明記海鮮酒家

營業中

休息中

雄記的海鮮明記煮, 料靚又煮得正豉油皇海蝦~~~~~~~~~~~超超超好味呀!!!!!!!!!!!!!!!!!!!!!!!!!!!!!!!!椒鹽瀨尿蝦, 炒蟶子好香, 蒸扇貝好甜加左一個蝦醬通菜, 送了一窩足料豆腐海鮮湯仲有好耐冇食過咁甜既橙 @@三個人飽到差D行唔yuk, 都係二百四一個頭連工包料, 抵食啦~~~PS: 隔離檯碟斤幾花龍大碟到呢, 下次一定要試!!!!!!!!!!!!!!!!!!!!!!!!!!!

去到流浮山, 一直行入去都係食海鮮, 聽講明記唔錯, so 入左去~選左海鮮之後, 坐左一陣, 突然間跳掣~ 唯有搬上樓上~ 好彩d野食未黎~過左一陣, 先送來1窩湯, 有蟹,魚肉,豆腐,菜, 整得都算求其, d蟹冇拆肺,仲有d魚鱗, 不過味道都ok~椒鹽海中蝦--- 幾鮮, 肉質幾爽, 椒鹽唔會太多, 幾惹味~蒜蓉粉絲蒸象拔玤--- 店員推介, 真係唔錯, 蒸得剛剛好, 好鮮味~黃油蟹--- 要弄45min, 份量比我想像中大~ 每人半隻剛剛好~ 隻蟹入面全部都係蟹羔, 連蟹腳d肉都係黃色, d羔好香好好味~不過真係幾貴~

黃油蟹，妳既膽固醇令我對妳又愛又恨，我地每年牛郎織女既約會，但上一年俾鴻星糟蹋左我地既約會，令到我怒食十二大閘蟹，今年，我揀0岩左啦，所以今次我會收山，唔會再怒食大閘蟹，因為好食既野，一隻已經足夠！睇到呢度d人既食評，再望下張相....OH!MY GOD!!隻蟹D膏係唔係假架，唔得要試下先......前一日訂檯，一位好親切既女士話會幫我留三隻靚黃油蟹，個心都當堂定晒......三母女食左：-(1) 黃油蟹3隻- $450一隻(2) 豉椒聖子- $80(3) 豉鹽賴尿蝦2隻- $205 ($192一斤)(4) 腐乳炒生菜- $40(5) 芥菜豆腐魚湯- 免費(6) 超甜橙- 免費黃油蟹- 唔駛講，超正啦！D膏多到....唔該睇相！最乞人憎係D肉都有油，你話....真係無野好講！http://i117.photobucket.com/albums/o64/cleancat_sophia/DSC00855.jpghttp://i117.photobucket.com/albums/o64/cleancat_sophia/DSC00856.jpghttp://i117.photobucket.

那天看完這裏的食評去流浮山明記食黃油蟹; 果然如那些食評所說, 那些黃油蟹好正, 好多膏, 全隻也是膏, 超正! 但, 服務便差了些, 我們本只是想食黃油蟹, 但有個女人, 便三番四次走來叫我們叫埋其他食物, 真煩! 結果, 我們叫多了一碟!另外, 各位要留意的是, 今年來說, 這裏的黃油蟹要港幣450 元一隻, 真不明為何其他食評, 可以寫每人平均消費是百幾元便可?

每年農曆大暑前後都是品嘗珠三角獨有的黃油蟹最佳時候，炎夏的高溫將羔蟹的蟹羔熔化及流至蟹身各處，當造時就連蟹爪都充斥著沁有黃油的蟹肉，老饕們皆視為珍品！跟老板娘閑聊，今年天氣反常的炎熱，令到大部份羔蟹蟹羔熔化得很好，品質相當，但就來貨減少，價錢又上一層樓。是晚主角當然仍是黃油蟹及金邊方利，方利仍是滑漏非常，魚肉味道豐厚；而黃油蟹是趟共點了十多隻，每隻質數相當不俗，況且平均每隻八至十兩重，這種重量的蟹羔是甘香豐膩，嚐了極飽滿的一只已經頂足了。其他菜式都相當不錯，但其他所點的海南青龍蝦、大海蝦、鮑魚等鮮美美食亦比下去了！招呼仍是窩心，始終都是經年光顧，價錢亦是相當值得，況且身處流浮山，頭手及最好的黃油蟹已盡入瑯中。

(9/4/07)公眾假期家庭樂,流浮山比預期中多人。o係海邊買左剛剝殼的蠔,來這裡加工。好似...明記賣海鮮;對面雄記做食店。anyway,賴尿蝦三隻、掩仔蟹三隻、帶子五隻、生炒骨好大碟,而且脆口、蝦醬通菜,唔係好油,不太濃的蝦醬,好o岩我口味。至於海鮮,尤其粉絲帶子,煮得好出色。更加喜出望外的是,那三隻蟹都好多黃膏!選擇蒸是明智!送海鮮湯,半奶白色的湯算不錯,起碼我feel唔到有確喉的味精。材料有豆腐、芥菜、魚、最攪笑有一大截像椒鹽過的賴尿蝦,仍很鮮甜。一侍應說,今晚的湯煲得唔夠火候,尋晚的煲得靚好多wor。最後仲有奉上甜橙。美味、清潔、心的服務,很滿足。p.s.加工費$250

明記都幫襯好幾年，每次都是與朋友到來一嘗珠三角特產黃油蟹及金邊方利。流浮山是黃油蟹及金邊方利的集散地，而與相熟的食肆預訂，同樣價錢質量絕對有保證；以往都曾幫襯其他食肆，始終有所參疵。而按常理農曆六月初的黃油蟹已經當造，但今年因雨水多，固六月初的黃油蟹仍不行；而得老板娘知會，上兩星期天氣夠熱及收了雨，靚黃油蟹的比例多了，故馬上預訂以一飽口腹。主角當然是黃油蟹及金邊方利，今晚兩者皆有預訂，固質數相當好，尤以黃油蟹為甚，是這幾年嘗過的最不俗的一造；清蒸之下原汁原味，浙醋都可免。金邊方利因身上有條明顯的黃線而得名，而斤多兩斤重的方利，食味尤勝青衣蘇眉石班，能與其匹敵的只有三刀，但好像已經在附近水域絕了種，可惜。其他如海南青龍蝦，肉質爽脆及味鮮，比澳洲龍蝦更好，而本地鮑魚亦食味不俗，但因食材太好而給比下去。另這裡出名的海鮮湯及豐料的炒飯亦是一絕，筆者在滿載之下仍盡多碗可想而知。說回明記，其實在這裡豐儉由人，與其他流浮山食肆一樣是家族經營，因集散地問題通常海鮮都較有保證，而環境衛生不俗，乾乾淨淨，招呼亦到位。若來之前可先致電查詢當造的海鮮，或可定好價錢由老板娘發板。其實今年有預算黃油蟹的質數會差一