明記甜品 (已結業)

位於銅鑼灣的明記甜品，是一間中式甜品。今天和媽媽吃完串燒晩餐後，其實已經飽到不行，我們還是走去吃甜品。楊枝甘露$36水果之中，最愛吃芒果和香蕉。明記推出一系列芒果甜品，深得我歡心。楊枝金露超級足料，芒果汁稠密得令人開心。想不到銅鑼灣的甜品，價錢不貴，更非常足料。芒果香甜，充滿果香，但柚子略少。由於沒有西米露，換成蘭香子，首次吃蘭香子，原來是極飽肚的食物，吃光後差點動彈不能。除此之外，明記更推出榴蓮系列，愛榴蓮的媽媽因生病沒吃，下次我再你來吧。

食完晚飯後，好想食窩夫，見到明記有得食，就諗住試下。其實睇餐牌個樣都正正常常，不過不失甘，一試味就....個綠茶味好苦，無綠茶味，唔夠香。有的焗過頭....成個雪糕筒好一般，又係無咩味....維記好食過佢> <地方環境逼不介意，但唔好食係重點。(喊) 可能食番普通野會好的。

在銅鑼灣吃完晚飯，樓下有兩間糖水舖，排聰嫂的人龍很長，長到令我誤以為輪米明記相對少人排隊，就明記吧排了5-10分鐘左右，店內很細，只能容納數至十檯客，所以要排隊也很正常。明記應該是走年輕路線的，店員都很年輕，開放式廚房看到的都是年輕廚師，反而覺得這樣少了一份媽媽的糖水味道甜品選擇不及聰嫂多，價錢亦較貴，點了一客綠豆沙和法式綠豆沙朋友說不錯其實間間糖水舖的水準差不多，我比較喜歡少甜和多選擇的糖水店，如果明記在製作甜品上更花點心思，一定可以做得更好！

常言道女人擁有兩個胃一個是正餐用，而另一個用來盛載甜品。三號風球晚上吃得飽飽的，九點半左右到甜品店，門外已有不少人在等候，對面的*嫂甜品也有長長的人龍。本來還怕要等很久，最後等了十分鐘已可入座。看門口報導說是90後情侶與原店主合作，轉營新式甜品。看來店子細細，但裝修簡約感覺也不錯。鋪位不大，位處銅鑼灣旺區地段，座位較迫似乎是這區甜品店的特色。而甜品款式甚多，可謂花多眼亂，最後點了芒果蛋白和招牌芒果小丸子。可能因為打風前夕，小丸子賣光了，要轉芋圓。芒果蛋白五分鐘左右已有得食上表面鋪滿芒果汁爆珠、芒果肉和透明珠珠。芒果汁很濃，果肉很甜，透明珠珠無味但很有咬口。蛋白布甸很滑溜，濃濃的芒果汁蓋過蛋白味，但仔細嘗嘗蛋白味頗濃。等多十分鐘左右，芋圓終於煮好了這份招牌芒果小丸子也有濃濃芒果汁和果肉，只是裡面的芒果雪糕味道不太吸引，較似小時候吃的人造芒果味雪糕，如果轉為雪葩應該更吸引！而等待期間朋友發現天花有白色粉狀剝落，吃甜品時也要小心啊！價格合理，只是環境有待改善。

今晚6點幾，用團購券買甜品，原先分別買6碗不同既甜品，有綠豆沙，楊枝甘露，芒果豆腐花，芒果西米露，鮮芒果布甸，榴槤西米露，(((((以上6款甜品無4款)))))，👎🏻這間稱得上是甜品店嗎？？👎🏻他解釋，豆腐花，西米露，楊枝甘露未送到店內，所以未有供應，要夜啲再黎過，真滴汗，其中一碗榴槤蛋白，返到屋企，已經變咗有怪味，亦致電甜品店詢問，真的很希望甜品店關注一下以上問題，希望日後有待改善！！！！

今日放咗工想食甜點 所以決定外賣甜品回家同家人一齊分享。我選擇了明記：在times square 後面的一條街中 地點都算方便。佢話開下午3點，點知去到又未全開門，所以行咗一陣才去。之後3:30左右再去，見開咗燈同有人在裡面，咪試下問一下，佢話可以叫。地方唔係好大，服務人員都唔多，只有2人。（之後回來了2個）我叫了熱紅豆沙（因為話無綠豆）；榴槤西米露：榴槤pancake.等咗有15分鐘，其間有兩班客人（家庭性）進來，服務生才放椅及枱，覺得不是很勤快，也不是很親切。（可能全是男生的關係吧）食物：pancake:皮薄、內有cream 同榴槤，都唔錯，榴槤幾香！😋👌🏻榴槤西米露：幾大的榴槤👍🏻，口感好；西米露彈牙，唔會太水，甜度適中，喜歡這甜品熱紅豆沙：我無食過，不過紅豆都幾多，有果皮

