普慶餐廳

某個網上平台買一送一中午自助餐，價錢吸引，而且個名～普慶餐廳，真係要嚟懷舊一下，𡃁仔年代周不時嚟普慶戲院睇戲。餐廳要落到去B2, 第一感環境唔錯，但後來發覺原來分佈嘅食物位置都幾「散下」，再者雖然好多物種選擇，但價錢真係反影到質素。食物較為「值錢」嘅只有麵包蟹同生蠔！剌身得三文魚，八爪魚同鯖魚，蒸魚係真係小見嘅「鯇魚」，而唔係常見嘅『班』。呢舊豬腩卷算最出色，皮脆肉嫩，反而則邊件牛肉，睇落半生熟好靚，但肉質唔掂～「韌」又無牛味，唔好食。雪糕算係另一樣值得食，其他甜品都可以接受。回頭度：3/10唯一可取係個價錢，但食物種類，味道，質素真係差一個級別，再者係填補食物嘅速度都慢，十二點開始，一點零，好多都無晒，無補充返，或者係補得慢。收碟又慢，一樣又係一點後，好似無晒伙記，真係唔知想點！？我今年食咗十幾次自助餐，未試過有咁嘅「待遇」。仲想講下，上面提過嘅平台，係唔會容許客人俾『負皮』，所以當大家選擇餐廳食飯時，要小心選擇平台參考！以上純粹個人食後分享，絶無收受任何利益或優惠，亦願意承擔所有責任。…查看更多

逸東酒店 「The Astor 普慶餐廳」嘅自助餐，一直十分人氣，而且book位長期爆滿，非常喜歡呢度地方夠大，不同美食區分得好清晰，而且環境富有香港情懷，真係食嘢之餘影相打卡一流，今日就等我慢慢品嚐👍👍每位客人都會奉送「芝士焗龍蝦尾」和「巨型牡丹蝦」，真係回本之選，龍蝦味原來用新鮮貨，怪不得焗出嚟咁彈牙，牡丹蝦蝦頭爆曬膏超正👍每晚仲有即劏油甘魚表演，超級肥美一定要拎返份！📍多個美食專區📍✨刺身壽司｜吞拿魚、三文魚、劍魚、帶子刺身，多款壽司✨海鮮、凍肉、沙律｜即開生蠔、蟹腳、小龍蝦、翡翠螺、大蜆、麵包蟹、青口等，多款高質火腿、芝士和沙律✨燒味｜必食逸東燒味，叉燒、豉油雞、燒肉、燒鵝，仲有即包片皮鴨✨烤肉｜燒西冷、蜜汁火腿和燒豬腩配合各種醬汁，必食高質之選✨天婦羅、串燒｜全部即炸即燒熱辣辣，天婦羅炸蝦、魚和南瓜我食咗好多round，仲有燒雞翼、雞軟骨、翠玉瓜、三文魚等等，配上六種不同口味嘅鹽，真係好有心思👍✨素食｜特別為素食者而設，有10多款不同選擇✨泰式美食、蟹粥｜超驚喜泰式串燒和即炸蝦片米通，其中雞全翼超美味，新鮮蟹粥加上不同配料，都係必食之選✨蒸海鮮、港式雲吞麵｜蒸海蝦和鮮鮑魚配合香蔥和豉油，中式美味✨甜品｜食炸西班牙油炸鬼、邪惡朱古力棉花糖意大利三文治、新鮮水果杯、超多口味雪糕、多餘天上繁星嘅蛋糕，必須留有第二個胃✨自助飲品、鬼佬涼茶｜最鍾意可以用個戰鬥碗自己斟啤酒好有feel，另外果汁、汽水和即磨咖啡無限量供應🏃‍♂️🏃‍♂️真心推介自助餐必食之選，記得訂位同埋佢嗰日一定要留肚😂😂…查看更多

