明記海鮮潮州菜館 (天保大廈)

營業中

休息中

有朋友在荃灣上班，他介紹一間抵食的潮州菜，於是今晚就到決定到這間打冷店試試。餐廳座位寬躺，坐得舒服，枱上放有花生及鹹菜作餐前小食。至於餐牌選擇非常多，除了一般潮州打冷小菜外，亦有港式小菜，下單的時候店員提醒消費滿三百元即送滷水拼盤。我跟朋友點了幾款小菜，湯及一碟粉麵，非常滿足：炸鮮奶 - 我第一次食炸鮮奶這度菜，非常好味。外面的炸漿脆口亦不會過厚，裏面的固體鮮奶味道香濃軟滑，兩種口感食起上來很有層次。沙茶牛肉煎米 - 米粉造成餅狀，壓扁再煎，底部有少少香脆，配上沙茶醬令脆口米粉變軟，口感非常好。牛肉份量多，正常水準，口感頗彈牙腍身。潮式蠔仔餅 - 蠔餅基本上是去打冷店必叫的菜式。這裏的蠔餅份量十足，蠔清洗乾淨，沒有怪味，每粒蠔都很飽滿。蛋漿香口，邊位炸得香脆。滷水雜拼 - 雖然是免費小菜，但份量十足，絕不欺場！裏面包羅萬有，除了常見的紅腸、鴨腎及墨魚外，亦有腩肉、鵝腸、豬大腸及豬耳，種類就已經足足有七、八種，非常有誠意。而且滷水汁香口，很好食！家鄉鹹菜豬肚湯 - 同樣份量非常大，裏面除了鹹菜及豬肚外，亦有豬腸及黑胡椒粒。味道非常濃郁，清甜又鹹香，亦帶有少少胡椒辣，非常適合冬天飲用，很暖

潮州菜館周圍都有 蠔餅/蠔仔粥/鹵水鵝 呢啲係例牌嘢食 每間潮州菜館都必備 並不出奇 生醃海鮮就唔係間間都有啦 今日終於畀我搵到一間有生醃海鮮嘅潮州菜館 實在太開心一入到門口已經感受到嗰種正宗潮州美食嘅氛圍 凍魚/凍蟹/凍瀨尿蝦/魚仔/生醃瀨尿蝦/生醃螄蚶 夠曬氣派一坐低已經有兩碟餐前小食 鹹酸菜及花生$20 鹹酸菜勁脆口 酸酸味味好開胃 花生香脆 用來伴酒一流菜館做緊個優惠 食滿300蚊 即送鹵水拼盤 個鹵水拼盤勁豐富有鵝腸、腎、墨魚、紅腸、豬腩肉 全部都滷得好入味 個鹵水汁勁香 鵝腸超好食 好脆口韭菜豬紅$88 叫咗個小份量的 點知原來份量都咁多 真係超誇張 第一次食韭菜豬紅有咁大兜豬紅 其他餐廳平時得幾粒 食到到喉唔到肺 今次終於可以食番夠本椒鹽白飯魚$118 白飯魚好大條 條條都勁好肉 炸得夠乾身又唔油膩 用椒鹽整勁香口 味道辣辣地 好味秘製凍獅蚶$128 簡直係潮州嘅味道 真係好耐冇食過咁正宗嘅生醃螄蚶 夠曬大碟 今次真係可以食番夠本 螄蚶外殼洗得好乾淨 醃製 味道又唔會太鹹 依然食得出獅蚶嘅鮮味開獅蚶神器真係一流 三兩下手勢就剝咗一大碟 慢慢歎 慢慢食菜色味道正宗不在話下

