影片
更多
2011-10-28
2059 瀏覽
無記錯嘅話，上次去食生日飲茶飯應該係上年１２月果次喇，之後公司係節日期間都有去飲茶Lunch食做節飯嘅，不過次次都係去「XX王」食，其實質素已經好一般，又唔再抵食咯，所以今次阿頭就提議去鱷魚恤中心2樓嘅＜譽宴﹣新世代婚宴專家＞，佢食過話ＯＫ喎，就去試吓啦。第一次上鱷魚恤中心飲茶，因為呢到有好多間都係for擺婚宴嘅，相信裝璜應該會唔錯，上到去＜譽宴＞裡面四四方方，樓底高好光猛亦有天然光照入，枱與枱之間空間足唔迫，最側邊又有個長長的珊瑚缸，環境都很好。 我不嬲都唔飲茶呢，見到張點心紙咁多選擇都幾難Click要乜野呀，記得同事一定食蝦餃鳳爪燒賣.....，就Click咗呢幾款先啦，之後點咗最抵食原價係頂點的<蝦餃之王>$16兩籠，其餘嘅當然係正價啦，叫完點心後，因為同事極力推介一款脆脆麵+肉絲喎，睇過餐牌後原來係另外一張套餐的餐牌，有幾Ａ與Ｂ款揀，點咗咁多點心，當然只揀Ａ款最少野食嘅套餐啦，主要都係食脆脆麵，同埋點了佢地都鍾意食的雪山飽。① 蝦餃之王 (頂) x 2② 春風得意腸 (大)③ 白灼田園時蔬 (廚小)④ 沙嗲金錢肚 (大)⑤ 醬皇蒸鳳爪 (中)⑥ 上湯鮮竹卷 (中
第一次上鱷魚恤中心飲茶，因為呢到有好多間都係for擺婚宴嘅，相信裝璜應該會唔錯，上到去＜譽宴＞裡面四四方方，樓底高好光猛亦有天然光照入，枱與枱之間空間足唔迫，最側邊又有個長長的珊瑚缸，環境都很好。
我不嬲都唔飲茶呢，見到張點心紙咁多選擇都幾難Click要乜野呀，記得同事一定食蝦餃鳳爪燒賣.....，就Click咗呢幾款先啦，之後點咗最抵食原價係頂點的<蝦餃之王>$16兩籠，其餘嘅當然係正價啦，叫完點心後，因為同事極力推介一款脆脆麵+肉絲喎，睇過餐牌後原來係另外一張套餐的餐牌，有幾Ａ與Ｂ款揀，點咗咁多點心，當然只揀Ａ款最少野食嘅套餐啦，主要都係食脆脆麵，同埋點了佢地都鍾意食的雪山飽。
① 蝦餃之王 (頂) x 2
② 春風得意腸 (大)
③ 白灼田園時蔬 (廚小)
④ 沙嗲金錢肚 (大)
⑤ 醬皇蒸鳳爪 (中)
⑥ 上湯鮮竹卷 (中)
⑦ 鮮蝦菜苗餃 (大)
⑧ 山竹牛肉球 (小)
⑨ 北菇棉花雞 (大)
⑩ 譽宴燒賣皇 (大)
[輕便套餐Ａ] $98
⑪ 杏汁雪山飽 + 銀芽肉絲香煎兩面黃
５位個共 = $388
① ＜蝦餃之王＞真係幾大粒，皮薄見到大大隻蝦，$16一籠確係好抵食！
② ＜春風得意腸＞又係要讚嘅，呢個都係我見到唔知係乜野賜粉，咁佢地次次都會點腸粉嘛，見到個名幾特別又唔知係乜所以就點佢啦，係未上菜時見到好多枱都有要呢個，我仲覺得個樣咁正添，原來自己就係叫咗呢個，腸粉皮包住脆脆的春卷，Good！！
③ ＜白灼田園時蔬＞呢個係整餐最唔抵食囉....呢碟好似得半棵菜咁多嘅份量，雖然都新鮮，但都唔使咁少呀嘛？no good呀！
⑪ ＜銀芽肉絲香煎兩面黃＞呢個一定好多客人叫，因為第２度上的菜就係佢，但要即點即整又點會咁快呢？一定係廚房整定再加以加熱嘅，見到個兩面黃就好似出面食開果款肉絲炒麵，只係呢個麵與肉絲分開另上，兩面黃超脆口，估唔到內裡仲係熱熱嘅添，鍾意脆口野一定超愛，的確好好食，我唔食呢Ｄ麵夾咗好多次呀！！其餘果Ｄ點心大致上都ＯＫ，冇乜唔妥唔對路，都食得過，埋單＄３８８，價錢都幾貴，好彩味道算是中上，ＯＫ啦。
張貼
