時新快餐店 (已結業)

時新快餐店今日放break有時間，就同友人行去時新食漢堡包，貪心既我要左最多料既包！漢堡包係即叫即整，所以夠哂熱辣辣，不過油份較多，塊漢堡扒味道唔錯，都幾juicy，但肉質較鬆散，另外秘製沙津醬都係啲溝稀左既沙津醬，冇咩特別。另外我地仲叫左一份薯條，但薯條就唔太好食，只係好普通既急凍薯條。係呢個涼涼地既天氣，用$20食到個熱辣辣既包，都幾滿足既：）

時新出左名嘅手打漢堡，加埋秘制嘅滋味醬汁，用微微烘熱左嘅嘉頓包夾著，好好味！如果你去開紅磡，不妨去試一試！Hk style home made burger with cheese egg n some special mayonnaise sauce... Perfectly well-done burger, onions in the burger provided crunchiness to it, very juicy n delicious. The BEST burger in hk!!!Price👛: HKD$18Kittealuv喜愛程度😋: 8/10Service💗: 6.5/10Address🌍:Si Sun Fast Food (Hung Hom)G/F, 1A Whampoa Street, Hung Hom紅磡黃埔街1A地下

昨日 尖沙咀做開野 之後想揾平野食想行去紅磡揾食上openrice 睇下有咩食見到時新快餐店 甘多好評同埋試下同麥當勞有咩唔同先啦買左個雙層芝士蛋豬柳包加個豬柳芝士包真係食落去 啖啖肉 即叫即整既又真係幾好食既，依度無套餐叫 全部散叫薯條 都要買14蚊呀 我杯檸檬茶都係14 蚊有d 貴雞比係我朋友叫的15蚊 因為太餓關係 食完之後都唔飽臨關門 薯條都賣哂 而且9 點佢都關門了 所以食完 後我同個朋友再去附近街掃小食

今日去紅館睇SAMMI, 當然早少少去時新食漢堡包其實幾年前食過一次, 真係覺得好好食, 所以今次都好期待!都幾多人下, 但等位唔算耐, 大慨10分鐘度諗左陣都係決定叫雙層漢堡芝士蛋包(沙律汁), 話晒都叫招牌菜坦白講, 真心覺得以前好食好多, 但係, 而家食, 都仲係好食既我就嫌個沙律汁稀左少少, 相變個汁作用力冇咁勁, 令到食落去唔夠惹味淨係食漢堡包又唔係好夠飽, 食多個又多得濟, 所以都係叫個薯條食, 不過要成14蚊就有D貴, 仲要講明俾幾多包茄汁你, 如果再要, 要逐包俾錢兩個人食72蚊就真係唔貴既 (仲有兩罐可樂), 我覺得仲係好食既, 間唔中食下都OK

近來食多了漢堡包, 縱使知道會被欺騙, 我念舊所以麥當勞永遠是我的No.1~其他比麥當勞更好味更豐富的漢堡包, 真是多如繁星,但是今天的我就是想去懷舊一番。路過此地不是去聽演唱會而是去拜別, 生有時 死有時, 倒不如先祭五臟腑~雙層漢堡芝士包要沙律汁, 再來多杯凍奶茶少甜漢堡包沒有美式的大到嚇怕人, 可能是人大了望著漢堡包也覺得它變小了~  熱辣辣加上質感正常滿佈芝麻的麵包, 夾雜了兩塊厚肉漢堡扒, 未溶的芝士片, 稍稀的沙律汁 ... 是我們熟悉的味道 ~自製的漢堡扒有洋蔥碎在內, 增加口感也增加甜味, 肉汁好像是比以前少了。始終是偶然食一次, 當作是懷舊旅程的其中一站吧 ~

今日放學去紅磡掃街，當然先到紅磡呢間熱漢堡包店，嚐了雙層芝士蛋漢堡。雙層芝士蛋漢堡值得欣賞的是漢堡是即叫即整的，所以熱辣辣，特別滋味。漢堡裏面塊牛肉不大但比外面那些快餐店的濕潤，不會乾巴巴的，包很軟身，秘製沙醬沒嚐出有什麽特別，只是比較稀，芝士和蛋都是普通正常水準，味道不突出。如果個包可以加點田園氣息會更好，例如生菜、酸瓜、青瓜，蕃茄之類。總括來說，這個漢堡包會受歡迎的原因是它夠熱，牛肉是自家製的和價錢大眾化。但是否令人回味無窮就真的見仁見智。

