時新快餐店 (已結業)

雙層漢堡芝士蛋包 ( 6/10 ) $22今日嚟左食紅磡區內有名嘅漢堡，係openrice攞左得獎熱店架，相信住係紅磡嘅你對呢間唔陌生架啦！22蚊有兩塊漢堡扒、蛋同芝士，漢堡扒好軟腍多汁，蛋唔會過熟，保留少少蛋汁。包裡面塗左秘制嘅沙律醬，仲有蕃茄，咖哩，黑椒三個味道可揀。講真賣相唔多討好，質素唔算上等，但絕對係物美價廉既等級。22蚊一個食到飽既漢堡飽，仲平過麥記，真係去邊揾！時新快餐店 (紅磡)紅磡黃埔街1A地下

炸薯條同雞翼好乾，雞翼仲有條毛未蚊！漢堡包可能自己整仲好食過佢地，食老麥仲好，等我仲收工趕住去食⋯佢地好似唔憂做咁，黎到諗住有懷舊驚喜，點知失望而回，希望可以換一換炸油啦，啲雞翼有啲黑油渣痴住⋯

漢堡包吃得多，但是港式漢堡包你又吃過了嗎？對於理大學生，日常除了吃Food Court外，必要提及的是位於紅磡，離宿舍很近的時新快餐店。 從紅磡火車站出發走過那悶熱的隧道，經過天橋，到達時新快餐店前。不知為何，總覺得紅磡比其他地方更要熱。幸好，在店舖細小和人來人往之間我們找到位置。説起來都有點羞愧，這是我第一次吃時新。比起連鎖店的漢堡，時新的有更多的選擇。隨你喜歡，選擇黑椒、沙律或蕃茄醬，要雙層芝士、單層或是沒有芝士的，也能隨自己的喜好揀選。 除了美味，更有懷舊的感覺。我們處於香港，卻沒有吃過港式的漢堡，實在羞愧。雖吃慣西式連鎖店的漢堡，但時新漢堡卻沒有比下去的意思，在醬汁更呈現平凡的美味。 漢堡香鬆，豬柳有質感，再配上快要熔掉的雙層芝士。沒有蔬菜和蕃茄的配搭，漢堡依然是美味。再一啖啜一口汽水，發現美味的食物並不一定是昂貴，我想從今起，找不到其他的漢堡能替代時新了。時新快餐店紅磡黃埔街1A地下

上一次黎係Year1啱啱開學嗰時 相隔咁耐先再黎係因為俾d甴曱嚇親🌚 都未行到入去個門口已經有幾十隻甴曱行黎行去 3年之後再黎門口既衞生情況好左好多 店入面都光左 雖然d櫈依然有少少黏黏地🙈 一入去首先要係cashier度點餐 企係度望menu望左一陣收銀員已經用d唔太友善既眼神望住 但又冇出聲😗三年之後漢堡包加左價 塊patty細塊左薄左 不變既係patty入面除左牛肉之外仲有炒香左既洋蔥 減少煎漢堡扒既油膩感☺️ 雖然張吸油紙依然係吸油吸到透明😗 加上好多甜甜地既沙律汁中和返牛肉既鹹😀 味道上係唔錯既👍🏻 不過減緊肥既美男美女可能要忍下口啦😐個漢堡包值唔值$16就因人而異啦 呢度都係用嘉頓既漢堡包皮 就只係塊漢堡扒係免治牛肉加洋蔥 同埋比平時稀同甜既特色沙律汁😐

呢間快餐店係OPENRICE黎講都算幾出名，可惜平時無咩機會黎到，今日剛好要黎黃埔做野，LUNCH TIME就一個人過黎試下。唔係講笑，上一次黎呢到幫襯已經係2009年既事，果時仲要係夜晚黎。今次係平日既LUNCH TIME，12點9到黎到已經見到好多人，入到去拿拿臨落ORDER，可惜只係叫左一個魚柳包同一杯凍啡，其實都好想食佢個薯條，不過自己一個又食唔晒，所以無叫到。魚柳包係用嘉頓最傳統果隻有芝麻係面既漢堡包，裡面夾左塊新鮮炸又夠香既魚柳，又有魚味又淋滑，醬汁係可以自選既，除左有最CLASSIC 既沙律醬之外，仲可以揀茄汁，咖哩汁同埋黑椒汁，魚柳同包大小相約，醬汁份量適中。本人唔食牛肉，所以無咩包可以揀，可次黎可能試下佢D飲或意粉。

時新快餐店is a tradion and famous local burger place!又係一個poly人必定要食過先grad的地方,時新又平又好味,雙層漢堡芝士蛋包梗係要沙律醬,兩塊漢堡份量合格,個包with butter又烘到脆脆地!真係要試下!但係pork belly包的pork就薄同dry左少少,仲有骨㗎小心啲

一直見到openrice評價甚高，但地點太唔就腳一直都無去，直到最近要去大酒店，唔知坐幾耐，就去左喺大酒店附近既時新食D野。一行二人叫左兩個包頂頂肚，一個係普通時新漢堡，一個係豬扒漢堡，都係叫左沙律汁~等左5分鐘就有得食啦~包係普通既嘉頓麵包，沙律汁經過少少調味，夾落剛炸好既豬扒度好惹味 另外個時新漢堡就覺得麻麻地，漢堡扒雖然厚但無咩味 得沙律汁味~ 始終係買少見少既港式快餐店呢度已經值回票價，但以食物質素而言，有點名過其實。

