昼月

營業中

休息中

尋晚喺呢間嘢食晚餐，主要係叫咗一個壽喜燒套餐同埋一啲串燒物，以及天婦羅。味道OK，不算太好味，尤其食品上到枱已經凍晒，天婦羅講得好硬，亦都唔係熱上。全場最凍都係嗰支燒雞肉棒，上到枱已經完全唔熱。今餐以我記憶除咗雞軟骨比較熱之外，其他都已經係凍晒先上餐。唯一值得欣賞就係店舖環境優雅，冇乜客人，所以環境寧靜。最令人失望嘅係最後上嘅壽喜燒，啲牛肉顏色又紅又瘀黑，明顯食品唔新鮮，咁都可以上台，可能生意唔好，貨品唔能夠貨源輪轉？只幫襯一次，不復再見。

作為一個酒鬼，之前見到廣告佢哋做緊女士$98 / 男士 $168 任飲三個鐘已經勁有興趣！！仲話有超過35款 Sake，即刻send俾同樣都係酒鬼嘅朋友sss睇😂呢日終於約咗朋友去試，發現揀咗日好日，原來逢星期一叫清酒任飲，串燒仲可以買一送一！！！送酒一流！！！抵到爆😍酒鬼去到當然睇咗酒櫃先😌😌大量1.8L清酒任斟！勁興奮🙈職員介紹雪櫃嘅清酒左排辛口啲，右排light啲果味重啲，建議右邊飲起。我望過好多都係純米大吟釀，酒鬼表示非常開心好啱飲～正😍 至於嘢食叫咗呢啲：#昼月雞肉玉子丼 $158食得出有雞軟骨，好有口感，玉子好厚身，甜甜地好食，其實我幾鍾意食玉子👉🏻👈🏻😂😂 #串燒買一送一 #厚燒豆腐 $28 - 自從發現燒嘅豆腐好好食之後成日都叫，呢個燒得好香脆，個汁甜甜哋，好食！#鹽燒雞尾串 $68 - 之前未食過😂朋友話不如試吓，原來好淋，個口感都幾特別！仲幾好食！#大蔥雞肉串 $68 - 個雞肉唔鞋，夾埋個汁正👍#鹽燒大虎蝦 $98 - 新鮮！大隻！又彈牙！#酒漬蕃茄 $68 呢個酸酸甜甜，作為開胃菜一流#海鮮天婦羅 $138有鰻魚、炸蝦、南瓜，上面唧咗啲甜甜哋咸咸哋嘅汁，我幾鍾意

今日去銅鑼灣日本餐廳「昼月」，主打日本刺身料理、Omakase、壽喜燒，位於銅鑼灣中心地段TOWER 53。昼月裝潢以月亮為主題，用餐區採用木系裝修主題!餐廳仲出咗$168可以享受3小時清酒放題，一邊嘆酒一邊食日式小食都係一個享受週未好選擇佢地LUNCH MENU都好多唔同選擇！每個set都跟咗茶碗蒸、麵豉湯、沙律🥗昼月燒鰻魚玉子定食蒲燒原條鰻魚飯鰻魚超大條，鰻魚彈牙而且好juicy，玉子非常厚，大滿足A5和牛壽喜燒A5和牛肉味更濃郁，配合壽喜燒汁，味道層次更加昇華📍昼月Daymoon Cafe & Lounge銅鑼灣謝斐道535號Tower 535 3樓301號舖

來到銅鑼灣 shopping，等朋友放工去食壽喜燒，餐廳《昼月》位於謝斐道Tower535。【A5和牛壽喜燒二人套餐】前菜-鱈魚乾~自家漬蕃茄~新鮮好醒胃。豚角煮~汁料甜甜的，蘿蔔好入味，豬腩肉夠肥美。天婦羅~炸蝦天婦羅新鮮炸起夠香口。季節刺身四點~ 拖羅、針魚、油甘魚及魷魚，各款刺身都非常新鮮，尤其是拖羅，魚脂豐富，入口即溶。主菜壽喜燒出場，野菜盛合(野菜、鮮菌、豆腐及葛絲)~A5和牛西冷(120g)~肉味香濃；A5和沙巴當(100g)~牛肉脂肪分佈好均勻，入口即溶；A5和牛三筋肉(100g)~宮崎豚(100g)~夠曬肥美。熱辣辣剛熟嘅牛肉沾上蛋漿，特別美味。御飯~甜品~暖暖的牛角包窩夫配雲呢拿雪糕，強烈嘅對比，互相襯托，這個甜品使今晚豐富嘅晚餐畫上完美的句號。九點後，清酒$168任飲三小時。

