景霖正宗四川麻辣米線 (白加士街)

營業中

休息中

食過呢間野之後平係幾平以油尖旺離講但係服務就真係一般到唔一般(好過澳洲牛奶公司)食物質素就就係唔多掂係個湯叫做好d面呀配料就係浸過下湯咁22蚊一個雙餸面算係咁啦

今晚竟在食店巧遇師妹, 預早恭祝妳將出世的BB健康活潑.因想吃串燒和雞翼, 所以只叫了通菜米線. 清湯底喝落也可口, 不覺有味精. 串燒要了一串牛一串雞, 兩款肉都不乾不鞋, 沙嗲汁香口惹味.麻辣和香草雞翼煎得不太油, 友人和我都喜愛香草多些.

師傅食完粥之後到夜少少就覺得肚餓, 鬼咩, 真係冇咩食落肚, 於是見時間尚早, 就黎呢度食碗米線做宵夜, 順便醫下肚!一坐底就立即叫左炸醬, 牛腩同埋紅腸, 要左中辣! 先講湯底, 中辣麻辣湯底真係好香同幾辣, 但師傅都忍唔住連飲幾口先開始食野, 因為真係好惹味; 炸醬係師傅呢期至愛, 凍凍地, 放左落湯都係仲係凍, 酸酸辣辣肉碎, 就咁食已經好好味; 牛腩又係好入味好鬆同好腍, 加埋d腩汁配米線, 直頭冇得頂; 紅腸就有四片, 皮脆脆地, 好好味; 由於都幾夜, 所以伙計話冇晒芽菜, 師傅咪諗住冇左個菜啦, 點知佢地將芽菜轉成生菜, 絕對冇偷雞成份, 好到冇得頂, 而生菜放落麻辣湯底度索晒d湯, 非常火辣, 好鬼正呀; 而米線就唔會太硬但又唔會太腍, 煮得非常好, 正呀! 印象中佢地加左價, 不過加左價但仍然維持到高水準著實難得, 總括黎講真係好味, 如果鍾意食辣真係唔好錯過, 師傅咁講一句呢區如果要食麻辣米線, 唔黎呢度咁去邊度? 不過唯一可惜就係呢度冇食宵夜時段, 如果有會更加好! 師傅下次一定會再去幫襯!

上次幫襯紅磡沒多久，是日路過這帶，見肚皮還有點空洞洞，就過來一嚐這裡的豬潤竹笙腩肉米線，小辣為上算。豬潤是剛熟的那種，非常滿意，夠爽夠味；腩肉是鍾情的白切肉，五五比例，脂肪萬歲；竹笙放在麻辣湯裡泡啊泡，連湯都鯨吞到肚。份量足稱，從湯匙跟碗的大小比例已見非常，價錢連一杯不過甜但豆味淡淡的豆漿，廿三大洋實在超值。

原本想找雲貴川, 但方向感依然很差的我當然又找不到, 結果回到景霖算吧!今次試了健康魚腐米線+ 大杯豆漿.魚腐偏向魚肉, 質地不是淋而是有些煙韌, 味道是可以的, 起碼有魚味.米線煙韌, 幾好.友人紿了我一些酸菜, 不死咸, 也好吃.好食過我上次來的時候, 是水準飄忽, 還是我要求降低?

上次黎試過,俾佢O既評分只係OK,問題在於個湯底,唔夠酸,唔夠濃!!!本人食開粉麵一向最注重個湯底!今日食LUNCH,行黎行去唔知食咩好,去到佢門口,求其叫碗外賣啦,叫左酸辣米線,配左冬菇同炸醬,仲有杯細豆漿送TIM!! 最SURPRISE O既係湯底好似唔同上次,係濃左D,酸左D, I LIKE IT!!!埋單22蚊,有埋野飲,抵過雲南桂林WOR,可以再黎!!!

向來也不太好米線的我，被女友三催四請下，也來到這間"正宗"米線，說實在，說自己正宗的餐廳在香港實在太多，算吧。我也不想理會誰是original。以前也來食過，但未嚐那個三十幾蚊，超大碗的米線，便叫了一客兩個人分來食。果然來到，那個大碗的配料實在頗多，但只叫了小辣的我們卻越別越大汗，小弟向來食辣也只是一般，但這個小辣應該是我吃過的最辣吧。唯有吃了杯豆漿來止止辣。最後，一碗米線，兩杯豆漿，三十幾蚊，滿頭大汗咁離開。

本來上完堂想去麻酸辣食米線, 但已經轉了一間食肉骨茶的店舖, 是執了還是搬了?退而求其次下去這裡完米線之夢, 但結果失望而回.要了炸魚片頭通菜米線, 清湯底. 片頭只得兩片, 清湯底真是很清, 淡出個鳥來, 要自行加醬油才有點味道, 米線分量好像少了.只是短短一個月, 喜愛的食店不見了, 喜愛的人也消失了.

