星海．譽宴 (鱷魚恤中心)

營業中

休息中

中秋家族歡聚餐, 長輩選擇在這酒樓訂了位飲中午茶。  一行十四人浩浩蕩蕩的走到鱷魚恤中心2樓, 在候檯處已站了很多客人在等檯等叫號碼, 連室內也坐滿大小圍的茶客, 非常熱鬧； 除了主要通道外, 椅背與椅背的距離是不足10cm。蝦餃一籠四隻，餃皮有點厚身，吃著帶煙韌口感，蝦餃餡內蝦肉爽脆，荀粒、豬肥肉樣樣有一些。燒賣又是一籠四隻，黃色燒賣皮滑溜，包著帶筋性的肉球，配合頂上爽口蝦肉，層次口感美味！山竹牛肉球最重要是沒有鹼水味，吃著不過腍，有馬蹄有芫荽香。春風得意腸可算是全餐中一致認為最好吃，腸皮粉包著脆而不油的油條，油條內釀有彈牙蝦膠，一啖放入口，多重口感但又不會滿口油。雜果船最重要是不油兼脆脆，雖然味道分明但是坊間有很多酒樓也沒有做這個了！乾炒牛河的碟底，剩下的油不算多，炒河條條上色，沒有碎斷也沒有黏成厚塊，我家某親戚極度喜歡吃這碟。

週末又係同屋企人飲茶時候，譽宴我地去過好多次，因為野食好新鮮，地方寛敞，服務唔錯，講番食物，佢全部即叫即蒸，夠晒新鮮，至於我最鍾意食佢腸粉，皮薄餡靚，牛肉嫩口多汁，肉味濃厚，加上芫茜，好清香，至於炒野夠晒鍋氣，我會食蝦仁炒飯，蛋汁包住粒粒飽滿大米，成碟飯炒得香口乾身，唔會食完成口油，有時會有新款點心，味道很好!

我媽媽是“有飯主婦”，煮得一手好菜，所以整家人都經常回家吃飯。但最近哥哥看報紙見到譽宴正推出的芝士焗龍蝦很吸引，便提意一家人外出試食~本身Book 左8點半，去到原本都係要等。店員解釋因為未有枱埋單，而佢地吾會限時要客人交枱，所以我地Book左都係要等主角終於上枱。芝士極足料，面上有微焦，而大部分芝士則於底部。芝士焗龍蝦正做推廣，~$100/隻，而且數量任叫。龍蝦肉質本身已經香甜，非常新鮮。配上焦香的芝士，口感及味道更豐富。各人嚐了，都十分滿意，只是女士剝殼有點麻煩~泡椒豬手點上酸甜汁，味道更清新。豬手的質感QQ的，微辣，非常好食~海鮮菜煲非常夠熱。湯汁微甜。糯米蟹一上枱已很香，熱騰騰。有成隻蟹。蟹肉肥厚，見圖。飯好香，比較濕軟，吾會好粘最後的紅豆沙有驚喜~! 原粒紅豆，比一般紅豆略大。吾會好甜，自然的紅豆味。煮到起沙，質感一流。正~! 值得推介環境比一般酒樓優美，仲有魚缸。 

一家大細去飲茶，唔想去咁遠就去鱷魚恤中心啦去都1點7個字，見到未人齊，咁就等兩點下午茶先入座了煎腸粉~~~夠熱，煎得好香脆，腸粉的夠滑炸雲吞~~~炸得好香好脆，雖然入面的餡料少到好似冇蛋散~~~香甜味美，蛋散夠鬆這不是春卷~~~這是什麼，其實只是係長條形春卷囉！有一點不好就係D油滴哂落底，浸住春卷，好油呢！叉燒腸粉~~~腸粉夠滑，味道GOOD粉果~~~皮有點厚，不過不失啦鮮竹卷~~~用湯浸住令腐皮好滑滑雞包仔~~~OK咁啦千層馬拉糕~~~唔夠鬆軟，太甜了豉汁鳳爪~~~好味薑葱牛拍頁~~~用豆卜墊底，牛拍頁吸引哂D汁，NICE整體不過不失咁啦！不過枱與枱真係太貼了

