景霖正宗四川麻辣米線 (白加士街)

營業中

休息中

咁啱行過所以就去食,我見耐冇去過,估唔到一樣咁好食, 差不多已經10:40pm仲有5-6枱客,我都係叫返我最like 的冬菇+紅腸, 仲加埋雞翼啊,以前我經常食下午茶多d,又平又送嘢飲.我會推介食冬菇,我的至愛.大家可以試下

之前食過, 覺得好好食. 味道同服務都好 OK.唔知近排係未要 keep 住個價. 覺得 d 米線"淋"左. 轉左貨源?D 料少左.需然 service 都仲係好 OK. 但如果同業 keep 住個 standard. 佢地會變左不進則退.

12-5-2009下午又要寫 4 個鐘字, 先0係佐敦食個 lunch 補充體力及精神. 上次0係南京街差 d 胃穿 (食咩搞成咁: http://www.openrice.com/restaurant/commentdetail.htm?commentid=1985018), 唔敢再挑戰了, 今次試試寶靈街呢邊呢間吧.叫了 3 (食送) 小麻辣米線, 有豬腸, 豬潤及竹笙 ($26)... 先呷啖湯, 小辣對我0黎講已好辣, 但完全唔麻的,「麻」辣? 米線淥得彈牙煙韌, 浸極唔腍 / 發大, 感覺不錯; 配料最好食係竹笙, 索湯又爽口 豬潤都 ok, 爽口, 唔會苦澀; 豬腸就太肥又太腍, 仲有點異味, 唔好食. 而且所有配料都太碎濕濕, 食0左好似無食, 感覺麻麻0地.送的凍豆漿太甜, 味道亦頗現成, 唔知乜0野牌子的? -_-"比起南京街0個邊, 呢度較闊落乾淨, 阿姐及老闆亦 nice 得多, 不過食物就較0個邊遜色了.放低 $26, 精神了一點, 但其實未飽 -- 米線其實好少0架咋, 個碗咁大, 當然湯多過乜啦!

喜歡食米線的我，專登約埋朋友一齊跟住openrice搵食，點知……失望到極點。我點了魚蛋米線，小辣，走九牙﹗碗米線一到，一睇，湯的顏色已經是水，還有那些碎紅椒皮在湯中暢泳，以色香味來計算，先輸一仗。第二，我呷了一口湯，不得了，以視覺來看，已叫自己不要有太大期望……我喝下第一口，一種似曾相識的味道，再呷一口，記起了，是那些潮州打冷韮菜豬紅的味道；還有那種層次分明，湯還湯，韮菜味還韮菜味但又完全沒有麻辣味的水，那你可以想像是什麼了吧﹗到米線了，可能小妹孤陋寡聞，都不知什麼是正宗的四川米線了。那些米線，我覺得似上海麵身，煮得亦不夠時間，還有少少鞋口，鞋口意思是「米線」本身的質感，不是滑滑的感覺，再一次失分。魚蛋，你能想像是車仔麵檔、街邊推車仔檔、7仔賣那些黃色炸了的魚蛋做那碗米線的主角嗎？我真是投降到極點﹗如果這店舖以「正宗」招徠，雖然我不敢說米線的正宗與否，湯正宗與否；但我可以肯定四川還雲南都不會有炸了的黃色魚蛋﹗算吧，一次已矣，再見﹗

是晚相約同樣喜歡麻辣米線的老友一起到景霖試新店；眼見此店好評甚多，以為係好野，豈料.....如果你不是一個有光顧開譚仔/裕一品/川之味等麻辣米線店的人，或者你跟本不吃辣，你不會覺得有太大問題；可是，當你吃過這麼多家麻辣米線後，對「麻辣湯底」有一定的認知，去到景霖，會很失望。太公要了個小辣魚蛋+魚皮餃米線 - 光看樣子已不太吸引；辣油都只是浮在面上，湯底沒有滲進麻辣成份似的，辣椒醬的乾辣椒皮在湯面上飄來飄去，光看這心已涼了半截。呷一口湯 - 湯底不是很清新的那種，帶有濃濁之味；我們要了小辣，都沒有感到很麻或很辣，就算再加辣，也只像加了辣椒油的感覺，還是不夠麻，辣味也不香- 在其他四川米線店，小辣已是非常過癮了；而且一如前面某食評所言：辣味和湯味是分開的，未能合而為一，非常失敗！米線呢？不夠爽滑彈牙，一致認為：也是失敗！配料也好不到那裏，魚蛋和魚皮餃都是街市凍肉檔的廉價貨，魚蛋還是炸魚蛋而非白魚蛋，魚鮮味欠奉，只做到辟除雪藏味這地步而已。還好兩餸麵都只是$23, 沒有太貴，不然的話，太公一定會燥狂症發作。好，又試了一間，在四川米線店的名單上，這家是被我劃了個大交叉！