朱古力窩夫好抵吃! 超級豐富，有兩個雪糕球，窩夫，珍珠和芒果 ! (因為當天因為材料不足的關係改給了我們芒果)。雪糕的朱古力超濃郁，而且有點黑朱古力的微苦，令味道不單一有層次感，不錯! 窩夫好大份好厚身，朱古力味也很重。什果西米露西米露有很香的椰汁味! 水果也很豐富，有西瓜，蜜瓜 ，哈蜜瓜，芒果和火龍果。要讚的是每樣水果也很新鮮，特別是芒果，不但甜，還又大塊又滑。招牌芒果蛋白和香芒小丸子蛋白的口感像布丁，不會太重蛋味。芒果好甜好滑! 芒果雪芭好正! 口感好幼滑，而且入口即溶，冰涼透心，夏日消暑之選 ! 芋圓也好煙韌。要再讚多次：這裡的水果也很新鮮，特別是芒果，超甜，一點也不酸。朋友們也很滿意今天的芒果甜品 ! 只是地方比較淺窄。><" 

食飽飯吃甜品是女生既指定動作喇！食完飯，係附近搵左宜間甜品店食個糖水，繼續傾傾傾。女生就是有傾不完既話題唷！宜碗香芒小丸子勁大碗，真係超級好抵食！小丸子好大粒，口感夠煙靭，同朋友都非常中意！芒果新鮮香甜，估唔到芒果肉咁多同咁大粒架！芒果汁加左冰，入口透心涼呢！再加埋芒果雪糕，宜碗糖水實左太豐富喇！抹茶窩夫有半份同全份既份量選擇...我地就揀左全份一齊分享，全份份量真係好多呢！足足有四塊窩夫和兩球抹茶雪糕，再配上圓潤香甜既紅豆&綠茶啫喱，真係係得輸呀！雪糕抹茶味唔會太甜，夾上抹茶窩夫一齊食，濃濃既抹茶味係口腔爆發呢！

宜家已經踏入盛夏，日日都持續三十幾度高溫，人都熱到冇咩胃口，所以會想食番d凍野或者甜品黎調劑下。講起甜品，除左d新冒起既小店之外，又點少得d老字號呢，如果要數老字號，明記就一定榜上有名啦，佢已經係西灣河有成二十幾年，最近仲係銅鑼灣耀華街開左分店tim。係time square後面，地點易搵。分店店鋪比較的式，裝修亦都較為簡約。Menu呢度除左有中式糖水，仲有好多有創意既西式甜品，夾埋有成80幾款甜品任你揀至尊香蕉船$48呢個香蕉船賣相靚，有成三個雪糕球，加埋新鮮香蕉，配埋棉花糖同爆珠，口感一流，仲可以消暑tim香芒小丸子$48呢碗香芒小丸子勁大碗好抵食，香甜芒果汁底，配新鮮大粒既芒果肉，加埋煙韌小丸子，perfect朱古力梳乎厘$48呢個梳乎厘即叫即焗，大概等15分鐘，入口鬆軟，好似入口即溶咁，食風一樣，而且朱古力味濃郁榴槤小丸子$52至於呢個榴槤小丸子，size同香芒小丸子一樣咁大碗抵食，香濃既榴槤冰底加榴槤肉，鍾意食榴槤既朋友唔可以錯過，再加埋d煙韌小丸子

原來在明記吃甜品係不可以坐超過半個鐘的！侍應態度惡劣！昨晚約9點半到CWB 明記甜品門外等了約二十分鐘才有位， 3⃣️個人坐在一張30cmx30cm的枱(天花板滴水），叫了香蕉船及合桃糊, 吃了一半想叫芒果糯米慈－沒有，芒果布丁又無。吃完合桃糊想叫芒果pancake, 侍應要我們拎走食！話出面有人等位！喂！我們三個人都在外面等左二十分鐘先入來. 這樣趕客.....太過份！！！！有折扣都不會再光顧。XXXXXX差差差差.......食完再叫嘢食係唔可以的！

踏入8月，天氣好似一日比一日熱咁，熱到我都無咩胃口食野，今日好晏先食完LUNCH，去到夜晚都唔肚餓，所以我地就決定食冰涼甜品做我地的晚餐大約8點鐘黎到明記，呢個時間食甜品仲有一個好處，就係一定唔洗排隊，但原來都有唔少人同我諗法一樣，我地坐底左唔係好耐，都逐漸有唔少人入黎食野雖然炎炎夏日令人有點辛苦，但凡事有失就必有得，夏天係好多生果當造的季節，明記有唔少甜品係生果入饌，其中芒果同榴槤又時令又最吸引我香芒小丸子 ($48)芒果果然係時令，又香又甜，整個甜品都被新鮮芒果汁浸住，再加上大量粒粒新鮮芒果同小丸子，小丸子煮得夠時間，煙韌控最愛，整個甜品芒味十足榴槤蛋白 ($48)榴槤唔係個個都鐘意食，大家對佢的睇法都係好極端，一係就超鐘意佢陣味，一係就覺得勁臭接受唔到，如果你係一個榴槤控，就一定唔可以錯過呢度D榴槤甜品，整個基底都係由新鮮榴槤打，面頭有份量不少的榴槤肉，下面盛有蛋白，仲有爆珠，其中一款爆珠係益力多味，榴槤加益力多呢個組合好新穎，出來的效果都不錯