琴日收工有d肚餓🍔就行去買個包食下~ 時新因為出名 好似anytime都係咁多人😂我叫左個漢堡蛋包外賣✌都等左成15分鐘！包面有d脆脆地😊唔會淋晒咁好吸引~ 包入面個漢堡扒好juicy 絕對唔會係硬乾果隻😍熱辣辣咬落去除左有佢地既秘製沙律汁仲有肉汁👍👍👍加埋香口既洋蔥粒 堅好味！ 同埋佢個蛋都唔馬虎好有水準💋18蚊我覺得超值♡ 雖然無外國果d餡咁豐富 但有香港特色喔😉

黎開紅磡, 冇人唔識新是快餐店 佢無論早,午, 晚都咁多人............地方細lunch時間想攝入去都難 所以決定take away算了~order左一個招牌漢堡, 比想像中細~如果一個大男人我諗要食2個以上先飽 如果當早餐都ok ge~肉入面加左洋蔥, 唔太乾身好鮮味而且有juicy口感 2片包係好明顯有"烘"過~好脆身!!!加上特色醬汁~perfect!!另外真係要提一提, 佢地杯熱飲已經添加了甜, 並冇附糖包~甜味剛好又貼心值得一讚

講真，無啦啦真係唔會經過黃埔，次次幫襯都係去大酒店前後......身為人間飲食男女之一，今次是送別監製大人叫咗個單層牛蛋芝沙律汁、薯條、菠蘿冰，已經要五六十蚊，其實好貴味道方面，塊肉算ok，又油又多汁，有洋蔥給予的蔬菜甜味，豐富了淨肉的無聊和飽滯，但其他就同細個時屋企自己落超市買個一包四個嘅嘉頓漢堡包自己夾蛋夾芝士整漢堡包一樣，無咩獨特性，不過可能大家就係追求呢隻港味同回憶。薯條炸over咗，有啲過硬。菠蘿冰又唔夠凍唔夠甜唔解喝。我見現場有一半以上嘅人叫飯，可能漢堡真係留番嚟招呼好似我哋呢啲遊客，真正街坊還是食碟頭飯比較實際飽肚。如果要懷念吓呢啲硬膠櫈港式快餐店，還是喜歡葵涌區食口褔之黃油炸翼同扒飯，始終回憶無價。紀錄片《飲食男女》之英文譯名為MAY FOOD KEEP US TOGETHER，這美食一聚，意義比食味重要。

某人三番四次說起紅磡這家港式漢堡店(其實是港式快餐店，也有炒飯麵)，聽聞很多poly人會來，所以這晚我也襯著空檔時間就黎朝聖 舖頭其實面積不大，座位也不算多，格局很像工廈/學生食堂，那些膠櫈、啡色膠tray....... 不過不要看舖頭咁港式，居然是有英文menu的啊，看來朝聖的人也不乏外國人~~同行友人叫的芝士蛋漢堡($20)、檸樂 ($1x)因為我本身食左下午茶，所以叫少塊蛋...芝士蛋漢堡($18)重中之重的漢堡扒煎得很香，完完全全鎖住了肉汁，吃下去有juicy的感覺~~手製的漢堡跟機械做的味道果然很不同，而調味方面亦能引出肉本身的鮮味。但我最喜歡的是他們的秘製沙律汁~~~~~~~~~~~~漢堡扒本身已有很濃的味道，想不到配上沙律汁後更美味。沙律汁把漢堡包各部份(包、菜、肉)緊緊連接起來，令包和肉也沒有dry的感覺，更易入口沙律汁的調味也很特別，比平常的沙律醬多了一些別的味道(可惜我不知道秘方)，而且更加「流質」，不會有黏口的感覺。之前一直不相信港式漢堡包可以有幾好食.....但食過時新之後，我認命了，真係意想不到的好食實際的口感恕我真的不能用言語完全形容出來....建議大家

我第一次食，叫左24蚊餐 漢堡包連飲品先生自己叫左個雙層芝士漢堡包落完單十秒居然就拎得野食... 超級快..神之手嗎。舊式老店有特色，好在有冷氣 如果冷氣強點更好 最近天氣太熱。凍奶茶茶香奶滑，漢堡包肉軟有汁而且秘制沙律汁個味好特別，同普通沙律醬唔同的。叫餐好抵食，都幾好味！會再去食！

時新出名就個個都知架啦，就算係附近有麥當勞，幾時去都係有好多人排隊。今日去，叫左個雙層芝士蛋漢堡，薯條。個雙層芝士蛋漢堡真係不得了，超級足料，芝士熱辣辣，融落塊漢堡度，正。薯條比起麥記個d更加大條同埋脆，食得出係岩岩整出黎嘅，新鮮又抵食👍🏻😎

如果一定要我揀邊度既漢堡包最好食，我一定會揀時新快餐店。時新既漢堡真係好正！佢有好多唔同既選擇，但係要我揀，我緊係揀芝士漢堡喇，仲有一定要配佢地招牌沙律醬！！因為真係同個包好夾。等左一陣，個包終於到。咬落去既時候，舊漢堡咬落去時，D肉汁慢慢滲出黎，再配合沙律醬淡淡既清香，兩者配合得岩岩好，兩者唔會搶走對方既味道。一流！

平日大排長龍 洽巧今天經過看見人不算多於是便嘗嘗這久仰大名的雙層漢堡芝士包落單至取餐也不過十多分鐘麵包有輕微烘過 嗅起來比沒烘過的更香聽聞包內牛肉是親手製的 非外來購入口感不錯 不實亦不鬆散包內芝士受熱力影響而有一點點溶化 令芝士溶入漢堡包加上那不太澀的祕製沙律醬口感豐富 美味👍