景霖正宗四川麻辣米線 (白加士街)

營業中

休息中

08.10.16　景霖正宗四川麻辣米線@佐敦最近總是很想吃雲南米線喜歡那輕輕的麻辣湯，還有一堆隨米線送上的配料 – 腐皮、綠豆芽菜、韮菜等很久前就聽說佐敦的景霖味道很不錯今天下班從公司散步過來品嚐一下晚上８點多，只剩下一張在門口的四人桌我一個人而巳，坐哪都OK拿著菜牌，想吃這個又想吃那個結果點了三個配菜，雞肉、酸菜及生菜，感覺像在吃車仔麵特地點“”少米線“，因為猜的到一整碗最後會吃不完與其浪費，不如請廚房分給我少一點米線在不消幾分鐘後上桌一大碗的，有點嚇怕人其實都是蔬菜為主而巳勒！湯頭是很淡很淡的麻辣香單是湯頭，譚仔的比它好多了雞肉很嫩滑，酸菜真的很酸，我一直把它們泡在湯裏，還是覺得很酸…譚仔的酸菜酸度適中，用來配米線吃是一流的！腐皮綠豆芽菜等其實兩家味道都差不多不過譚仔的，份量會豪邁點譚仔端上來的，總是一大碗，一直往上堆疊的那種三菜一麵，才HKD26，在百物騰貴的經濟下，其實算合理不過我還是喜歡譚仔的湯頭及酸菜囉更多食評及照片請看這：http://hk.myblog.yahoo.com/foodiebarbie/article?mid=114

不過好老實,如果食唔辣我就唔會去食米線………..一條友去開佐敦咐近,記得以前食過呢間係OK嘅,就入去食多次.過橋米線大辣$39---個碗就好大不過實際份量唔算大,餸嘅配搭好車仔麵Feel每樣都有Ｄ,其中豬潤唔錯幾滑.係個炸醬好甜吓有Ｄ似肉醬意粉果隻!整體剩係計Ｄ餸係OK,不過出事喺個湯底度!完全無麻Feel! 唔係好辣(辣度等於譚仔小辣多Ｄ)仲要有好重苦味.麻辣雞翼３隻$11---雖然唔係好入味,但煎得啱啱好,夠滑!荳漿$7---荳漿囉!阿姐態度好過譚仔多多聲!唯一輸蝕喺個湯底度！麻辣米線嘅湯唔麻又唔辣….其它幾好都無用.

平時都會黎呢度食,尢其是下午茶時間最抵食,我最鍾意佢d香草雞翼, 最近見有個橄欖菜湯底,不過要加$3,諗住試下啦....以為橄欖菜湯底不可叫加辣,點知又冇問題,而且仲發覺幾好味,個湯唔算好油,碗湯仲俾我飲咗一半,其實要加$3唔係咁抵,不過下次都會再試

魚腐原創地是順德，好吃的魚腐在香港很難找到。要了個魚腐米線，已經叫了「少米線」，依然份量十足。魚腐金黃色，蛋味濃，口感軟滑。$22 米線送細豆漿，真的價廉物美！

俾我再揀一次話........我都係會揀呢間雲南米線.....我近食左兩次. 兩次的水準都保倒..兩次我都冇要辣湯底....因我唔係好食得辣..但地個湯底真係好正, 飲得唔係味精水....d料又夠新鮮..個幾隻雞翼又係既, 又好食又唔貴..一個字...正~但係第二次去時, 個d米線就硬左d

試咗大家讚口不絕的香草雞翼真係唔錯Ｄ雞翼有肉汁好滑唔會太乾而香草都加得幾多唔似連鎖店既雲南米線Ｄ香草燒雞翼佢唔係燒只係炸完加Ｄ勁少香草上去又乾又無味呢次我係食下午茶套餐一餸米線加2個餸每餸加$3元總共3餸送豆漿再送雞翼2隻只係$26元真係抵到爆~~我係食豬潤.豬肉.竹笙3樣都好食但Ｄ湯底比較一般無麻只辣但咁既價$食品有咁既質素個湯唔緊要啦,提議最好要中辣小辣係無乜味,佢地招呼又好感覺好重視Ｄ客唔怪得白加士街下午時段其他食市比較靜而景霖都爆場

