有緣小敍

營業中

休息中

真是有驚喜的陝西菜啊入到去裝修很中國風的。就咁經過其實真係未必行入來，今次都是友人帶我泥，先食到如此好西kekee先泥一個小吃。西芹腐竹佢個樣，雖然真係好平庸🙈但擺左落口就是另一回事。個調味好正好香，好特別，食到停唔到口。不過宜家諗返起，好似是無西芹的。😂好食就得啦～之後泥個涼拌蕎麥麵又是平平無奇的賣相。但食左第一啖，我同友人都不禁對望了，大家雙眼都發左光真係估佢唔到！非一般的蕎麥麵，用文字形容不到⋯最後必嗌的Biangbiang麵一碗入面就是得一條麵嫁咋！友人之前食過，表示太多醬汁太油了，所以我地今次叫了走肉汁走辣的。就咁原汁原味先係最正的個麵很有質感，食落去好實在。配了羊肉餃，得三粒咋🙊水餃都算實淨，不會很水很爛的那種。不過啲麵已經搶唒focus 哈哈野食水準真的無咩好彈只是價錢確實有點不便宜啦，但我也是會回頭再吃的，特別的食物就由他賺吧🤪

佐敦渡船街一小區我最想試的是堂記腸粉，所以自從它突然結業後，確實少了動力去該區。今日剛去西九文化區，便順路徒步到那邊。見之前結業的有緣小聚再現，立刻衝去吃。Biang Biang 麵($40)乃陝西名物，就是手拉的一條長長麵條，可以沾上醬汁，小辣剛好。一邊吃，可以不停吸汁，吸到最後。另外，點了麻醬涼皮($40)、麻辣大盤雞($120)，也不錯。在香港吃內地菜，比較價錢在所難免。在內地吃可是 1/5 價錢，不過吃到出走時的回憶，也很不錯。

唔食唔知原來陝西有隻麵好出名，叫biang biang麵，夜晚時間黎都幾多人。有人叫左半隻雞加一條麵，唔好睇少嗰一條麵，其實有一碗份量，雖然係小辣，但我已經食唔到，唔食得辣嘅建議唔好試。但係幾好味嘅。我就食唔辣嘅野，叫左韭菜餃biang biang麵，好似撈麵咁，個汁好惹味，入面有炸紫菜同炸蒜等香料，麵質彈牙，自己一碗好滿足呀！然後再叫多個酸湯羊肉餃，開頭食幾好味，但食到尾個湯變得好咸，咸到隻餃子無哂羊肉味，都係炸嘅好味啲。埋單時個侍應好蠢，自己計錯數找少錢仲賴話係我地整亂佢，寫單時又要逐個字寫，慢到嘔，寫得慢仲要寫錯，早炒早著。

以前食過幾次都覺得幾好，可惜今次特登推介朋友一起來食，欲令人感到變差了。首先想講系環境，可能最近天雨連連，加上餐廳內的裝潢設計以黑色為主，坐下來後覺得有野咬，當然不知道是什麼，已經令人不高興另外食物方面，也令人失望。肉夾餅的味道只能講話系食緊乾酥餅，夾在餅內的肉條雖然有少許肉汁，但無法濕潤乾涸的餅皮😂😂尤於吾食辣，所以麻辣大盤雞走辣之後，就變成媽媽的味道，薯仔炆雞及水汪汪的，加埋d biang biang 面 被浸到軟淋淋😞總括而言，只能夠說此飯局： 平平無奇 沒有再來食的念頭了

十年前我還在香港大學「沙宣道」校園那一邊上班的時候，經常都需要乘坐站頭在旺角的公共小巴，出發前往香港島西薄扶林。小巴準備進入「西隧」之前，我經常會看到「西隧」入口之前，有一排六座樓宇的建築群。那些建築群最吸引我的地方，是它們排列整齊有序，感覺好像公共屋邨一樣。不過我當時沒有再搜尋，追查究竟那些建築群所在的地方是什麼，因為我一直以為自己，不會再有機會去那些地方。後來，時光的流逝跟事情的發展，都證明我當時的想法是錯誤。世事就是這樣玄妙的，我在這裡其他食家的食評裡面，才知道那些建築群，原來是在尖沙咀西北面有名的美食區，叫做「渡船角」。而在「渡船角」大型建築群旁邊，則有一條依附在高架公路「西九龍公路」底下，長度有大約一公里左右的道路，名稱正正就叫做「渡船街」。「渡船角」大型建築群所處的位置，說是方便不是方便，如果需要乘坐港鐵前往「渡船角」的話，可惜沒有港鐵站出口可以直達，食客從「油麻地」、「佐敦」、「九龍」或者「柯士甸」港鐵站出口出來，都需要步行一段距離，才能到達「渡船角」。就像我一樣，我乘坐港鐵「西鐵綫」去到「柯士甸站」，從「柯士甸站」走出來之後，還需要徒步走一段不長不短的距離，甚至需要走上

