有緣小敍

營業中

休息中

甚少到西九龍文化區，與其去elements 食大路野，特登過黎食外省野，就是每碗一條到尾無斷過的biangbiang 麵。呢份五香驢肉biangbiang 麵索價$5x（詳細忘了），份量真係唔算多。麵皮幾滑，幾掛到香料，但質感好一般，同大條河粉無乜分別，咁當然無斷過係gimmick 位。驢肉好少在其他地方食到，但其實好像牛肉，係幾香，但偏乾。麵是撈醬而並非湯上，加上較乾而死實的驢肉，口感怪怪的。食完都唔係好飽，唔通要好似後面咁叫「大盤雞」先夠？哈哈…

這間小菜館由小店鋪住家式經營，至今搬了大鋪有充足人手，都知道多捧場客。陜西菜不是普遍，現在可以試真了。大部份都是辛辣，可選擇小中大辣，又有豆漿啤酒可以解渴，唔食辣的你都不妨試試。最欣賞biang biang 麵，麵條闊但軟滑，不會感覺很多麵粉，配以獨家辛辣汁好好味，簡直食過翻尋味，已經吃過多次了餐牌內有多種食品選擇，有些菜也未見過，值得一試，第一次食土豆絲都是在這裏，吵得爽口，加入辣椒絲好好味，羊肉餃也不錯👍總括都徝80分以上

由佐敦行到柯士甸都要食你，就知你有幾吸引之前呢間野上網都有見過，覺得佢嘅biang biang 麵好特別，已經去第二次，仍然唔識個正字係點樣寫上次食韭菜餃，因為今次食完飯仲要見人，所以就冇再叫韭菜，改為食金沙骨金沙骨煮得入味，至於口感就同食豬軟骨差不多，給它一個讚估唔到一條麵都可以足以令我夠飽，今次叫咗小辣，原來都真係幾辣，可能我平時唔係好食辣啦。平日去譚仔我都係食酸辣，食酸辣粉都係叫BB辣，所以嚟到呢度食小辣，都算係一個挑戰。一pat大大嘅辣醬，令佢賣相更加吸引，至於味道，就有更大刺激了。我記得之前都有講過我對呢個麵嘅感覺，都係話佢個皮好滑，有啲似雲吞皮，其餘就不重複了我諗下次黎都會叫返少辣啦，唔會挑戰中辣啦

炸子雞唔好食，好乾好un好鞋又冇味！炸得太耐啦，食到牙痛Biangbiang面好食，已經係第四次食。個喬麥面一般般，個味怪怪地可能食唔習慣，建議個biangbiang面可以一試

這是韭菜餃biang biang麵聽店員讀係餅餅麵覺得幾得意，好似一塊好長嘅雲吞皮面皮好滑餃子皮如果薄少少就更加好生菜上面有啲酸酸嘅汁今次叫咗走辣可惜越食越咸但$40算抵了到最尾要叫支豆漿飲第一次黎食下午茶的時間人不多，不用等位

感覺香港嘅(中國)地方菜餐廳普遍唔係咁長壽，難得呢間兩年前食過嘅陝西菜宜家都仲喺度。喺elements睇完戲過嚟，都係行十分鐘左右，10點last order，9點50分衝入嚟好彩仲有得嗌。biang biang 面真係唔知biang嘅廣東話點讀。5cm闊嘅面，成碗一條過，撈埋炸紫菜同大量辣醬，感覺上味道同喺西安食嘅唔係咁似，不過喺香港都算好特別。陜西涼皮陜西菜唔係食面就係食面，不過的確將面整到出神入化，而涼皮係其中比較常食嘅。同滬菜或者川菜嘅粉皮相比，比較厚實，邊個好食啲就見人見智，亦不妨一試。蓮藕炒肉蓮藕切得好薄，非常爽脆。香得嚟有少少暗辣，辣得嚟又唔會食得好辛苦，有湖南味道肉夾膜雖然係陝西名物，不過大陸周街都有得食，而質素實在差天共地。好期待試下味道如何，可惜有啲失望。塊膜係唔錯，目測見到烘底，食落亦有脆邊。可惜入面嘅肉實在有進步空間，出色嘅肉夾膜啲肉係整到入口整融，而呢個距離軟爛醇香嘅感覺差好遠，肉汁亦唔夠，食落好乾