荃灣鱟地坊 明記 潮洲菜算是老字號，倆今婆來開餐🥳🥳滿三百蚊送鹵水併盤，差唔多枱枱都有，有齊豬肉、豬頭肉、紅腸、尤魚、豬大腸等等,唔錯!配啤酒🍻一流🤩🤩椒鹽九肚魚， 九肚魚 外面炸得 金黃香脆 ，裏面肉質軟滑， 感覺新鮮。炸既技巧好好，蠔餅食落唔會好油膩，十分乾身,外面脆裏面滑!!大隻椒鹽瀨尿蝦 $118爆膏厚肉，鮮甜扎實，加上椒鹽，十分惹味！估唔到潮菜館D海鮮咁得👍👍大隻到一開二都鋪滿成隻碟🤣🤣招牌明記炒飯，超大隻蝦乾，有over 十隻，簡單加上欖菜已經好香，飯粒分明，火候十足，仲好大碟😬😬份量好多，人頭2百蚊松，果然係不錯選擇，見佢轉左D類，遲到做冬可以book定位😜

而家唔係好多地方有潮州嘢食！好多潮州都係小店或者坐得唔太舒服！ 今次路過發現明記，媽媽話想試下，佢地既座位都幾舒服！上到去已經見到好多地道潮州食品，睇見都流口水了原來而家叫小菜滿$300仲會送滷水拼盤一份，都幾抵喎！最後我哋叫咗椒鹽上肉排、石鍋啫啫油麥菜同豉椒炒蜆椒鹽上肉排啖啖肉，醃得都幾入味！配埋啤酒一齊食真係唔錯石鍋啫啫油麥菜份量都幾足，熱辣辣又夠惹味！豉椒炒蜆粒粒蜆肉飽滿！唔會蜆殼多個蜆肉餐廳送嘅滷水拼盤都幾豐富，有紅腸、豆腐、鵝腸、墨魚等等整體食物都唔錯

最近天氣凍凍地最岩同朋友一齊去打冷！今日嚟到荃灣呢間潮州打冷老字號明記，晚上時間人流非常多，好在餐廳設有二層座位多，不用等位。一上到餐廳門口擺放多盤冷盤，有賴尿蝦、馬友、烏頭等。我同朋友二人好肚餓，決定叫了幾樣一齊share。嚟到打冷店第一樣梗係必點炸蠔餅，蠔仔大大粒份量多，每一口都食到蠔肉，而且炸到金黃色賣相吸引。海味粉絲什菜煲，有魷魚、蝦米、菇、粉絲、什菜等，非常豐富！吃了幾道油膩的食物，清一清口腔作過場不錯，可以繼續食下一樣！麻婆豆腐，好少喺打冷店叫，不過今日有啲口痕想食就嗌咗，潮式的麻婆豆腐加了榨菜略嫌有點重口味，叫了碗白飯撈一撈中和一下。這裏滿$300就送滷水拼盤，雖然是送的但非常足料！

我地2人叫咗4個菜因為佢話食滿300元就free個 鹵水拼盤所以只好叫多個300元方魚肉碎粥芥蘭 砂鍋鹵水拼盤帶子炒西蘭花但除咗個砂鍋係比較熱之外 ，其餘都一般 微熱。

媽媽生日就去左食打冷～🥳🥳覺得打冷要多人一齊食先食得夠多野同食得開心！！！！同行6人嗌左以下小菜：啫啫通菜煲韮菜豬紅椒鹽炸大腸豉椒蒸白鱔芝士大蝦伊麵乳鴿鹵水鵝片鹵水拼盤（送）我自己最欣賞白膳,好香又冇腥味好惹味！之後就韮菜豬紅,份量多帶少少辣！啫啫通菜煲好出色！唔會過鹹好夠鑊氣！鹵水正常發揮～其他就一般般！總括係好唔錯，而且服務好好！！❤❤有位叔叔係咁同我地傾計，而且知道媽媽生飯仲同佢講聲生日快樂添，好搞笑😆😆😆

