明記海鮮酒家

營業中

休息中

一向我同mama都係十分鍾意食seafood的最近生日,一家4口就來了食seafood了!seafood都是在對面的店舖買,因baba同店主相熟,所以好多正野食因材料真係太好!!十分肥美!但明記烹調技術十分不錯~~特別係蒸條fish..豉油係十分重要,但佢係做得好好,十分有鮮味!by the way..我地叫左crab x2 ,fish,龍蝦,包魚仔x3 (好大隻,我要用刀叉食),再加碟菜都係$11xx!平均$300 per person , 咁多seafood食真係好抵ga la ! d料仲靚出面好多最後老闆娘仲送左湯同生果!!正!!不過d service就ma ma,但呢d舖頭都冇得要求咁高了!

見在Open Rice網頁有17 vs 0 的好評，所以對這間店便放下了戒心，有點後悔對這間店太信任了，因為它從頭到尾都沒有說清楚海鮮的價額，問多少錢才說斤價，感覺有點刻意不提，而且買海鮮時沒有秤重，以為這店很老實所以疏忽了，沒要求當面秤重。埋單時才發現海鮮價格是單項總價760元，并沒有明細是什麽海鮮和多少斤兩，我自己算時并沒有這麼多，而且還收了230元加工費，之前完全沒有提有加工費，我以為斤價是連工包料。之前在歡樂吃人家報的價錢是連工包料的，而且埋單時列明是買了什麽，多少斤兩都清楚列明，明碼實價。奉勸各位到明記吃時要留意價錢，不要因為有較多好評為疏忽，過度信任這間店。

尋日老豆生日, 嚟咗流浮山食飯~~~聽老豆講, 佢以前嚟流浮山食飯真係逼到插針都插吾入,而家就冷清好多。我諗經濟差咗係一個因素, 哩排冇靚蠔又冇靚蟹食都係一個原因吧！要咗蒜泥粉絲蒸象仔蚌, 豉油皇大海蝦, 蒸芝麻斑, 油盬焗奄仔蟹同腐乳通菜。象仔蚌 - 無咩鮮味, 吾夠多蒜泥, 同埋洗得吾乾淨, 食到沙泥......豉油皇大海蝦 - 肉質幾彈牙, 夠惹味, 阿媽話早知點多斤。蒸芝麻斑 - 條斑都幾鮮甜, 但阿爸話啲肉林咗啲。油盬焗奄仔蟹 - 好味！好多膏！正啊膽固醇！個菜就炒得冇咩鑊氣, 同吾夠鹹。早兩年食過明記, 覺得宜家冇咁好食, 定係啲海鮮冇咁靚?本來好想試個炒飯, 但食咁多海鮮已經夠毒, 我驚會火上加油！-.-果然, 返到屋企塊面已經紅咗一撻撻, 仲要肚痾。

早幾日師傅相約一班好友於家中耍樂, 而飯局當然係重要嘅一環, 所以不容忽視, 於是師傅得閒就諗下定去邊度食野同埋食咩好, 最後覺得近近地冇理由唔黎呢度食番餐架, 於是就膽粗粗揀左呢間食店, 加上見到各食家對呢間食店嘅有讚冇彈, 應該信得過, 去馬啦!準時去到, 師傅亦不敢怠慢, 即刻去揀下有咩靚海鮮; 見到呢度嘅海鮮選擇頗多, 各式其式應有盡有, 最後睇啱揀啱就開餐啦! 當晚菜式有上湯龍蝦伊麵底(兩隻), 砵酒焗生蠔, 果皮蒸鮑魚, 辣酒煮花螺, 豉椒炒聖子, 蒸海班兩條(蘇鼠班, 花英班), 蒜蓉粉絲蒸貴妃蚌, 蝦醬通菜同埋招牌炒飯, 而呢間食店仲送多一鍋海鮮湯!率先登場嘅係砵酒焗生蠔, 生蠔身比較細隻, 但肉質新鮮加上膏都幾肥美, 用砵酒焗甜甜脆脆, 作為開場嘅第一道菜, 著實不錯; 接住落黎就係上湯龍蝦伊麵底, 本來封筆食家"今餐食乜好"想食芝士焗, 但呢間食店建議用上湯, 於是又試下啦, 上湯出黎嘅效果非常好, 皆因上湯味道唔會太濃, 食到龍蝦嘅鮮甜, 加上龍蝦肉身爽口又唔韌, 絕對出色; 豉椒炒聖子雖然係一道好普通嘅菜式, 但呢間食店一d都唔馬虎, 豉椒真的炒得香口, 非常惹

