星幕

週日嘅下午約咗朋友，最鍾意就係搵個地方大家坐低傾計，今次就同朋友去到位於將軍澳酒店入面嘅星幕，最近有一個和風白朱古力蜜語下午茶系列，賣相吸引。餐廳本身位於酒店47樓，擁有開揚嘅景觀，遠眺仲可以見到海景，真係好chill！明太子玉子蛋三文治三文魚子忌廉芝士撻酥炸廣島蠔及黑魚子配日式蛋黃醬日式磯煮鮑魚配松葉蟹膏醬北海道刺身帶子配青森蘋果蜜糖啫喱下午茶有分鹹點同埋甜點，鹹點就有以上五款，令人印象深刻嘅有酥炸廣島蠔及黑魚子配日式蛋黃醬，炸得香口酥脆，值得一試。另外北海道刺身帶子配青森蘋果蜜糖啫喱好特別，蘋果蜜糖啫喱加上新鮮嘅刺身帶子，係一個有趣又清爽嘅配搭～柚子鬆餅配蜜糖柚子及濃縮奶油日本蜜柑白朱古力蛋卷青森蘋果批北海道白朱古力芝士蛋糕迷你日式鬆餅配白朱古力忌廉日本哈密瓜白朱古力千層酥甜點就有另外六款，整體造型都幾吸引，而味道都唔錯，比如日本蜜柑白朱古力蛋捲以及哈密瓜白朱古力千層酥加入水果，口感相對清新一些。柚子鬆餅配蜜糖柚子及濃縮奶油又係另一個令人眼目一新嘅甜點，清新嘅蜜糖柚子醬加上杰身嘅濃縮奶油，奶味重之餘亦不失甜蜜。另外一啲用上白朱古力主題嘅甜品香濃美味，正好藉着afternoon tea 既時間慢慢品嚐～LattePeach & Passion Fruit Tea…查看更多

難得阿姐請食飯，同我哋去《香港九龍東皇冠假日酒店》嘅《星幕》食半自助午餐。餐廳位於酒店嘅47樓，盡覽將軍澳區內嘅景觀。《星幕》半自助午餐嘅供應時間為中午12時至下午2時30分，正價為$258(另加一服務費)，而家响官方網站上買電子券，星期一至五有8折優惠，而星期六及日則享有85折優惠，以上嘅優惠均會另收原價計算嘅10%服務費。唔知係咪有優惠，加上價錢都合理，估唔到平日都可以座無虛席，認真誇張。自助區有多款沙律菜、芝士、煙三文魚、麵包、甜品，生果等選擇，款式雖然望落唔係話太多，但一定夠食，而且唔係一啲下欄嘢。主菜方面，佢哋每星期都有唔同嘅菜單，呢個星期我哋係食菜單C，我揀咗《炭燒美國豬扒配黑松露薯蓉、意式焗茄子、百里香汁》，餐湯係《甘筍忌廉湯》。《甘筍忌廉湯》一直都對甘筍嘅嘢都麻麻地，但佢呢度嘅甘筍忌廉湯一改我對甘筍嘅印象。佢的確係用甘筍攪拌成蓉，再加忌廉製成呢個湯。質感好厚實，而且個湯係清甜，亦帶有甘筍嘅香氣，而唔係一向食開嘅青臭味，呢個湯帶比我驚喜。《炭燒美國豬扒配黑松露薯蓉、意式焗茄子、百里香汁》望落個份量唔算話好多，豬扒肉質鮮嫩，肉汁亦鎖得好好，入口啲肉汁非常豐富，豬味濃郁，亦冇冷藏嘅豬臭味。茄子亦係呢度菜嘅亮點，我最討厭係食茄子，但佢焗到個茄子係爽脆，加上茄汁同芝士，完全唔覺得自己係食緊茄子，雖然都係對茄子厭惡，但至少佢呢個做法，可以令我食哂佢。最後又去自助區攞甜品，最好食係《芒果布丁》同《芒果千層酥》，《芒果布丁》我食咗兩個，如果夠凍嘅話仲正。第三位好食嘅係Tiramisu，佢整得好挺身，唔會一pat嘢咁，同埋唔太甜，絕對適合香港人「唔太甜，啱啱好」嘅口味。$200幾蚊有咁多嘢食，我覺得係值得，就算係慶祝生日、farewell、welcome lunch等一啲都唔會覺得寒酸。相信呢度係我食過最好嘅半自助午餐。…查看更多

