時新快餐店 (已結業)

講真，無啦啦真係唔會經過黃埔，次次幫襯都係去大酒店前後......身為人間飲食男女之一，今次是送別監製大人叫咗個單層牛蛋芝沙律汁、薯條、菠蘿冰，已經要五六十蚊，其實好貴味道方面，塊肉算ok，又油又多汁，有洋蔥給予的蔬菜甜味，豐富了淨肉的無聊和飽滯，但其他就同細個時屋企自己落超市買個一包四個嘅嘉頓漢堡包自己夾蛋夾芝士整漢堡包一樣，無咩獨特性，不過可能大家就係追求呢隻港味同回憶。薯條炸over咗，有啲過硬。菠蘿冰又唔夠凍唔夠甜唔解喝。我見現場有一半以上嘅人叫飯，可能漢堡真係留番嚟招呼好似我哋呢啲遊客，真正街坊還是食碟頭飯比較實際飽肚。如果要懷念吓呢啲硬膠櫈港式快餐店，還是喜歡葵涌區食口褔之黃油炸翼同扒飯，始終回憶無價。紀錄片《飲食男女》之英文譯名為MAY FOOD KEEP US TOGETHER，這美食一聚，意義比食味重要。