鍾意這間昼月環境清靜，有用餐區及酒吧區。百多蚊一份壽喜燒套餐十分相宜，有日式漬物，一份大米豚肉或和牛，野菜盛合，特色炸物，御飯及法國馬卡龍，十分豐富。日本宮崎大米豚$148, A5箱降和牛片$198. 大米豚肉質軟嫩多汁，肉味濃，食多幾塊都沒有油膩感。 3 塊A5箱降和牛片，細緻油花及軟嫩的肉質，入口溶化。野菜盛合有大棵蔬菜，大蔥，冬菇及什菌。配上香甜的壽喜燒汁，很好送飯。另外炸物的炸蠔，炸漿薄身香脆，好味。最後仲有甜甜的馬卡龍作結，很滿足。如果鐘意飲清酒既朋友，只需$168 就可以任飲三小時。

銅鑼灣日式居酒屋「昼月」提供日本刺身料理、和食、串燒、酒肴、日式甜品及日本清酒等美酒佳餚✨餐廳採用木系自然色調，設有用餐區、酒吧區及室外庭園區，環境寬闊舒適👍🏻9點半開始的宵夜時段更推出 $168 的 3 小時清酒任飲優惠，絕對係消遣好去處🍶🔸照燒雞扒湯烏冬（$98）雞扒份量豐富，每件都煎得香嫩多汁🐔伴以煙韌爽彈烏冬，暖胃又飽肚🔥🔸昼月雞肉玉子丼（$158）軟綿丼飯上有厚厚的玉子和雞肉餅🤩前者香甜，後者加入軟骨碎富有口感💋最後再配搭鮮蛋黃醬汁，鮮味十足👏🏻🔸串燒白鱔 (蒲燒)（$58）鱔皮脆口帶焦香，魚肉嫩滑彈牙，脂香滿溢🐟配搭醬油蒲燒更惹味！🔸士多啤梨吉士忌廉日式千層酥（$88）千層酥賣相精緻吸引💕酥皮香脆且充滿牛油香氣，內有香甜軟滑吉士醬及酸甜切片士多啤梨🍓有助一解膩滯～🔸紅豆綠茶白玉牛角包窩夫拼雪糕（$68）熱烘烘的牛角包窩夫🥐旁邊放有煙韌白玉，再配上香濃軟滑雲呢拿雪糕🍨一冷一熱增添口感層次😋

情人節想食壽喜燒～🥰🥰搵到呢間個set幾多野食🤩🤩不過因為太遲book得返530pm or 930pm時段，咁就揀左930pm😌情人節黎講呢個價錢我覺得都ok合理～原來仲有折tim🥰🥰🥰食日本料理真係好有儀式感🥰每度菜擺盤都好靚🤩🤩生蠔海水味好鮮但唔腥好飽滿～超愛個海膽甜蝦呑拿魚杯🤤🤤刺身超甜🤤🤤壽喜燒鍋竟然有咁多款肉試💜大滿足～必須要讚賞加分位係雞蛋加左新鮮黑松露🥹其實我唔太ok黑松露⋯⋯但佢呢個配搭我真係超surprise!!!!蛋汁味道層次多左不得了🤩🤩最後個甜品都好驚喜💜又靚又好味～

新年假後，工作情況不算太忙，早點收工和朋友去消遣一下，居酒屋是一個不錯選擇。銅鑼灣美食不少。昼月有不少酒肴和串燒供應，無論飲酒或不飲都合適任何人。******************************銅鑼灣美食甚多，不少商廈都滿佈食肆，昼月就位於旺中帶靜商廈之內，都一樣多人品嚐。從商廈扶手電梯而上，就見到天花照射著昼月logo。餐廳位置商廈商場之內，以開放式座位安排食客入座。餐牌多以酒肴串燒為主，還有主廚推介、和食和甜品供應。飲品當然以酒為賣點，如果宵夜時段，還推出3小時收費HKD168任飲清酒。明太子玉子燒 HKD48，甜甜玉子，口感豐滿，以明太子增加鮮味都不錯。雞皮餃子 HKD58，一客餃子有5隻，用上雞皮釀入肉餡，再炸至金黃香脆。吃上口餃子皮外脆內滑溜，肉餡肉汁不少，口感和平常所吃餃子很不一樣，送酒確實不錯。免治雞肉棒 HKD42，賣相似圓餅雞肉棒，附上鮮蛋黃醬汁而吃，除了蛋汁增加滑溜口感，免治雞肉中間肉汁不少，而且味道不錯，有點驚喜。燒牛舌 HKD58，牛舌味道幾香，吃上口口感不錯。鹽燒白鱔 HKD58，簡單鹽燒能吃出白鱔白鮮味，鱔皮燒得夠脆口，肉質又彈牙，是必吃之選。燒

