星幕

營業中

休息中

✨💫星幕x HABA 「春の日嚐」下午茶🌟$338/兩位餐廳位於酒店47樓，落地玻璃，盡覽山景及將軍澳樓景，場內樓底高，空間感十足☕️🫖三層架下午茶很豐富🍰🧁鹹點：🍔 迷你和牛芝士竹炭漢堡：竹炭麵包烘得香脆，和牛漢堡夠厚肉汁唔錯🥰炸北海道帶子：帶子都ok有鮮味，配紫菜木魚片，幾香😄🐟黑椒煎北海道吞拿魚：吞拿魚比較硬，一般🌰燴栗子配日本橘子汁：橘子汁好清新，栗子如果腍d 會更好🎃炸日本南瓜餅配紫薯蓉：炸南瓜餅好鬆脆，紫薯蓉好香😋甜點：🍇🍑巨峰提子及白桃櫻花的寒天果凍：香水造型好可愛，味道清清地ok🍈日本赤肉蜜瓜布甸:蜜瓜好甜，布甸滑🍰日本草莓忌廉蛋糕：普通味道🍮北海道牛乳布甸配紅豆泡芙：cream 幾滑，紅豆餡有d甜每位客人更獲贈 HABA海洋保濕體驗裝1套7件，又有換領信可以選75分鐘面部療程或 20分鐘激光美白膠原導入療程，可惜現時疫情關係，美容處所關閉酒店大堂設 HABA Pop-up Store ，原本可換領面膜及禮驗裝及即場體驗鯊烯美肌3部曲，不過疫情關係沒人註場

餐廳位於酒店高樓層，環境唔錯，樓高可以望到遠景，晚上景色更加迷人。臨近聖誕，近門口位有棵好靚嘅聖誕樹可打卡。半自助晚餐~包一杯紅/白酒，唔飲酒可以選擇橙汁，餐湯是西蘭花忌廉湯及麵包，沙律吧任吃，有新鮮沙律菜、煙三文魚、芝士、紅菜頭等等，甜品也有幾款選擇：芝士蛋糕、芒果拿破崙、朱古力蛋糕等，主菜有牛、魚、意粉及薄餅，選其一，選了牛、魚及意粉，西冷牛扒配甜蕃薯條~香煎鱸魚~魚肉質地鮮嫩，魚皮煎得香脆，鮮茄雜菌意粉~鮮茄醬汁香濃，意粉比較淋。

晚上跟朋友到星幕食Semi buffet dinner，menu一般，像普通西餐廳一般，有牛，有魚等，沒有驚喜。但salad bar有少少驚喜，杏脯和dried fruits好吃，雖然選擇不多，但食材可以。Smoked三文魚不錯，添補較慢。Salad正常，甜品只有數項選擇，賣相和味道一般，所以沒有拍照打咭。紅酒雖然平價貨，但fruity and powerful, 送扒及女士飲也適合。然而，食物雖然整體一般，環境不錯。反而，影人影景較多，我們坐在聖誕樹前一張枱，影樹也影了一些時間，夜景也很美。服務方面，似乎不夠侍應，整體也可以。最後有特別優惠打了折是經濟實惠的，輕鬆愉快跟朋友chill一晚，星幕是可考慮之選。

今日係朋友請客，去專登帶我去皇冠假日頂樓餐廳星幕食半自助餐落地玻璃嘅設計，餐廳變得開陽明亮，當時並不太多客人，所以成間餐廳都幾安靜，我哋可以舒舒服服食飯，聊天，其實都幾開心沙律及甜品係以自助形式進行，我都幾喜歡餐廳提供的食物款式，比較多元化，食物質素唔錯，對巴拿馬火腿沙律特別深刻，新鮮好食；甜品普遍程度是中常，偏甜餐湯比較清甜，解油膩，非常合適自助餐享用我覺得主菜反而比較失色，肉質偏硬，煎過火了，有點失望。反而朋友嘅意粉都幾好食整體感覺是中上，我很喜歡自助餐所提供的菜式，同朋友傾到三點才離開😂，每位價錢200多少少，在酒店內餐廳享用這種質素，是性價比高的選擇