今日約咗朋友一齊去渡船角附近呢間專食陝西菜嘅"有緣小敘"去辣一辣!對上一次來幫襯差不多一年有多了，因為附近嘅店舖經常都會更新，一場嚟到都有啲擔心唔知仲有冇開，結果冇令我哋失望！汰弱留強係自然定理，希望呢間地道又好味，價錢公道嘅小店可以多些人支持！酸辣土豆絲，這道菜食得出廚房好有功夫，土豆絲剛剛熟及非常爽口， 配上酸酸辣辣味道 餐前小食一流！麻辣土豆粉，麻辣湯底真係會令到你嘴唇發麻，非常刺激！土豆粉份量不算太多，但湯底配菜十足，例如榨菜，碎肉等等……的而且確很惹味！呢個辣子雞，我每次來必點，今次人少少只點了半隻。雞件生炸得金脆連骨都可以食埋！辣子雞一點也不油膩，很乾身，入口沾滿避風塘蒜香味道！店舖地方不算大，服務也只是一般，但食物確實令人再三回味！希望大家都可以支持一些好食嘅小店，令我哋繼續有多些選擇！

喜歡食辣及陝西地道菜式嘅朋友，一定要試下呢間 !今日同朋友去完尖沙咀海運買波鞋，朋友跟我不約而同地想起渡船角嘅 biang biang 麵 因為大家都係食得辣嘅一族， 可能天氣翳悶想出身汗掛!我哋三點零鐘至嚟到，當然呢個時間冇乜人啦，仲驚佢未開㖭！陝西涼皮，小小酸味，小小辣味，配上青瓜絲 確實係開胃小食！肉夾饃，外皮小小脆，熱辣辣，入口餡料肉汁滲出嚟！店主知道我們三人，仲幫我們切開三分呢，真細心！呢個出曬名嘅 biang biang 麵，長長厚厚，入口煙韌嘅麵條，配上西芹餃子，真係好地道。出面唔係好多地方食到。

一直都好想試今日雖然係星期五但係唔使等位直接入咗去睇咗一陣同另一半決定食韭菜餃 biang biang 面好可惜等咗半個鐘仲未有相反坐我哋附近嘅女仔遲我哋三個字入來落單 已有得食 正正係我哋嘅韭菜餃面跟住叫佢幫我跟下張單職員同我地講話有單 但係1分鐘唔使就問我地其實係食乜5分鐘內有 最後等多左10分鐘 頭也不回就走足足 40 分鐘 我覺得漏單唔緊要但唔好死雞撐飯蓋 否則我地早點走我哋離開之前職員同我地講不如送豆漿俾我哋飲 又或者俾啲折扣我哋我想講都唔係錢嘅問題係態度問題

咁岩又去開大角咀個邊 所以再食biang biang麵😋同朋友一人嗌左一個麵加粉皮share 粉皮隻味好特別 有少少酸味 好開胃！biang biang麵一如以往好大塊🤣 嗌左中辣 如果唔撈勻好易食到好大pat辣粉😂辣得好過癮！見到隔離枱飲啤酒勁想飲！不過我地係當brunch食 所以無叫到🤣下次再食一定要叫！

話說我地兩個人1230左右去到，入面已經好多人，佢俾個個卡位我地（本身有兩個人係度，一人坐一邊）咁我地坐低準備叫野食，叫左店員，佢示意等一陣，咁我地等下啦。過左幾分鐘，再叫佢佢又話等一陣，我地再等幾分鐘。其間見到廚房係好忙既，好多人都等緊食物，店員有充裕時間上菜、招呼門口攞位既客人，而叫我地等等既店員更有時間行下企下，但就係唔落單，我地都唔知點解。幾分鐘後，我地見其他店員都有時做緊，又叫返之前個個店員，佢就搵另一個店員幫我地落單。落完單冇耐，我地卡位其中一個客走啦，咁我地起身坐埋一邊，方便之後黎既客人入座。之後有三個內地客黎，店員就叫我地讓個位俾佢地，叫我地入舖頭最入面既枱坐，我地照做啦。行到入去，見到係長方枱，有兩個客坐左近牆個邊，另一邊個位好窄，又冇椅，要自己攞椅坐，而後面正好係成班大陸客既細路，脆係椅上面，坐埋去背脊中硬招，就算後面坐好，都會背貼背。咁樣安排，你免費送我都食唔落，我唔係要咩五星級服務，去茶餐廳都坐得舒服過呢度，即時走人。出門口另一個店員，可能係老闆娘（見d報導有佢樣）道歉，話送翻野飲俾地。但我想講既係，客人等得合理係冇問題，人手應付唔黎大家都有眼睇，正常人都會體諒

