面好多黑客偷資料，正路唔會亂入比人地！洗濕左個頭，萬分不情願之下，選左支付寶比錢，都要入名，電話、電郵，袋住幾百蚊都無用，龍游淺水遭蝦戲……過左兩關，心諗可以舒舒服服食返餐甜品啦。等、等、等，剛好有四個半唐番入來，二話不說坐左係旁邊果兩台！又話四個坐一台的，估唔到我不犯人，人犯我！

特登要渣車過嚟同朋友食🤤 平時通常都係飲否仁奶，今次第一次試榴槤都幾出色😍今次要咗一個榴連冰嗌咗微糖，個人覺得啱啱好味又唔會太甜 同埋榴連味都好香😆平時台式飲品都好驚會膩，今次呢個因為係貓山王，同埋唔會好飽頂住咁😋我朋友就要咗芒果吸吸飲，揀咗椰汁做底，朋友話芒果味同椰汁味好夾好香好快就chur 晒一杯😍呢間係值得一去再去嘅甜品舖雖然開關後好多店舖都加咗價🥲不過而家市道唔好，希望大家可以多啲支持吓佢哋小店🤎

椰皇雪燕燉雙皮奶（熱）$67桃膠芋圓木蓮凍 $49雙皮奶份量偏少，味道ok，但$67真係太唔抵桃膠芋圓木蓮凍因為係新產品，所以先$49，覺得木蓮凍冇其他人講得咁好食，好食過仙草少少。芋圓你可以睇下幅圖，勁細粒，雖然好似有抹茶味，食得出好似真材實料，但太細，口感麻麻。呢碗就好大份量，一個女仔食完都好飽，但真係唔建議encore😅$49不如我去食仙芋仙。門口見到學生同長者有9折，坐低咗佢先話七點前先有，門口張poster寫得勁細😅Bad trip