有緣小敍

營業中

休息中

唔食唔知原來陝西有隻麵好出名，叫biang biang麵，夜晚時間黎都幾多人。有人叫左半隻雞加一條麵，唔好睇少嗰一條麵，其實有一碗份量，雖然係小辣，但我已經食唔到，唔食得辣嘅建議唔好試。但係幾好味嘅。我就食唔辣嘅野，叫左韭菜餃biang biang麵，好似撈麵咁，個汁好惹味，入面有炸紫菜同炸蒜等香料，麵質彈牙，自己一碗好滿足呀！然後再叫多個酸湯羊肉餃，開頭食幾好味，但食到尾個湯變得好咸，咸到隻餃子無哂羊肉味，都係炸嘅好味啲。埋單時個侍應好蠢，自己計錯數找少錢仲賴話係我地整亂佢，寫單時又要逐個字寫，慢到嘔，寫得慢仲要寫錯，早炒早著。