夏天最正就係留在冷氣地方食個afternoon tea🤭 今次約咗🐧🐧 buddy 黎到將軍澳依間靚靚酒店，食個好靚又豐富嘅下午茶架😆 餐廳位於酒店頂樓，能俯瞰靚靚城景❤️ 感覺心曠神怡🥰 鐘意陽光嘅朋友可以㨂室外座，享受下日光浴🤣 今次試咗夏日芒香果漾下午茶✅ 三層下午茶架一共有十一款精選鹹甜點，造型靚味道正👍 鐘意打卡影相嘅朋友必叫😚 鹹點有芒果蟹肉忌廉三文治、芒果忌廉芝士酥皮巢、香脆炸雞配印度芒果醬、煙三文魚芒果花之戀、脆炸雲吞配芒果熱情果莎莎、芒果乾果英式鬆餅面芒果果醬及濃縮奶油❤️ 全部新鮮製起，炸物香口脆卜卜，芒果鮮甜可口✅ 甜點有芒果熱情果意大利芝士杯、芒果熱情果芝士凍餅、熱情果果撻配芒果燕窩、芒果千層酥配熱情果果醬、芒果熱情果忌廉泡芙❤️ 甜品賣相精緻悅目，入口甜而不膩，芒果清新酸甜嘅滋味出眾，令人回味無窮👍 跟下午茶架還可自選兩款餐飲👍 茶飲配甜點真心好chill🥰 …查看更多

位於九龍東皇冠假日酒店高層嘅🌟星幕🌟，外望漂亮嘅景色⛰️，露台位置仲有海景🌃，都真係幾Chill🥰！餐廳嘅🫖下午茶時段勁旺場🔥，大家都係Order以🥭芒果為主題嘅🌟夏日芒香果漾下午茶🌟，Weekend都只係$188/位，包埋飲品，閒日會再平多$20，性價比頗高👍🏻！🌟夏日芒香果漾下午茶 Weekend $188/位包含5款甜點、5款鹹點、鬆餅及餐飲，份量豐富，當Late Lunch都好OK！🍰甜點芒果熱情果意大利芝士杯 - 軟綿之中又有餅乾嘅脆脆口感！芒果熱情果芝士凍餅 - 口感綿滑，甜度啱啱好！熱情果果撻配芒果燕窩 - 撻皮香脆，芒果配燕窩都幾香甜！芒果千層酥配熱情果果醬 - 既酥脆，又有熱情果同芒果嘅果香！芒果熱情果忌廉泡芙 - 賣相可愛嘅泡芙！🥪鹹點芒果蟹肉忌廉三文治 - 勁多餡，一咬就咇晒嘅蟹肉忌廉出嚟！芒果忌廉芝士酥皮巢 - 一口Size嘅酥皮巢，酥脆美味！香脆炸雞配印度芒果醬 - 係西檸雞嘅芒果版本，勁夾！煙三文魚芒果花之戀 - 以煙三文魚卷住芒果粒粒，既有油香又有果甜！脆炸雲吞配芒果熱情果莎莎 - 炸雲吞皮好脆，入面嘅蝦肉好彈牙！🥯英式鬆餅英式鬆餅內含芒果乾果，配搭芒果果醬及濃縮奶油！☕餐飲 - Iced Latte…查看更多

位於酒店47樓的星幕，依家做緊「和風白朱古力蜜語下午茶」6折優惠，每位$100起就可以望住靚景嘆Tea Set❗️三層架下午茶鹹點明太子玉子蛋三文治三文魚子忌廉芝士撻酥炸廣島蠔及黑魚子配日式蛋黃醬日式磯煮鮑魚配松葉蟹膏醬北海道刺身帶子配青森蘋果蜜糖啫喱個人最鐘意炸廣島蠔同磯煮鮑魚，口感爽彈！甜點柚子鬆餅配蜜糖柚子及濃縮奶油日本蜜柑白朱古力蛋卷青森蘋果批北海道白朱古力芝士蛋糕迷你日式鬆餅配白朱古力忌廉日本哈密瓜白朱古力千層酥甜點造型吸引，其中青森蘋果批同千層酥好香脆，其他白朱古力甜品都唔會死甜，食晒都唔覺漏～原價$168起，6折後大約$100/每位https://short.storellet.com/cielo10…查看更多