普慶餐廳

營業中

休息中

📍佐敦 Eaton Hotel內的普慶餐廳📍一班同事就食buffet！揀咗逸東酒店入面嘅普慶，Lunch Buffet $348/位😆，可以任食兩個鐘！第一時間衝去冷盤海鮮區！有好多生蠔🦪、龍蝦夾🦞、麵包蟹、蝦🦐、青口等等海鮮，有好多香料配撘，可以任食海鮮真係好爽😆！冷盤就有四款芝士，仲有唔同沙律同麵包揀，正。其餘仲有日式料理區、星馬泰區、中餐區、甜點區等等，有Movenpick雪糕，大概有8隻味，仲有即叫即整窩夫😆😆，爽。食物質素相當不錯，性價比高的自助餐😀👌🏻。

海鮮無一樣係新鮮1 生蠔，唔係即開，仲要有部份有臭味2蟹，好唔掂，又冇肉食，又孩，咁既價錢竟然冇長腳蟹3魚生，沙文魚，難食既程度令我懷疑食緊既係唔係沙文魚，就咁眼睇已經唔得，口感奇差，完全冇鮮味利申：本人平常非常喜愛魚生及生豪類別熱食牛扒，太鹹，口感一般 ，唯一欣賞係多汁選擇，粉面飯都係嘛嘛炒菠菜，啲菜靭到幾乎食唔到，第一次食到咁既菜🙃，唯有個芝士西蘭花叫做食到有個鹹蛋黃蟹粥，依樣算係好食😂 飲品每人只係得一杯，個水吧成個茶記水吧咁，仲要所謂既特飲，難飲到 __ __ ，因為2個人去試曬2杯特飲，一係就得個甜，一係就冇味中帶點苦，最後係水最好飲 甜品雪糕，一般，冇咩特別可以講蛋糕等等，竟然係全晚最好食嘅嘢，班戟完全冇蛋味，唯一又係欣賞員工又要用匙羹(不)雪糕又要整嘢食，要係咁2邊走，依然好好服務客人其他不太相關餐廳既差評，揸車既千期唔好考慮依邊，好難揾位泊車，係想俾錢泊車場都冇，酒店方面，地面停車場位置員工服務態度差

第二次食自助午餐，對上果次3年前😂 3年後可見水準不但keep到，仲要有改善…1）食物環境人手充足，服務員主動執枱，斟水。2）海鮮位 而家有服務員幫手夾海鮮，每人一盤，乾淨衛生，新鮮。海鮮：虎蝦，麵包蟹，青口，翡翠螺，紐西蘭生蠔。3）天婦羅即炸4）魚生新鮮，八爪魚係爽既👍🏻5）瘦叉燒竟然唔鞋口，好腍👍🏻6）多款甜品，雪糕係movenpick 🥳整體黎講好滿意，值得推介。

屋企人陪我食生日飯，我就揀咗逸東酒店自助餐普慶餐廳佢自助餐喺酒店地庫 拎食嘢嘅基本上就係環繞一周去攞嘢食生蠔每次只可以攞兩隻仲會俾埋冰保持新鮮紐西蘭生蠔海水味唔重但係鮮甜好味重點項目凍海鮮種類非常之多有梭子蟹，小龍蝦，翡翠螺，海蝦，麵包蟹，龍蝦，青口，藍青口同埋虎蝦總共九種海鮮龍蝦非常鮮甜肉質都好好 麵包蟹重點食膏又係好香蟹黃味藍青口，我就真係覺得完全失望因為咸到飛起另一個重點推介晒佢嘅燒牛肉同豬腩卷牛肉火候控制得好好，唔會外面太熟中間太生豬腩卷個豬肉比想像中嫩口當然皮真係好鬆脆燒味叉燒真又淋又入味但係鴨/鵝真係凍冰冰唔好食另外佢個XO醬蒸盲鰽好嫩滑我食咗好多轉嗰日遇上油甘魚解體活動 有得睇有得食另外任拎嘅刺身有劍魚、三文魚、帶子同埋甜蝦（全部都好新鮮唔錯）雪糕方面係Movenpick總共有10種口味蛋糕甜品嗰方面連同曲奇朱古力接近20種唔同款式，但係呢度影唔晒 重點全部都好好食其實仲有好多嘢可以介紹，但係相片只可以提供12張 所以只可以貼精華嘅出嚟西湯佢有個海鮮湯用料豐富唔錯，中湯就係普通老火湯佢嘅凍盤區有四款芝士名同埋煙三文魚，再加上沙律區啲新鮮生菜一齊食非常好味另外仲有天婦羅，