今次是一家人與班好友一行六人再入流浮山食海鮮餐,因事先在open rice內research 先(之前食過一間唔得),見到食評內境只出現讚而沒有見到彈的畫面,心想應該唔錯,於是六人便入內坐下, 原來外面有位叫小芳姐的人是雄記海鮮的,但是與明記酒家是聯營的,為人非常好,好細心講解,值得一讚。再講到海鮮有:1.白灼花螺 - 其實可以不用叫這個,因為我覺得如果白灼是可以到外面其他大排擋吃(實在幾貴,一斤成二百幾)不過都幾好吃。2.粉絲煮菜心- 都幾新鮮及入口唔太硬。3.清蒸油杉班- 煮的火喉適中,入口好滑,美中不足是咸了些。4.豉油皇炒大海蝦 -咸甜適中,新鮮及入口好味,蝦好大隻,唯一唔好是每人得兩隻(唔夠喉)。5.陳皮蒸鮑魚 -夠新鮮及唔硬,味度唔錯,好大隻。6. 酥炸生蠔 -都ok,可以接受,鮮及脆。7.油鹽焗奄仔蟹-正,的膏入口熔化,好味及真正有蟹味。 8.招牌海鮮炒飯-幾好味,料多及有大隻蝦在內,但略為乾身一些:。六人落樓都是HK$1440. 不過只收現金

今次同女朋友屋企人一行10人食飯等佢地試一下抵唔抵食~ 以呢個價錢食海鮮 個人覺得點都抵過出面食酒樓果d雪藏野~豉椒聖子豉油皇蝦蒜蓉粉絲蒸元貝清蒸海斑薑蔥蠔東風螺蒸鮑魚薑蔥炒蟹油菜x2海鮮湯(正)招牌抄飯+ 十多枝汽水2,000蚊有找 大家都覺得由九龍入去食都值 唔錯唔錯

成圍人食連料都係＄2800低！！！豉油皇蝦咸咗啲都○Ｋ！椒鹽瀨尿蝦，糕香肉甜，出色！豉椒炒蟶子麻麻哋，唔夠香又唔夠汁! 開頭灼錯咗，跟手變返辣酒煮花螺，唔掂!喺屋企唔會煮嘅，花雕蛋白蒸花蟹好味! 蒜容粉絲蒸扇貝，無咩嘢好講！ 特大楊州炒飯，必食推介！煎金蠔，有啲似蠔豉！飯後有甜橙食正！！！

18/1(星期日)約埋班朋友去流浮山行，見到之前有咁多人讚呢間店，於是便在此店吃午飯。我們一行六人進店時已兩點多，所以已只有一枱客還在吃東西，環境十分整潔，枱與枱間亦不太擠。一坐下，侍應阿姐便很熱情地招待我們，又向我們推介了此店的煎金蠔。我們想了很久，也不知吃甚麼好，但大家都不想吃海鮮，只知道入流浮山一定要吃蠔。所以最後也聽了阿姐的推介，叫了兩味蠔和另外幾個菜。1. 上湯浸菜心 [$45]－－份量頗大，菜心很嫩，上湯和配菜都很好味，最後連湯也給我們全喝掉。2. 酥炸生蠔(例) [$95]－－有十二隻蠔，份量那麼大還算例牌，兩個人食就絕不能叫。蠔不會炸得過熟，蠔肉鮮嫩多汁，碟上亦未見有很多油，唯一不足是炸漿略嫌厚了點。3. 揚州炒飯(中) －－飯炒得夠乾，但又不會太油，味道亦不過鹹或過淡，相當不錯。4. 煎金蠔(例) [$150]－－也是有十二隻蠔。金蠔煎得夠乾，但又不會煎得過硬或煎燶，可見師傅真的很用心和控制火候有一手。點些糖吃，完全吃出金蠔的鮮味和甜味。5. 生炒排骨 [$60]－－賣相不錯，份量亦頗大，味道一般，不算十分特出，但排骨不是太肥，而吃落亦不覺得太油膩。在我們點了菜後，正

