星洲總廚 (大全街)

營業中

休息中

一直以來對喇沙都情有獨鍾，今次同老公去到大角咀既星洲總廚試下佢🤩睇睇餐牌價錢唔貴，而且望見份量又大🤤我中意鮮味梗係叫番個海鮮喇沙摻摻，黎到睇見色水似樣，香味似樣，好有期待🤭上枱喇，第一件事梗係試下呢個望落咁濃郁既湯底，濃濃既蝦香配上其他惹味香料，再滲出陣陣椰香同埋少少辣。呢碗海鮮喇沙再配合其他海鮮料就鮮上加鮮，口感好濃厚🤤另外叫左海南雞喇沙，喇沙一樣惹味冇得輸，但係就想講下個雞，三個字“好普通”，但唔鞋口都算滑，但係真係冇咩味道😅怡保白咖啡，雖然冰多，但KEEP住濃咖啡味，白咖啡比較偏甜，真係好岩女仔飲❤️🤭環境企理，價錢合理，味道幾好，可以再試👍

今晚6時半，經過星洲總廚門口， 竟然冇人排隊。我老公泰拳教練唔鍾意等位， 佢通常唔會選擇要等位和限時嘅餐廳。今晚佢見到咁方便就話入去食，之前食過兩次， 知道佢嘅食物有質素和特色。厚切豬扒飯好好食， 豬扒好鬆脆， 由於泰拳教練太肚餓喇， 所以幫唔到啲豬扒打卡。其實呢間餐廳嘅擺設都好有特色， 舒適嘅環境， 可以減壓， 心情可以放鬆吓。食物方面， 感受到主廚嘅心思， 好有heart, 我見到其他人嘅食物，都擺設得好靚， 值得加分。

成日聽朋友介紹，大角咀有一間食星馬菜好出名嘅小店，今晚決定帶個老友嚟一齊食食。一去到門口，都有五到六個人排緊隊，為咗食好嘢，等一陣冇所謂啦。入去坐低之後，掙扎緊食喇沙好，定係海南雞飯好。最後我哋大家各自嗌咗喇沙，一個係厚切豬扒，一個係炸雞扒。厚切豬扒👍🏻非常好食，炸得啱啱好，肉質豐富，又juicy. 炸雞扒👍🏻亦都好好食，佢哋對肉類嘅處理非常好，唔會乾爭爭，好食。喇沙👍🏻👍🏻👍🏻真係不得了，全香港我唔敢講，但係喺九龍來講，絕對係我心目中嘅頭兩位。喇沙最緊要係個湯底，味道濃郁，有豐富嘅層次，一定要食。****************👍🏻好食 | 👌🏻可以 | 😔 難食評分 : 9/10簡評 : 九龍一既喇沙

朋友介紹去呢間餐廳食午餐，佢表示呢間餐廳的 喇沙好好！ 食完發現真係好好食！介紹下先【 香茅雞扒咋喇沙（ 慘慘）】喇沙香濃，椰香味不會太過份， 仲有糖心蛋添！呢樣相當驚喜😆而雞扒炸得外脆內嫩多汁！ 成個餐份量好多即使係男仔食都好飽😂😂【 馬拉白咖啡】跟餐熱飲免費， 而且幾好飲，朋友則推薦美祿恐龍相當濃郁好喝。回頭指數：🐒🐒🐒🐒抵食指數：🌕🌕🌕🌕🌖

以往訂咁多次單都未曾比漏野，今次訂左9個餐啫，居然比漏左1罐忌廉，雖然比少左，但1罐飲品不足以令我再行咁遠去取回。而且今次落單沒有額外既飲品可以加單，以往可以加錢揀其他餐飲，有點失望不能加3色奶茶。希望下次叫餐有餐飲跟之餘，還可以額外再加其他飲品啦！今次海南雞脾飯食到最後時出現好多雞油沉底，而且只供油飯，冇得揀白飯，有點失望。整體而言，食物在味道方面很好，份量充足，相反在服務方面應該加以改善，希望下次不要重覆犯錯比漏野，但下次都會繼續光顧他們的午餐。

呢間餐廳係一個住喺附近嘅朋友介紹佢嘅原句係：「呢間冇一樣嘢唔好食」見佢咁高嘅評價 點可以唔試我嗌左一個肉骨茶套餐另外再+8蚊配左一碗肉骨茶配菜因為我勁鍾意食豆卜我男朋友就叫咗一個咖喱豬扒飯雖然嗰啲豆卜同埋金菇係另上但都一樣煮得超級入味 好正！啲菜心雖然好粗但都煮得好林個豬扒飯我男朋友食完之後冇咗表情然後佢好認真咁叫我試吓我仲以為有伏佢下一句係超好食🤣笑死 以為自己演技派？豬扒厚切 炸得啱啱好個咖喱汁係少少辣不過我唔食辣嘅男朋友都話好食最後就係美祿恐龍好肥但好好飲🤣