因為舊同事介紹，來了這裡飲茶好體貼的他們已經一早來了找位子兼落order一到我就有野食了~基本上點心做得蠻不錯炸豆腐粒超脆口既外表內裡係嫩滑得很既豆腐雪山叉燒包一咬即脆既外層入面又係熱辣辣既叉燒最特別仲有壽包挺大個的耶蓮蓉超滑身，又有蓮子香最鍾意個包，蒸到辣身更有味道

星期一夜晚唔使等位，環境唔錯，都合適一家人去食，不過份量一般般。我地3個人，好多優惠只有一半份量，例如半隻片皮鴨等等。價錢就無少到。份量以3個人來講，我地唔算食得多，都要加飯先得。

食物質素一般~但服務態度真係難以接受!竟然剛食完野，就有個"知客"問: 野食都齊啦?埋單啦~有人等緊你張檯!完全唔明點解可以咁囉？一食完就要埋單走？飲埋杯茶都唔得？應該無咩機會再幫襯~

無記錯嘅話，上次去食生日飲茶飯應該係上年１２月果次喇，之後公司係節日期間都有去飲茶Lunch食做節飯嘅，不過次次都係去「XX王」食，其實質素已經好一般，又唔再抵食咯，所以今次阿頭就提議去鱷魚恤中心2樓嘅＜譽宴﹣新世代婚宴專家＞，佢食過話ＯＫ喎，就去試吓啦。第一次上鱷魚恤中心飲茶，因為呢到有好多間都係for擺婚宴嘅，相信裝璜應該會唔錯，上到去＜譽宴＞裡面四四方方，樓底高好光猛亦有天然光照入，枱與枱之間空間足唔迫，最側邊又有個長長的珊瑚缸，環境都很好。　我不嬲都唔飲茶呢，見到張點心紙咁多選擇都幾難Click要乜野呀，記得同事一定食蝦餃鳳爪燒賣.....，就Click咗呢幾款先啦，之後點咗最抵食原價係頂點的<蝦餃之王>$16兩籠，其餘嘅當然係正價啦，叫完點心後，因為同事極力推介一款脆脆麵+肉絲喎，睇過餐牌後原來係另外一張套餐的餐牌，有幾Ａ與Ｂ款揀，點咗咁多點心，當然只揀Ａ款最少野食嘅套餐啦，主要都係食脆脆麵，同埋點了佢地都鍾意食的雪山飽。① 蝦餃之王 (頂) x 2② 春風得意腸 (大)③ 白灼田園時蔬 (廚小)④ 沙嗲金錢肚 (大)⑤ 醬皇蒸鳳爪 (中)⑥ 上湯鮮竹卷 (中

這酒樓的服務真的如樓下食家說的超差!9月13日打電話去訂14日早茶6位，很多酒樓也老實的說公眾假期不設訂位，但這家說沒問題。到達後取位，才說沒空檯，等一下有人結帳就會馬上安排。在等候的35分鐘期間很多遲來沒訂位的2人檯及4-5人檯也有位，問了知客姐姐很多次也說等等，又說訂了檯也要等，但熟客就可打尖，深感被騙。最後要大罵才給我們檯，經理很努力，但一個壞知客已經叫人對整間酒樓人反感。全程只吃點心，味度不差，腸粉已切成小件，方便。蝦餃皮比較差，很淋，唔彈牙。最大好處是所有點心都不油膩，最適合怕肥的人。價錢不算平宜，等位又難，應該不會再去了。

