時新快餐店 (已結業)

上一次黎係Year1啱啱開學嗰時 相隔咁耐先再黎係因為俾d甴曱嚇親🌚 都未行到入去個門口已經有幾十隻甴曱行黎行去 3年之後再黎門口既衞生情況好左好多 店入面都光左 雖然d櫈依然有少少黏黏地🙈 一入去首先要係cashier度點餐 企係度望menu望左一陣收銀員已經用d唔太友善既眼神望住 但又冇出聲😗三年之後漢堡包加左價 塊patty細塊左薄左 不變既係patty入面除左牛肉之外仲有炒香左既洋蔥 減少煎漢堡扒既油膩感☺️ 雖然張吸油紙依然係吸油吸到透明😗 加上好多甜甜地既沙律汁中和返牛肉既鹹😀 味道上係唔錯既👍🏻 不過減緊肥既美男美女可能要忍下口啦😐個漢堡包值唔值$16就因人而異啦 呢度都係用嘉頓既漢堡包皮 就只係塊漢堡扒係免治牛肉加洋蔥 同埋比平時稀同甜既特色沙律汁😐