不知不覺，時新已經成為左我每次睇親演唱會前嘅指定晚餐地方，我相信好多人都係咁，因為次次做緊時見到啲人唔係著曬演唱會衫就係一路食一路睇住時間，我諗其中原因係，其實除左睇Show or 去大酒店，真係又點會去嗰頭吖！次次去到都係人山人海，但因為佢嘅人流量都好快，所以次次都唔駛好耐就有位，每次都係"雙層芝士蛋漢堡配沙律汁"+"炸薯條"+"凍咖啡"，兩個人加埋都係八十左右一個晚餐，食到香港懷舊嘅味道同堅持，自製嘅漢堡扒加左洋蔥在內，雖然不能比人哋成一百元一個的啖啖肉滿足感，但味道同價格絕對不成正比，可以話係超值，希望可以永久保留就好！

還是在假期中的27號 , 那天中午行過時新那邊本來想去試BS嘅熱狗飽但那唯一的兩張櫈已經有人坐咗又唔想立食,於是乎去”時新”囉, 22蚊嘅餐算合理嘅, 沒有薯條我們並不介意反正唔太欣賞那種狗牙薯條, 只提供汽水, 熱奶茶都要加兩蚊無異議因為冲茶都要做多一個動作, 但唔知道依家係咪食材太貴的關係, 個飽入面只有秘製醬汁,其他乜都無, 無生菜片/ 酸青瓜片/ 青瓜片/ 蓄茄片之類, 漢堡扒當然唔會突出於飽邊啦, 有無牛肉味唔太清楚因為件肉餅好薄, 反而條熱狗腸係貨真價實嘅雞肉腸(凍肉鋪有售)那種完全靠調味料製造出來的副產品, 條腸裡面嘅雞肉有多少百份比好難考究? 秘製醬汁咪就係”MAYO”再溝稀身少少囉!好高度秘密嚟架! 但當日所見不少時下年輕人不斷的進來買餐, 生意不知幾好, 真的應咗嗰句錢要嚟擋都擋唔住, 再無SERVICE D後生仔都會入來!這刻我會覺得老麥實在好闊佬/同有社會責任, 9蚊個飽可以夾有酸青瓜/ 芝士片(無論是一片定係半片?) $21套餐可以有薯條/汽水! 或者有人會話老麥係大集團, 一兩個品種蝕本有乜問題? 但我又會覺得”時新”所負擔的租金/ 人工比老麥的重?

稱時新為老朋友也不算過份，至少我們在多年前它一直高企第一位的時候經常光顧。及後，我們已少在這區出沒，更少了去環境不太baby-friendly的地方用膳。故這夜，只有我們夫妻二人來到紅磡，就來了探望一下老朋友。晚上八時多，店內有不少空位，已不復當年的姿態。我們仍舊點我們熟悉的漢堡包、薯條、魚扒包，加罐可樂，我們的最經典組合。漢堡包要的當然是雙層芝士蛋，一個最貪心的選擇。 這是最家庭式的煎蛋，荷包蛋是也。一層牛肉一層蛋，再一層牛肉，這就是我們上一代吃的漢堡包。牛肉，有洋蔥也有肉質，只是肉汁似乎不比當年多。 不知何解就是特別喜歡這裡的包，明知它不過是一個家傳戶曉的大牌子出品，我就是喜歡它烘得脆中仍軟的感覺! 薯條是all time favorite，波浪紋的薯條更甚! 熱呼呼又香脆，咬落軟軟的，what more can you ask for ?魚扒包，而不是魚柳包，因為它的確是一塊扒! 魚扒煎香了，配上沙律汁，夾在既軟又脆的包內，是我們熟悉的味道和感覺。在這裡所吃的，似乎仍與多年前的味道一樣，感覺很親切。其實來紅磡是特意來，但並非為吃這一餐。我也會問自己，為甚麼仍會打下這篇食評? 或許

