景霖正宗四川麻辣米線 (白加士街)

營業中

休息中

最近發現了呢間位於佐敦既驚世米線專門店🌟未食過嘅朋友仔真係要試吓！！！應該係我食過最好食嘅米線鋪之一❤️‍🔥 兩碗自選米線 $52一碗加咗炸醬豬紅同蘿蔔，令一碗就加咗牛肉雞肉同豬潤🍜佢嘅酸辣湯底都算係偏辣，再加上炸醬碎，都十分惹味👍🏻鮮蝦腐皮$26必試！！！本身麻麻地鍾意食腐皮，但係佢揸到非常香脆，外脆內軟，入面既蝦滑蝦味甚濃，夠哂煙韌🦐再配埋泰式辣醬，真係回味無窮❗️麻辣雞翼六隻$41又係好出色嘅餸，平時最怕啲雞翼入面鞋颯颯，但係佢剪嘅雞翼又係外脆內軟🪿剪到出面個皮卜卜脆，而且麻辣味唔算太重（辣度可以自選🌶️）啱晒我唔怕食得辣嘅客人🥵麻辣豬肚$26豬肚爽口、彈牙，唔會係咬唔難，配上麻辣汁，簡直絕配！如果你經開佐敦，非常推介你去食呢間平得黎又好食嘅米線😋😋🌟

💡正宗四川麻辣米線好耐都無食過米線，今日經過佐敦見到有景霖呢間米線，即刻去試下，景霖有好多間分店，呢間就係佐敦站附近，非常方便，而且價錢又抵食。🍽金牌米線🍜唔洗煩慢慢諗食咩，呢個已經有好多野食，包括鱈魚豆腐、牛腩、蟹籽丸、炸醬。而佢本身都會有韭菜，腐皮，芽菜等等，非常豐富。牛腩夠淋夠入味，炸醬味道岩岩好，唔會過咸。湯底就選左酸辣，味道十足，又唔會搶曬啲味道。🍽酸菜魚湯米線🐠🍜估唔到會有酸菜魚，魚片都幾多，而且都係滑。米線好滑，酸菜魚湯唔會話好辣，酸辣岩岩好，米線索曬湯汁，好入味。🍽蒙古芝麻烤雞中翼🐔外皮有著金黃色的色澤和香脆的口感，而且入面仲好多汁，唔會乾身，加埋蒙古芝麻醬料，濃郁的味道帶芝麻香。🍽沙嗲豬頸肉串🐖即叫即燒，香噴噴，豬頸肉夠大粒且厚肉，外皮燒得好脆，配埋沙嗲汁，好滋味。🍽蒜泥白肉份量唔算好多，但就好入味，白肉肥瘦適中，而且滿佈蒜係面，好惹味。

星期六落大雨，紅色暴雨警告，咁啱企咗係「景霖正宗四川麻辣米線」避雨，所以趁機行入嚟試吓，味道原來又幾唔錯😋😋就是一碗湯麵米線，一種獨特風味👍🏻👍🏻三餸手打魚麵($61)🍜🍜首先我叫咗碗粉，一餸米線($38)，麵底我要咗手打魚麵(+$9)，餸要咗魚皮餃、牛肉同炸醬。唔係好多地方有手打魚麵，所以見襯手打魚麵我都會叫，麵條的口感和魚肉的鮮味非常搭配。魚肉鮮味完全滲入麵條中，增添特殊風味。至於魚皮餃的皮和餡料都非常新鮮，牛肉則肉質鮮嫩，炸醬醬汁醇香，襯埋魚麵，簡直絕配。椒鹽日本帶子串燒($40)🍢🍢帶子非常新鮮，口感嫩滑，椒鹽的調味讓帶子本身的鮮甜味更加突出。四川麻辣烤雞中翼($25/3隻)🍗🍗在烤製過程中，雞翅的肉質變得酥脆多汁，烤出的外皮有著金黃色的色澤和脆脆的口感，非常美味。麻辣調味的醬料中加入了豆瓣醬等四川特色調料，讓整道菜肴散發出濃郁的辣味和香氣，讓人垂涎欲滴。凍柑桔蜜(+$10)🍹🍹以柑橘為主要原料，加入蜂蜜和糖等調味料，經過凍製而成，口感清爽，帶有淡淡的柑橘香氣和蜜糖的甜味，非常適合在炎炎夏日食用。景霖正宗四川麻辣米線地址：佐敦白加士街17號伯嘉士大廈地舖出門望望招牌，發現呢間原