周六到佐敦唱K，未出發前當然先醫肚餓，想起成年無來呢度食麻辣米線，於是就來了﹗個門口雖然係黃色招牌不過次次經過都係睇唔到，吹脹，行到街頭先發現錯過了﹗不愛吃米線的我本來想吃上海面，但就賣哂，最後揀左米粉﹗我要左個小辣的墨丸生根米粉，配菜有腐皮、韮菜及芽菜等﹗好老實說呢度0的配料餸菜都並不特別出眾，墨丸及生根都只是普通貨色，吸引來的原因是湯底。湯底睇落清清的，如不知還以為是清湯，不過米粉、餸菜等吸左佢之後就好似點睛一樣，又辣又鮮，初初入口只熨熱，慢慢轉化為辛辣，再咀也麻痺了，小辣已經大呼小叫，不知叫大辣會怎樣呢？這就是麻辣湯底的過癮之處﹗炸魚皮亦做得不錯，脆得來有魚香，蘸一蘸辣湯再放入口，一流﹗

我今日午餐去咗這間米線店食嘢，我一去到嘅時侯，好多人，等咗一陣。坐低之後，order 咗精選米線、椒鹽雞軟骨串燒，好快就有得食。精選米線有好多餸，好抵食，雖然椒鹽雞軟骨串燒貴咗D，但係好好食，好香口。服務態度都OK。

吃過的米線店都不算少，有些味道都蠻相似的。是日想食的店子沒有開，就隨便來碗米線吧。選了酸菜、腩肉、炸醬，湯底怕像譚仔般辣，所以只敢點小小辣。不過原來是一點都不覺得辣啦，所以都有點後悔了。腩肉切得比較薄，酸菜味道比較淡，炸醬甜了一點，好像每樣都比譚仔輸蝕少少。點了小食有麻辣雞翼和燒雞軟骨，後者很有咬口，用的是鹽燒，簡單又美味。貪食的我又怎會夠，還有下半場呢。

星期一一條友去左幫襯....叫左個炸醬, 豬腸, 竹笙, 炸魚皮....小辣 ($29)大大杯豆漿($7)仲有一客3隻新疆香草雞翼($11)唔辣講真我覺得好超值, 而且仲好好味炸魚皮好脆, 無油益味, 不過我鍾意浸林先食豬腸好入味, 雖然真係切到好幼, 不過我覺得可以接受喎炸醬唔係好辣, 似蕃茄味, 酸酸地個竹笙有d碎濕濕!!米線煙煙un un, 煮得o岩o岩好碗米線有好多九菜芽菜, 麻辣甜甜地, 下次可以叫中辣食完碗米線, 忍唔住飲左幾啖湯...正呀!!!豆漿有分普通裝($4), 同大杯裝($7)本來以為個米線會好辣, 所以叫左杯大o既黎到....杯野確實好大杯仲好有豆味...甜度適中另外, 叫左個雞翼, 因為一個人食...所以就o係麻辣同香草任選其一原來好多枱客都叫鴛鴦雞翼...仲有好多款串燒, 下次捉埋honey先叫啦個雞翼無譚仔d土匪雞翼咁多香草, 不過就人地賣11蚊, 阿譚就賣25不過味道就唔會因為無咁多香草而淡味, 仲有佢好juicy!!!!有時我覺得譚仔太乾!!! 點攪都好, 依間會Encore!!!!

見到openrice有咁高既評語, 去開佐敦就試一試,點知唔試尤自可, 一試就知自己要求高點左:1) 豬肉+小小辣+凍奶茶2) 魚皮+豬腸+小辣+凍檸賓3) 香草雞翼3隻湯底清到好似水咁, d麻辣就係蒲喺水面既, 食落去, 辣還辣, 水還水既感覺, 似食緊清湯加辣椒油多d, 完全唔覺自己食緊麻辣.豬肉淋到一夾就散, 豬腸搵唔到, 淨係夾到豬腸絲 主角米線....唔好提三隻雞翼既香草只係留喺層皮, 一d都唔入味, 唉 反而杯奶茶唔錯, 真係講都唔信.食左唔夠半碗, 放棄左, 真係唔想難為自己個肚.可能係我奄尖啦, 又或者嗰晚大廚放左假,但我唔會再去, 嘥左$64