星洲總廚都係大角咀熱門餐廳之一一到食飯時間門口總係大排長龍如果晏晝想嚟食 最好就12點左右要到如果唔係要等比較耐.🌟招牌厚切豬扒叻沙摻摻呢樣係餐廳嘅招牌菜 豬扒真係如佢茶名所講非常厚切 炸到非常脆卜卜 🙆🏻‍♀️仲配埋一隻糖心蛋 豆卜同埋魚蛋 材料非常豐富而叻沙湯底好creamy 仲有濃濃嘅椰奶味 少少辣 好開胃麵底就係米粉加油麵 10分掛湯好好味😋.🌟凍馬拉三色奶茶見到其他人叫 杯嘢飲有漸層好靚飲落奶味幾重 但係叫咗少甜我都覺得好甜😂對面落咗馬拉椰糖 入落比較香

星洲一直都係我覺得大角嘴最好食嘅餐廳。海南雞飯、咖哩豬扒、叻沙，全部我都好鍾意食！但今次用餐體驗激到我第一次係Openrice寫差評。今次我又係食豬扒叻沙，佢哋嘅叻沙係米粉x油麵，而我唔係咁鍾意米粉，又特別鍾意食油麵，所以我每次都叫淨油麵。坐入面信號唔好，所以今次冇用QR code落單。我如常叫豬扒叻沙淨油麵，落單個姐姐仲要覆我「好」。黎到我就食個豆卜，再一撈，有米粉嘅，呢個唔係問題，本身好小事，換咗佢咪得囉。但跟住落嚟個姐姐嘅態度令我火冒三丈！個姐姐同廚房講：「喂，佢食完先至話要淨油麵」，跟住就咁行開咗，無視我？！今時今日咁嘅服務態度，我諗係人會發癲

Weekend黎呢lunch，點零鐘黎到都幾full下，好彩都好快入得。必叫招牌厚切豬扒，即炸上枱，好大塊，幾香脆，肥瘦適中，一D都唔鞋。喇沙椰香味重，好多料，魚旦豆卜雞蛋芽菜。抵食

雖然大角咀呢個地方有啲格攝，不過我覺得都值得黎試下依間餐廳🙌🏻星期六日都比較多人排隊，不過都唔係等咗好耐就入得去啦！！！佢哋係用QR code落單，晚餐有set dinner或者a la carte, 因為我哋都唔太肚餓所以就散叫算！嚟到依度梗係試吓佢哋最出名嘅喇沙麵啦同白咖啡啦！即使係驚訓唔著既都想試吓個杯咖啡，因為朋友都讚好飲！🙊🙊我哋都嗌左喇沙麵配豬扒同雞扒，因為可以互相試吓大家嘅餸，我果然冇令我失望又真係好好食！！特別係雞扒多肉汁，好滑😍白咖啡都好飲，不過就甜左少少🤏會再試既一間星馬菜👍

$208二人套餐:有農夫包，串燒，有上湯菜同埋飲品超抵食之後我哋仲叫咗個豬扒喇沙麵同多士飲品方面叫咗杯泰式三色奶茶同埋美祿恐龍🦖個農夫包超級大個係我兩隻手掌咁大。擺盤擺得好靚好似係我有史以來見得最靚嗰個另外側邊有兩塊炸得好脆嘅麵包🥯。農夫包上面我哋叫咗雞扒。個雞扒都好多同埋好厚，幾滑。咖喱方面有少少辣味，不過我不嬲都食辣所以覺得還好.之後仲有串燒，串燒上面嗰個汁就真係有啲辣。串燒可以揀兩個款(豬羊雞)一共大概有八串。(牛另加$10).喇沙麵好掛湯，都幾好食。上面仲有附送2粒魚蛋同埋豆卜。.飲品方面可以叫少甜，少冰。落單情況可以用QR code落單或者搵店員幫手。..總結一定會返嚟再幫襯😍😍計埋嘢飲同埋叫多咗幾樣嘢食除翻三個人都係$113左右