今次介紹的景霖正宗四川麻辣米線未必係每個人的心水，味道同用料亦唔算好驚豔，不過因為由小學開始就會經常放學去食，所以係我心目中擁有一種兒時回憶味道，而呢種味道一經呢間米線店的門店就會聯想起，而令我不得已就會走入去食。首先根據小弟經驗，雖然呢間店名叫麻辣米線，但個湯底的味道同平時食開的麻辣都幾唔同。景霖湯底有少少香料炒香將近似燒焦的味道，近似譚仔三哥煳辣，其實都算幾特別。不過如果鐘意麻辣小鍋米線的朋友就或者會覺得失望，因為景霖唔會俾到你平時食開的味道。配料方面，用料其實唔算好突出，每款都中規中矩，唯一可取係呢度的雞肉比起譚仔黎講高質好多，肉質唔算鞋，另外最重要係無雪味同肉騷味。另外，雞翼同串燒都唔錯。至於性價比黎講，我個人黎講算滿意，尤其係佢下午茶或者全日套餐都好抵，送埋野飲都係四五十蚊，係而家叫杯野飲都要廿蚊黎講都算係咁啦。總體而言，景霖絕對唔會係世一，甚至世三的候選佳麗。不過，對於我自己黎講，由於細個食開，充滿兒時回憶的味道，而湯底亦算特別，所以係我本人心目中都有一定分量的地位。To be continued…

今晚晚餐想食酸辣野，就同左朋友去佐敦白加士街的景霖米線。餐廳喺佐敦站附近，非常方便。我地分別叫左兩個過橋套餐，大大碗配料十足，價錢又唔貴。本店馳名過橋套餐（大大碗）$65 - 好足料，配料有牛肉、豬肉、豬腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。仲有生菜、芽菜、韭菜、腐皮。米線煙韌滑溜，有嚼勁，湯底唔油膩。海鮮過橋套餐（大大碗） $70- 日本帶子、仿鮑片、魚腐、魚皮餃、炸魚片、蟹柳、炸醬、生菜、芽菜、韭菜、腐皮。帶子大大粒，啖啖的炸醬炒得香口，加上彈牙的薯粉，夠晒惹味開胃。香草雞翼 - 外皮香脆，雞肉肉嫩多汁，唔會乾爭爭。雞軟骨串- 雞肉及雞軟骨的比例恰到好處，雞軟骨唔會太硬，爽脆有嚼勁。牛肉串燒 - 味道濃郁，口感嫩滑。

又食我鍾意嘅米線今次去到佐敦依間店叫咗豬紅，豬軟骨麻辣少少辣米線 $47餸都比較多，豬紅同豬軟骨都唔錯，不過我覺得湯底就普普通通，無咩麻辣嘅味度另外一碗叫咗牛腩豬潤通菜小辣，辣度不是好辣，餸還可以$54反而最出色係啲小食叫左香草雞翼（3隻） $25即叫即整，好Juice，味度都好夠蒜泥白肉$26份量唔算好多，適合一人當一個餸食，味道都好唔錯燒帶子（2串）$40帶子都好大粒，值得推介最後仲叫了兩杯豆漿整體來講一人食了$100，十分抵食。

景霖有好多間分店，識食梗係食佐敦店！有時懶得諗逐個點，就會叫佢d過橋套餐，貪佢大大碗乜都有，價錢又抵食！本店馳名過橋套餐（大大碗）$65好多料，有牛肉、豬肉、豬腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。仲有生菜、芽菜、韭菜、腐皮。佢個湯唔油！味道層次豐富，叫大辣真係刺激十足！仲有d料全部都感覺新鮮架！酸菜同炸醬都好食好多！正！酥炸魚腐 $26另外大推佢呢度個魚腐都好好食！碗米線入面得豆卜，無魚腐，食到一半都係忍唔住，另外再點咗呢個酥炸魚腐。（原本諗住忍下口,畢竟一大碗米線都好多喇嘛,最後都係忍唔住太想食lol嗯，減肥永遠是明天的事😂🤣）一份有4粒,剛剛炸好熱辣辣！外脆內軟，仲配甜酸辣醬，必食推介！除咗酥炸魚腐之外，其實佢呢度啲小食樣樣都抵食又好味！多d支持小店，比集團連鎖店其實更抵食美味呀！❤️

景霖正宗四川麻辣米線 (白加士街) (佐敦)佐敦白加士街17號伯嘉士大廈地下地點非常方便喺佐敦C出口，C出口行唔使1分鍾就到，好彩嘅話揸車仲可以泊街。餐廳都開咗好多年，但依舊可以keep到好乾淨，職員好有禮貌，一入去就已經招呼我，餐廳座位唔算多，可以自己搵位，如果多人嚟，一張圓枱6至8個都坐到。見隔離枱嘅過橋米線好澎湃，佢個碗係大過個拉麵碗，想試多rf野食，米線嗌左雞肉牛腩蘿蔔豬潤，$38米線，每樣菜$7而已，丸類、肉類、蔬菜類、其他，Menu分得好清楚，冷熱飲品亦都只不過係加$8而己。米線一上菜係超級熱，熱煙飄出，湯底非常之有層次，一啲都唔油，可選麻辣或酸辣。雞肉即係原片雞肉，唔係譚仔嗰啲雞肉碎，牛腩好入味，睇佢隻色就知。大力推介豬潤，爽口一啲都唔粉，分量仲要好多。另外，嗌左個韭菜豬紅，$21而己，也太抵食了吧，仲要超級入味豬紅，韭菜新鮮爽，平時出邊大排檔都食唔到。必要分開嗌份豬紅。香草雞翼，一上菜已經香味撲鼻，除咗外皮香脆好味，雞肉都有味道，並不是淡戊戊的譚仔雞翼。好食過譚仔，亦都非常抵食，大家行開佐敦，可以考慮一下，平靚正。