好耐冇食過潮州打冷啦，今晚同爸爸去左荃灣食呢間老字號。潮洲野好好味，又多選擇。一上到餐廳，都幾多位。而且我地時間尚早，所以仲有好多款野食可以睇下有冇岩可以點選。出面放左好多潮式冷盤同醃野食，如有烏頭、大眼雞魚、螄蚶、瀨尿蝦、蟹等等，好多唔同選擇。如果平時黎驚會賣曬既，可以打電話來先預留，咁就唔怕黎到冇得食了。因為每日都賣完即止的。是日試左螄蚶同瀨尿蝦仔，好鮮甜好好味，醃得又好味，好醒胃。正。當餐前小食來食都幾唔錯呀。仲有比個溫馨提示大家，每檯上面都會有點餐前小食，如花生、魚仔咁既，如果大家唔想提供既，可以叫店員收款，因為呢堆小食要收費$20的。所以大家不用怕醜，呢間餐廳店員好好人，佢都同我地講唔要可收走都ok...之後我地見到餐牌，好多款孖寶都好抵食。我地叫左個孖寶F,有個芝士海蝦伊麵同埋紅燒乳鴿兩隻。$338一個套餐幾抵食，而且份量都好足，幾抵食的。芝士海蝦伊麵，滿滿既芝士，又香又濃郁，好惹味，入面既伊麵份量都好多，夠曬飽肚。海蝦都大大隻，啖啖肉好爽口，又好味。唔錯呀另外呢款乳鴿都好正。一人一隻好惹味。熱辣辣，外皮仲脆卜卜。正。呢期食滿$300 仲送鹵水拼盤。雖然是送的，但都好足料，

打冷今次去荃灣明記，自己都去過了幾次，但實左太正要食下😚😚😚精選套餐，今次都點了D餐😌😌😌先來小食，可要可不要，我就會食20蚊。但有卜卜脆花生同鹹酸菜真心得潮洲店先有咁正小食。點了碗蠔仔🦪粥，肥美蠔，脹卜卜，新鮮配上冬菜、肉醉，加上香口嘅芫荽。簡直令我回味。真心超推介。食完都無口乾感覺。堅正肥美豉汁白鱔，肉肥美。第一啖嘩，堅正，豉汁香，每樣都好正鵝片。正宗鵝片就係度。每款都好好味。潮州螄蚶。聽靚姐姐講話每日新鮮。數量有限。不過真心每款都大大碟。要下次先試到😍😍😍

早幾日經過荃灣明記，心思思想食潮州菜，今晚就同朋友去食～食物種類好多，晚市有孖寶套餐，抵食～前菜有花生同魚仔，正～蠔仔肉碎粥（細，$68)細都有大大碗，勁多蠔仔，幾乎每啖都食到幾粒，抵食～好正宗嘅潮州粥，細份量大約有成6-7碗仔，兩個人食夠哂～豉椒炒蜆（$108)又係份量勁多嘅炒蜆，粒粒都有蜆，蜆無沙，食落好惹味～脆皮炸鮮奶（$98)上碟時熱辣辣，咬入去係香濃嘅牛奶，係我兒時最愛～一份有成八大條，勁抵食～海味雜菜煲（$108)成煲都勁多八爪魚、香菇、蝦米、西蘭花、菜心、生菜，一大煲菜加粉絲，健康之選～全日食滿$300都送滷水拼盤一碟，有鵝腸墨魚片珍貴價滷水，勁好味！好抵食嘅潮州菜，下次要黎食海鮮！

大家成日以為係麻甩佬先鍾意食打冷，其實好多女仔都鍾意食架，貪佢小菜夠鑊氣，小食又多款選擇。今次我來到荃灣幾出名嘅明記，睇下佢有幾抵食和好味先。⚛ 石鍋啫芥蘭 ～ 呢個超滿意，芥蘭爽甜，又有肉碎爆香一齊落石鍋，仲要份量十足。 ⚛ 水煮魚腩 ～ 魚腩大大件， 但有細骨食時要小心， 呢個水煮辣味勁到有中辣， 魚腩下配菜有薯粉， 大豆芽，芹菜等等.....⚛ 紅燒乳鴿 ～ 即炸乳鴿，肉質鮮嫩，外皮夠脆。⚛ 蠔仔肉碎粥 ～ 好多脹卜卜的蠔仔肉大愛呀！我叫了小的份量，但呢到都有4碗，天氣涼涼地食呢個好正。🎉 明記滷水拼盤🎉 ～ 一定要同大家講點解我覺得呢到抵食，因為只要食滿300蚊，就即時送滷水拼盤呀！墨魚，鵝腸，紅腸，大腸， 豬耳，豬肉， 大豆芽， 超豐富的記得點一點個醋汁特別提味。🥤 加多寶