同朋友打完個麻辣火鍋 去耀華街食下甜品 呢間係西灣河岀名嘅甜品舖開到黎銅鑼灣 依然人山人海 排左一陣先入到去食我地五個人叫左五樣甜品 因為榴槤控太多 所以叫左兩款榴槤😂烤綿花糖燉蛋 $24見到係招牌 所以嗌黎試下先 樣貌就...咳 但正所謂人不可貌相 野食都不可貌相 綿花糖烤到每一粒都外脆內軟 外面有少焦香味 而燉蛋都好香蛋嘅味道！抹茶心太軟配雪糕 $60見到抹茶我又忍唔住嗌左 抹茶心太軟 將一般既朱古力變哂做抹茶 切開流岀濃濃嘅抹茶醬🍵 心太軟入口尚算鬆軟 配合埋抹茶醬就夠哂濃 紅豆隔離啲抹茶cream仲有抹茶嘅甘香味 加埋雪糕一冷一熱都係一個特別嘅食法🙆🏻‍♂️榴槤蛋白 $48有一大舊榴槤 西米 爆珠 下面暗藏蛋白 仲有濃烈嘅榴槤糖水 係非常非常香榴槤味 果舊榴槤都值會票價 爆珠酸酸地嘅乳酪味加埋榴槤都幾夾 蛋白更可以增加口感我地仲叫左榴槤甘露($46)同芒果涼粉($38) 榴槤甘露keep住都係咁香榴槤味 芒果涼粉不過不失啦 大家係銅鑼灣食完晚餐都可以諗下過黎食糖水💁🏻‍♂️

甜品是用第二個胃來消化是常識吧飯後就來到了充滿回憶的明記甜品尤記得兒時在天后店吃著木糠布甸那獨特的口感仍記憶尤新如今的明記甜品已改走摩登風格楊枝甘露是香港甜品界的不滅神話明記的確做得相當不錯香甜的芒果汁配上芒果肉有椰汁西米作基底西柚絲微酸作點綴一碗完美的楊枝甘露就是這樣你的芒果撈珠賣相也相當精緻四款不同的珠聚首一堂喜歡有咬口東西的朋友必點明記的功夫不用置疑用木盤盛載著更多了一份高雅在銅鑼灣晚膳完不妨來甜一下

食完晚餐就去食糖水，次次去親銅鑼灣食糖水都會食聰嫂，今次轉一轉去對面食明記，據知明記都多分店架！我地三個女仔比左個角落頭位比我地，岩岩好方便傾計。叫左楊枝甘露、烤棉花糖焦糖燉蛋同鮮什果涼粉。本身想叫芒果凍餅架，點知10點幾就賣晒。先上嘅係楊枝甘露。佢用椰奶代替花奶，撈埋啲芒果汁就好香。啲芒果又當做，所以勁甜。我最鍾意好熟嘅芒果做楊枝甘露，入口會又少少溶化，仲好夠果香。焦糖燉蛋上嘅棉花糖經燒過之後甜咗。好彩係食楊枝甘露先，否則楊枝甘露就會比棉花糖搶晒啲味喇。棉花糖係暖嘅，而下面嘅燉蛋就凍，覺得兩件事有少少分離。燉蛋部份朋友食出有少少香蕉味添。什果涼粉，一定要多多花奶，一開始唔夠花奶，要叫人再加！好耐無食過涼粉，大熱天時真係要食涼粉消消暑！鮮果裝到滿滿，而且好甜又多汁。我地食下傾下，先發現佢無好似其他糖水舖咁未食晒就問仲食唔食。睇下個錶，原來成個鐘了，即刻埋單走人。

銅鑼灣明記甜品係西灣河老店嘅分店,雖然同大部份港式甜品店一樣,檯同檯之間分佈得比較近,但個裝修都幾光潔企理.原本想食芒果系列入面嘅香芒小丸子,不過最後都係試咗其他甜品.招牌芒果凍餅即係冰凍版木糠布甸,上面鋪咗芒果粒同芒果汁,凍餅中夾住大大粒芒果肉,食落冰感重.抹茶心太軟配雪糕,賣相OK.切開心太軟之後,中間嘅流心度唔係好強,但都唔錯.外皮有少少脆口,入面抹茶味濃甜,旁邊仲有抹茶醬,抹茶雪糕同原粒紅豆蓉,幾有咬口.