有時要到紅磡找食真的需要一點理由。餐廳選擇越來越少, 租地金而索價高, 品質也不怎麼樣。一兩小口, 雞煲火鍋可免, 日韓菜價貴而不突出, 吃懶得走進黃埔吃連鎖店菜式。相比之下, 還是近大酒店一列的選擇較多較好。時新快餐店, 一眾網上熱捧小店, 以漢堡包, 炸雞脾等港調美式快餐出名。今天為的一些呆滯事情而來紅磡, 本無食的打算, 但見親愛友人呆等又有病容, 不忍怕他捱餓, 還是先吃點東西再等。兩個人站在門口看餐牌, 打算決定吃什麼後才一條龍進店, 點菜, 找位子。誰知後來的兩人奪門而入, 不理會餐牌就進店, 到後來只有乾坐。雖說餐牌選擇不多, 但配搭卻不少, 有時難以在芝士蛋與雙層漢堡中找決擇。最後我們要了個雙層漢堡芝士包(HK$18), 芝士蛋漢堡(HK$18), 還有個炸薯條(HK$14)。不多久, 我們的”柯打”已準備妥當。看著垂涎欲滴的秘製沙律醬在兩片漢堡之中蓋著, 煎過再焗的漢堡邊位有了焦脆的啡色, 入口嚼勁不錯, 但略嫌乾了點。芝士雪白, 彷如無焗過, 麵包卻有點焗過了頭的乾口。整體感覺是一句我的口頭禪”OK啦”。另一個是芝士蛋漢堡, 漢堡依樣胡蘆, 但因不是雙層, 口質弱了

經過半年後再返黎食，感覺塊扒厚左，雞脾大隻同好juicy～最重要價錢係性價比高既本地老牌快餐店，岩哂我用黎做今個sem份fast food industry既功課～

呢間快餐店係經朋友介紹既，唔講唔知，原來呢間野好出名，當然都要試過先知，我地二人叫左芝士漢堡，薯條跟雞腿，先說漢堡，超新鮮，熱辣辣，芝士入口即溶，整個口都很豐富，而薯條方面，當然跟某些集團唔同，薯量一定多，當然未去到“嘩”一聲，但都合格。雞腿方面，是炸的，雖然比較乾身，但肉質還可以，不算太硬!

一個下午茶就係甘簡單，落樓下買個take away無難度 「雙層漢堡芝士蛋包」$20 兩塊漢堡扒咬落去好juicy充滿肉汁，加塊蛋同芝士味道好豐富，我個人中意甜野，配埋秘制沙律醬酸酸甜甜甘好like因為即刻整熱辣辣上手，芝士融融地同沙律醬mix埋一齊好正沙律醬唔岩你可以揀茄汁、咖哩或者黑椒汁～

以前在紅磡區工作，時常會幫襯呢間快餐，佢地出名是漢堡包，對上一次幫襯，以兩三年了，以前有雙層漢堡，今次專程去回味，但己沒有了，希望是暫時性，叫了一個芝士蛋漢堡，如果唔要求，是比原味，其實佢地有咖哩同黑椒可選，基本上味道仍是沒變，肉質仍嫩有肉汁，但明顯比以前細件了，包有煎過，少少脆，配合蛋，芝士溶化後，味道很夾，已合格，但沒有了以前雙層牛肉口感，希望下次再來會有返雙層漢堡!

今日去左紅磡試下開左近50年既香港人漢堡飽, 咁咩係香港人既漢堡飽呢? 就係尼間時新開既時候,香港係未有快餐店賣漢堡飽架. 果時老闆就引入左外國既漢堡飽,加上自己既整發,就變成左港式漢堡飽啦.聽就聽得多,但係今日終於可以試一試.入到去就覺得有D懷舊feel,唔似連鎖快餐店,佢冇特別既裝修,就好似以前D冰室咁.好啦,我就叫左個芝士蛋漢堡黎試下.時新計錢就好得意既,一開始就個飽既錢,之後一層就加$2.由於我唔係幾餓,所以就加層蛋同芝士試下.之後要簡汁,我就緊係試佢特製既沙拉汁啦.食一啖,同M記既飽真係好唔同,首先,個飽好脆,真係好脆,平日食果D飽都放係counter到一段時間,咩口感都冇晒,但係時新個飽底係你叫先整,所以好脆.之後就係層漢堡,又同其他快餐店好唔同,因為有好多洋蔥,仲有D肉根,所以咬落好好口感.再加上蛋味同芝士味,真係好好食.食完一個會有慾求不滿想食多個既感覺.香港人平時食外來貨都食得多啦 所以我覺得係要試下D香港味道既!~~