係荃灣中菜或潮式打冷餐廳好多，年幾之前同朋感覺試過印象好好，今日再帶屋企人嚟試潮式秘製螄蚶味道好鮮，唔會太咸，就算係潮式打冷餐廳都唔係太多間有做呢道菜滷水鵝例牌都俾到下裝鵝脾位我地😍份量好大，滷水味亦都唔會整得太咸啱啱好價錢都好街坊價，我地嚟既時候都好多promotion做緊，叫滿$300就送滷水拼盤一份好抵玩，滷水拼盤仲要份量唔少，魷魚、豬耳、滷水豬肉、紅腸、腎等等都齊晒，同自己叫一個滷水拼盤份量一樣多，豪👍🏻讚一讚侍應叔叔好友善幽默，唔介意我地逐樣逐樣餸咁叫，唔洗一次過咁趕咁叫餸，仲話自己收好夜唔驚😆

荃灣都好多打冷餐廳，但講到地道好味既唔多，雖然係樓上店舖，但每當晚飯時間都係差唔多滿座，潮州菜味道偏重，但就啱晒我。用餐當日冇記錯嘅話滿$300就送一碟滷水拼盤，分量超多，等於平時叫一百多元左右嘅感覺，滷水非常入味，鵝腸爽口，滷水豆腐好香，仲有紅腸、大腸、魷魚片等等。另外jer jer生菜煲超級推介，滾熱嘅砂煲上菜，仲有肉碎調味炒香，平時唔鍾意食蔬菜我都成煲食晒。豉油王鵝腸同樣爽口，但因為有滷水鵝腸嘅關係，我會揀滷水汁。仲有椒鹽九肚魚外脆內滑，椒鹽野味。叫咗碗白飯就是滿足的一餐！

已好幾年沒來這荃灣的打冷名店，今天帶娘娘見識一下。剛坐下，小吃已來，先叫個啤酒，吃點小食“拍黃瓜”和“醃蘿蔔”，微辣，夠味夠脆，雖然簡單，開胃，過癮。打冷，只兩個人，要什麼都可以吃點，一份“鹵水雜拼”少不了。它有墨魚、豬腸、豬腩肉、豬頭肉、紅腸、鵝腸、大豆芽、鵝腎，遺憾的是沒無豆腐、鹵水蛋、鹵水鵝，費解，但味道還可。意猶未盡，多點了一份“蒜蓉開邊蒸蝦”，夠大隻，新鮮，味道也不錯，但油太多，墊底的粉絲吃不了，太肥！今天只算合格，也許太晚來了，下回請早。

去完迪士尼，同朋友去荃灣食打冷，記得上一次食明記已經係幾年前了，keep 到水準！椒鹽瀨尿蝦-黎打冷店必叫，係屋企好難整到架嘛！-瀨尿蝦大大隻，好厚肉-好香口好夠鑊氣，微辣但絕對唔食辣的都接受到，好惹味蠔仔粥-粥底唔太鹹唔味精，食左成大碗都唔口乾-蠔仔大大粒，好鮮甜。火喉控制好好，蠔仔完全唔過熟-大量芫茜係加分位，姐是芫茜控金銀蛋豆苗-份量都唔少，似3-4人份量-應該有落左起碼一隻鹹蛋，每啖豆苗都有鹹蛋香滷水拼盤-墨魚鵝腸都好入味，墨魚肉新鮮有口感