影片
港鐵銅鑼灣站 D1 出口, 步行約3分鐘
繼續閱讀
電話號碼
94707280
開飯介紹
店名中的「昼」意指日出、白天，全名則喻意白天看到朦朧的月亮的美感；而簡約木系裝潢，提供舒適的環境讓你享用刺身、精品咖啡及日本清酒佳釀。
繼續閱讀
營業時間
今日營業
12:00 - 23:30
星期一至六
12:00 - 23:30
星期日
全日休息
以上資料只供參考, 請與餐廳確認詳情
有關獎賞計劃
相關文章
「昼月」最近推出假日午市放題，本星期日特來嚐嚐。餐廳在3樓，扶手電梯直上，抬頭就可以看到一輪明月投影在天花頂，是餐廳的特色。日本風格裝修，地方開揚，光整明亮，座位寬敞。放題用QR CODE 掃碼下單，在幾個大項中自己選擇，任點任食。除自選之外，還有“沙律”、“刺身拼盤”和“甜品”首先奉上的是日式沙律，新鮮沙律菜配上日式麻醬，酸酸甜甜，非常醒胃。“刺身拼盤”包括三文魚、時令魚、赤蝦和原隻燒鮑魚。鮑魚鮮甜爽口，而燒鮑魚更多一份香味。“刺身”：三文魚、油甘魚、間八、赤蝦、季節魚類、時令貝類。刺身都非常新鮮，肉質上乘，鮮甜味美。“炸物”：日式吉列蠔，炸得脆口，味道也不錯，蠔的鮮味仍能保持。“燒物”：燒鯖魚、燒雞翼串、燒虎蝦。鹽燒鯖魚，原汁原味；串燒雞翼，出奇地美味；虎蝦大大隻，燒得香噴噴，肉質爽口彈牙，吃完一隻又一隻。“鍋物”：壽喜燒野菜鍋、安格斯牛肉片、日本豚肉片。鍋底是滿滿的大白菜、金菇、豆腐、薯粉和冬菇，加入肉片慢煮，肉質保持鮮嫩，就別滋味。“迷你丼飯”：和風牛肉丼、日本豚肉丼、海之幸丼。丼飯各有風味，但都調味得很好，其中海之幸丼，更有海鮮刺身，還包括海膽刺身，真讓人驚喜。“甜品”是雪糕窩夫，賣相漂亮，窩夫香口，雪糕球內有碎朱古力，製作出色。這裏的食物質素高，尤其是刺身和燒物，令我一添再添。
繼續閱讀
想搵間環境舒適又啱收工暢飲嘅居酒屋? 今次介紹嘅「昼月」絕對係唔錯嘅選擇。由銅鑼灣地鐵站行過嚟都唔洗10分鐘，平時收工或者假日嚟歎都好方便！餐廳以木系裝潢為主，裝修簡約的帶有和風格調🏮 感覺令人好舒適！‼️重點嚟啦‼️ 昼月 🍶清酒放題⭐️逢星期三/日，只需 HK$98 就有3小時任飲 (其他日子：男士$168；女士$98 )超過35款高質清酒任你飲，CP值高到天花板，啱晒埋一班朋友嚟傾偈敘舊啦🙂↔️𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ昼月會席料理 二人前套餐 $880/2位 (另收加一服務費)𓐎沙律軟殻蟹沙律🥗 脆卜卜嘅軟殻蟹，香口又醒胃。𓐎刺身任選五款 各兩件今次揀咗間八、油甘魚、帆立貝、赤身、赤蝦款款都鮮嫩滑順，食得出師傳對挑選優質食材嘅用心和要求。𓐎壽司任選八款 每款最多兩件油甘魚、左口魚邊、鰝鰺、蜜柑鯛、金目鯖、松葉蟹肉、大拖羅(+$30)、北海道海膽(+$30)魚生鮮甜有光澤，飯糰香軟馥郁，海膽甘甜味濃，拖羅油脂豐富！每款都咁高質，爭啲以為自己食緊omakase😛𓐎 燒物 任選兩款厚燒牛舌芯 兩串、黑松露鵝肝多士 兩件牛舌質感鮮嫩彈牙，而鵝肝好juicy 仲搭配黑松露多士，真係夾得天衣無縫，仲減去不少油膩感🥰𓐎揚物 任選一款虎蝦天扶良炸粉外層薄而鬆脆，大蝦彈牙爽口啖啖肉，好想散叫多件，但已經太full喇😌𓐎主食 任選一款鰻魚炒飯每粒飯粒都炒粒粒分明，非常夠乾身，鰻魚調味又剛好，睇得出大廚嘅功架👍🏻𓐎吸物大蜆味噌湯蜆夠鮮甜肉質嫩，湯夠濃又夠熱。𓐎甘物雪糕伴牛角包窩夫+日式濃茶流心月餅（限定）窩夫口感香脆微靭，配上一口雲呢拿雪糕，為今餐劃上完美句號🥰 今次仲有限定嘅抺茶、焙茶月餅，特製流心令茶香同內餡完美融合，一食難忘。整體用餐體驗好好，環境舒適，食物質素高，價錢又合理👍🏻而最吸引人嘅當然係高品質嘅清酒放題，真係揾唔到下次聚會唔嚟昼月嘅理由🍶✨
