星幕

營業中

休息中

今天係同老婆2週年紀念日，擇左屋企附近既餐廳慶祝，食番餐好既一開始就出去睇下佢個沙律bar, 好多款芝士選擇，仲有好多沙律款式，甜品擇，小編擇左cheese同煙三文魚，煙三魚很新鮮同埋好多任你拎，讚讚之後主菜點了meat platter, 有羊架，雞，西冷牛扒同牛柳，全部煮得岩岩好，唔會熟過龍，值得一試。 我地仲叫左2杯酒， happy hour 買一送一， 大家可以黎試試最後是先同餐廳溝通準備了個甜品做慶祝週年紀念，係火焰雪糕，十分好吃 好岩影相紀念，讚讚

是日用小朋友生日做藉口,  兩公婆再大吃一頓.定了星幕, 選了個set dinner.環境, 服務也是超五星水平.      最欣賞自助沙律吧, 吧內每一樣食物都是有水平以上.可惜order 了石板燒,  本人厨藝0分, 加上燈光昏暗, 完成控制不到, 幾多成熟真的看運氣.不是對自己充滿信心的, 都是order厨房煮好的食物吧.... 

如果唔係有恒生信用卡優惠75折，我當晚選這家餐廳來作週年紀念一定非常後悔。員工大大聲談天説地，自助沙律吧很少選擇，自助甜品吧連雪糕也沒有。餐廳只有送我的週年紀念甜品和晚餐麵包我覺得很滿意，有特色.其他😔⋯⋯很一般。有酒店的高級裝修，環境舒適乾淨，但沒有感到被員工重視和感受到有禮貌親切的服務，下次我情願去同座酒店樓下2樓尚廚食buffet.這家餐廳去一次便夠了，原本看介紹對這家餐廳的甜品下午茶buffet也有興趣，現在？還是其他選擇吧！😅

Staycations 2今次staycations 有$1200 credit, 第一餐我哋就黎左「星幕」試吓佢嘅high tea，甜點和咸點各5款，每款各有兩件，的的式式，賣相就普普通通我哋首先食左中層嘅咸點，好抱歉當中是沒有一款值得一提的就算是他們推介嘅鳳尾蝦，凍凍的，炸粉油油的繼續食埋甜點，原來甜點比咸點出息好多五款入面都有三款可以一提玫瑰花茶荔枝奶凍，奶凍好滑有淡淡荔枝味。焙茶芝麻忌廉卷，望落去好似用麵包卷，食落原來是好鬆軟嘅忌廉卷。柑桔味嘅馬卡龍，唔會太甜，鬆鬆的口感。這三款是我當中覺得比效好食之選！位於47樓嘅「星幕」居高臨下，以價錢來講$258連兩杯飲品，可以一試！

Crowne Plaza Autumn Chill Out Staycation都幾抵，$1220+10%包一晚房間、二人早餐同埋$1200餐飲消費額，換句說話即係響佢哋度食$1200野就會送一晚房間同埋兩位早餐。Check in後就上左頂樓星幕食tea，星幕分室內及室外部分，由於下午4時太陽仲猛，我地選擇左室內食tea。茶中茶tea set以茶為主調入饌，咸甜點食各5款，賣相味道都一般，沒什麼驚喜。Quality control唔好，2杯奶凍份量相差大，觀感實在唔好。室內地方因要預備晚餐，5點要還台，所以我們移師室外。香港一年大概只有4個月在戶外能感覺舒適，10月尾正正是個好日子。串燒味道不錯，是happy hour佐酒小食好選擇。環境唔錯，以酒店餐廳來講味道及服務則有待改善。

佢係pop corn酒店樓上係呢到食過3次野了，呢到的pizza一流!!!!!!salami pizza呢到d pizza，芝士超多，好味到飛起d 芝士可以拉到勁長，好好好好味我覺得自己可以食一個 呢個肉眼排都非常唔錯，好嫩出面個自助salad bar都好有誠意，好多野揀，鵝肝都非常唔錯又多甜品同水果之類個日爸爸生日，仲有蛋糕仔送其實個salad bar的三文魚真係唔錯, 加錢就狂出去夾salad都算抵因為呢到個沙律吧係算多野揀其他野水準正常, pizza最好食韓牛麻麻

難得平日放假，同老公去咗將軍澳皇冠假日酒店樓上43樓星幕食下午茶，由於係平日嘅關係， 所以我只係預早15minutes 喺OpenRice度book位。上到去唔駛等直接可以入去，環境好舒服唔算太多人。我哋叫咗個下午茶，好抵食， 經OpenRice book位仲有八五折。另外我哋另外加錢叫咗一杯白酒，而下午茶呢個set 本身都有跟兩杯嘢飲。講返個T set，佢嘅味道主要都係有橙味, 檸檬味, 西柚味， 好清甜, 好light, 唔會好溜, 亦都唔太甜。性價比來講我覺得好抵食，加上你可以坐得耐， 喺將軍澳來講有一個咁pleasant 嘅地方同朋友食下野嘆吓下午茶性價比絕對係好高。

食物質素很不錯，自助Bar種類多，甜品細細件，各款式都很美味，唯一不足的是餐飲質素非常一般，最基本的熱咖啡的味道不吸引，如果能夠轉換咖啡的品牌就更出色了，反映！反映！

見個afternoon tea set 平平地...又見佢47 樓咁高 應該有靚景睇下...酒店係正地鐵站旁 十分方便可能疫情關係 無咩人 幾好 坐得好闊落用信用卡再有折... 一個set for two hkd219.3咁一分錢一分貨啦～ 樣都ok 既所有餅底既野食都有種 ...林林地 放左一段時間既感覺野食講真就麻麻... 叫左杯latte ... 但有d 野食唔知出水定點....見到個板濕濕地...如果改善下會更好