正宗四川麻辣米線，食咗咁多年個湯底都係同一味道👍👍👍香噴噴的麻辣湯底，小辣味道適中，麻而不太辣，朋友可以揀少少辣。我叫了我最鍾意食的紫菜百葉豆腐同豬腸,其他地方是沒有得到百葉豆腐的，百葉豆腐比較有口感又飽肚。

好耐冇幫襯過呢間店一直對佢印象一直都唔差，所以沒有留意評語。難得去開佐敦梗係幫襯佢啦。叫咗三餸中麻辣米線，餸係牛肉豬膶加魚片頭外賣加兩蚊總共$50返到屋企一打開睇非常非常失望，豬膶得三小片，牛肉四小片，兩粒魚片頭，咁樣就$50，仲要湯底唔係麻辣係孜然粉冇辣味。就算價格升高左，都唔可以咁樣做生意啊，我覺得有啲不老實因為外賣冇得當面理論？再者相比起南記，譚仔，大家價錢差唔多但係人哋真係比足夠餸菜。覺得非常失望！以後不會再幫襯！

突然好想食酸辣嘢，咁岩行過見到有正宗四川麻辣米線，就入嚟試一試佢好唔好食。選擇都算多，見到有新嘅酸菜魚米線，所以就叫咗一碗轉手打魚麵👍🏻，另外加咗雲吞👌🏻，同埋鮮竹卷👌🏻，再加一杯熱奶茶。酸菜魚湯BB辣，我自己就好鍾意，湯底味道夠，魚片正常，酸菜同埋生菜都好慷慨，雲吞同鮮竹卷一般般啦，我覺得重點係喺個湯同埋手打魚麵度，魚麵咬感好好。另外叫咗一碗牛腩腐皮麻辣👍🏻，酸辣米線。中辣辣到合適，酸度亦都好夠，牛腩夠林夠入味。小食我哋叫咗沙嗲豬頸肉串👍🏻，呢個係一粒粒嘅豬頸肉，外皮燒得好脆，配埋沙嗲好食。新疆香草雞翼👌🏻，我本人都係鍾意譚仔土匪雞翼多啲。******************************👍🏻好食 | 👌🏻可以 | 😔 難食評分 : 7/10簡評 : 算係好滿意嘅一間四川辣米線

相約左媽媽睇中醫做針灸前有點時間去左獨自偷吃已經是下午茶時間有點想吃米線佐敦米線的店有很多選了下午茶A餐豬軟骨米線（中辣）加豆漿 2隻麻辣雞翼豬軟骨雖然少但很有豬骨味米線硬度適中不會過軟雞翼很有麻辣味價錢抵食

上次在这里吃已经是一年多前的事了，今天经过看到店前的价钱，比上次贵了一点。宣传架上东西颇为吸引，虽然比之前贵了，但仍然便宜。而且还有几十种配菜可供挑选，丰俭由人。其实已经是九点多了，还有不到一个时就打烊，店内没有其他客人，一个人包场。再看一下桌上的餐牌，金牌米线好像不同，48元可以吃到九个餸，比单点扺食。下单后不到两分钟就上菜了，细数一下，真的有九个配菜。除了荤，还有点青菜，中和一下肥腻。配菜中的蟹籽丸较为好味，丸内塞进了蟹籽，有点咬口。至于另一主角的牛腩就不怎么样了，肉质有点干又带点韧，口感一般。店的面食颇便宜，质量也算过得去，是不差的开餐之选。

見好多好評，於是一試。下午茶時間好多位唔洗等。落單幾分鐘就陸續上齊，高效率。食茶餐$39 一餸叫左大腸，配麻辣雞翼2隻，原本話飲豆漿，無曬，由羅漢果茶代替。米線好滑，湯底味道同譚仔差唔多，有韭菜，腐竹，酸菜，芽菜。大腸有六舊，唔算好入味，一般。麻辣雞翼其實唔辣，似孜然粉既調味料灑係雞皮面。我好怕辣既人都唔覺得辣。雞翼入邊肉幾滑，一咬就輕易肉骨分離。唔錯啊雞翼。杯羅漢果茶幾好，唔會好甜，夏日炎炎，清熱潤肺，而且檯面擺左消毒酒精，很貼心。總結抵食，都OK既。

At 3pm on a weekday, it is easy to get a table. There is an afternoon tea set available, which is a noodle with one topping, with 2 chicken wings and a soy milk for a cool $39. There is also a noodle with 2 topping and soy milk for $36. Such good value!The chicken wings are juicy mid-wings that have been seasoned in numbing spice and are hot and fresh when they arrive.The noodles come as a big serving, guaranteed to fill up a hungry belly like mine. The rice noodles are standard, and my choice o