明記甜品 (已結業)

週五晚上, 和朋友相約來到銅鑼灣吃甜品... # 烤棉花糖焦糖燉蛋 ($42)呢個棉花糖焦糖燉蛋個賣相好靚面層係燒脆左嘅迷你棉花糖，烤到咁金黃色，外脆內軟，食落好有BBQ棉花糖嘅感覺。下層的燉蛋就好似雞蛋布丁咁，都幾香滑，但佢既質感比起食慣的Cream Brûlée實了一點點  # 抹茶窩夫 ($68)呢個窩夫賣相好靚，睇個樣已經好吸引兩位好朋友最愛就是 Matcha , 所以就說要點了一份窩夫 (餐廳有提供半份窩夫 可以點的喔!)綠茶控會非常喜歡吧!!! 成碟野都係抹茶 - 抹茶味嘅雪糕，夠抹茶味，不甘不苦；雪糕上面倒插反轉再反轉嘅雪糕筒，這麼漂亮的造型 絕對惹人喜歡；抹茶味嘅窩夫，窩夫咬落外面微脆，裏面好鬆軟，帶有蛋香，味道不錯；旁邊還有紅豆粒喔，大大粒，味道香甜，同抹茶好配!  我好喜歡芒果，所以決意點 # 香芒小丸子 ($48)成碗淋上了金黃香甜的芒果醬汁，睇落好誘人喔!  真係勁多芒果粒，芒果肉大大粒，吃起來味道香甜；小丸子口感煙靭，有咬口；芒果味雪糕就唔算濃郁，質感似雪芭多d；我覺得好食 整體而言，呢間甜品d配搭都幾有新意、幾特別，睇得出係賣相、味道方面都花咗心思。值得一讚

相約朋友在銅鑼灣吃飯，因為晚餐沒有吃得很飽，所以我們再去吃甜品！之前有留意到明記甜品在時代廣場附近重開，我們決定去試下！店舖不大，有機會要等位啊，不過我們當晚時間尚早，幸好還有位！店員招呼親切！甜品的款式都挺多呢！單是芒果系列都有一整頁！身為窩夫控的小妹選了抹茶窩夫，有一份或者半份可以選，我選了半份，因為胃有點貪心，想試多2款！窩夫是即時製作的，很吸引的樣子！除了抹茶窩夫，還有抹茶啫喱，紅豆，抹茶雪糕和抹茶醬！窩夫外脆內軟，抹茶味適中，如果紅豆變成紅豆蓉會更perfect！我特別喜歡那些抹茶啫喱，qq的，口感很好！朋友就點了烤棉花糖焦糖燉蛋，很可愛的樣子，女生看到都會喜歡！平時cream brulee上的脆焦糖被烤棉花糖取代了！也是脆脆的！燉蛋甜度合適，不錯啊！我們這晚真的很放肆，還點多了一份心太軟，暖哄哄的心太軟伴著香草雪糕一起吃，配搭真是天衣無縫！

收工去食甜品, 已經是全日返工的唯一動力....公司附近開了明記甜品新分店, 在網上見到上圖的窩夫就被深深吸引住!!窩夫多數用CREAM, 但這個窩夫一反傳統, 用上芒果漿, 芒果粒和珍珠。見到珍珠覺得很特別, 配合鬆軟窩夫, 香甜芒果, 十分好吃!! 份量都幾大的, 有兩個雪糕, 跟同事二人合力才吃得完!!再叫了個焦糖燉蛋, 賣相非常有趣, 烤過的棉花糖很像菇菇!!半熔的棉花糖加上燉蛋, 感覺有點甜, 可能我不太好甜吧。店內以白色作主調, 清新風格, 一改舊式甜品店的格局,主要賣西式甜品, 中式糖水就比較少, 如果想吃傳統的, 這間就未必適合了。看餐牌其他甜品賣相不錯, 有機會會再去試試呢。明記甜品銅鑼灣耀華街12號地舖

位於銅鑼灣的明記甜品Ming Kee Dessert，是一間新甜品店。今天和吃貨朋友吃完沾麵，覺得不太滿足，走到耀華街吃甜品榴蓮河粉西米露$54朋友點的榴蓮甜品，好臭呢。我和另一位好友也忍不住握著鼻子。招牌芒果凍餅$44一客四大件的芒果凍餅，佈滿芒果汁，好吸引呢。芒果醬色澤鮮黃，濃稠鮮甜，好好吃呢。凍餅共四大磚，雪得太久，有點沙沙的感覺，但味道也不錯。鮮什果西米露$40沒有說謊話，這還是我頭一次吃椰汁西米露，我好像鄉下出城呢。什果甜品有芒果，西瓜，蜜瓜，火龍果，配有珍珠和西米露。椰汁加入煉奶，甜蜜蜜更好吃。可惜什果不夠鮮甜，勝在西米露份量十足，很飽哦。

