景霖正宗四川麻辣米線 (白加士街)

營業中

休息中

早幾日師傅想黎呢度食米線, 點知黎到先知內部裝修, 都幾失望; 終於前晚見佢重開, 師傅就不請自來決定黎為佢地剪綵!入到去食店, 就求其搵位坐底, 正當師傅想叫番食開嘅餸時, 忽然間發覺從來都未食過呢個海鮮過橋套餐, 加上師傅呢期冇咩胃口, 難得對呢間食店好似特別開胃, 於是師傅就決定要一個海鮮過橋套餐, 中辣!海鮮過橋套餐有帶子, 鮑魚片, 魚腐, 炸魚片, 魚皮餃, 炸醬同蟹柳, 仲有生菜同芽菜! 先講下個湯底, 湯底維持一貫水準, 夠香夠辣, 但今次師傅都係要中辣, 唔知點解覺得佢特別辣, 令到師傅食得都幾辛苦咁; 而帶子有兩粒, 不過口感一般, 因為有少少韌; 而鮑魚片有三片, 都幾軟熟, 煙煙韌韌幾好味; 魚腐有三舊, 但就有碎骨, 加上唔好味, 全碗最差一定係呢款餸; 而炸魚片都幾爽口, 味道唔錯; 魚皮餃就兩舊, 不過勁煙韌勁入味, 好正; 炸醬就維持高水準, 酸酸辣辣嘅肉碎, 勁好味; 而蟹柳有兩條, 但就冇咩特, 可以啦; 生菜配麻辣湯底堪稱一絕, 生菜夠爽口而且入味, 又辣又爽, 正呀; 芽菜非常爽口而且冇腥味, 加埋米線煮得煙煙韌韌, 軟硬適中, 好好味呀! 總括

景霖絕對係一間可以去完又去百去不厭o既麻辣米線店!湯底 - 正, 唔太咸, 少辣對我黎講就o岩o岩好!米線 - 好特別, 有點綿綿地o既感覺, 同其他米線好唔同! 好有口感! 配料 - 首推燕肉餃! 十分香口! 同麻辣湯底完全配合! 正! 其他料就見人見智啦... 我通常都係燕肉餃 + 豬潤 (其實佢個豬潤冇咩特別, 只不過冇乜好揀飲品 - 普通的豆漿... 非tea時段都幾貴 (好似係7蚊杯, 倒不如行兩步去OK買野飲好過小吃 - 香草雞翼ok咁啦, 不過好似黃埔果間好食d... 同埋我唔係咁like佢好似把隻雞翼蒸完先黎燒咁Anyway, d米線真係好正! even我帶friend去d friend都食到黏黏脷呀!

游水前先吃飯, 咁咪可以邊游邊消化囉, 正!剛好還可點下午茶, 就要炸醬米線+香草雞翼兩隻, 凍豆漿. 炸醬米線少辣, 幾好喎, 炸醬帶少少茄汁味, 酸味味, 好開胃. 少辣對怕辣的我剛剛好. 雞翼, 唔算好特別, ok. 豆漿都幾濃, 有少少豆味, 但甜咗d. 但$20, 一個米線下午茶, 去邊搵呀!? 味道唔算十分突出, "超值"係最好的形容詞.

前晚一條冷黎左呢度食晚飯, 皆因好鬼耐冇黎過, 同埋想拿拿臨食飽返歸瞓覺, 所以就黎呢度快食一餐!一坐底睇都唔使睇, 即刻柯打左炸醬, 牛筋同埋豬腸, 要左中辣! 先講下個湯底, 中辣麻辣湯底維持一貫水準, 夠香夠辣, 非常惹味; 炸醬係師傅呢期至愛, 凍凍地, 放左落湯都係仲係凍, 酸酸辣辣嘅肉碎, 淨食已經覺得勁好味; 牛筋係好腍, 口感唔錯, 得喎; 豬腸就唔算好肥, 就煮得好腍好入味, 好味; 而芽菜非常爽口加埋米線煮得煙煙韌韌, 軟硬適中, 超正呀! 總括黎講食物質素維持水準, 服務態度幾好, 不經不覺又加左價, 廿六蚊三個餸, 都算抵食; 三餸米線雖然加左價但水準依然, 加上份量都冇縮水, 實在難得! 下次有機會一定會再黎, 笑臉一定冇走雞!

每次中午時間行過呢間野都會見到好多人排大隊難得一次12點就去到..未有人住就入去試試一餸$20、二餸$23、三餸$26、四餸$29叫左牛肉,腩肉,牛丸,小辣辣得真係同其他地方有分別食落條"利"真係會麻一麻幾正,不過小竦我已經覺得幾竦下米線份量唔多豆漿得甜味,不過唔洗加錢算係咁la最失望係d腩肉,好似就咁整熟左就算咩味都冇平時大排長龍既原因我諗係因為價錢吧..始終呢區廿三蚊有埋野飲都算平架啦