師傅都有好耐冇黎過呢度食野喇早幾日師傅想黎呢度食米線, 入到去店內, 搵個位坐底後, 就睇下有咩好食, 諗左一陣, 師傅決定柯打一d未食過嘅餸先!師傅揀左炸魚皮, 蟹籽丸同埋招牌炸醬, 配上師傅致愛嘅中辣米線! 轉個頭一碗熱騰騰嘅米線就擺左喺師傅面前! 第一時間先講下個湯底, 湯底依然夠香夠辣, 搶口非常, 正呀; 炸魚皮有成三大塊到啦, 炸得都幾香脆, 一d都唔腍, 浸埋落個湯底度, 特別惹味; 蟹籽丸有兩粒, 入口都幾爽口彈牙, 而餡裡嘅蟹籽唔腥, 加上蟹籽卜卜脆同埋份量好多, 唔錯; 而招牌炸醬仍維持一貫高水準, 酸酸辣辣嘅肉碎, 勁好味, 另外上格外食得出本來嘅味道; 米線又煮得煙煙韌韌, 份量又夠, 勁飽! 總括黎講食物質素維持水準, 服務態度又好, 埋單廿十六有三個餸, 絕對抵食; 坦白講師傅食左咁多次, 冇一次覺得佢唔得, 加上喺同區黎講絕對係最平, 講得上係平靚正, 所以一定下次, 而笑臉點當然要比啦

元旦日，相約朋友到佐敦，走到景霖試一試。我們二人點了一碗「大大碗」，價值$36，可能是下午茶時段，加送豆漿一杯。「大大碗」足夠兩女子份量，包括魚蛋、豆卜、豬潤、生菜、腐皮、竹笙、雞肉等等……(如有記錯，以餐牌為準)湯底可選麻辣及酸辣兩款。我們選了小辣的酸辣，湯面未混和的酢醬很好味！本人最愛其咸酸菜，不太酸、甜甜地，好味！同桌的客人點了大辣的麻辣，吃得面不改容。小女子與友人只點了小辣，邊吃邊流鼻涕，真尷尬！辣的程度各處不同，下次可請廚房「辣」另碟上，可按自己口味調較辣味。整體而然，好味！

難得來到佐敦, 女性朋友又喜歡食米線, 當然要帶她來食. 女性朋友叫了小鍋米線(小辣)另配墨魚丸和雲吞.我叫了過橋米線(小小辣)default有腩肉、腐竹、紅腸和火腿. 飲品叫了細支裝忌簾..過橋米線係大碗過小鍋米線, 似我大食既朋友, 哈哈!不過 每人40蚊,幾大碗始終覺得價錢都幾貴law

有日出佐敦食飯諗住食最愛既譚仔但朋友建議黎景霖 , 好多人食 , 地方都幾迫 .. 要排一陣隊嗌左竹笙 + 雞肉 小辣上檯份量明顯無譚仔咁大碗咁豪爽既感覺先試湯底 , 十分鮮甜與譚仔完全唔同 , 各有各好 ( 譚仔奶白湯濃 , 景霖清湯鮮甜 )平時食開譚仔小辣 , 但呢碗就唔覺得辣 , 下次可以試中辣但佢既麻辣係辣而不麻 ( 似加普通辣油 ) , 譚仔就又辣又麻 , 一個感覺溫和一個感覺刺激個人比較欣賞譚仔既 '' 真麻辣 '' 竹笙唔駛加一 , 但份量比譚仔少 , 雞肉超滑 ,好好味米線質地差唔多 , 比譚仔硬一點完全無味精, 食完唔口渴 , 感覺很好 !! 兩餸只係 $23 , lunch 好似送埋豆漿 ... 如果覺得譚仔味太濃既可以試呢間 , 但食開濃味既人兄可能就覺得唔夠味 總括黎講都好好食 !! 服務幾好 , d 呀姐好 nice 做野好爽手 ,,,,, 誠意推介 !!

I have been to this restaurant many times as I like Chinese Noodle.But this time, they really have a bad service. I ordered my noodle and waited for 20 minutes. Already asked the waiter to follow up my order twice. While I was waiting for my noodles, another set of customers arrived (after 15 minutes) and took their order. Their order came before mine. Then my order came afterwards. I am very disappointed at that time.The cook is so slow and the waiter has bad service. The restaurant let me down