將軍澳呢間酒店嘅下午茶性價比好高今次就同瑞士牌品GLYCEL crossover 47/F既景觀真係無得輸 餐廳雖然唔算大但全部都係落地玻璃窗 採光度十足仲有好開揚同居高臨下嘅感覺😀同層仲有戶外酒吧 大家都可以出去影吓相甜品及鹹點各5款🥧🍰🫖講真係個鬆餅最好食 其他都係一般不過環境同贈品都叫左值回票價😛甜品有黃梅英式鬆餅 玫瑰柚子忌廉酥、車厘子玫瑰絲絨蛋糕 玫瑰紅莓荔枝泡芙玫瑰士多啤梨朱古力蛋糕鹹點有煙三文魚玫瑰醬多士紅莓無花果忌廉芝士法包芝士薯仔卷配士多啤梨醬爆谷雞粒配玫瑰蜜糖醬 藍莓蟹肉酥盒飲品x2每位仲可以獲贈GLYCEL護膚體驗裝和亮白面膜及體驗面部護理療程☺️都真係好抵星期一至五$288（兩位用）星期六、日及公眾假期$308（兩位用）

今年生日朋友帶咗我嚟食港女下午茶😍😍我自己又覺得呢間下午茶唔錯喎花香味都幾濃同埋嘢食幾好食原本淨係諗住問佢攞一支蠟燭吹下😬跟住送咗三件小蛋糕俾我哋成個下午茶食完係好飽嘅👍🏻認真係勉強食埋嗰三件小蛋糕🍰不過嗰三件小蛋糕稍為有少少甜🥺但係我覺得整體有服務有景啲嘢都算好食😋如果下次生日或者朋友生日我都會揀返呢一間酒店餐廳嚟食整體上我都非常之滿意今次生日之旅另外一提佢哋嗰個果醬酸酸甜甜真係好好食可惜每一個餐只係會跟兩個 如果可以添就好啦

心血來潮想喺將軍澳食返個下午茶見到皇冠假日下午茶有Facial送諗都冇諗即刻約，但果然平嘢冇好嘢甜品真係好一般有賣相冇味道最失望係佢嘅意粉要二百幾蚊一個但係超級難食只能夠講下午茶唔可以叫其他嘢食Ok便利店嘅意粉好食過佢多多聲整體真係麻麻地服務員態度一般除咗企門口嗰個稍為好啲整體真係唔合格失望😮‍💨就係嗰碟意粉超級難食😭😭😭😭上面嗰個白麵包配塊煙三文魚 我食完都唔記得食咗 我仲問過職員係咪冇送到黎因為完全圖文不符，同埋無味的

🥚⚪📍將軍澳 #EggBall到將軍澳飲飲食食 ~~~~~~~~~~~~~~~~~~~~~~~~~~~~~~🥚👩⚪🧑初嘗港女Tea ～ 今次揀左位於將軍澳嘅香港九龍東皇冠假日酒店47樓，高高在上咁去嘆返個平民價嘅下午茶，仲有禮物送添😁 星幕 x OASIS「幽香抹茶」下午茶Japanese Matcha Themed Tea Set 3:00pm－5:00pm星期一至五(Monday - Friday) $288 for 2 persons,星期六日及公眾假期(Weekend and Public Holiday) $308 for 2 persons另設加一服務費 🥢最底層：🟢抹茶英式鬆餅配抹茶忌廉 ~ 鬆餅質地鬆軟，配埋個抹茶忌廉😋 🥢中層：🟢酥炸大蝦配抹茶醬 ~🍤 蝦凍凍地， 抹茶醬可以再多啲啲🟢抹茶蟹肉醬全麥多士 ~ 🦀蟹肉味幾濃，多士乾身但唔夠鬆脆🟢焗三文魚配抹茶忌廉汁 ~ 🐟 三文魚味蓋過左抹茶味🟢抹茶芝士撻~ 🥧外皮曲奇味濃，但芝士味唔太出，不過配合🍅幾fresh🟢煎吞拿魚配抹茶冷麵 ~ 🍜湯底似蕎麥麵醬油，聞落有抹茶味，麵唔會太淋，面頭有啲紫菜木魚點綴，但吞拿魚有啲奇怪

見OpenRice 有8折優惠就試下，前菜真係唔多，大約得六，七款，有芝士，甜品都係六款，一坐底就叫左個主菜，牛面頰肉，同魚，就出去拎前菜，見有一半已經冇晒，要問先加，之後到主菜到，牛面頰好Un咬得好辛苦，魚就正正常常既，點知食到8成左右侍應一句問要唔要，我未答已經收左我碟同餐具走埋，真心無奈

