李公館

營業中

休息中

難得有伴 當然要聚一聚 係李公館渡下日神 一入到去李公館 大多數擺設同坐位 都由木所建成 加入左D雕花既元素 顯得優雅 可能係閒日既關係 下午茶時段都唔太多人 所以都幾靜 簡直可以暢所欱言 坐坐下時候 剛剛午飯完畢既人潮漫漫咁離開 好似包場咁TIM 一黎 就叫左壺普洱 暖暖胃 個茶壺好特別 好似印度拉茶MINI板既壺咁 好過引沙爹金錢肚 : 好淋 1D都唔油膩 不過好似唔係好夠沙爹味碧綠活剝蝦餃皇 : 外貌綠綠地色 都幾吸引咁似加左D菜混成 皮都夠薄 D蝦都幾新鮮 夠爽口滿口留香麻沙包 : 一般 甜包點 好香芝麻香 但係味道又唔係覺得有什麼驚喜 脆脆野菌腸 : 令我同朋友最大驚喜就係呢個拉 !!!! 野菌好爽口 同幾入味 包住D薄脆同腸粉 簡直讚 好鬆化之餘而唔油膩原蝦鮑片燒賣皇 : 係近排既新出品 幾好食 一粒燒賣有幾種享受 海明珠楊枝金露 : D海明珠 同普通珍珠奶茶鋪既配料 差唔多咁 冇咩特別!本身我地有叫雪影叉燒飽架 !! 可惜一早賣晒 失望失望 另外我重打包左牛肉球 同燒賣皇番去TIM @@ 個牛肉球唔洗點汁都好入味 同埋好鬆

經過上一次星期六突襲李公館失敗後，今次我懂得要先訂位長柄茶壺是它的特色點心並不便宜其他優惠時段：星期一至五 12點半前，2點半後；星期六及日兩個人，總共叫了 4款點心碧綠活剝蝦餃王外皮是吸引人注意的綠色蝦肉很爽口原蝦鮑片燒賣王雖然是原隻蝦，但與蝦餃的蝦有分別，燒賣裡的蝦比較淋，沒那麼爽口與別不同春卷外皮很脆，配料全是素菜，但很乾身不會好像外面的春卷，炸完後仍然很濕隔壁的醬汁微微帶辣，應該不是喼汁，似是獨家炮製雪影叉燒包這是WAITRESS 特別推介的，還告訴我們再遲些落單就會售完因為這是招牌貨落單不久，很快便上菜，WAITRESS 再次提醒我們要執熱吃才好吃後記： 茗茶 $12 一位，CITY BANK 結帳有9折 .

今曰約埋兩個朋友仔去嘆茶,因為一早訂左位,所以唔駛等因為第一次嚟,望住點心紙,樣樣都想試,正在懊惱之際,一個著便服的男生走過來有礼貌地為我們介紹一些招牌點心(可能是老闆吧!)在他的推介下試了好多款點心娥姐粉菜:皮薄餡靚,粉果皮透明,薄到可以見到裡面D餡,好似細個食嘅鮮蝦粉菓!好好味!口水雞鮑絲腸:口水雞醬淋在上面,腸粉皮薄,鮑絲份量不多,最出色是口水雞醬又麻又辣,沒加腸粉豉油,原汁原味!(因為這碟腸粉,我再點了小食口水雞,點知完全唔同 味,帶甜不麻不辣,失望!後來先知道兩個麻辣醬係點心部同廚房分開整嘅)鮮露笋瑤柱金蒜餃:呢款點心,外表像三朵花,餃皮漸變綠色,加上橙色蚧子,賣相十分吸引!鯊魚骨湯鮮竹卷:鮮竹卷吸收了鯊魚骨湯香味, 鮮竹卷變得非常惹味, 朋友更把 鯊魚骨湯全喝光!馬來喇沙海蝦湯窩米:我好like食新加坡喇沙,湯底當然冇得比啦!米粉好幼好滑,吸晒喇沙湯味,可惜個湯低 普通,而且除左蝦外,就沒有其他材料,雖然叫海蝦湯米啫,都唔駛咁單調架!