一年一度的冬至飯，今年遠征至流浮山的明記....吃過海鮮街內的小桃園及球記，總覺得水準不外如是。歡樂的名氣是大了，但看見那個油頭粉面的B仔厨神，已沒有大興趣去幫襯；海灣有的是名人效應，但又聽聞服務態度不大好。收集了不同意見，揀來揀去，選擇了風評不俗的這兒。吃過後大感滿意，可算是流浮山市場內至為出色的一間....海鮮份量比上次在球記吃到的更多 --- 花竹蝦、鮑魚、龍躉兩吃 (炆頭腩及起肉炒球)、東風螺、炸蠔、炒蟶子、瀨尿蝦、奄仔蟹等等。和藹的事頭婆推薦這兒的炸子雞，吃得多海鮮類，來一點肉吃中和一下，也是妙事，又要了一只....打頭陣的是豉油王花竹蝦。很有鑊氣，蝦斤量足之餘肉質又帶爽甜；豉油帶出了蝦的鮮味，又不會有多餘的豉油剩在碟底，足見師傅炒功了得。蝦殼脆得連殼也能吞掉，最後索性拿着用手吃，好吃得連手指也噬掉瀨尿蝦是king size的，難得吃落不覺肉很削，而且還帶點羔，添了一點甘甜味，妙極要了一條龍躉尾，起肉炒球，肉嫩滑之極，味也鮮，缺點是油了一點；炊頭腩的主角是那帶着皮的肉，吃落極之膠口，是最天然的骨膠原上次去球記沒有吃蠔 (因當時不當造)，這次再臨，時近年尾，沒有藉口不吃了。別的

去得流浮山更係要食埋海鮮先出去啦...我家去得最多就係鯉魚門,西貢都少..不過印象中真係好似未來過流浮山食海鮮..不過估唔到我最喜歡就係流浮山喎..我覺得價錢平又好味喎.我地4個人叫左椒鹽賴尿蝦, 酥炸生蠔, 豉汁聖子同埋蒸貴妃蚌另外係間酒樓叫左薑汁炒芥蘭同埋干燒e麵...買海鮮先用左四百多元..真係幾抵呀..後來我地選左去明記酒家食飯(友人在openrice做足reseach,真係多謝她的細心安排)..此店又真係唔錯煮功4樣海鮮先收$180都合理..仲加上每樣海鮮都整得好好味..我地4個人都食得好滿意好開心..如果大家下次想去流浮山食海鮮都可以試下明記酒家都唔錯喎..

嘩...好好味...昨晚是我爸爸生日, 一行13人(11大2細) 幫我爸爸慶祝.就去左流浮山食海鮮, 點不知比我想像中還要好味&抵食(共$3,000).我地全家人都唔記得帶相機, 唔能夠同大家分享.但我值得推介比大家....明記...得...**有免費car park

男朋友生日，打算食d特別d既野。入開白泥睇日落，順道就黎流浮山食海鮮。我預早幾日打黎明記訂位，當我順手問老闆「兩個人應該要叫幾多隻黃油蟹﹖洗唔洗而家訂左先﹖」等問題，老闆都禮貌地逐一回答。仲話「兩個人，一隻好喇」~果下已經覺得老闆唔hardsell~由於係星期日，都幾多一家大細黎食，訂位冇走雞。環境方面，明記既裝修係一般街坊式酒樓咁，但算係好企理，而且乾乾淨淨。點菜既時候，靚姐仲叫我地出出面既「海鮮檔」一齊揀。我地點左一隻黃油蟹、兩隻瀨尿蝦，仲有辣酒煮東風螺同清蒸斑頭腩，仲有。最先上場既係白灼瀨尿蝦。白灼雖然係好簡單既一回事，但要係食材新鮮的店先敢整，0係冇調味料的掩飾之下，食材好醜一食即知嘛﹗而呢兩隻蝦，份量一望已經係重量級，食落去亦十分鮮味，肉厚而香。得意既係我第一次食瀨尿蝦係可以食埋佢個「槓」位，都幾多肉食ga 辣酒煮東風螺同樣好新鮮爽口，辣汁的味道調校得宜，既有dd辛辣的刺激，但又唔係搶左d螺既鮮。清蒸斑頭腩的味道都唔錯，但冇咩驚喜，賣相亦都唔太靚……最後我地呢個金黃壽宴的主角—黃油蟹終於出場喇﹗ 一打開佢—嘩~真係成隻蟹都係黃色ga~食落去有好濃既蟹同埋黃既味道，蟹肉加埋黃，