間唔中都黎，我覺得幾好食😂Biang Biang 麵😝佢個麵條長長，好好食！今次叫埋個哨子麵既中辣，唔算好辣，不過幾岩我口味！幾香呀，好大碗，又多配料肉碎，唔錯的。炸韭菜，塞到滿滿韭菜，好食！😃好食過淥果d。掠拌金姑幾爽口，其實無乜特別好食，芥辣木耳，好淡味的。燒椒土豆片，雖然比較油，但好惹味😛😛好可惜，今次食唔到腊汁肉夾膜，次次黎都係指定動作，不過買晒了😄西安冰峰，是橙汁飲品，不太甜，我都幾鐘意飲。😃😃

Happy Friday!Lunch同同事去佐敦尋找美食！佐敦一帶的横街多了很多美食小店，不愁無野食，係煩唔知食咩好。一路搜尋，行過有緣小敘見到一路有人行入去，就決定試一試佢！店舖雖小，但也坐得舒適，我地一行三人咁岩搵到個卡位！睇下Menu 有咩食就發現有個麵個名好有趣，完全唔識讀，睇圖又似係闊麵咁，見到附近嘅人都食佢，一於試試佢。經侍應姨姨介紹原來叫麵，我地三個人，各自叫了一個麵，包括一個韭菜餃麵(小辣)($42),一個唔記得咩餃麵(唔辣),我就食羊肉餃麵(微辣)($52)可能Lunch時間都多人，都要等一陣先上菜，開頭見佢色水好似好白，仲以為會好清好淡，姨姨見我地好疑惑就話要搞混佢黎食。碗麵入面有乾紫菜，蒜，生菜，辣醬仲有d好似木耳的東西。搞混之後就發現另一個世界！麵係完整一大條咁上，非常厚身，而因為醬汁很足夠，成條麵都掛上醬汁，十分香口，加上乾紫菜等等的配料，單吃麵也不會單調。而我點了的羊肉餃也十分足料，有滿滿的羊肉和葱花，有羊香味但不會羶，吃下去也有湯汁，不會乾乾的，很好吃，只是一碗只有兩粒不夠喉！同行同事很喜歡食韭菜餃，評價這裡的韭菜餃也不錯！可以再Encore!開初見到碗麵

第二次嚟呢間小店，帶老公黎試下。 呢間餐廳食陝西菜。我哋叫餸時 ，店員問我哋要幾辣， 我問番店員 ，係咪好辣， 於是佢就叫我哋叫小辣 … 我後來發現，其他檯嘅食客都係叫大辣， 頓時覺得自己好廢！講番個金沙骨辣妹麵 ，都幾多油， 食落口 先甜後辣， 唔算太辣， 面近比較淋，似上海麵。 金沙骨好林， 好味！羊肉餃biang biang麵, 係乾撈麵 ，一碗麵只有一條麵 ，麵條好闊， 係河粉嘅三倍， 好有彈性， 同個汁好襯！ 好好味 ！！！羊肉餃小小騷 ，我唔太食羊肉都食到 ！仲叫咗個茴香餃 ，茴香原來即係刁草 ，好特別 ！係香港未食過呢隻味道 ！整體嚟講 ，好好味 ，我會再去食！！！

渡船街這邊隨便走走，無意間發現的一間陝西菜小館。所有飲品都是地道的陝西貨，真有驚喜。肉夾饃不能錯過，比很多店的都好吃，肉爛又軟香，火候足，小小的滿足一下了酸梅湯直接是陝西當地的老字號飲品品牌，一定要試。飲完周身舒暢。連Biang biang面都有，面身勁道。在香港吃上這些，實屬難得。有特色的味道。吃膩了外面大魚大肉，來這間換換口味，都是不錯的選擇。下次約上朋友一起試孜然羊肉，羊肉泡饃這些更當地的味道。

^店主打Biang biang 麵，這個讀音的來由有多種說法，有人說是製麵時的聲音，也有人說是用麵代替餅做主食後，還保持"餅"這個讀音。^是陝西關中地區的麵食，辣子就是一道菜。下了大約一勺的油潑辣子，辣椒片不會太辣太麻，且有芝麻的香氣。但一勺辣子去拌整碗麵來吃還是略嫌不夠，感覺很寡，建議選擇有配菜的套餐。^一條麵到尾沒有斷，麵寬而薄。^仔細一看會發現整條麵,每隔一格正方形便有一條橫線，像是連著的水餃皮。^上菜時很熱，蛋花打得不錯，嫩且幼細。但甜度不夠，醪糟太酸，可能是過度發酵，酒味倒是很足。湯圓像是超市買的雪藏芝麻湯圓。