| 餐廳: | 普慶餐廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
一入到去 見到好多食物可以揀 第一反應係超開心 諗住掃匀曬所有野食
另外 生蠔 我唔明點解其他人食得落(無意得罪) 
另外有個區域係西式野 有牛扒 (牛扒個d 不過不失)、隔離有d焗菜、意大利菜飯..? 好難食 或者係我食5慣個種口味 (不過賣相係好好 望落超吸引)
·燒味方面 叉燒ok 好甜好滑 其他就一般啦
我覺得最好食係個蟹粥 食左幾碗 (認真...)
今次主題係「盛夏二重奏」，佢哋聲稱有超過40款甜品同熱葷，兩款特飲包括雙檸梳打、柚子梳打配芒果熱情果雪芭都係任飲🥰不過梳打水好頂胃，我都只係攞咗一杯🤣
門口一入記係冷盤前菜區，有多款芝士同四款沙律，唔算特別吸引，但因為好掛住茶餐廳嘅雜果沙律所以攞咗啲菠蘿火腿嚟食，長通粉沙律就煙煙韌韌🙈
再過少少就係西式區，有非常搶手嘅慢煮牛胸肉，本來有啲菜比客人整沙律，但個個都只係攞肉食😂以前食自助餐都好驚燒牛肉會好乾，但呢舊真係幾嫩滑，有個婆婆仲話好淋要食多啲，我都食咗3塊👍🏻隔離有烤蔬菜，不過有啲油、翠肉瓜亦未焗透😗另外有唔少素食選擇，例如素豬肉米粒麵、地中海素菜漢堡，我幾鍾意米粒麵，因為醬汁係蕃茄味、酸酸甜甜食完都唔會膩，啱曬想食碳水化合物又驚飽嘅我😎漢堡就唔建議攞，明明見住廚師喺焗爐攞出嚟，但食落一啲都唔熱，麵包同漢堡扒都好乾，又冇額外嘅醬汁，漢堡扒亦淋到好似肉餅🫢生薑蜜糖焗魚就幾出色，表面有滿滿嘅魚油，食落唔會覺得油膩而且非常嫩滑，連平時唔多鍾意魚嘅朋友都食咗好幾舊😋蕃茄白酒煮青口就正常發揮👌🏻
第二碟再試埋豬扒同雞髀，其實個香桃威士忌煨豬扒睇落好唔吸引😂因為有啲似飯盒、好柴嗰啲豬肉，但”嘢食唔可以貌相”，所以都攞咗舊試下，果然有啲乾，但比想像中好🤣雞肉嫩滑多汁，配菜香草粟米莎莎亦唔錯，香甜多汁👍🏻
成日見台灣Youtuber食刈包都好想試，估唔到今次自助餐會有，有職員幫手夾包同肥豬肉，其他配料例如酸菜同花生碎就自己加😍刈包幾鬆軟、唔易飽，但因為焗住咗所以比較濕，豬肉滷得幾入味，雖然係五花腩但完全唔油膩，配埋香辣酸菜真係好惹味👍🏻
火焰雪山蛋糕只會出兩輪，職員先用火槍燒一燒表面，再淋上點著咗嘅酒，本來以為好打卡able，但啲火弱到肉眼都唔太睇到😂之後再放上雜果、朱古力醬，然後切件分比排隊嘅客人🍽蛋白霜唔會太甜、好綿滑，入面有一層海綿蛋糕同一層雪糕質感嘅柚子凍餅，味道清新🥳不過裝飾用嘅雜果可以換一換，因為罐頭糖水味唔太討好😗
第四碟係泰式風味嘅食物，包括香甜多汁嘅燒菠蘿、好足料但勁濕嘅菠蘿炒飯、燒到乾曬嘅粟米😅豬肉串燒嘅調味唔錯，菠蘿蓉醬更加令味道提升一個層次，可惜我攞嘅時候淨返唔多，廚師又只係燒緊雞翼，所以肉質有嘅乾🙈生菜包嘅豬肉碎好鹹，初頭見佢冇咩汁仲以為會冇味，所以只係攞咗兩條生菜，最後要撈埋入啲炒飯度食😂
進入甜品環節，首先組裝咗個提子冧酒雪糕配朱古力窩夫，雖然窩夫唔係即叫即整，不過都唔會軟淋淋或者硬曬，比想像中好🙈不過大家可以配其他雪糕，因為movenpick嘅提子冧酒味真係好濃，完全食唔出朱古力味😂平時出去Cafe食可能都要$100，而且仲有無限忌廉同配料，絕對可以滿足甜品控👍🏻
之後攞咗兩款蛋卷、朱古力牛油蛋糕同柑橘芝士蛋糕，我非常鍾意士多啤梨蛋卷，一啖一件、蛋糕軟綿綿、忌廉香滑🥰朱古力蛋卷相對上就有啲乾，味道上亦冇咁突出，牛油蛋糕就幾鬆軟，朱古力香濃所有啲似brownie😆芝士蛋糕食落都算滑，表面嘅白朱古力亦整到好靚、閃令令，不過柑橘味比較淡😗
試完窩夫唔爭在試埋pancake，正確嚟講應該係crepe配雪糕忌廉😋今次就係即叫即整，可惜”甜品bar”得1個職員，因為要幫其他客人舀雪糕所以唔小心遲咗翻面、令邊邊位變硬，不過佢都有講”唔好意思”，同埋我有忌廉就滿足架啦🤣唔計失手嗰部分係好好味，movenpick雪糕真係好加分👍🏻
食完咁多凍嘢係時候夾返啲熱葷，今次翻兜咗煎魚、米粒麵同牛胸肉，奉勸大家唔好做第一個攞燒牛肉，因為成塊都係肥膏，雖然職員已經切咗面頭嗰啲，但都係冇咩肉食🙈另外再攞咗燒雞翼同燒蝦，水準唔錯、唔會燒到乾曬😛
影片