每年農曆七月份大暑過後，焯熱的日光就如火爐似的將羔蟹體內的脂肪熔化，如打通任督二脈的將液化的蟹羔遊走體內，令到黃油蟹被液化的蟹羔擠得滿滿之外，蟹爪蟹鉗裡的蟹肉亦因蟹羔液化而染成金黃色，老饕們對這蟹爪裡的金黃色蟹肉，哪有不垂涎之理！明記，開業三十多年，座落流浮山地區，珠三角鹹淡水區域的海鮮的來港首站，佔著天時地利，頂級的鹹淡水海鮮當然預留給顧客，記得幫襯多年，除了數年前的一次天氣反常而未有頂角黃油蟹奉客外，幫襯經年，這裡的品質、價錢、服務不需擔心，又正如食家小肥亞所說，老板娘在未有頂級黃油蟹靚貨運來前是不會輕言叫你赴會，所以在七月中下旬曾來電訂位，但老板娘都以時候未到貨色不夠好而推卻有關訂位，所以是趟飯局可說是大家萬眾期待！今年五六月份雨水多，所以品嘗黃油蟹的時間住一個節氣推後，令到羔蟹的數量上升之餘加上前段時間天氣溫度高及雨水減少，所以這段時間跟去年比較算是大造，價錢比起去年只是稍增一點而矣，而且大部份都是十兩以上貨色，硬油軟油俱備；但可惜今季整個珠三角都沒有一條像樣的金邊方利運來流浮山，故今年無緣跟方利一親香澤，所以今年的鐵角組合的配答缺失一樣，總是有點失落！是晚主角當然是黃油蟹，如

沒有金邊方利之下，接近三斤多的東星班總算壓得住這幫老饕，老板娘說海魚當然相信，但有一看海魚跟養魚不同地方的不二法門，就是看魚腹及魚腹的那兩支魚鰭，但編幅所限，不能在這細表；海東星班師傅控制火候得好，自已做開魚大國手之時已知蒸至緊熟，味道鮮美之餘魚肉亦相當滑漏，但咱家略厭珊瑚魚魚味不夠深海魚種濃烈，還是鍾情後者，但這東星，滿分了！愛爾蘭來的尺長大螳蜋蝦，台灣人北方人說蝦嘏，我們說的瀨尿蝦，總覺清蒸的食味比起油泡的鮮味，因但蝦嘏肉質較幼嫩，油泡的火候要掌握得得好，否則過火的話肉質幾粗，可惜眾人意見還是選了油泡，不過這裡掌火得宜，鮮味依然但略厭油膩！碩大的老虎蝦油泡反而可以，因肉質夠厚，蝦肉的水份不易流失，鮮味及口感比起油泡瀨尿蝦還好，加上點點辣味相輔，鮮味大增！兩道油泡海鮮過了，再來的清蒸鮑魚及元貝是咱家喜愛的烹調方法，海鮮味道沒法遮掩，簡單直接，食材味道表露無遺，在這裡，這兩種海鮮味道不用擔心，但始終是飼養海鮮，比起野生鮑魚及元貝的鮮味還是欠著點兒！接近四斤重的海南龍蝦以上湯餵之，伊麵放底，當眾人向著龍蝦件起筷之時，咱家就等待高潮已過大家嘴巴忙碌時候，向著盤底的伊麵、龍蝦肉碎及龍蝦羔進發

原本諗住上個星期食黃油蟹,諗住打去訂枱,老闆娘話唔係太靚....咁老實既,咁佢話下個星期應該好D啦,OK,今日打去BOOK位,問下老闆娘D蟹靚唔靚,佢話靚...就....3位呀!同我留3隻靚蟹,呵呵一去到就過去雄記擇海鮮(我覺得個老闆娘最老實,會同你計下夠唔夠食,唔會係咁叫你買,GOOD!!!)我地叫左3隻虎蝦....上湯伊面底...GOOD!!3隻扇貝.....粉絲底...好味!!付乳通菜....賣非佛老闆送左芥菜魚湯....仲好飲過阿媽靚湯呀終於....主角出場~~~~登登登....黃油蟹D膏多到...食完一隻蟹連飯都唔駛食呀!我地仲叫左6支可樂...埋單....全部加埋1880抵呀!!黃油蟹...我休息多一個禮拜再黎同你會面呀!!!溫馨提示：黃油蟹要雪佢半個鐘,再加埋半個鐘蒸,所以要預留時間呀!!我下次會叫佢地雪住先(信得過佢地啦!佢地擇得實無甩拖)