在佐敦逸東酒店裡的普慶餐廳 The Astor 的自助餐，一向以來都以菜式多見稱。不論中式、西式、日式、泰式、冷盤熱暈，甜的咸的，有辣也有不辣，甚至素食者也在兼顧上，樣樣出品都能保持水準。這一間我一年前也曾光顧過一次，印象最深刻的是這餐廳地方寬敞，一頭一尾ー出一入小心小朋友找不回自己的坐位。今天晚上，與一舊同事聚會，彼此談談退休後的近況，就索性說來這裡共聚。聖誕節臨近了，這晚自助餐以聖誕市集為主題，高級海鲜是主打，還有很多聖誕節必備的食品，烤火雞之外，甚至連薄餅，形狀也以一棵聖誕樹做型來示人，充滿節日的氣氛，還有很多精美的糕點甜品等等。這自助餐的燒味要讚，是選自駐酒店裡米芝蓮中菜廳逸東軒的星級燒味，出品就有保証了。還有定時的北京烤片皮鴨出爐，餐廳在宣佈前就要先去排定隊好了。香草烤雞、烤豬鞍、燒牛小排，肉控的人必然雀躍。喜歡吃 cold cut芝士火腿沙律的也不會失望，聖誕的氣氛即時湧上心頭，縱使今晚仍未到聖誕。自助餐每人一客的是香烤味噌緬因州龍蝦尾半隻，烤得龍蝦肉仍然保持嫩滑香口。其餘自助餐必備的海鮮壽司刺身等，依然充足登場，牡丹蝦是必食之選，大隻和新鮮，生蠔也是鮮美。又到聖誕了，一家大細出外慶祝，普慶餐廳的自助餐，我極力推薦給大家。…查看更多

終於試到人氣普慶自助餐👅最近做緊海鮮主題 有多達200款環球美饌✨難怪咁多人大讚 高質抵食又豐富 絕對可以encore‼️.📌「普慶食為鮮」午市自助餐 $398每位客人可獲香蒜芝士焗帶子一客 真心有驚喜🧡帶子厚肉大粒夠鮮甜 配埋鹹香十足芝士醬 勁夾🧀.〰️黑松露墨魚意大利飯〰️即場烹調環節 有師傅即刨黑松露🍄‍🟫Risotto飯粒分明有咬口 醬汁creamy🩶但偏左鹹少少🤏🏻仲有粒粒爽嫩墨魚🦑.〰️海鮮冷盤〰️重點必食即開日本生蠔🦪麵包蟹🦀翡翠螺🐚仲有小龍蝦, 青口同蜆🦞除左DIY沙律吧 仲有六款沙律提供🥗Cold Cut有六款Ham四款芝士🥓🧀連煙三文魚都有🍣.〰️麵包區〰️麵包控一定心心眼😍八款麵包 pastry, 餐包, 酸種包齊晒 仲有焗爐自行加熱🥖🍞🥐配上果醬/牛油/餐湯 perfect🧈.〰️西式烤肉熱食〰️超高汁香烤澳洲西冷同香烤豬腩卷🥩配埋香脆薯條正🍟西式料理整體唔錯 有烤豬肋骨, 烤鴨胸, 香煎龍脷柳同香腸長通粉🍖🦆🐟最貼心係有素食區 七款素菜清清腸胃🥬.〰️中式熱食〰️米芝蓮逸東軒星級燒味🔆有蜜汁叉燒, 燒鴨, 豉油雞 大推海南雞飯🍖🦆🐔中式小菜有：上湯薑蔥蟹肉伊麵, XO海皇醬海鮮粉絲煲, 頭菜蒸草鯇, 茄汁蝦碌, 銀芽三絲同西檸雞等🔥.〰️日式料理〰️天婦羅即炸：蝦, 魷魚, 紫薯, 金菇, 南瓜 酥脆唔油🍤烤物：三文魚頭, 鯖魚, 多春魚, 時令蔬菜 燒得幾香🍢刺身：三文魚, 八爪魚, 北寄貝, 鯖魚 夠新鮮🍣仲有雜錦壽司同冷麵🍙🍜.〰️亞洲風味〰️推薦荷葉蒸鮮蝦同黃金鹹蛋蟹粥🍲🦐即煮經典細蓉雲吞麵, 香口馬來西亞海鮮炒貴刁🍜同拉絲八爪魚泡菜薄餅🐙🍕仲有：馬來西亞咖哩魚肉同雜菜🍛超肥美雞翼串燒, 沙嗲豬頸肉, 蒜蓉粉絲焗魷魚, 烤雜菜🍢.〰️甜品〰️除咗西式甜點：麵包布甸, 意大利奶凍🍮雜錦曲奇🍪綠茶蕨餅, 檸檬撻, 抹茶紅豆慕絲, 吉士泡芙, 斑斕戚風蛋糕, 德國芝士蛋糕, 芒果慕絲蛋糕, 綠茶卷蛋, 榛子朱古力餅🍰仲有港式懷舊三角朱古力蛋糕同菠蘿蛋糕, 腐竹鵪鶉蛋, 芝麻糊, 豆腐花🇭🇰即炸芋球酥脆軟糯 咬開係流沙蛋黃🍡用十款movenpick雪糕同大熱千層雪糕蛋糕 配埋即叫即整窩夫 完美作結🍦🧇仲有鮮果杯🍈🍍🍉.〰️自助飲品吧〰️必飲普慶珍珠奶茶🧋另外仲有果汁, 咖啡, 茶類🍹☕️🍵…查看更多

