普慶餐廳

營業中

休息中

第一次食普慶的buffet, 而家做緊「狂野海鮮市場」主題，我只係早個幾星期先book位，中秋節的週末已經full了但連住的星期一紅假仲有位，成人未加一$428/位。講返嘢食先，凍盤的海鮮有：生蠔、螺、龍蝦鉗、小龍蝦、青口、藍青口、麵包蟹、蝦、虎蝦。雖然無長腳蟹，但係lunch buffet 有生蠔同咁多款海鮮，性價比非常高！甜品方面都有好多款式，超過廿款，雪糕都有6定8隻味，仲有即場整嘅pancake. 雖然甜品款式多，但真係吸引我去試嘅又唔係太多款，我只試了6、7款，味道普普通通。刺身有5款：三文魚、八瓜魚、鯛魚、希露魚、𩶘魚 (好似係). 三文魚切得較厚，如果切薄少少會無咁膩。熱食有天婦羅、少量串燒、燒烤的蔬菜、燒牛肉、羊架、豬腩卷等等。整體來說lunch buffet 有咁多不同款式的食物，我覺得都好抵食。