今日收夜，10:30同3個同事一齊去食甜品。見呢間新開，又開正聰嫂對面，即管去試吓。入面唔係好大，但坐得唔迫。之前同事喺西灣河食過，係咁同我講好好食，可能對佢有期望，結果有少少失望。事後同事同我講原來係佢嘅芒果系列好好食，但今晚只有一個同事叫咗芒果甜品，其他3個都係叫榴槤系列的。榴槤河粉西迷露 $54河粉好香椰汁味，入口幾滑，榴槤西米露就有淡淡的香味。榴槤小丸子 $54小丸子夠煙靭，榴槤蓉就好香榴槤味，榴槤雪糕味道就唔算濃。榴槤撈珠 $50有好多珠珠，但益力多味嘅爆珠同榴槤唔係太夾，食落有d怪怪的。其他口感就好豐富。香芒小丸子 (加芒果粒) $48 + $8同事好鍾意芒果，加埋芒果粒，真係勁多芒果，芒果唔酸，賣相好靚。芒果雪糕質感似雪芭，同事話好食，同事今次叫咗侍應加椰奶，食落特別滑同香。芒果班㦸 $32芒果份量多，cream 就唔會太多，食完好滿足。

晚晚見耀華街聰嫂甜品排晒長龍，其實又唔係真係咁好食，羊群心理？見對面新開明記有位，咪去試試囉！其實入到去個環境幾光鮮，侍應夠後生，服務態度好，餐牌設計靚，都幾多嘢食，有中有西。聽講呢度芒果來貨靚，但因為頭先晚飯食太多，所以清清地食個雞蛋腐竹糖水算。好多糖水店個底係冇料，但呢碗一食就知好足料，腐竹白果質素高，配搭有口感！估唔到中式甜品都有驚喜！下次要來食下西式嘢先！（後來睇返報紙介紹，先知係西灣河著名甜品店明記分店，怪唔得中西甜品都受歡迎啦！）

其實佢係乜嫂對面，因為乜嫂要排半個鐘有多，我啲朋友話食過對面明記其實品質都差不多, 咁就一於試吓。門口站着美少女為我們介紹必食推介，各式窩夫，香芒小丸子同埋棉花糖燉蛋。我最愛就是 matcha , 所以二話不說就點了一份抹茶窩夫 $68，唯一美中不足係雪糕筒冇貨，但都無阻我食抹茶嘅雅興就咁睇個賣相已經好吸引，我估係自家製嘅雪糕，抹茶味道非常濃郁，濃厚的茶味突出對於窩夫我是百吃不厭的，窩夫本身就帶着濃濃的蛋香。外面焗得超香脆，而咬落裏面好鬆軟。還有旁邊的紅豆，味道香甜又清新今天晚上抹茶紅豆特別配襯，心太軟平時只吃朱古力味的，今晚我們來一個抹茶味。抹茶心太軟配雪糕 $60心太軟有着濃郁的抹茶味，係中間一切，心太軟的 matcha 醬緩緩流出，非常美味呢！跟住就係兩位榴槤狂熱分子出來了榴槤甘露 $46，on top 的柚子甜中帶苦。但朋友對榴槤肉就讚不絕口更上一層樓的是榴槤撈珠 $50，最特別係白色嘅味道似益力多的珍珠耀華街又多一個新選擇

飯後食甜品呢個環節唔少得 去左近期新開既明記甜品試試 當日去到唔算太多人 叫左個至愛既朱古力心太軟味道正常 沒有好流心 Cream Brûlée 味道不錯 但面頭糖漿唔夠脆榴連金露 朋友話榴連味夠 但沒什葉金露味(西柚)

飯後經過耀華街，原來新開了一間明記甜品，正正就在聰嫂對面，外面都排長隊，貪新鮮的我當然要去試試。店內地方不算大，都稍稍覺擠逼。《烤棉花糖焦糖燉蛋 $42》賣相很漂亮，棉花糖焦糖燉蛋，上層的棉花糖外脆內軟且很甜，比較膩，下層的燉蛋，有好香滑的蛋味和質感Creamy。《招牌芒果蛋白 $44》醬汁糖漿比較濃，芒果爆珠的像三文魚子，輕輕一咬就爆開，口感一流。芒果肉嫩滑鮮甜，用蛋白做底十分嫩滑，還有透明的珠珠口感煙韌，整體口感豐富。

nothing else on the menu drawing our attention but the #mangodessert does 🤤 😑 but both the mango sauce was hell sweet 😵😋#eggwhitepudding tastes the best among all and the texture is like milk pudding and not too runny😋 #mango is fresh and sweet too 😒 the #mochi is quite soft🙄 #mangoicecream tastes artificial 😋6/10 the icecream and mango sauce pulled the score down💰$92 ...#vanrivlaonue#vaneatery#vaneathongkong#vaneatdessert#vaneatWestern#vaneatcausewaybay

