明記海鮮酒家

營業中

休息中

#小秘書 呢日同屋企人參加屋苑舉辦嘅 #旅行團😅 原因係想陪爸爸媽媽去 #慈山寺 行吓，咁啱有人安排哂行程，仲喺屋企樓下上車，梗係要支持啦！準時09:15由屋苑出發，未夠10:00已經到咗 #慈山寺 大門，由 #師兄 帶領，我哋只可以速遊寺院一圈，就因為要趕到第二站 #流浮山 食 #午飯。其實明知係 #團體餐，#小秘書 都唔會寄予厚望，但係標明係「鮑魚海鮮宴」，我估起碼隻 #鮑魚 應該都會似樣啲👀 外觀係唔錯嘅，點知一拉起隻 #鮑魚 居然內仲藏粉紅色異物🤯 真係胃口都無埋。不過見成枱有老有嫩，都無謂同餐廳投訴，免得大會難做👉🏻👈🏻 呢餐唯有食少啲當減肥啦😫

好少黎依d地方，其實都怕怕地比人劏🙈 行過時已好熱情招我地去食飯，就去問下d海鮮同火工價，問清楚d就唔怕比人呃啦😄😄見價錢ok，就揀左幾款心水入去坐低了😁全程都熱情招呼，每道餸都好食，包括炒菜，份量亦足，好評！送湯送水果，再另叫3白飯，滿意的晚餐，共600多d 😋😋😋

店門口有多款海鮮選擇，鮑魚、蟶子等都有來自不同地方的選擇，搭過飛機當然貴啲！今次選了本地蟶子，好似$128斤，都肥肉抵食！廚師煮得有水準！老闆介紹招牌豉油皇煮蝦的確好味！值得推介！6款海鮮，1炒飯，1淸菜，送列湯，埋單$2400左右都算抵食！但記得自己洗下啲碗筷先好用！衛生一般乃意料之中之内！

流浮山位置比較遠離市區，但交通也算方便，在元朗市中心有巴士可以直達流浮山，今次專程由九龍遠道而來，當然要大吃一餐啦，點了蒸奄仔蟹，清蒸石斑魚白灼九節蝦，清蒸鮑魚，蜆湯和上湯菜芯，全部都很新鮮，味道不錯，但蜆有少少沙。兩個人吃，埋單大約$1000

到流浮山一定要食海鮮，不過整條街店多到不知所措。於是隨便選了一家，位置在中段，相信價錢會比較合理。酒家會有例湯送，是魚湯，挺鮮甜的，薑味十足，不會腥。但還是建議趁熱飲。油鹽蟹，店家說是他們招牌菜之一，個人覺得還是薑蔥蟹會比較惹味。有餣製的味道，但並不咸。豉椒炒聖子是一般的菜色，味道可以，但說不上很好吃。鮮魷份量挺多的，不過如果黃金鮮魷可能更好吃。瀨尿蝦上碟已剪好，挺貼心的。味道也是最好吃的一味。辣酒煮花螺上碟時味道還不夠，建議多浸一會才開始食用，味道會更濃更辣。粉絲蒸扇貝也是正常菜色，沒什麼驚喜。另外還點了一碟菜，一碟明記炒飯，炒飯也是店家所說的招牌菜之一，但並不建議。根本就是普通的楊州炒飯，而且蝦並不彈牙。總結：價格份量都合理，只是味道淡了一點。

星期日同男友去咗流浮山，行咗一陣之後諗住 搵間海鮮酒家食海鮮。 喺openrice見到好多人都讚明記海鮮酒家，咁於是我哋就揀咗呢一間嚟食。 去到舖頭，啲夥記已經好熱情咁樣叫我哋揀海鮮，咁我哋就 只係同佢傾海鮮嘅價格 ， 佢好鍾意簡一大袋嘅海鮮入袋， 我哋要係咁叫佢減啲減啲，跟住我哋就入咗去等食喇！ 嘢食係好新鮮我哋叫咗聖子， 象拔蚌 大瀨尿蝦元貝 炒飯 仲有石斑。 啲海鮮真係好新鮮，聖子好彈牙，象拔蚌都鮮味。 埋單就奶曬嘢啦！我哋兩個人收咗九百幾蚊，仲要只收現金！好彩帶夠現金，如果唔係就要洗碗喇！原來五百幾蚊係買海鮮，有二百幾蚊係煮嘢食 嘅費用， 炒飯就七十蚊， 佢完全冇提過煮嘢食嘅費用，又從來冇畀過menu我哋睇 ！下次去食，你哋記得要問清楚價錢先好坐低呀！同埋越叫得種類嘅海鮮就越貴！我就唔會有下次喇！

唔知點解tag唔到餐廳名💁🏼‍♀️佢叫明記海鮮酒家⋯以前未黎過流浮山食海鮮 太遠🤡蜜糖金蠔好好食！！食完覺得新年時媽媽煮既金蠔係⋯😂😂其他都係咁既味 我覺得個炒飯最正🤤🤤好多料！！🤤魚都唔錯！

