明記甜品 (已結業)

係Facebook 見到明記開左新鋪，仲要開係聰嫂對面咁大膽～緊係要去試一下喇～😏10點幾係cwb~等左一陣就有位真係幾好彩～😎我地一行8個人，被安排坐係出面的位到，而佢出面的座位係有頂既～仲有少少燈做裝飾tim~朱古力Oreo 凍餅~Oreo同朱古力味唔重～食落質地有d似雪糕~佢就好似有少少奶味的雪糕咁～招牌芒果蛋白～芒果好香好甜～但佢個蛋白係完全食唔到蛋白的味道～仲有我最喜愛的爆珠～鮮什果河粉～用椰汁整既河粉～重椰汁味～仲好滑tim~芒果凍餅～其實佢同Oreo 果個差唔多，只係芒果味～重點推介！！烤棉花糖燉蛋～烤左的棉花糖，好香仲有少少焦少少脆脆，好似焦糖咁～燉蛋，重蛋味同好滑～👍🏽👍🏽朱古力心太軟～個似用左黑朱古力，唔會好甜。個皮好似蛋糕質地，唔係脆脆的～佢入面都係流架～一整開就爆醬出黎～朱古力梳乎里～食唔到朱古力味😂店員們好有禮貌～臨走仲讚左一下佢地tim~😎

行過銅鑼灣耀華街見到有間甜品舖新開張，就同男朋友去試吓喇。首先就嗌咗個芒果班戟，就先令我覺得好驚喜嘅就係佢枝叉好靚。係金色叉仲要真係好重手。個班戟嘅賣相普通，唔算好特別。食落就幾好食，個cream同芒果都好好味，cream嘅份量唔會好多，唔算好膩，芒果份量都幾多，同埋都幾新鮮。個皮都幾好食，唔會好腍或者好硬，只係頭尾嗰兩舊個皮多左少少。呢個棉花糖焦糖燉蛋個賣相好靚，食落都好好食。上面係燒脆左嘅棉花糖，外脆內軟，好正，好有BBQ嘅感覺。入面嘅燉蛋都好好食，有好香嘅蛋味。整體而言，呢間甜品都幾特別同幾好食，睇得出係賣相方面都花咗啲心思。大家去開銅鑼灣都可以去試吓呢一間甜品。