話說食完飯仲想搵地方吹水，有人話去聰嫂⋯⋯不要那麼天真，星期五既聰嫂條人龍仲長，於是隊長行左去對面間明記望下有咩食，點知係門口烏前望下個menu⋯⋯未望到menu有咩食，先吸左一啖「榴連仙氣」，唔食榴連既隊長即刻暈一暈，朋友話正，即刻行左入去攞位，3對1，隊長無得選擇⋯⋯佢地3個仲有一個有人性d，肯放棄唔食榴連，佢叫左個綠茶窩夫，綠茶控都應該會鍾意，因為成碟野都係綠茶，綠茶味窩夫都幾鬆軟，而且配上既紅豆粒粒都大大粒，又起沙，始終都係綠茶同紅豆係一對；唔食榴連既隊長揀左個綿花糖燉蛋，其實將平時食開既焦糖轉左綿花糖，配搭都幾有新意，燒過既綿花糖同樣地都有脆既效果，下面就軟林林，跟住就到滑滑既燉蛋，比平時既焦糖燉蛋多左一層口感。至於榴連呢，隊長真係唔敢/唔想試，但2位朋友食到想encore，佢地話全港最正喎（！？）不過上檯果下真係好濃烈既榴連味，我隔住張香味紙巾都聞到好大陣味，仲要係直至佢地清晒碟為止，那陣陣濃烈的榴連味簡直係由頭帶到落尾⋯⋯怪唔之得佢2個猛話好食。

明記 喺銅鑼灣一間甜品店 細細間但坐位整齊 menu食物唔算多 但都幾有特色招牌芒果蛋白 44 蚊用蛋白做底 上面鋪滿左唔同大細既芒果爆珠 一咬爆佢就會咇d芒果汁出黎 連埋西米好有口感 而且芒果新鮮甜香滑 底下既蛋白密度偏高 好有蛋白味 唔錯榴槤甘露 46 蚊好大舊既榴槤肉放左喺甘露上面 榴槤肉香濃 甘露入面有 爽口西米 酸甜味道既柚子 夠哂清新 而糖水底好香滑 連埋林身既榴蓮食 好有口感朱古力心太軟配雪糕 58 蚊以三舊新鮮芒果做拌碟 心太軟 外表香脆 有好香濃朱古力味 一整開 流心朱古力醬出哂黎 連埋雲尼拿雪糕 一冷一熱 雪糕清淡 朱古力甜 配合無間抹茶窩夫 半份48 蚊半份有兩份窩夫 出面帶有少少脆 入面口感比較鬆軟 配以 紅豆蓉 綠茶啫哩 綠茶味香濃 口感煙靭 而上面鋪滿綠茶粉 綠茶味香濃 連埋雲尼拿雪糕 同綠茶味配合得幾好

同肥髀灣仔食完晚餐，時間尚早，行一陣之後又叫我去食甜品，剛巧見到openrice介紹呢間殺入銅鑼灣嘅甜品店！去到見已經係呢條街第三間甜品店，去到時間尚早，門面細細窄長，全白嘅設計！枱仔細細，乾淨企理！甜品款式中西都有，睇食評話芒果出名，落單後好快到！榴蓮西米露（$42）肥髀食！榴蓮味好攻鼻招牌芒果蛋白（$44）同參考圖片差咗啲，芒果醬嘅色好橙好假，醬汁好杰，味道好假嘅糖漿味，甜到漿口，係一啲芒果酸味都無！差！芒果爆珠好似三文魚子，卜卜爆開幾得意！芒果肉嫩滑，蛋白嫩滑唔太甜，似啫喱，但所有嘢都比啲糖漿包裹，食唔出真味！成口糖漿味！（講真抬頭見到廚房層架上，三種味道嘅特大桶糖漿就更明白了😑）店員全是後生仔女，有禮斯文，服務可能新，有啲嫩，不過笑容搭夠！地方靚，服務Ok，不過芒果用糖漿打底就好失望！想要在銅鑼灣眾多甜品店穩住就難啲！

Looked around a weekday night to try out some local Chinese dessert. Came across this place and was very pleased. They have quite a number of varieties ranging from mango to western style matcha lava cake. I ordered the Almond and it's very rich and flavourful.

看牙醫之前, 已經想好事後要吃個甜品, 放縱一下.晚上7點多, 店內正好沒人, 我也不喜歡排隊的, 正合我意!店子小小的, 幾張枱, 目測大約可坐20人左右.店內裝修簡潔明亮, 播放著音樂, 侍應都是年青人, 這都是新派甜品店的特色吧.在心太軟和梳乎里之間搖晃著, 最後選了心太軟, 反正今晚不想吃平常的選擇.店員說要等15分鐘, 我也就安心的獨佔著店內的空間.15分鐘後甜品如期上枱, 甜品配上木托盤承托和一支金屬叉, 賣相相當不錯.朱古力心太軟配上雲呢嗱雪糕, 白色膠碟滿滿的朱古力漿, 感覺極甜.切開心太軟, 看到朱古力漿湧出來, OMG, 實在要快快把它吃掉.吃完熱熱的心太軟, 再吃凍凍的雪糕, 一個價錢兩種享受, 抵!