已經忘記了上次第一次來是從哪裏知道這間不論離屋企和工作地方都遙遠兼隔攝的餐廳，但今次再來肯定是為了Biang biang麵。因為不能食辣，所以從來都不對陝西菜有任何昐望，但這裏很多菜式都可以自選辣度。Biang Biang 麵的闊度是我們平時食慣的麵差不多大十倍！一碗麵是一條過，所以請不要妄想share😜。麵也比我們平時食慣的厚，應該和刀削麵的厚度差不多。對於這樣粗和厚的麵，調味是關鍵。濃味是常識，店家卻用得恰度好處。加上用了適量的油，令麵非常易入口結論：要食好野，必須要尋找和不怕遠！！

周六晚上和朋友小聚，选了这家在柯士甸的陕西菜，位置不好找，到了之后等了大约10分钟，老板非常热情，但是店内的服务有待改进。这儿的特色面食像重庆的铺盖面，煮得刚好，不硬，入口即化的感觉。羊肉也好吃，切成碎丝，非常入味。

I go here too often, you should try it. The food is good and the selection is also decent. Amazing value for money (average spend 50hkd)

Very bad service and let others not on the queue to get the table first. The worst restaurant that I never visited before.

提早兩日打嚟訂位，姐姐話可以訂，但嚟到如果full jor都要等一等，即係訂咗可能都要等一張枱。體諒佢係小店，算啦，應承咗。是日嚟到，係好多人，場面混亂。我主動行入鋪頭，同收銀姐姐話訂咗枱，佢忙住收錢，一開始叫我等等，但佢收咗幾張單都仲未理我。我主動再提佢，佢態度好惡劣咁話「過咗時間wor，你要重新等。」「即係話當walk-in啊？」「係啊！等10張枱！」我聽到即時扯火，咁訂咗枱同無訂有咩分別？如果你係唔接受訂位，又唔早講？！家陣扮有得訂嚟到又話你過咗鐘係咩玩法！雖然呢間嘢係出名，我都一定唔會去，亦會叫朋友都唔好去。香港地大把好嘢食，唔需要嚟呢度乞食！想嚟嘅朋友請三思！

從來未食食過陜西菜，見到menu都幾多辣野。叫左韭菜餃biang biang 麵同腊汁肉夾膜朋友唔舒服都陪我食少辣。Biang個中文字唔識打，讀餅。啲麵要撈好先，職員會幫你剪開佢，質地似刀削麵，開頭以為係湯麵，原來冇湯，只汁好好味，重香料味，少辣真係少少辣。韮菜餃好大隻，好味。肉夾膜熱辣辣咁上台，只用好瘦，重係好多汁。塊皮脆脆地，食既時候啲汁飛曬出黎，推介！

係電影中心睇完戲過左黎食，行過門口見幾得意就入左去，原來食陜西菜。叫左個五香驢肉Biang Biang面，好闊好長，成碗得幾條咖咋，不過都夠飽既，撈左佢個汁同配料都幾好味咖～睇menu先知原來正宗既係會成米長，成碗得一條面lol至於個驢肉，食落似五香牛d fd，唔知係咪真驢肉呢？叫多個炸羊肉餃，好脆！就算攤凍左都仲係脆咖，而且亦唔算多油。今餐都幾滿足丫

已經第三次黎呢度lunch由鋪頭鮮為人知開始試上第一次今日好彩係為食妹自己一個搭枱就好快有位第一、二次多人時就食到biang biang 麵同大盤雞今次自己一個lunch 就試上一次還未試到的牛肉餃配辣妹麵，叫上中辣牛肉餃中有菜同碎碎嘅牛肉為食妹略嫌牛肉例比較少，不過都新鮮多汁不過好適合唔鐘意太多肉而油膩嘅朋友麵底夠幼同爽口，質感好似拉麵咁不過鐘意食淋d 嘅朋友就試下落單同職員講聲想要淋d至於湯底，中辣，少少酸，仲有少少木耳絲辣度只夠為食妹出少少汗這個中辣未至於要為食妹即刻嗌野飲下次可以買大辣外賣返公司試下唔知而家午餐有驢肉未呢記得上一次黎，話只有夜市才有下一次再試埋麻辣麵

友人們都知我太喜歡吃辣了所以今次帶我去食西安菜🌶點了這個最有特色既biang biang麵麵有幾條長長的 比枝竹還要粗還要闊十分有咬勁 最愛的彈牙力度質感比刀削麵還煙韌 正！加上乾辣椒、炸紫菜、蒜頭、木耳等配料撈起食起黎油香細滑 值得一試！今次揀嘅係羊肉餃子餃皮偏厚 咬落有少許羊膻味但略嫌肉汁不夠 整體上OK我們還點了酸辣土豆絲🍯、家鄉炒椰菜🍈豆角炒茄子🍆、涼拌麵筋🍞#好味glo 會令人回味既小店下次想試下驢肉biang biang 麵同麻辣大盤雞