逸東酒店 普慶餐廳📍 佐敦彌敦道380號香港逸東酒店B1樓層.今次係星期六食咗午餐自助餐，人均只係大約折後$450.❇️位置環境佐敦站B1出口行過去大約10分鐘內就會到環境都算寬闊，枱同枱之間都有一定嘅空位.員工服務十分之好，一坐低就指示10分清晰，會話俾你聽可以喺邊度拎咩嘢食.❇️食物係片中可以見到，食物種類都多有生蠔，刺身，山蝦，小龍蝦，麵包蟹（超多膏，鹹香）中式包點，唔同款式嘅炸物，天婦羅，日式串燒，沙律吧甜品都有好多款式，有芝士蛋糕，啫喱等等鍾意食雪糕嘅仲有即時整嘅pancake加雪糕Movenpick都係任食，好多唔同味道

來自超人氣自助餐既’普慶餐廳 ’，今期係狂野海鮮市場主題，佢哋以各種烹飪傳統同風格製成嘅精選優質海鮮菜式做主角，唔少得有招牌時令🦞海鮮冷盤，紐西蘭生蠔，波士頓龍蝦，小龍蝦，麵包蟹，翡翠螺等會無限量供應，佢哋仲有七個美食專區，日本刺身，頂級肉眼以至東南亞風味咖喱，港式燒味同素食等款式琳瑯滿目，絕對可以享受多元化嘅美食😍😍性價比極高，由前菜到主菜，甚至去到甜品，美食水準極高，餐廳非常用心製作，足足任食3小時，價錢都係成人💰$618(平日)一位，唔講咁多，即介紹下先😆😆🦞時令海鮮冷盤:值得推介嘅係🦪紐西蘭生蠔，雖然每隻既size都一般，但佢都係新鮮即開，食落味道較淡，但鮮味搭救，非常爽口，其次係🐚翡翠螺，幾乎每粒都大隻，可以完整地拉出螺肉，有鮮味之餘，肉質爽口彈牙😋😋，需要改善嘅係🦞波士頓龍蝦，大細相符，亦都有膏，但肉質非常老，有啲鞋，有少少咬唔開嘅感覺😩🍣日本刺身:每一款嘅刺身非常高水準，師傅都係厚切俾我哋，同埋佢哋無論係冷盤定刺身都會跟一碟冰底，確保新鮮👍🏻👍🏻另外日本美食方面有天婦羅同串燒等，款式都多😌🐮熟食:值得推介嘅係佢哋嘅🐮燒牛肉同🐷燒腩肉卷，係自助餐必有嘅菜式，佢係一大份肉，然

今日又再來到普慶餐廳食自助午餐，星期四的中午也全場爆滿，如果不是預先訂枱，walkin有位的機會好微。餐廳面積很大，分區擺放食物，每區之間有一定距離，能分散取食物的人羣。海鮮區有生蠔、小龍蝦、蝦、麵包蟹、蟹腳、青口，用加了冰粒的大碗盛載，以保新鮮，非常貼心。 生蠔是即時由職員在水喉下沖洗後才給食客，所以很乾淨，沒有沙，但每次限取兩隻，而且都好細隻。剌身有5至6款選擇，但切得很細片，喜歡吃刺身的朋友要多走幾轉。甜品區選擇不多，沒有太大驚喜。餐飲憑券自取，除了檸茶、檸水，還有一款生薑雪梨梳打特飲可供選擇。餐廳內侍應人手充足，執拾碗碟的速度非常快，每次食完一碟，剛放下餐具，便即時有侍應來收碟。午市自助餐的價錢每位成人$348,長者$238，另收加一服務費。