昼月 (銅鑼灣)地點📍:銅鑼灣謝斐道535號Tower 535 3樓301號舖和牛壽喜燒二人餐（十五品），當日去到就同我地講刺身櫃壞咗，所以無生蠔鮑魚同刺身食，有少少失望，然後佢哋補上咗A5精降和牛片100g及天婦羅加上我同仔仔鐘意飲酒，都加左$168仼飲3個鐘既清酒，如果鍾意飲清酒嘅朋友都可以試吓，種類十分多---------------Set ForTwo 💲880酒肴自家漬蕃茄時令生蠔2隻季節刺身四點磯煮飽魚野菜盛合（野菜•鮮菌，豆腐及葛絲）A5和牛西冷120gA5精降和牛片100gA5赤肉和牛片100g日本豚梅片 100g御飯甜品個自家漬蕃茄好鮮甜，加上有少少酸酸哋嘅汁好開胃👍天婦羅就普普通通無太大驚喜到主菜壽喜燒，佢唔似其他舖頭會燒埋俾你，其實佢哋就係主打一個壽喜燒邊爐，佢D 和牛全部都油脂爆棚，一D 都唔韌一D 都唔鞋，每一塊肉都點滿蛋汁，配埋啖飯，完全絕配甜品係牛角酥配雪糕，牛角酥十分鬆脆牛油味極香

同老友新一年第一次飯聚～梗要搵間好嘢食😌訂咗呢間樓底高～且裝潢時以🌙月球為主題嘅日本餐廳食晚飯～我哋一致認同環境chill之餘～食物亦有質素👏🏻👏🏻另外得知餐廳仲做緊清酒限時任飲優惠🤩🤩有超過35款日本酒三小時無限暢飲🍶(女士$98@；男士$168@)🤗下次一於再帶酒鬼朋友嚟又飲又食至得～.✨昼月 A5和牛壽喜燒 十五品 $880/2位✨🍶酒看: 鱈魚乾🍅自家清蕃茄.🔸拖羅2片肥美非常😛入口即溶感滿滿!!🔸季節刺身四點是日有 赤蝦,三文魚,油甘魚,帶子🥰🥰片片都好新鮮～尤其晶瑩剔透嘅赤蝦肉質極爽口～🔸磯煮鮑魚鮮味滿點～彈牙有口感🤗🤗.🔸A5和牛西冷 120g🔸A5霜降和牛片100g🔸A5赤肉和牛片100g🔸日本豚梅片 100g每片都紋理清晰～入口肉香軟嫩～當中霜降和牛🐂嘅豐潤牛脂感尤其出色～以及喜歡日本豚肉嘅爽口唔嚡質感🫰🏻🫰🏻🔸野菜盛合壽喜燒湯底本身已經甜甜哋～尤其當湯汁佈滿牛脂之後～令🥬野菜,豆腐,🍄鮮菌及葛絲更添鮮甜美味🫶🏻🫶🏻.🔸御飯🔸甜品:熱烘烘嘅酥皮窩夫🍨襯上一球冰冰凍嘅雪糕～完美作結餐點～

要搵間餐廳飲吓酒，吹吹水又可以食吓野，唔講都唔知原來老友銅鑼灣有個”私”竇。雖然鋪位位於商廈二樓，但平時人流唔會多，加上日式裝修，會有番私隱度。打咭漢堡玉子飯，倒蛋一刻珍貴。厚漢堡厚玉子疊到高高的，然後與蛋相碰，撈勻再食，滿足晒。雞皮餃子外層酥脆，中間啖啖肉，比起一般餃子口感更好。香蕉日式千層酥酥脆酥皮夾住大量香蕉，香甜而不膩。牛角包窩夫併雪糕牛角包窩夫沾滿朱古力醬，配雲呢拿曲奇雪糕，冷熱口感同時擁有。唐場雞軟骨比起平時既炸雞軟骨更香口，更邪惡，檸檬汁醒胃減膩既角色變得更重要。