超正💯佐敦𝐄𝐚𝐭𝐨𝐧 𝐇𝐨𝐭𝐞𝐥 【普慶食為鮮】自助晚餐🦞最近同朋友去咗佐敦𝐄𝐚𝐭𝐨𝐧 𝐇𝐨𝐭𝐞𝐥嘅 𝐓𝐡𝐞 𝐀𝐬𝐭𝐨𝐫普慶餐廳食𝐃𝐢𝐧𝐧𝐞𝐫 𝐁𝐮𝐟𝐟𝐞𝐭 🍴主打高質海鮮，選擇好多😆仲有精選主菜、即席烹調嘅限定菜式，食好好忙，唔同時段都會鈴鈴🔔響鐘🤣出去排隊拎美食😂不過真係食到勁滿足，整體都覺得好食😍𝐃𝐢𝐧𝐧𝐞𝐫 𝐁𝐮𝐟𝐟𝐞𝐭亮點推介✨海鮮冷盤：生蠔🦪松葉蟹腳、青口、小龍蝦、麵包蟹等，係我第一樣拎既，樣樣都新鮮，生蠔唔係好大隻但完全唔腥🦪🔔油甘魚解體秀🔔星期一至四晚市都有師傅即場切割日本直送嘅油甘魚🐟有得睇表演🔪👨🏻‍🍳又有得食，油甘魚即切即食夠晒新鮮，又夠肥美，魚油十足🐟主菜、特選美食：唔使出去拎，店員自動送上晚市限定嘅法式焗緬因州龍蝦尾，龍蝦肉質彈牙，加埋芝士鋪面，食得好滋味🦞另一款係魚子醬，味道鹹香，相當矜貴😍環球美食：熟食都好多選擇，仲要分左唔同區域，包括日式即炸天婦羅、燒物🍤；泰式燒烤；廣式雲吞麵🍜東南亞咖喱、薄餅；西式有西班牙海鮮燴飯、海膽意粉！有我最鍾意嘅逸東燒味Corner，叉燒要encore、燒肉香脆，抵讚🍖鈴鈴🔔仲有出去排隊拎片皮鴨🦆🍰 甜品胃：即整窩夫、炸鮮奶、斑蘭撻、陳皮紅豆沙、豆腐花、多款蛋糕、甜點、Mövenpick雪糕等等，中西式都有，一定可以滿足到第二個胃🩵…查看更多