今天和小豬去了~景霖~因為佢鐘意食米線~去到多人食~要等~等左一陣有位~入到去坐~第一次食叫了~豬楠肉+炸醬米~23蚊x2~叫了香草雞wing~10蚊3隻~黎到~肉醬有點辣~~d香草雞wing~味道怪怪地~我隻豬就話d味好得意~仲有豆漿送~埋單56

工作關係所以經常食, 一個午餐送豆漿$20幾蚊算不錯.豆漿味道幾好, 有豆味但雲吞就令我好失望, 因為那兒的雲吞預先煮好, 所以經當又'林'又'散', 不過味道又幾好有竹生選擇唔洗額外收費, 尤其係貢丸, 魚皮鮫, 好味, 其他配料新鮮.叫外賣都幾快, 態度幾好, 可以一試.不過依家午飯時間逼爆人, 好難找位, 坐得有點不舒服, 不過整體來說幾好

第一次來呢度食,我叫左:鮮蝦腐竹卷米線(不辣)+香草雞翼雞翼真係好好味丫,好入味而個麵超耐,我d classmates個d幾mins來到,我個個起碼10mins,來到佢地都差不多食完lu佢話係岩岩用哂佢即場整,點知麻麻,個人來講:唔好吃我只係鍾意食d芽菜...

下午去佐敦，沒有吃午餐有點肚餓，於是找找附近有沒有下午茶可以填肚子。路經此店，從前未吃過，但記得評價不錯，又有點想吃米線，於是走入去試試。看到下午茶餐，超便宜，二十元有單餸米線、兩隻麻辣雞翼，配凍飲加五元。麻辣雞翼：感覺好像是剛炸起，熱辣辣。辣味夠，不會太辣，還有點麻麻的，惹味，皮邊位都幾脆，正；酸辣雞肉米線：米線軟硬適中，米線較粗身，個人覺得比較有口感，而雞肉不"o鞋"，份量都好多，酸辣湯的酸辣平均，不會有一邊搶去另一邊的味道，將雞肉、酸辣湯、米線加上韮菜芽菜伴吃，好好味，有不同的口感，與譚仔米線各有千秋；凍奶茶：比想像中的大杯與好喝。整餐二十五元，超值，不是太飽的話，一定再吃多碗。讓我發現另一間好吃的米線店，非常開心，不過此店比較少分店，要再吃的話也要專程再去，不過，我一定會再去。

下晝男友要去佐敦果邊﹐所以黎左呢度試下。黎到4﹐5點度﹐哈﹐試到下午茶﹗ ^ ^呢度既下午茶餐好抵﹐有兩款(都係$20)﹕1)一餸米線 + 雞翼兩隻 + 豆漿2)兩餸米線 + 豆漿(加一樣餸加 3 蚊)記得食評話呢度炸醬好食﹐所以我地兩個都叫左小辣炸醬米線﹐香草雞翼同麻辣雞翼各一碟.豆漿先黎﹐覺得無咩豆味﹐麻麻地﹐但係係送既所以都唔會要求太高喇. 之後好快就黎晒其他野. 覺得距既炸醬都幾好﹐好襯個麻辣湯既味。湯底唔錯﹐都幾甜﹐食落唔算太辣. 碗米線仲有D配料﹐有蔥﹐芽菜同腐皮。麻辣雞翼麻麻地﹐可能因為本身D湯已經係麻辣所以唔係好食得出D雞翼有咩辣味﹐只覺得係普通既雞翼. 反而香草雞翼就幾好﹐成隻雞翼充滿住香草味﹐好香口﹐又唔會太乾﹐比譚仔既土匪雞翼好食多了.其實都唔錯﹐而且十分抵食. 但個人同男友黎講都係偏好酸辣米線多 D ^ ^