來李公館吃晚飯已經多次，每次都俾到我驚喜。今次約了幾個小學同學，其中一個適逢生日，另一個他的小朋友差不多出世一百天，因為這裏食物一向水準穩定，所以特意約他們來開懷大酌。今次本人揸主意點晒全部食物，首先點了開胃小吃麻辣青瓜，辣味適中條舌有少少痳痺感好得意！接著點了冰鎮鳯梨骨，買相很好，特別在咁熱嘅夏天見到都透心涼，它的買相有些似拔絲外層是少甜脆糖漿包著酸酸甜甜的炸半肥瘦的排骨，很是好吃，一點也不油膩。接著叫了一個九層塔胡椒蝦，它是一個煲仔菜，一上枱香味四溢，蝦吸收了胡椒及九層塔的香味非常惹味，同學們連配菜洋䓤都吃過清光👍👍👍。還有黑松露鳯凰蒸肉餅，黑松露香加上雞及豬肉軟滑也很特別😊。另外芥未牛仔粒👍👍，牛肉粒軟淋淋的配合wasabi 沙律很清新。不得不提咖喱海鮮包，咖喱香而不辣，最開心的是外面的麵包也可整個吃掉點著咖喱汁非常滋味👍👍👍。還有生插鹽焗雞都焗得恰到好處。其實還點了海鮮雜菜煲及杏汁豬肺湯也很不俗。起初真擔心吃不下，但實在很好吃，全部也給我們幹掉了。最後不得不提點品，雖然已經很飽，但也叫了藍梅乳酪布甸、北海道3.6牛乳紅豆奶凍及栗子蓉西米焗布甸。最後同學們都很滿意，攬著肚皮走。😊

星期五跟同事來到李公館食LUNCH..佢地成日都話好好食...我咪試下跟佢地出來食晏囉(因為平時我係帶飯既(慳錢嘛)...第一次來呢度..感覺裝修好靚...心諗裝修靚既地方野食唔方好食.....點知我的同事們點左個叫咩雪X叉燒包....佢地不停推介我一定要試.....食落口超好味呀...初頭以為會好油....你知啦女仔怕肥架嘛.....但真係好好味囉.....再食個野菌腸粉....好特別....真係同其他既酒樓唔同.....好好味....唔怪之得我D同事成日都訂枱來食晏啦.....跟住再來一個煎X米雞...我仲以為又係好油個D....啊...原來又唔油WOR...幾好味.....佢地又叫左個什麼石頭飯....OK WOR...好香好好味..一樣係唔會太多油....總括來講..好多點心叫咩名我都唔記得...不過食過呢次..我一定會再來....真係好耐無試過去飲茶食到呢D質素啦......呀...仲有提一提......那個唔知係咪叫知客姐姐好好禮貌好好笑容...服務態度一流...值得再來呀

周日不找周公，去找李公。原因是今天是父親節，要感謝父親的付出。説穿了，只是爲了吃。^^"李公館，氣氛高雅，裝飾雕工細膩，本是一個很悠閒的飲茶勝地；但是每張餐桌距離太近，桌下又有木板支撐著，坐得不舒服，亦給人很大壓迫感。早聽聞這裡的茶壺別具一格，所以快快叫壺茶。由於昨晚在Ritz Carlton吃得很膩，因此我們是叫了普洱。好，拉茶（兼敬茶）的時刻到。結論是，好玩好看不好用，像我這樣拿個普通茶壺都搖搖欲墜的小妹妹，拿這個嘴小小的茶壺，很容易便倒瀉在餐布上.....說回茶葉，普洱味奇淡，其他茶味（例如壽眉）則嘗出來。這樣混茶葉，實在令我們對這裡印象大打折扣。點菜的時間實在讓人興奮，經常心思思，希望全部都能試。就是因爲太高興，我竟然可以tick錯了鄰菜的小格，幸好我當時只選了兩款點心，也幸好我爸媽沒有責備，而且能夠叫回本來想叫的點心。所以嘛，節日氣氛的力量真大！手拆鮮蝦腸（HK$32）：腸粉皮薄，晶瑩通透，看到原顆鮮蝦，是高水準的表現。看清楚，原來皮太薄，破了，露出餡兒，真是可惜。如果這個沒有被切開，維持一整條，可能腸粉皮不會在切的期間破開。吃下口，鮮蝦爽口，粉皮滑，很不錯。另外，我不太欣賞

一早訂好房間和點了套餐for 14 ppl。長輩們都準時下午四點到齊攻四方城，後生仔女就去自由活動陸續在開飯前才歸位，各得其所！地方頗濶落，設置了十五人枱和麻雀的同時，仍有足夠活動空間。大家都對這小店的食物和服務讚好。特別要讚以下兩道菜式1. 炖花膠湯 - 足料，花菇花膠大大隻！夠晒火喉，但清而不膩！好飲2. 蒸老虎班 - 冇揾笨，一食就知係海班，跟養的有天潤之別！正，好鮮甜！連漁鮮専家老爸都讃不絕口！

