景霖正宗四川麻辣米線 (白加士街)

營業中

休息中

一向有周圍食開酸辣米線，今日經過佐敦，第一次試呢間正宗四川麻辣米線，點知有一點點兒失望，今次叫咗腩肉酸辣米線，叫了小小小辣，但係個湯底比平時食開嘅清，冇乜酸菜冇乜辣油，夠辣但唔夠酸！佢嘅腩肉係白色嘅五花腩，唔係平時食開米線舖嘅啡色腩肉咁入味。試咗兩嚿老婆個碗的豬肚，都係一般。雖然下午茶餐有豆漿同雞翼餸，只係38蚊，算幾抵食，但就唔係咁啱我口味，我都係比較鍾意龍尾啲香口啲嘅米線，所以下次都唔會再幫襯。

譚仔，三哥就食得多，第一次嚟食呢間酸辣米線麵。一餸32元，二餸38元，再加多杯凍檸茶，都係45元叫咗個牛肉，魚片米線。個牛肉爽口而又鮮甜,好好味! 而且個湯底又酸又辣，同譚仔三哥相比之下，我覺得佢嘅味道比較更加出色，魚片爽口，正！要Encore !

香港周圍都有米線，呢間我覺得比較好食自選款式唔算多，不過有幾個已經切好嘅精選.....都抵食，今次咁岩撞正下午茶，仲抵，38蚊有兩隻雞翼再加一款餸同豆漿。講個串燒先，豬牛雞、雞軟骨、豬頸肉；醬有沙嗲.....同唔記得，因為沙嗲最好食，其他唔洗記。個醬加左花生醬所以係有小小甜同花生粒，好食，有小小杰身，醬就是這樣。而今次叫左牛肉同豬頸肉，牛肉仲有醃，同都幾滑，豬頸肉切到方形，方便入口。雞翼有香草/麻辣，不過有D干，但入味。燕餃幾好食，爽口，米線唔太淋，麻辣湯小小麻，小辣岩岩好食到湯底味，其實係鹹，但米線係咁。下午茶幾抵食，下次食米線就再食佢

路過景霖正宗四川麻辣米線，一向對米線有情意結的我，當然要入去試下喇！午飯時段店內人頭湧湧，聽到有人點3小辣，即刻睇睇個餐牌，原來呢度好似譚x咁都有分辣度！由3小辣到勁辣不等！餸的種類亦有很多！種類多到好似食車仔麵咁呀！由於第一次黎食，見到辣度的分類沒有譚x咁細緻，就點左2小辣黎試下喇！點知尾2級已經辣過譚x的尾4級3小蘿蔔魚腐酸辣2小辣原來2小辣已經好辣食到流哂鼻水魚腐大大粒好有咬口蘿蔔不夠甜酸辣湯辣度比酸度強很多如喜歡微酸的可以一試魚腐豬潤麻辣3小辣3小辣的辣度適中易入口但齋飲湯會有少確喉湯底辣得黎不會太咸感覺沒有太多味精豬潤是亮點薄切很滑身而且本身已有味不是白烚浸在湯內久了也不會變硬或鞋豬潤遠勝譚x每碗米線送迷你豆漿或羅漢果水

佐敦-景霖米線：下午茶一餸麵+雞翼+豆漿（hk$37)下午茶好抵！難怪閒日office hour都滿座。我點了酸辣湯底腩肉米線，湯底幾好，酸而清，感覺不油膩，小辣並沒有很辣；腩肉是白烚的那種；雞翼較失望，因為很鞋同埋淡；反而豆漿幾好，唔會太甜又有豆味，就是細杯了點😆。總括而言，米線質素中規中矩，份量頗多，下午茶性價比高，是譚仔以外的選擇。我諗下次我會點$34兩送下午茶而唔會點雞翼，見到隔離桌點串燒好像也不錯，有機會都想試。

有人和我一樣喜歡吃超多沙醬的串燒嗎？❤️還記得新年時在黃大仙下村那檔的串燒牛肉要排45分鐘才能買到，只能看了當作吃了😂這次終於在我地頭佐敦找到景冧正宗雲南米線，原來除了賣米線，也有賣串燒，決定和朋友點了牛肉和豬肉各兩串來試一試😋 下單時表明要多醬，結果真的很多醬😍抵贊！沙嗲醬的濃淡度適中，帶有花生幼粒也很惹味，味道偏甜微辣，不過我個人偏好再杰身一點的沙嗲醬，而牛肉和豬肉都燒得剛好也多肉汁，水準不錯呢👍🏻以後串燒引發作去找它就好了😍

今日到佐敦食lunch,突然想食米線。就去左尼間景霖米線店。好在我早去，所以唔係好多人。入左去叫豬潤腩肉米線 小麻辣。當然要再加杯凍0tea 少甜啦😍😍😋😋。 坐坐下，發覺好多客人都叫豆漿或羅漢果茶。下次識叫要試下甘受大家歡迎既豆漿或羅漢果茶先。 米線一到，當然要試個湯底先，尼間既湯底甜甜的。配料絕不會比譚仔差。兩樣餸加飲品都係$44。價錢相當合理。唔怪得，愈黎愈多人黎食lunch la. 坐到甘上下，d人都開始要排隊等位。