對上一次黎流浮山係踩單車入黎，今次就真係私家車入黎食海鮮。原來黎食海鮮泊車係免費的。雖然，依度冇華麗的裝修，又冇高雅的餐具，但食物好新鮮，都係自己睇住佢地生生猛猛甘拎上個磅度磅。是日送例湯： 白菜仔豆腐魚湯，好鮮甜。好大隻，大過隻碟！好香噴噴，好香的蛋黃味，好多膏最鐘意食膏推介愛食膏的人一定要試下個人覺得用清蒸的方法係最能夠帶出鮑魚的鮮味，蒸得都算幾淋，加上果皮同蔥，鮑魚就更出味炒聖子好入味鮮！爽！甜！龍蝦吾算好大，又吾算好細隻，但一個人食哂成隻就一定夠，未食嗅到已經流哂口水，肉好彈牙，鮮甜。伊麵底吾錯，麵身夠軟加上D汁好味，吾錯，送飯後生果送，仲要係又多汁又甜的紅肉橙。

今日中午再到明記，品質keep 住冇得彈！炸蠔，delicious x3! 4個人食左十二隻南非鮑，好彈牙蟹，ok鱼湯，鱼味好濃！聖子，好好味，粉丝吸左D汁，明哂啦！

每次去親流浮山都係去明記, 經濟得黎又整好.魚湯, 雖然係送但都好濃好甜鹽焗奄仔, 自己整唔到, 一定要黎食.白烚蝴蝶蜆, 因季節性貴咗少少, 但好清甜.椒鹽瀨尿蝦又係必食.炸蠔啲粉恰到好處, 不太厚又不太薄, 又好鬆化.炒飯又係每次必叫, 兩個人叫咗個細都食唔哂照打包返去做宵夜.呢道除咗海鮮, 好多小菜都好正, 其中一樣最鍾意就係咕嚕肉了.黎流浮山平日黎好好多, 人少D坐得舒服啲. 食完行下街又唔會話迫到睇唔到嘢.

昨日喺元朗探完老師之後， 便順道入流浮山食海鮮。我哋一行六人首先拍好架車，其中有些餐廳消費後可以免費泊車。朋友話歡樂麻麻地，所以我就去返上次食過的明記，因為佢對面就有一檔好新鮮嘅海鮮畀你揀！聖子同扇貝真係超大隻！仲有好多唔同嘅海鮮。 但係因為我哋得六個人，所以只係隨便揀咗一啲！揀咗我哋想食嘅嘢，佢就拿到旁邊嘅地方加工， 當然要另外收加工費啦！這個豆腐芥菜海鮮湯係送的這個花甲粉絲 一點沙也沒有。。。超甜朋友話一定要食蠔，所以叫咗個薑蔥煀蠔白灼東風螺， 朋友一路食一路不停叫好好味！ 所以最後叫多一碟。豉椒聖子普普通通蒜蓉蒸粉絲扇貝， 十級推介超好味，超大隻！油爆奄仔蟹內裏的膏軟綿綿超甘香最後他們也送上飯後水果。 這餐的海鮮 大餐盛惠HKD2500 ,已包括大約HKD600的加工費！食完當然唔少得出去外面買一些海鮮乾貨 同一些小吃！

聖誕月食食食, 想食清清地，於是今晚決定駕車到流浮山食海鮮，除貪佢清清地還夠抵食。鹽焗奄仔蟹。平時食開清蒸 ，首次食鹽焗， 盬把蟹膏味提升， 蟹膏又多， 甘甘香， 好好味。清蒸石斑，好有魚鮮味好滑。招牌炒飯，好多蝦仁，超好味。薑蔥蒸鮑魚，鮑魚軟硬度適中， 老人家都讚，個汁都不錯。清蒸花螺，好大粒呀!薑蔥蠔， 薑蔥好多， 蠔不算大隻， 但勝在好有蠔的鮮味。一斤九節虾都有好多。九節虾不算大隻，但又勝在夠鮮。今晚好滿足呀!

過對面選海鮮，感覺比較實在多糕賴尿蝦，非常惹味，但肉質欠佳，建議選肉質較好的賴尿蝦。（分兩種）酥炸生蠔，太多粉，蠔太細只。虎蝦分兩食，豉油王炒頭，刺身做得太散。有點浪費。粉絲蒸貝殼👍🏻👍🏻👍🏻送海鮮湯😍

奶奶生日喎，當然係食餐豪啦！入流浮山食海鮮，之前都食過其他檔，但自從食過明記之後就真係唔再轉。原因只得一個，食物質素係掂既!今晚4個人5餸1湯，真係食到抱住個肚腩走呀！正睇相啦！

本人夫妻俩中午到此店用餐，依指示先到门前的雄記海鲜选海鲜，点了两只奄仔蟹，一只重十二両斑馬濑尿虾。蟹原只盐焗，滿膏，但肉味很淡，明顯是养蟹，可能是对面深圳湾运过来。濑尿虾椒盐，给斩开四件，最大那件约二両重，蝦肉较削，並没有十二両重大蝦那種结實感。另还要了碟菜心和海鲜湯。埋单667元。我只畄下三蚊貼士，罪過罪過。