以正宗四川米線為賣點的景霖下午經常爆滿米線口感不錯煙韌得來帶點黏糯雖然其麻辣米線湯底跟蕃茄米線的麻辣米線尚有一段距離(簡單說是香辣但一點都不麻而且用料不多)但因只售$20碗茶記的價錢不能要求太高所以穩陣起見建議還是吃中辣以彌補用料不足配料則選最多人叫的炸醬 該店最美味的食物反為即叫即烤的烤雞翼有新疆香草烤也有四川麻辣烤香草雞翼的香草份量非常generous因此香味亦非常撲鼻唔太大隻 醃得非常入味於本人而言香草雞翼本應如此單價$10/3隻, $20/6隻下午茶約$20-23, 包1碗炸醬米線2隻雞翼及1杯豆漿.

點左一個醬爆鯊魚丸燕肉餃米線, 要少辣, 跟豆漿有三隻餃同兩粒丸。燕肉餃好似魚皮餃, 皮厚左少少, 但陷就吳多, 食落好似食緊粉咁, 如果多d陷就好啦。至於個醬爆鯊魚丸, 魚肉丸包入肉陷, 肉汁好豐富, 一咬落去d汁都幾乎滴出黎, 魚丸又彈牙, 呢個幾好, 不過得兩粒, 少左d豆漿有解辣既成份, 天氣真係好熱, 熱到好快就飲完。呢間既豆漿吳太甜, 但豆味就好香, 應該係自家出品相同其他食評可以去我個blog度睇http://hk.myblog.yahoo.com/food_talk2008/

出開Jordan攞焗爐，於是拉埋阿媽一齊去食米線。初次光顧，印象不錯，因為雖然人多又逼，店員們都好有禮貌。我要了炸醬雲吞米線(小辣)；阿媽要了雲吞魚皮餃米線，再加多個香草雞翼，午餐每人送杯細豆漿。炸醬雲吞米線份量不少，食完飽到上心口。炸醬出色，用上了全瘦肉，甜甜地，份量又多，好惹味。雲吞只得兩粒，個皮好滑，個餡係菜肉，但好似仲有酸菜之類物體，因為食味是帶酸的 (不是變怪的那種！)！米線質地靚，較幼身，也煮得夠淋。湯底加埋炸醬好味，辣度適中，飲咗不少！香草雞翼有6隻，隻隻都好大隻。香草味濃，煎得好香口。豆漿也不錯，夠甜，但豆味欠奉。要彈就係冷氣唔夠凍，食到一身汗。

早幾日師傅想黎呢度食米線, 點知黎到先知內部裝修, 都幾失望; 終於前晚見佢重開, 師傅就不請自來決定黎為佢地剪綵!入到去食店, 就求其搵位坐底, 正當師傅想叫番食開嘅餸時, 忽然間發覺從來都未食過呢個海鮮過橋套餐, 加上師傅呢期冇咩胃口, 難得對呢間食店好似特別開胃, 於是師傅就決定要一個海鮮過橋套餐, 中辣!海鮮過橋套餐有帶子, 鮑魚片, 魚腐, 炸魚片, 魚皮餃, 炸醬同蟹柳, 仲有生菜同芽菜! 先講下個湯底, 湯底維持一貫水準, 夠香夠辣, 但今次師傅都係要中辣, 唔知點解覺得佢特別辣, 令到師傅食得都幾辛苦咁; 而帶子有兩粒, 不過口感一般, 因為有少少韌; 而鮑魚片有三片, 都幾軟熟, 煙煙韌韌幾好味; 魚腐有三舊, 但就有碎骨, 加上唔好味, 全碗最差一定係呢款餸; 而炸魚片都幾爽口, 味道唔錯; 魚皮餃就兩舊, 不過勁煙韌勁入味, 好正; 炸醬就維持高水準, 酸酸辣辣嘅肉碎, 勁好味; 而蟹柳有兩條, 但就冇咩特, 可以啦; 生菜配麻辣湯底堪稱一絕, 生菜夠爽口而且入味, 又辣又爽, 正呀; 芽菜非常爽口而且冇腥味, 加埋米線煮得煙煙韌韌, 軟硬適中, 好好味呀! 總括