以前喺佐敦附近返學，🤓所以成日都會同同學嚟呢間餐廳食嘢😋因為米線最方便最快最合大眾口味～以前食呢間野覺得好香，湯底好鮮甜～食得多譚仔都會想食下第二啲口味嘅湯底～🤤🤤咁岩琴日有朋友一齊出佐敦所以就黎呢度食lunch，我一入到去已經好多人，爆曬棚，唯獨近廁所位有兩個位～咁就安排左我同朋友坐左落呢個位度🤔不過呢個位係近水吧位，熱到hihi咁，不過好彩一坐低都點左個羅漢果水，清涼一下～之後我就落咗個中辣雞肉豆卜腩肉米線，相比起以前，我而家嘅水準真係好差😪點解咁講？你有冇見過烏冬咁粗嘅米線？一啲彈牙嘅口感都冇。好失望好似街邊車仔麵亂咁整嘅米線咁😪如果有多次機會我依然係會選擇譚仔，多謝！🤫

今日叫咗個過橋米線($55)，呢度嘅米線比起傳統嘅連鎖米線用料更加好。呢張相係我同朋友分走左兩碗之後影嘅，原本係大大碗，所以兩個細食嘅人係夠嘅。湯底來講，我哋叫咗酸辣小小辣，係唔需要加錢嘅，鮮甜得來醒胃。個人來講鍾意佢呢度嘅米線比較粗，但係就冇譚仔咁韌。至於配料，首先炸醬同埋鹹酸菜夠多，炸醬唔肥。韭菜亦都新鮮，仲有好多木耳絲，菜心兩大條，冬菇非常之鮮甜。雞肉豬肉唔肥，黃沙豬膶夠爽口，腩肉大大塊。對比起普通連鎖店，我認為呢度嘅配料質素較高。至於湯底，口味就因人而異啦。

好耐無食景霖了，這次在佐敦要快食所以再去吃景霖。。我點了個豬大腸炸魚皮酸辣米粉，豬大腸不錯，但酸辣湯底就好像没有以那麼好味，我覺得它的味道比較淡，酸味不是很出。

米線最重要是湯底，雖然看似貌相平平，但飲落好鮮味而且食完之後不會因味精過重而勁口渴！其中最推介一定是魚腐，很大粒，吸滿湯汁非常美味！喜歡香口的話亦可另叫魚腐！另外值一提的是，不用排隊等位！

喺佐敦買完嘢, 同朋友好想食米線, 見到呢間openrice正評幾多, 就入咗去食。 叫咗魚皮餃同豬肚兩餸, 另外仲嗌多咗三隻雞翼。湯底叫咗小辣。 食落去湯底其實唔錯, 有啲胡椒味咁樣, 但小辣對我嚟講已經太速, 食得有啲辛苦。雞翼算係幾好食, 但係返到屋企之後當晚就即刻搞肚痛。。。又屙又嘔。 成晚瞓唔到覺, 嘔咗六七次。😭😭😭 第二日睇醫生醫生話係急性胃炎, 打咗支止嘔針先至好返少少, 醫生話成因有可能係食咗啲唔乾淨唔衛生嘅嘢, 數落就係食咗呢個米線, 試過一次真係驚驚...以後都唔會再返嚟食。

景霖正宗四川麻辣米線跟譚仔一樣，提供自選餸料米線，餸料有四十九款之多，湯底可選上海、麻辣、酸辣。有選擇困難的朋友，可選擇其固定餸料米線，有海鮮過橋套餐、本店馳名過橋套餐、金牌米線、皇牌米線和精選米線。今次吃的是金牌米線配麻辣(中辣)，餸料有牛腩、魚府、腐竹、生菜、蟹子丸、韮菜、芽菜等。麻辣湯底麻與辣分明，味道吸引，有一種令人想飲的衝動，而米線和餸料份量多，比較推薦的有牛腩和炸醬－牛腩入味腍滑，炸醬鹹鹹香香。

今日陪朋友去佐敦整野，行到中午開始肚餓，就諗住岀黎搵食，其實白加士街有好多食肆，我地偏偏揀左呢間景霖正宗四川麻辣米線黎試，因為朋友都鍾意食辣，但又唔想成日食譚仔，同呢間價錢okay，同埋店舖外面都有小小人龍排隊，應該有少少質素保證呱自選配菜非常之多，真係花都眼亂我揀咗牛丸生菜同百葉豆腐(百葉豆腐要加多兩蚊),配上小小辣嘅米線，（$44）每個米線中附上一杯飲品，我揀咗凍豆漿，十分解辣！坦白講，平時自己食麻辣米線都係食譚仔為多，對比起譚仔，我比較鍾意呢一間嘅湯底，佢個湯底比較清，但係幾麻幾辣下。配菜好坦白講，就冇乜特別出色之處，但係而家咩價錢嚟㗎已經好好。

同老公覓食下午茶黎到呢間米線舖 幾抵食喎所以就行入去試吓啦老公叫咗腩肉芝士丸米線 中辣 佢平時好食得辣但係呢度嘅辣真係好辣下 但隻麻辣唔太好食 唔係我哋平時食開既一間連鎖嘅麻辣味我就叫咗清湯雞翼魚片頭 清湯有驚喜👍🏻因為唔係死咸味 但係又夠味嘅 雞翼係香草雞翼嚟到嘅時候隻雞翼上面嘅油仲係滾下滾下咁 超好味好惹味但唔會話超鹹好口渴咁跟餐仲包一杯細細的超凍豆漿 都幾好味我會為雞翼再來😋😋😋