嚟到九龍呢頭，想搵啲星馬菜食，除左啲人氣店外，亦都想搵啲小店試吓😃😃😃呢間星洲總廚之前都book mark左好耐！今次終於嚟試到喇～😙星期日晚上七點左右去到，食飯時間需要排隊，等左約15分鐘左右就入得😉😉餐廳好熱鬧嘅感覺，滿滿都係食客，感覺到係一間好受歡迎既餐廳。分別叫左兩個晚市套餐，星加坡咖哩厚切豬扒配椰漿飯/薄牛脷喇沙招牌咖喱豬扒飯份量的確唔少豬扒好大塊，炸得好脆，值得一讚就係豬扒醃得超入味，好香既香茅味，啱啱好唔會過鹹，椰漿飯就感覺似油飯，不過不失👌🏻 咖哩汁都好岀色，夠辣，不過食到尾唔夠汁撈飯，如果汁可以再多少少就會perfect🤤🤤薄牛脷喇沙 好似係佢哋既新菜式，喇沙湯底都好出色，同以前係星加坡既有得輝！！我自己好鐘意，可能餐廳都想迎合香港人口味，唔會整得特別好辣，啱啱好，麵底係油麵mix米粉，鐘意豆卜索晒湯底既精華😋😋同埋佢粒雞蛋🥚整到半生熟，啱晒我口味！！牛脷就不是太特別，下次食可能都係點返招牌豬扒喇沙🤭🤭一定會encore豬扒喇沙🤟🏻🤟🏻😗😗😗

話說上次去大角嘴食完*抬摃 嘅台式肉燥飯之後，沿路行過隔離幾條街，發覺都好多唔同形式嘅食肆，呢日趁放假又再去吓發掘一下有咩美食…行經見到呢間食星馬菜嘅好似唔錯，一於試吓佢，午後時段都要等位，但半個鐘倒已被安排入座，唔使等太耐還可接受望望餐牌都好多選擇，lunch set 飯類都提供咗10款選擇，我同朋友各自點了一款▶️小印度咖喱牛腩 (自選配對：白飯，油飯，椰漿飯或印度烤餅)- 朋友本身想配烤餅，但阿姐話賣晒，無奈轉油飯！咖喱味尚算香濃，但略嫌欠缺辣味，有少少失色。餸料就ok嘅，份量足夠，有牛腩亦有牛筋，炆得軟淋▶️厚切8安士咖喱豬扒飯 (可選星加坡咖喱或小印度咖喱) (另自選配對：白飯，油飯，椰漿飯或印度烤餅) - 揀咗星加坡咖喱配椰漿飯，同咖喱牛腩一樣，咖喱味係有，但欠缺少少辣味，至於厚切豬扒就好味嘅，豬扒煎過令到外皮脆嫩有口感總結：食物有水準，價錢少貴但可接受，店內格局就一般，枱與枱之間比較窄，有壓迫感。服務就一般般，阿姐待客唔友善，最後就係只收現金，今時今日連簡單嘅電子貨幣都唔接受，就有點不合時宜吧！

對上一次嚟食都唔記得係幾耐嘅事淨係記得有好多款都想試結果落咗order 諗諗下，我好似嗌返上次嗌嘅嗰個😂#招牌厚切豬扒叻沙 🐖呢度嘅炸豬扒真係無得輸 (話哂係招牌菜)表面炸得好香脆，裡面本身豬扒肥瘦適中肉質唔會乾爭爭，食落亦唔覺飽滯另外叻沙湯夠香濃，同埋我都幾鍾意食佢嘅魚蛋，夠爽口彈牙#凍馬拉三色奶茶 🧋馬拉椰糖+黑白奶 &+西冷紅茶總之我嗌咗少甜都係好甜😂😂😂(下次我會記得會試其它款嫁喇lol)

🍤星洲總廚🌴打呢篇推介望住啲相時我真係一路打一路流口水🤤🤤真係食過返尋味心諗住嗰頭啲街坊點解咁有食神有間咁好食又性價比超高嘅餐廳喺左近如果星洲總廚喺我屋企附近一定會成日食囉好懷念嗰日食個叻沙( *¯ ³¯*)係真係好濃厚有椰香+有香料香氣唔係嗰種勁假嘅嘅淡如水味精湯再加上巨量豆卜同塊超香脆雞扒其實分量幾多下但係因為太好味食到好飽都會繼續食落去而個椰漿飯淨係睇樣都好吸引( ⸝⸝⸝⁼̴́◡︎⁼̴̀⸝⸝⸝)除咗有熱辣辣又好香嘅椰汁咖喱雞扒外仲有大大嚿南乳炸雞食得出南乳浸獨有鹹香再加埋隻完美太陽蛋真係冇得輸呢間絕對有可能係我喺香港食過最好味嘅星洲菜(o'³'o)ﻌﻌﻌﻌ♡︎下次一定會Encore😍😍😍