食物認真普通 不過$2xx /2個人就唔可以期望太高兩人點一個afternoon tea唔會飽佢個set令人有點⋯⋯唔知由邊到開始同結束嘅感覺🙄整體咸點唔夠我地呢個時間點多左個pasta散叫要$2xx佢本身都有啲下午茶但一份雞翼咁都要$18x 所以發現了唔係食呢個set的話其他野都唔係好抵好笑係我地唔夠飽 問waiter有咩推介佢建議我地揀lunch set然後當我地揀好左之後佢又同我講當時（3:30）已過左lunch set提供嘅時間（-2:00）well...佢仲要冇咩歉意有啲搞笑 😅冇咩服務可言不過勝在幾夠光幾好坐 如果想約人傾野 這地方還是不錯的

疫情下好多酒店都做特價，今次揀咗呢度係因為抵食，如果平日來有恒生信用卡仲抵75折。不過上班一族又點會平日食到星期六同姊妹去下午茶，由3點坐到6點，埋單只係$300左右。食物不過不失，味道普通，但每人$150坐足3個鐘環境企理，服務ok

其實嚟過幾次，住將軍澳區，揀呢間食，感覺high class但唔算貴，質素有保証，同埋景觀好正本身book左7點，早左到6點入座，原來6:30先開始，不過早到就霸左個窗邊位坐6點出邊有人拎嘢食。。問職員，原來佢地係住係酒店的住客，佢地係6點開始可以享用晚餐，同我地walk in不同星幕呢間餐廳，透明度好高，上官網可找到menu，社交平台專頁都好快有人回覆同埋知道有什麼優惠跟餐有一杯葡萄汽酒，紅酒或白酒我同老公揀左葡萄汽酒餐包送到，賣相好似Outback個黑糖包，但食落就差好遠出去夾嘢食，芝士好多款又好味沙律仲更加多選擇，可以自己加添醬汁和配料Prama Ham配哈密瓜，都好味，但轉個頭，Prama Ham會俾人夾晒得返啲哈密瓜見職員都refill左幾次南瓜湯來喇我覺得煮得差左，淡口味左，上次來飲係好好味，飲完唔夠喉，今次就。。。。主菜叫了Pizza，啱大人小朋友食（因小朋友痕可以加錢享用salad bar但無主菜，所以我地叫pizza諗住容易分享）牛柳併牛油薯仔都幾大塊，啖啖肉，邊位燒得好香脆，但要快食，好快凍職員俾左4款鹽我地點牛柳食，提升牛柳嘅鮮味最後梗係甜品和生果唔好睇咁少款，每

今次食呢間係酒店47樓既西餐～..餐廳名係cielo ☁️ 其實係西班牙文既sky 但係openrice同上網介紹話係美國菜😆 有d莫名其妙咁高層就梗係以為係打卡地方📸 但係當日天氣麻麻好大霧 同埋附近景色一般 都係住宅多😂 不過環境闊落坐得舒服～lunch set ($238 +10%)main dish揀左rib-eye steak🥩 所以先要$238 叫魚/risotto 既就$208 only~ 但係肉眼排既肉質都幾普通🤔 同埋側邊幾大舊肥膏😅 肉邊又烤焦左👎🏻 都幾唔掂👎🏻 個set正正常常有頭盤沙律🥗 餐湯 主菜 甜品同飲品☕ 食完發現最正係個頭盤沙律🥗 有parma ham 又有smoked salmon幾好食🤣🤣 餐湯冇乜味 甜品一般～ ..Openrice Book定係有全單八折 係幾平 但結論係冇下次 對我黎講位置太遠 唔值得😂

之前黎過飲野、今日上黎慶舊曆生日！上網沒有太多呢排嘅推廣、唯有盲摸摸上去試.上到去有5/6枱客、唔算靜！因為帶住阿仔、阿仔只吃白汁類意粉、咁啱午市套餐無、就即管問下alc有無、侍應很有耐性問准廚房可以煮carbonara、仲第一時間落單、抵讚！四個大人再吃左三個套餐、價位200中到200尾唔算平！先黎頭盤妅抵食夾大件、唔記得影相但parma ham加煙三文魚加生果真心大件、味道亦尚可！再黎今日餐湯黑蒜薯蓉湯是心機作！主菜上場、牛肋骨嘅汁略帶過酸但牛肉很嫩、有水準！雞扒也是新鮮雞味與也可！甜品有芝士餅加芒果千層酥加生果...你無睇錯係三款...食完仲有咖啡或茶未講完其實仲有面包（但略嫌唔熱唔跪）、仲奉送餐前酒或橙汁！一個午餐食6款野...呢個價錢合理的.唔嫌熱可坐戶外、景觀一流睇晒成個將軍澳!留意星期六日沒有信用卡優惠、有就會比多粒星

《星幕》一向都係行平民價下午茶之選，來呢倒一般係食個景。因為餐廳係位於酒店47樓，係將軍澳區內最佳酒店餐廳。佢有室內同室外景，室內窗邊位遠望區內不同樓景。室外就可以遠眺海景，晚上🌃就最為吸晴。🤩🤩今次係朱古力🍫主題下午茶☕️，四款咸食味道不俗，如果下次可以一半咸食一半甜食就更好。雖然我都鍾意食朱古力，但六款實在有啲多。😅😅最後個朱古力蛋糕杯要外賣🥡最後整體而言，感覺不錯，都係會再來嘅，因為又近又方便。😂😂