之前一直都好想試呢間嘅自助餐🤩 終於都的起心肝，襯朋友生日就預約呢間同佢賀一賀佢 晚餐開始時間係6點,我5點45分到咗,襯佢未開始嘅時候我就轉咗個圈，欣賞下佢d野食😂 但圈都未得切就已經開始用膳🤣🤣可想而知，佢d嘢食真係有幾多😂 其實真係好飽，好多嘢食，仲要試唔曬d嘢食~ 個人極推薦好食得嘅朋友一定要去呢間食 講下海鮮先~ 佢有生蠔，海蝦，龍蝦，面包蟹，青口等等~~超級多選擇，我自己就試咗龍蝦同虎蝦好好食😍😍😍😍😍其次係佢嘅豬腩肉，個皮仲係脆卜卜㗎!食自助餐都係想食多啲唔同種類嘅野，普慶餐廳真係推薦大家要試㗎

第一次嚟食，非常有驚喜. 食極都唔完. 呢個價錢冇得輸，個場夠大行到腳都跛. Great Deal, cannot ask for more at this price!

高質自助餐慶祝之選好耐冇介紹過自助餐，高質自助餐、性價比高、多選擇，都坐得幾舒服😌 節日定生日慶祝都唔錯，晏就食大概～$4xx一個人___ ___ ___ ___ ___ ___ ___✨✨海鮮🦞種類都多 有生蠔🦪小龍蝦 蟹🦀️ 青口有生蠔都幾值回票價 係中等size 新鮮唔腥✨✨燒牛肉，羊架，燒腩燒牛肉望落幾生但味道好過唔少自助餐比較輕調味，可以自己再加鹽/mustard✨✨燒鳥同天婦羅🍤So surprised 呢度有即炸即燒，相比之下較新式自助餐菜色😋😋味道幾好✨✨甜品🍮🥰🥰最愛movenpick 雪糕🍦 有啲新口味唔錯即叫即整pancake 同超脆鬆軟waffle! 大讚 可以自己加雪糕，cream ，peanut butter 加花生醬，朱古力醬再加scoop of ice cream + cream 食左勁多好好食🥹🥹✨ 沙律🥗 ✨中式：燒味，魚🐟✨港式粉麵冇雲吞少sad but ok ✨西式✨新加坡菜，韓式，泰菜✨刺身 basic都有主題係all you can meat,各種不同肉類料理，普遍食物質素頗高，但唔多食物係會再拎，海鮮、甜品、天婦羅、串燒、燒味同燒牛肉都可以再

踏入九月秋天季節，普慶餐廳新出下午茶主題名為「食好西」顧名思義是有很多種類的食物選擇。週末下午茶自助餐逢星期六、日及公眾假期。飲品種類繁多特飲都有幾款選擇，西柚特飲和萍果梳打等，西柚特飲非常之清新酸酸地可以增加食慾。水果茶🍹和橙汁🍊西式美食，包括西班牙辣肉腸海鮮飯丶惹味烤豬肋骨丶意式烤薄餅，仲有現場即製意大利粉等。迷你漢堡包🍔多款傳統的西式甜點，芒果拿破崙🥭、綠茶撻、焦糖燉蛋🍮、芝士蛋糕🧀、奶凍🥛、法式閃電泡芙🥠、栗子蛋糕🌰等。芒果拿破崙新鮮即做，非常鬆脆芒果鮮甜。現場炮製嘅雪菲蛋糕🍧🍰這個很特別當差不多做好的時候，店員會響叮叮🛎️話比大家聽可以出去排隊取呀！另一必吃的就是12款Movenpick 雪糕呀！🍨口味任揀可以隨意配搭窩夫一起吃也可，創作屬於自己嘅味道，真的可以叫做雪糕放題啊！朱古力士多啤梨窩夫🧇

