星林居酸辣米線餐廳

營業中

休息中

平時一個人既時候，我多數會去食米線。星林居係朋友推薦下，專登去尖沙咀食。呢間係有攞獎既米線餐廳，同埋係開左好多年，我諗應該唔錯掛。我都係叫返平時食開既餸，個湯底係ok既，幾濃，米線既軟硬程度都適中，岩我中意食爽口既米線，份量都大碗，價錢唔算貴，但我覺得呢間中規中矩啦，不過不失，但未至於朋友所講既，食過返唔到轉頭。

上到黎已經好似得罪左個staff，態度超唔好，呼喝我地scan 安心出行，又叫我地唔好掂到佢部機。坐低落單後，都好快送上黎。我叫左油麵筋同豬軟骨，中辣多酸。睇碗麵既外觀真係唔多吸引既，但湯底薪係按自己喜好選擇酸度同辣度，所以我覺得係好味既。但餸方面真係麻麻地，豬軟骨好硬好瘦，好難咬，食左一啖之後，完全唔想再食。米線今次唔知點解係特別碎，好難夾。到到最後真係食唔到，淨左半碗。至於同行朋友第一次食，就覺得幾好食。不過真係比以前差左好多好多

叫咗一個小鍋米線，加左雞翼尖肥牛芝士腸$63，份量少到傻，尖得四舊，啲肥牛細到好似平時打邊爐剩反既碎咁得幾塊，芝士腸就得果一條🙄啲米線不知所謂，唔知以為食緊壽x牌一包包果啲即食米線。食完全唔知食咗啲咩落肚。以前食冇咁差，而家真係好垃圾重要咁貴，冇下次

平時其實好少食米線因為麻麻哋食得辣🌶不過今日趕住食lunch 試一試🌤以米線來講價錢都唔平🌝 原來擺晒米線的獎牌🏅️味道唔錯但CP值令我卻步⭐️ 小鍋米線 🍲⭐️ 冬菇 🍄⭐️ 豬腩肉 🥓⭐️ 豬大腸 🐷可以自選酸度辣度 第一次食揀咗小酸同少少辣🤣 好似略嫌唔夠雲南既重口味 有少少惹味感過下癮🥰 好在到最尾食完唔會太口渴👍🏻 面頭仲有大量芫荽同肉碎增加風味🌱 餸菜方面唔算太突出 冬菇無咩味 大腸偏肥 腩肉驚訝地唔太肥有點麻辣味😋 整體上湯底比較吸引⚡️

今日12點幾用某外賣速遞叫左3碗米線，點知速遞員送漏左一碗，甘唯有自己去拎，去到我問個收銀係咪依碗係我既，佢就已經好冇禮貌甘話"依家先黎攞，脹哂啦"，我攞完就去等lift走啦，lift都未入，個冇咩禮貌既收銀同個職員就串我。。冇禮貌收銀：比錢人洗仲要自己黎攞，邊有甘戇居架，自己黎攞得啫係近啦！！甘我地多野做行唔開呀嘛，邊個話近就唔可以叫外賣架。。果個冇禮貌既收銀係個冇戴眼鏡40-50歲既阿叔。。

今日lunch食咗酸辣米線，呢間個個同事都大讚，話食完返唔到轉頭😂12:30左右到，幸好仲未要排長龍，只係等左幾分鐘就入得去，格局環境唔大，座位之間有少少迫，不過lunch hour都冇辦法啦，迫少少都要坐同事話豬腩肉最好食，因為驚豬腩肉好肥，所以我就冇叫啦我要咗菜肉雲吞、油麥菜，湯底係小酸小辣先講湯底，有少少肉碎，可以要多莞茜，湯底一流，味濃惹味，莞茜好靚好綠！鐘意嘅一定要叫多莞茜！但菜肉雲吞就好難食，入面好粉，皮又煮到腍到爛咁食咗塊豬腩肉，原來係瘦嘅，入味好食～下次再食都係要豬腩肉好啦～

尋日同個friend喺尖沙咀staycation中午嗰時肚餓就去搵嘢食咁啱醒起之前有人介紹過星林居米缐係幾好食嘅⋯⋯於是我哋就出發去食啦！上到舖頭人唔算多嘅店員招呼都冇打啦自己掃完安心出行就直接搵位坐低點完餐之後等咗好鬼耐都未有嘢食嚟～朋友叫咗小窩米線係湯嚟嘅而我就揀咗撈米線⋯惡夢正式開始😌然後我望下自己個碗撈米線⋯我點左生根、豬大腸、魚腐同埋豬腩肉個生根呢就真係完全生嘅⋯夾上手點解好似平時喺街市買個d火鍋生根一樣成個波咁😂大佬～平時打邊爐都有烚一烚啦！個魚腐好似平時食即食零食咁樣，我自己都係比較鍾意食譚仔同三哥嗰個魚腐多啲⋯食食吓望到咦點解豬腩肉變咗肥牛嘅？唉⋯算啦 等咗咁耐我都費事搵阿姐講肥牛都係普普通通冇咩特別至於我最心愛嘅豬大腸基本上我每次食車仔麵或者米線有嘅話都一定會點呢間好un 好難咬 連我個friend都話唔OK佢個汁底實在太酸喇，我要普通酸 真係麻麻哋雖然我話要凍撈米線，但係個米線真係雪得太過分係硬㗎😔而我朋友就話個湯底佢覺得可以接受嘅總括而言我都唔明點解大家會覺得呢間野好食我第一次食已經覺得好唔掂 呢碗野$65 為咗唔晒錢硬食晒佢🙁每人再加多罐忌廉一共$155以後都唔