平時上班會帶飯,因為觀塘搵食都幾困難,人又多,價錢都唔平三、四十蚊閒閒哋.今次要歡送一個同事,去咗譽宴飲茶,未訂位之前我上嚟OPENRICE睇下D食家點寫佢.食評麻麻咋喎!但有同事話食過都OK架!咁就訂位試下喇!我早小小出門口去攞位先,到咗地下大堂等升降機超多人,上到譽宴竟然無人等位喎,同知客講我訂咗位,佢話未有位叫我等等.係我後面有幾位OL無訂位,點解個知客就話:「5位要等好耐架喎!我哋會先安排訂咗位既客人先入坐架!」都差唔一點鐘喇!我見四野無人,都無人係度等位,點解會話要等好耐呢?當我諗緊呢句話既時候,說時遲那時快我就有位喇!原本係我後面個幾位OL都有位喇! 其實我坐既位置係可以清楚望到知客同埋見到有冇人等緊位.但一直未見人潮.同事陸續嚟到,有位同事今日好想食义燒飯,但點心紙上無,於是就同一位年青既服務生講要加一碗义燒飯.等咗十分鐘點心同埋粉麵都陸續上枱,傳菜既嬸嬸唔理三七二十一就放係枱上,然後就離開.大家都趕快消滅枱上食物,好讓後上既食物可以有位置放.义燒飯遲遲都未到,第一次向男服務生追,再等咗十分鐘,再向女服務生追,女服務生返嚟講係早十分鐘前先落單,要再等等添..... 期待已

一行四人去食龍蝦, HK$72一人限叫一隻, 雖然細隻左D, 不過好鮮甜, 蒜茸蒸同埋芝士焗都好好味. 仲叫左糯米蒸聖子, 幾好味噃. 燒乳豬半隻, 皮脆肉滑, 不過唔明點解咁細隻BB豬都會咁肥? 之前係其他餐廳食過BB豬, 好瘦下架. 重食左醉鴿, 唔得, 肉"梅"又唔入味. 啫啫唐生菜, 好香, 不過正如樓上話齊, 得幾條菜. 最後叫左個三鮮焗飯, HK$99, 張圖見到有帶子... 上到枱, 只有雞肉, 豬頸肉同埋蝦仁... 味道一般, 超多飯勁少送. 我覺得蒸海鮮做得唔錯, 其他就普通. 不過服務真係差到無人有. 食完龍蝦一碟都係殼... 無人換架, 叫就換啦, 成個場得幾丁伙記, 想搵人沖水都好難. 因為有特價龍蝦, 我會再幫襯... 不過唔知特到幾時... 要自己打去問下.

同意前一位食家的四個字"不知所謂", 今晚食完後, 深深體會到. 見同事介紹有優惠卷(<- 食滿$400減$100)用, 他們已經提醒了限制多多, 仲要每次講法不一, 要問清問楚先落單, 咁諗住問清楚就無問題既心態, 就帶同屋企人試試啦.預先上譽宴個website download print出黎用, 落單時問下個服務生有那些優惠不能同時享用啦, 點知個服務生第一句就話: 唔知你地呢張影印本用唔用得喎, 我要check一check先, 我都愕左然, 上official website download既coupon 唔可以print出黎用, 咁真係唔知點先用到呢????咁好啦, check完話用得, 咁check清楚都無妨, 然後叫A 東西, B東西, 都話唔得....真搞笑...佢仲要係無原價比你叫黎配合番個Coupon囉, 即是, 比多少少錢都食唔到, 要食就完全用唔到張coupon...最後揀到都無野可揀, 真係忍唔住要問, 咁不如你話我知邊D餸先點得啦....無奈該coupon話茗茶, 加一不計算在內, fine, 覺得合理, 但原來連啤酒都exclude....明

個碟就大, 但係D食物細碟到唔想比人食咁, 68元一個啫啫菜煲, 10個人食可以每人得1條菜, 離晒譜D服務九流, 人客唔多, D侍應唔知去晒邊, 要自己去沖水也不特止, 仲要沖完都飲晒, 都仲未有人發現無水實在太過份了食物的味道只屬很一般, 一定唔會去第2次, 亦會通知晒d親戚朋友, 千萬不要去, 無謂食到一肚氣總之4個字, 不知所謂

由彩福皇宴改名為譽宴, 內部裝修一切如昔, 八卦之下問下部長幾時改名, 原來都係改咗個多月, 改名是因為想矜貴啲。 就趁初六約好友人拜年順道開餐。 竹笙雞絲燴生翅: 全個餐最正, 成排翅, 芡汁濃杰度適中，口感味道非常好。 京滬擔擔麫: 如果食得辣, 呢個麪應該好合你心水。 可惜我唔食辣, 食落口有種麻麻嘅感覺。 譽宴一品燒雞: 略嫌乾身咗少少。