今日有人請飯，於是揀咗呢間聽講質數唔錯的自助餐餐廳位於地庫位置，入黎要經過一個foodcourt再行樓梯落一層，而且係中空設計，上面foodcourt可以望落下面食自助餐嘅枱，感覺好開揚。自助餐食物有好多，海鮮推薦蠔同龍蝦，啲龍蝦係好多膏，真係好多，要特別強調。 蠔不過不失，紐西蘭嘅貨，味道還好，工作人員洗蠔十分認真，上盤亦附帶冰粒，值得一讚！仲有麵包蟹，小龍蝦，蝦同青口，不過實在唔好呢啲所以冇試。煙肉類例如煙三文魚呢啲唔太推薦，味道一般。中西熟食類好多款，個人最推薦蒸魚，未試過食自助餐食到咁好食的蒸魚，又滑又多汁，同朋友添咗幾次，亦好快俾其他顧客分晒。其他推薦的熟食有鹹蛋黃蟹粥，蒜蓉豆豉蒸帶子等。刺身類不太推薦，魚生切得略嫌薄，亦不太新鮮，淺嚐即可。甜品亦有好多種類，例如西式糕點，班戟，雪糕等，質數亦是不過不失。工作人員十分稱職，收碟真係快到無人有，又會推介和提醒有咩食物新鮮出爐，十分友善。

之前試過佢早餐自助餐，價錢同食物質素都唔錯，所以今次帶埋屋企人黎試佢個中午自助餐。比起早餐多左好多野食，所有區域全開！ 聽講晚餐自助餐食嘅嘢都係差唔多，相對地中午自助餐價錢就相宜好多了！.中午自助餐價錢 12:00-14:30星期一至五：成人港幣＄348 小童及長者 港幣 ＄238星期六、日及公眾假期：成人港幣＄428 小童及長者港幣＄338.海鮮：龍蝦鉗、生蠔、麵包蟹、小龍蝦、虎蝦、海蝦、青口、藍青口 👍🏻👍🏻👍🏻👍🏻👍🏻揀啲間食自助餐其中一個主因就係因為午市自助餐都有生蠔食。每次只可以拎兩隻，不過如果冇人排隊都可以不停攞😆。雖然比較細隻，味道唔算突出，但都幾新鮮值得推薦。其餘海鮮種類繁多，除左虎蝦完全冇味而且零彈牙，其他質素都唔錯正常水平。.日式料理👍🏻👍🏻👍🏻魚生款式唔多，只有三文魚、鯛魚、希靈魚、劍魚。三文魚好瘦而且冇味唔推薦，其餘都係一般。天婦羅有蝦、秋葵、其他蔬菜，質素都okay。欣賞佢有好多鹽選擇（日本竹炭鹽、芝麻鹽、綠茶鹽），對味道有明顯提升👍🏻.燒牛肉、羊架、豬腩卷 👍🏻👍🏻👍🏻燒牛肉冇乜味，羊架比較「鞋」，唔食冇損失.湯：沙參玉竹煲豬骨湯 👍🏻👍🏻👍🏻👍🏻👍🏻個湯夠

食buffet唔係話多野食就一定好，啱唔啱食都好重要。今次tea buffet就覺幾啱口味喇，原隻燒雞、豬仔骨忍唔住一食再食三食，西班牙海鮮飯味道都唔錯，露荀湯真材實料，仲有英國炸魚薯條、墨西哥脆片、即製意粉⋯⋯幾有特色。甜品最有印象係酥皮waffle，同敲鐘仔去排隊攞嘅雪糕蛋糕，味道都好好。飲推介水果茶，飲左好多杯！服務好好，唯一小小意見係收碟收得過快，慢返少少好D。環境唔太似酒店，不過都ok，下次會試下book卡位。每人加埋一大約280，好ok呀！

最讚嘅地方係麵包🦀，源源不絕，有staff 夾俾你， 唔洗俾啲客人夾到甩頭甩頸，仲可以叫佢就可以自己要求要蟹蓋定還是要蟹身，整體上食物variety 多到你每樣1件都試唔哂，海鮮質素高，熟食同埋甜品cake就一般。雪糕movenpick。