我之前都有幫襯過呢間野，都幾ok，點知今次‥‥‥餐牌寫：一餸$20、二餸$23、三餸$26、四餸$29食米線送豆漿。一行二人，叫了二碗三餸少辣米線：豬腸、蘿蔔、魚蛋碗米線一黎到，吓！得三粒細細粒的魚蛋！(咪即係$1元粒！！)d魚蛋又唔好食，又有d 霉霉地。又難食又貴的魚蛋！！！三塊蘿蔔，點解d 蘿蔔咁怪味？無之前咁甜咁好味。豬腸都有數片，味道就不過不失。豆漿只有甜味，沒有豆味，可能免費就係咁樣，唔怪得之，坐我旁的女仕，只飲了一小口，食完米線，就成杯豆漿倒入個碗度！明白了，明白了！真係唔明點解仲咁多人幫襯？？？講真丫，佐敦大把食店，我駛乜要食埋d 咁野？以後我都唔會再幫襯。(早知去牛屋鋸扒好過)

今日晚餐係呢到開餐~係因為去開呢區,又想食下米線,見食評幾好咪黎試下!叫左個"豬潤竹笙米線(小辣 )" 但見好多食評人都話中辣會好d~又怕太辣,都係叫個小辣穩陣d!睇見個碗好鬼大呀!d豬潤好爽口,都幾多!但竹笙就少左d,但吸左d湯真係冇得頂呀!個湯好鮮甜!讚~~可是小辣都足以食都我滿面通紅同不停流汗~ 本想試下大家都推介既四川雞翼,但巳經好飽~眼見枱枱都梗有一碟.....只好留待下次啦~

牛肉、竹笙、雲吞中辣米線，很好味，下午茶餐三餸米線再兩雙雞翼及豆漿一杯，只需$26，很抵食。

上次去依間食野係因為睇左依到既食評, 發現D米線唔錯! 於是今晚又同男朋友仔去!叫左碗豬潤酸菜米線, 男朋友叫左魚片蘿蔔米線, 再加香草chicken wing同埋大杯豆漿; 豬潤好滑, 酸菜...香草chicken wing更加係我至愛!! 不過本人叫左小辣亦好似中辣咁, 所以大家唔食得辣既就唔好要辣啦!!得閒會再黎食過!

每次到佐敦都只為 "牛奶公司"，今次因人太多而又非常肚餓，在佐敦亂逛之際看到 " 景霖 " ！！！就決定晚餐在 " 景霖 "叫了 "生菜、炸醬小辣米線"米線比紅磡景霖有咬口，好！ 紅磡的太淋了！可惜炸醬比紅磡景霖的甜而且一田炶都不辣..坐位較紅磡舒服，但店員的口面卻比紅磡黑！還是紅磡的好！

今晚返學前終於可以一試呢到嘅米線，其實我不愛吃米線，我只叫了一碗炸醬雲吞蟹籽丸上海麵(小辣)再加三隻四川麻辣雞翼。講賣相，碗麵真係唔得，但食落口，味道一流，最主要都係個湯底，有點藥材味，炸醬雲吞都可以，蟹籽丸交來貨品，一般，上海麵淥得啱啱好，唔偏林，唔偏硬，有水準。其實此店與譚仔賣嘅嘢大同小異，價錢略平，但論到雞翼，譚仔就遠遠大勝景霖，景霖偏向於雞翼仔，而譚仔就嘅雞翼較肥大，啖啖肉。服務方面，所有侍應頗殷勤，是間窩心麵店。

放工好肚餸,想食d平嘢(糧尾)又好味既, 非景霖莫屬.bb叫佢雞肉雲吞小辣, 雞肉都ok,雲吞就皮厚咗d,都唔錯我就叫咗炸醬豬潤牛肉中辣,豬潤牛肉煮過既湯,好甜,炸醬就咸咗少少,反而個湯就有d奇,嚟到時,顏色好似好辣,但食落又唔係好勁喎,臨尾加多個麻辣雞翼3隻,啱啱烤起,好香,好好味!埋單62蚊,好味又抵食...去邊到揾呀!

平時都食過好多次,味道都唔錯!星期六,放工後去食,下午茶由2點開始,一碗一餸米線+2隻雞翼,送豆漿,20蚊真係抵都爛.好在佢唔係因為下午茶而行工減?,味道一樣出色,最鐘意佢既炸醬同豬潤,好好味,湯底呢...唔麻,辣味偏重,亞姐服務都唔錯,唔該前唔該後,好過附近間譚仔,d亞姐塊面黑過包公,十問九唔應!唯讀是星期六既下午茶太多人,服務有d亂,少少失準,但仍然值得嚟呢度試吓!

呢間d米線真係好好味~最鍾意腩肉, 酸菜, 冬菇, 羅白, 豬腸... ...其實呢間都算多料揀!如果趕時間我會食少辣,normal就會食中辣,,慢慢品嚐!佢既雞翼整得好出色,,又唔貴~至愛香草雞翼,,燒得好香,,tea time仲抵,,送豆漿又包兩隻雞翼~唯一唔好既係地方太細...等位等好耐~

係呢到食下午茶最抵,有豆漿飲.都係車仔料+麵穩陣D,餸料不是辣太大驚喜,唯湯底好味,我食中辣,不過一D麻味都冇,以辣然言都十分出色.廿多元來計,算十分出色了.