同一班舊同事食下午茶，享受滿有驚喜的一餐。店內裝修精緻典雅，最難得係環境寧靜，好適合傾計。我地叫左十幾種點心，包括蝦餃、燒賣、小籠包、蘿蔔糕、黑芝麻奶皇飽。賣相、味道都是一流的。除了傳統點心，店裏也有新派造法的點心。例如雪影叉燒飽、芥末帶子百花炸兩、雙雙對對雙子餃（蟹子蝦餃）、燒肉汁雞窩飽、脆脆野菌腸。極力推介蒜香雞軟骨、籠仔糯米蒸蝦飯。雞軟骨炸得好脆，好有口感。蒸蝦飯D蝦好新鮮，飯亦軟硬適中。雖然係中式茶樓，但甜品卻異常精彩，我地叫左芒果布甸、桂花蘋果燉雪梨、紅粉俏佳人、蓮蓉西米焗布甸、北海道3.6紅豆奶凍。咁就為呢一歺劃上完美句號。

今晚經過灣仔，見到一商業大廈門口擺放菜式的宣傳廣告，於是便姑且一試，發現有驚喜喎。上菜時見到每碟均悉心地去擺放，味道亦屬於中上，尤其是翠塘海明珠及海鮮什菜煲值得推介，由於今晚帶了老人家去，因此該道海明珠已經讚不絕口，合老人家口味，什菜煲如果可以加添娃娃菜更錦上添花，可以吸收濃濃的雞湯就可以令整道菜更加好食。

剛剛試了這間食店, 都覺得不錯, 由其是適合一夥人食晚飯, 而且環境都不錯。人不是太多, 所以環境不噪雜。當晚點了:1) 例牌燉湯 - 幾足料同濃郁, 湯榨足令到個湯好清香及不膩2) 金牌脆皮雞 (半隻) - 皮薄香脆, 如果雞肉再滑一點會更好3) 鴛鴦黑豚肉 - 兩種煮法, 第一種係生炒排骨方式, 另一種係用黑醋做的, 自問會喜歡黑醋豚肉多少少4) 海鮮雜菜煲 - 好多料, 湯好清香, 越簡單的餸就越難做得好5) 蒜蝦蒸糯米飯 - 本來係OK的, 但糯米飯太熱令到飯比較濕, 要等一等米收水後才比較好食, 蒜蝦就一般, 蝦肉未夠爽口及新鮮, 蒜蓉可以再多少少就好！6) 甜品選擇: 紅豆奶凍 及 萬壽果糖水 (熱)

未試過這裏的午餐。第一次來便是大夥兒的晚饍。這家樓上酒家，只有十多張枱，卻有兩間大私人房，十五人坐下也不太迫。水壺長長的出水口，蠻有趣。龍井及鐵觀音，茶味微甘洌，長留口腔。好好！菜膽北菇燉花膠湯料不少，但奇怪湯味很清淡，甚至無味，希望不是溝水吧！！黃金脆啤梨估計是花膠做成梨狀而油炸。內裏以水果粒沙律作饀，菜式新款而不油膩，雖然味道不是太特別。翡翠黑椒安格斯牛柳粒全晚最好吃的菜式。牛柳嫩滑，牛味豐富，黑椒惹味，生熟恰到好處！柚子脆蝦球柚子味酸甜清新，但蝦身不太爽，普通之作。大斑兩味菜遠斑球及紅炆頭腩都不差。真材實料，煑功平實。沒驚喜，但亦不失望，不過不失吧！蒜子豆苗炒得不差，剛剛熟。秘制鹽焗雞沒什特別，皮比較香脆而不太咸，但雞身焗得太乾了！銀耳椰皇萭壽果不錯的甜品，清甜可口。