甜點太甜，鹹點無味，都算係我食過咁多個tea set入面排得較後嘅一個。無論酒店menu定實際賣相其實呢set幽香抹茶下午茶都唔差，都的確係有幽香。個樣睇落幾好食，實際放入口嘅就一係甜到似砂糖，一係就鹹點一舊粉。個鬆餅係稍有抹茶味嘅一舊粉餅，算係叫入得口，抹茶布甸算唔錯，係千層酥叫稍為好食，其他點心同酒店等級仲差一啲距離。野飲其實都唔係咩特飲，都係mocha同latte，但都係好淡。食完成set，都已經甜到膩唔想再食晚飯。除咗環境，單睇食物嘅話就可一不可再。唯一開心少少係跟set有護膚品送，不過呢樣係其次，食物行先嘅我都係失望而回。

朋友帶我嚟呢間慶祝生日飯，我先知道原來將軍澳有間酒店入面，有一間咁靚嘅星幕餐廳❤️去當日係平日既夜晚，所以冇咩人，個環境超級舒服，估唔到將軍澳嘅鬧市當中，都有間咁靚可以望到將軍澳夜景嘅餐廳。不過去得酒店食，價錢都有返咁上下，主食都大約二百幾一個，都係中上價錢。食物方面，個柚子蜜汁雞翼好好食，一咬落去好有肉汁又入味，值得推介。另外兩個意粉，質素都好好食，好creamy。當晚由7點幾坐到10點，好舒服，如果想三五知己chill下。都值得推介👍🏼

開心的一天 服務員態度和藹親切 食物十分滿意 主菜用心精緻 仲有迷你蛋糕訊息 畀生日朋友 唯有美中不足嘅係一定要實體咭 我付applePay佢話冇 簡直晴天霹靂 不能電子付款 我冇 點算 攪到要朋友畀錢

本身買左九龍東皇冠假日酒店Staycation package, 住宿🏠連餐飲消費額💰酒店餐廳喺將軍澳地鐵站上蓋 好方便 所以試下位於47樓嘅⭐星幕餐廳🍰☕呢間餐廳需要早一個月左右book 因為都幾受歡迎同成日都full  同埋佢個Tea set 價錢親民💰 餐廳環境好好👍 樓底好高  service好 座位唔算好多 空間感足夠試咗💕法式浪漫下午茶，共$278 兩位用🍰再送每位1杯飲品 另收加一💚💙啲cake 係用Tiffany blue顏色為主 啱哂打卡🥰 個Tea set啲cake 味道偏甜  餐飲叫杯熱茶會更適合 每位贈送Eurobeaute體驗裝咁啱當日我係第一位客人訂枱 餐廳仲額外送多一份面膜加體驗裝添 聽朋友講呢個品牌護膚品都幾貴 最後食完tea後🍰☕ 出餐廳外面影下相打下卡 當日勁好天🌞⛅🌈環境都幾好 

個view 幾好，可以望哂成個將軍澳。有salad bar 同甜品bar，對於我依啲食唔多既人，食完都飽7成。salad bar 好新鮮，餐廳服務一流，上菜亦非常有秩序，等你食完前菜先詢問可否上餐湯，主菜。我在OpenRice按了慶祝週年紀念，在用餐完成後餐廳送我們一個火焰雪山蛋糕，非常驚喜。總括埋單300幾一個人，食到非常飽，酒店service，環境一流，性價比幾高。唯獨主菜質素僅屬中上程度，可能石燒牛扒味道更佳。

位於酒店頂樓47樓的星幕餐廳，一入門就覺得環境好開陽，坐位也舒服。餐前有自助沙律bar和甜品，種類需不多但該有的都有 味道也可以😌特別是芝士拼盤🧀主菜選擇了紅酒牛面頰和煎鱸魚，牛面頰好淋味道出色但鱸魚就比較乾，今次來剛到好是慶祝結婚周年紀念，餐廳特別送咗我哋一份甜品拼盤和祝福好開心。餐廳的服務人員全部都好有禮貌和主動加水收碟，是少有在將軍澳區有服務質素的餐廳，一定會回頭再來。