餐廳裝潢採用和風木調，以月亮為主題，燈全部都係月亮主題，環境開揚清幽，打卡一流~❣️試咗三款前菜✨味醂魚乾🐟雞皮餃子🥟唐揚白海老🦐味醂魚乾一向都係我嘅心頭好，比起其他地方，我鍾意呢度嘅味醂魚乾比較軟腍唔乾柴。而雞皮餃子我係第一次食，一試就愛上咗。雖然感覺好邪惡，但係用雞皮包住多汁餡料，一啖咬落去爆汁充滿雞油香，真係好好味🤤❣️海鮮天婦羅雜錦海鮮天婦羅包含有海蝦，唔同嘅海鮮，時令野菜～海蝦當然唔使講，好軟滑，最驚喜嘅係鰻魚天婦羅。薄薄一層鰻魚，用嚟做天婦羅原來咁有風味，竟然有種鰹魚乾嘅香氣。❣️主菜我揀咗照燒雞扒湯烏冬雞扒火候適中，最緊要係個烏冬超級滑，好似食啫喱咁一下就入口，好爽快滿足😌❣️今日嘅重點係串燒🍢白鱔好爽口，牛舌心好彈牙，西班牙豬油脂豐富，食落好唔錯👍❣️最後個甜品我幾推介～係雪糕加牛角包窩夫窩夫脆脆地，配上士多啤梨雪糕，酸酸甜甜又解膩，為今晚嘅晚餐畫上完美嘅句號。🍶清酒迷有福！呢度係有清酒放題㗎！選擇好豐富，無論係鍾意辛口定甘口既你都會搵到鍾意嘅~ 今晚我就飲得好滿足啦~

喺銅鑼灣呢間日式餐廳做緊壽喜燒2人餐，$880有15品料理當中重點仲有3款A5和牛+1款日本宮崎豚。餐廳喺商業大廈嘅3樓，處於半開放式空間，當中有吧枱飲酒同sake，亦有幾張卡位。Sake黎講仲有個$168任飲3小時plan，中意食日本野配酒嘅朋友可以考慮下。酒肴小食係烤鱈魚干同漬蕃茄，海鮮冇貨所以有幾樣轉咗款式，包括有烤生蠔、4款天婦羅、串燒等，都幾豐富似係會喺居酒屋出現嘅嘢。😀壽喜燒重點有A5和牛西冷、A5霜降和牛片、A5赤肉和牛片、日本宮崎豚梅片，全部都100g起跳，加上蛋漿一齊食會更滑身。個人最中意油脂爆棚嘅霜降和牛以及食到肉味香嘅赤肉，前者肉質淋滑後者帶有咬口👍🏻甜品雪糕牛角包窩夫，整體黎講如果唔係海鮮類缺貨的話應該會更加完美，份量平衡返會啱啱好🥰

好少可會寫食食評 但見到OpenRice有咁多個like 基乎無差評 就試試佢 點知質數咁差 真係好失望我地2個人本身諗住叫2個小食 一碟壽司 2串串燒再加一個飯 點知叫個時候話 今日無雞軟骨 今日無魚 無生野叫 串燒就話無淮山同無牛舌但係個牛舌唔係落單既時候話無 係過左一陣先再行過黎話無 如果佢係落單既時候已經講既話會好啲咁樣我地可能會選擇唔食 走人最後我地得返個明太子玉子燒同雞肉玉子丼 個個都話個丼好食點知完全唔係個回事 個雞肉係免治雞肉 乾到爆 仲衰過食唐記肉餅飯 唔明點解啲人會係講好好食成件事真係好失望 個飯仲要成Hk$158 唔係平其實可能因為係新年先好多樣野都無 但我覺得可以係入座既時候先交代 咁樣我繼續入座我都係心甘情願

這樣的市道要吸引食客,服務貼心之餘,食材最緊要新鮮,實在可惜,這餐壽喜燒確實令人失望,牛肉不新鮮, 套餐份量算夠, 但當天侍應說雪櫃壞了,所以將刺身改為天婦羅, 天婦羅勉強合格 總括而言整個套餐前菜甜品上算中規中矩, 但主菜壽喜燒實在強差人意😕眼看隔離枱的肥牛都是同樣貨色, 就算當天直接和侍應反映,相信也不會給你新鮮的食材替換,這是openrice預先付款的套餐,所以退款相信也沒有什麼意思,但侍應的服務尚算貼心, 如果只評價食物相信一定是劣評,但是綜合其他環境因素那就尚算ok