愛吃點心，但覺得不少連鎖酒樓實在不滯，點心精緻的地方又大多貴夾唔飽，價錢和質素在兩者之間的地方卻又真的不多。灣仔的李公館可算是正好填補了這空缺，自從它去年開張後就一直想去一盅兩件一番。但誰知一直未能成事，而最近終於成功造訪的一次，居然是為着它的晚市小菜而來。週日的晚上人客居然不多，是因為餐廳主力做平日的午市？先被餐廳偏浮誇的裝修嚇倒，不過服務是幾周到的。長嘴的茶壺漂亮不過用得不方便，很容易會倒瀉熱水！菜單上的選擇不少，其中以石窩菜式最多。在詢問侍者的建議後，很快就點好了菜．點了大窩的杏汁豬肺湯，湯水是奶白色的不很油膩，杏香聞來頗重喝下去卻偏重豬肉湯的香，鮮甜清澈。豬肺洗得乾淨也無酥臭，爽口的蠻不錯吃。九層塔胡椒蝦熱騰騰的，非常香。蝦殼上佈滿小小的胡椒粒，殼脆而香辣，肉鮮嫩彈牙，不俗，不過蓋過了香料的味，反而是窩中芹菜等盡得其精髓。也是石窩上的紅酒洋葱焗美國生蠔，先以錫紙包住，上枱時在席前打開，香氣頓時散滿一室。染成紫紅的巨形生蠔啖啖肉，質感卻太軟稔了，令整體不夠乾爽影響口感。帶濃郁葡萄香的紅酒汁偏甜，沒有砵酒的醇厚，感覺和濃郁的生蠔味道不配撘，像是小伙子撘上中女，carry唔到就是ca

感激同事安排生日午飯，特意挑選從未試過嘅 "李公館"，嘩出事了......笑話一，話說我想叫"韓式石鍋飯" ，因為唔食牛肉的我想確認下有冇牛肉，所以問部長a，她回答 "應該冇"，我再問你肯定冇?!，她說不如你叫 "雞粒石鍋飯" 啦! 於是我再問部長b，他亦是答"應該冇"，我再問你肯定冇?!，他說不如你叫 "鵝肝炒飯" 啦! 終於我放棄再問改叫其他 笑話二， 我們叫了一款名點心名為 "雪影义燒飽"，當我們咬了一口之後發現凍的，於是叫部長c 給我們換一碟熱的，5分鐘後我們發現給我們咬了一口的雪影义燒飽給了鄰坐的食客，他們 "o" 了咀，而我們卻笑爆咀。之後部長c 才把咬了一口的雪影义燒飽給我們，我們說你不是給我弄一碟新?! 都唔知邊個食個邊個，再講啦咁快可以整熱一定係用微波爐返熱啦，點知部長c話 "咁冇啦，幫你取消啦!"午市點心選擇很少，套餐只限4位用，唯有叫d 招牌點心，整體上味道＆賣相 OK，但以這個收費，服務質素認真麻麻。

今天是豬三的生日，決定選在這里安安靜靜地祝賀。兩個人不必要鋪張，簡單就好。選了上湯豆苗，128，清香而不寡淡，半只金牌脆皮雞，168，雞皮酥脆、肉香且嫩，配的醬汁和椒鹽剛剛好，不會咸，金箔魚翅撈飯，188，湯汁算得上濃郁，飯也幾好，甜品一般，並未覺得出色及特別，點左北海道紅豆奶凍和桂香蘋果燉雪梨，分別係10蚊、22蚊。

中式裝修, 頗有格調, 檯雖然擺得比較密, 但那裡的食客一般都好斯文, 唔會大聲講嘢, 所以都幾清靜.菜單上嘅點心和小菜都分兩個價錢, 優惠價時段星期一至五 12:30 前結帳離座或下午2:00後入座, 星期六日及公眾價期11:00-17:00, 每個點心平幾元, 幫襯當日剛好是優惠時段, 所以覺得好抵食. 而且所有點心都係即叫即做, 保證上桌時都是熱騰騰.燒肉汁雞窩包 - 正價 $28 優惠價 $25 - 買相唔錯, 食落好味, 特別是雞肉餡以濃濃的黑椒調味, 分外惹味.碧綠蝦餃皇 - 正價 $30 優惠價 $26 - 我最喜歡就係呢種蝦餃, 細細經件, 一啖一件, 菠菜皮做得煙韌但又唔黏口, 蝦肉亦新鮮爽脆. 芥末帶子百花炸兩 - 正價 $28 優惠價 $35 - 呢款就真係要讚一個, 油條內釀入蝦膠及帶子, 加了芥末調味, 再炸脆, 然後用即拉腸粉卷著, 嘩~口感和味覺都是享受, 正!蠔皇叉燒包 - 正價 $20 優惠價 $16 - 叉燒餡料唔肥, 味道適中, 包身亦鬆軟.北海道紅豆奶凍 - 正價 $10 優惠價 $10 - 超好味, 紅豆褒到夠林但又唔爛, 粒粒元整, 北海道牛