晚飯到了佐敦景霖，點了菜、蘿蔔及雞肉，料多又好味﹗車仔面真係一流呢道，今次點了中辣，可以接受，麻麻地好鬼正呀﹗終於都試左呢度好出名既香草雞翼，其實都係普通0即，弟弟女朋友仲講到好似天上有地下無，係幾香既，不過帶唔出雞翼本身的獨特油香﹗

身為麻辣米線的愛好者，見咁多人推薦呢間米線，今日就特地去試下.. 要了一個33蚊的米線套餐，因為下午茶的緣故，唔駛錢有杯豆漿，豆漿幾好味~以前見識過長沙灣四川麻辣勁大碗米線，所以比較之下，景霖的份量就相比下失色了。景霖的米線套餐內有豆卜、魚蛋、酸菜、雞肉、豬膶、牛肉、炸醬、腐竹、腩肉，更加有四川沒有的魷魚..我到四川也是食中辣，所以來景霖也來個中辣.. 但感到失望，景霖的中辣只是四川的小辣，見到個湯底只是淡淡的橙色。本人一向愛吃蔥等米線配線，但景霖的蔥呀，芽菜等配料比四川小，而且可能多人的緣故，米線煮得不夠稔。下次唔會再特登走去食，順路經過先考慮再試~ 米線還是四川的好

上星期放工後,上堂前同三個同事黎試左! 最欣賞佢米線的口感,"煙煙un un",好good! 但以湯底黎講我都係鍾情於"雲南桂林過橋米線"的,如果可以將兩間的精華融合就perfect了!!

第一次來吃, 貪心點, 來了一個大鍋米線, 貪其樣樣齊, 當然係share 來食, 否則...>_<呢個米線湯底幾啱我口味, 少少麻辣, 沒有吃到汗流浹背, 剛剛好!最好味的竟然係鹹酸菜, 夠酸, 正! 其餘的ok.之後叫了杯豆漿, 怪不得這麼多人叫, 味道算頗濃, 六蚊一大杯, 又抵又好味!

一年多前食過景霖，記得當時印象麻麻。今日再去令我刮目相看，更同譚仔齊齊成為我的至愛。下午茶真係好抵食，$19一餸仲有雞翼2隻同豆漿。今日帶個fd去食，下午茶時段好爆，我叫左炸醬雞肉米線(小辣)，fd叫左豬膶蘿白米線(小辣)，送香草、麻辣雞翼各2隻同豆漿2杯。本身食開譚仔，很難不去將兩者比較。米線份量不是譚仔般大大碗，份量只有約3/4，但也吃得飽人。先說湯底，兩者的湯底也非常出色，譚仔的是清淡，而景霖的是清甜。加上麻辣真是美味得令我成為了他們的俘虜。另外，景霖的小辣，跟譚仔的小辣相比不太辣;我食過譚仔的中辣，真的辣得我鼻水直流，下次我去景霖會試試中辣，看看有否相同體驗!!!再說，米線比譚仔煮得更好，很煙un，口感十足;譚仔有時會煮得過淋or過硬，水準有點飄忽。景霖的雞肉很嫩滑，味道一流，十分出色，這是優勝過譚仔的，譚仔的較鞋及un;景霖的炸醬比譚仔的甜，有肉碎，配上湯底同吃，都有說不出的美味，此回合平手; 景霖的豬膶跟譚仔的豬膶也一樣軟滑好味，也是打和。景霖送的雞翼大小不一，有的很袖珍，不太吃得出香草、麻辣雞翼兩者的味道，這是比較敗北的一點。這回合當然是譚仔的士匪雞翼大獲全勝。景霖豆漿有

味道都唔錯既,但就發現個碗有蟻店員雖已即時更換,但換後都仲係有蟻...........大家食個時真係要睇清楚

好味但炸醬內有小強各位小心，會REPORT食環！毫無悔意，好似無事發生咁，立即收走碗野，仲要收我豆漿$$$，各位想食小強米線就去呢間啦！