繼續閱讀
【灣仔區】【昼月】第一次同一位女性朋友食飯，約喺銅鑼灣呢啲地方食日本菜就比較穩陣。見呢間好似好多好評、好受歡迎咁，就去試吓。去到之後朋友好中意佢哋和風裝修，非常好。侍應推薦我哋試 10 月新菜單裡面嘅「冬日松葉蟹，和牛宴」，真係 menu 都未見，試啦。套餐包「酒淆」不過我哋唔飲酒就冇要到，「漬物三點」整得好好食，好開胃。跟住個魚乾小食都好味，點埋沙律醬仲正。再之後試埋「蟹肉春卷」，好少用蟹肉咁樣炸，好特別。而「松葉蟹刺身四點」個蟹腳好多汁，好味，其他三款刺身都鮮甜味美。試埋香濃順滑嘅「松葉蟹甲羅燒」之後就開爐試個「壽喜燒鍋」喇，本身鍋裡面嘅「雜錦野菜」已經勁足料，落埋「A5和牛西冷」、「A5和牛片」同「日本豬梅片」更加係超高級享受。唔好以為好似唔係好多咁，其實嗰下我哋已經飽，最後都食唔晒呢個。因為套餐仲有個「北海道三色丼」，配料有日本海膽、松葉蟹肉同三文魚子，鮮味十足，講話飽但都勁快食晒。最後仲有個甜品係雪糕牛角窩夫，埋個靚尾。價錢係 $680 位，第二位半價，第三位以後七折，幾抵，最抵係佢包埋 $98 嘅三個鐘清酒任飲嘛。。。（地址：銅鑼灣謝斐道535號Tower 535 3樓301號舖）@dymn.co#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #昼月 #酒淆 #漬物三點 #蟹肉春卷 #松葉蟹刺身四點 #松葉蟹甲羅燒 #壽喜燒鍋 #北海道三色丼 #甜品 #清酒 #任飲清酒 #1am1527 #1ambackup
繼續閱讀
居酒屋昼月位於銅鑼灣，不得不提佢地嘅清酒放題，$88就可以任飲三個鐘，加上清酒款式好多，好值得黎支持，同朋友聚餐一流！居酒屋定期都要唔同優惠，例如串燒買一送一。餐廳以木系裝修為主，環境舒適。鵝肝多士最有驚喜，鵝肝油脂爆發，多士好脆身。和牛壽喜燒性價比都好高，入口即溶。龍蝦天婦羅啖啖肉，但鮮味可更提升。海膽蔥拖羅卷嘅海膽份量慷慨，海膽控唔好錯過～▪️龍蝦天婦羅拼盤▪️刺身（池魚、北寄貝、鯛魚）▪️海膽蔥拖羅卷▪️A5霜降和牛壽喜燒 ▪️黑松露鵝肝多士
繼續閱讀
別具特色的日式餐廳，入到商場搭緊扶手電梯時抬頭一望、見天花映出餐廳個名，有啲意境又幾搶眼喺門口俾佢哋嘅優惠吸引咗，有3小時清酒放題、價錢唔貴，仲有我最鍾意食嘅大拖羅壽司唔駛廿蚊件，好似幾筍咁、唔坐低食飯有啲對唔住自己☆Toro Sushi 大拖羅壽司~職員話追蹤餐廳個社交賬戶每人可點兩件，即刻follow佢哋先。實物細細件雪花唔錯，入口食到魚脂即溶感，下底係赤醋飯都幾match☆Engawa Sushi with Cheese芝士鰈魚邊壽司~芝士好似雪花咁刨滿喺壽司面。白身嘅鰈魚邊食落爽脆都有魚油香☆King Prawn with Sea Salt鹽燒大虎蝦~外觀睇蝦身大而飽滿，口感結實和香脆☆Uni Handroll海膽手卷~呢個唔錯、海膽份量不少，入口起初鮮甜、後韻滲出點點甘味☆Usuyaki Wagyu (3 pcs)薄燒和牛～牛肉燒得幾香，保留到肉汁juicy肉味濃而不燥，咬口酥脆配搭炸蒜個人最愛這道菜☆Homemade Tsukune手打雞肉棒~個雞肉棒肉興軟骨比例okay，唔會淨係食到雞軟骨卜卜脆口感，肉質亦算柔軟Crab Meat & Paste蟹肉蟹膏壽司~食到點點蟹膏香、水準ok☆3-Hour Free Flow Sake3小時清酒任飲~清酒櫃放咗三行廿款以上清酒任客斟，有溫和果味嘅「甘口」亦有「辛口」揀，想小酌或者劈酒都悉隨專便、幾抵
繼續閱讀