尖沙咀講起米線就一定要去食嘅就係星林居🌟首先位置就超方便就地鐵站附近行幾分鐘。另外米線就口感好，軟硬適中，又多個人喜好嘅選擇俾你自己揀。👍🏻👍🏻例如鍾意多蔥，多芫荽？冇問題！上台喺見到啲蔥同芫荽高過隻碗😂😂😂鍾意芫荽蔥嘅我表示好滿意好開心🥳另外一試嘅就係酸辣湯底，鍾意酸嘅人可以嗌多酸，又辣又酸有惹味，呢個湯底用嚟送米線一流🤤總結係成碗米線都係跟住個人喜好整出黎🥰想唔清曬都唔得啦！

明火小鍋米線 ($30) 配料: 油麥菜 (+$6) 魚腐 (+$7)揀咗中辣普通酸，但個湯底真係比以前退步咗，得辣唔夠酸，而且肉碎都比以前少咗。魚腐係好實果款，仲要偏硬，覺得擺咗好耐雪到唔多新鮮。嗌油麥菜本身就係因為比較索汁，點知原來另上。明火小鍋米線 ($30)配料: 魚蛋 (+$7) 牛𦟌 (+$12)呢碗係小辣普通酸，唔係好辣但個湯底真係好稀，小辣就更少肉碎。牛𦟌偏韌，魚蛋又一般。~以前不嬲都覺得個湯底正，餸就一般般，但依加連個湯底都大退步🥲

午市walk in 黎到 唔洗等位 就即刻入得 但係要搭檯 （其實我唔明點解大把位都要人搭檯） 不過一場黎到 都行到上三樓喇 我都照食啦🥲叫左小鍋米線加支豆漿 之前外賣果陣試過走辣 食落會個味怪怪地🤣🤣 今次就叫左少辣少酸 豆漿好快就係雪櫃拎左過黎喇🤣🤣碗麵就大概等左十幾分鍾 個湯底唔錯 好夠味👍👍👍其他配料都唔錯 份量好足 可以食到好飽🤤🤤🤤魚皮餃真係好值得推薦 😆😆😆其實我每次食米線都會叫魚皮餃 呢間既魚皮餃不過不失 都值得一試既

🍜明火小鍋米線+火雞腎 $31我一向愛辣所以嗌咗中辣走酸 湯底濃郁唔會太油膩 就咁飲都可以中辣都唔太辣 下次會試大辣或者特辣米線同三哥一樣偏幼身滑溜米線份量唔多 加錢嘅火雞腎亦得3舊不過火雞腎超厚切而且大大舊 口感好好每碗米線都包咗芽菜 蔥 芫荽同埋韭菜

本身已經覺得唔好食，朋友話好想食，俾多一次機會試多次，叫咗酸辣米線，豬潤做餸，點知個豬潤嘅份量係一片小豬潤，分開三條仔，叫做一份？但一份餸收成$8反映俾員工，話係我自己食咗，無視我！真係去兩次都印象好差！以後唔會再食

幫襯左十年，每逢經過尖沙咀都會食佢，今日之後真係要講拜拜我鍾意食酸，呢度可以揀多酸，以前嗌多酸，啲酸菜同配料可以堆到成座山咁高，但而家嗌多酸，係一樣無乜酸菜，湯底亦都係無酸菜味，就咁得陣好怪的醋味好難食，真係好難食，簡直想吐出嚟，浪費左我個胃的位，亦都枉費左我對佢十年以嚟嘅支持環境污糟就十年以嚟都一樣，但以前都叫做係幫襯味道，而家連味道都無埋，佢仲有咩存在意義？？？？？？？？？？？？？？？！！！！！！！

見非繁忙時間，入去食碗麵，無乜人，寫好點菜紙，我叫唔該落單，望一望我見我得一個人，可能嫌單細，走左去，當見唔到我！之後碗麵好似豬漱咁，我未試過未食曬碗嘢就走，埋單！ 上菜時已經漏咗樣餸，同佢講，佢叫我自己喺個碗度搵返，我搵咗好耐，都揾唔到，佢好唔忿氣咁話，入去廚房白烚返三片腩肉比我，真係多謝哂！

我同老公都好鍾意食米線，所以由拍拖到結婚我哋都經常去唔同嘅米線店食米線，幾年前因為我哋要搞結婚，成日都會過尖沙咀某商場😏而當時每次去尖沙咀，我哋都會去星林居食米線😋仲記得幾年前嘅星林居，播嘅背景音樂都係英文情歌🤣真係好似婚禮嗰啲背景音樂咁😂😂因為疫情關係已經接近兩年冇食過星林居，近日趁着經過尖沙咀，假日大約6:00pm就決定上去一試，上到去得幾枱客，坐得好疏落，落單都係之前黐脷筋嗰個哥仔🙈（冇惡意），落單之後米線好快就到，其實我覺得個味道唔差，甚至覺得有啲好食，而且份量亦都好大碗，我覺得我哋經過係會再返嚟食😋