明記海鮮潮州菜館 (天保大廈)

營業中

休息中

今晚到明記打冷，從樓梯上一樓，以為只得幾張枱的小店，一打開門，看到一個頗大的打冷檔，放滿了各種潮式美食🦐🦞🦀，店內都算幾大，有很多枱，環境光猛，感覺不錯。鹵水雙拼，我選了鵝腎和墨魚，鵝腎爽口，但不會硬，與鴨腎、火雞腎不同，口感更佳，食味更好。而墨魚🦑夠爽脆，蘸點白醋更美味🥰。潮式蠔仔餅，這店的出品與我以前吃過的不同，酥脆無比，內裏卻能保持軟滑，蠔仔算大隻，亦不少。加點辣醬🌶️更惹味，值得試一試。蠔仔肉碎粥，是打冷必食的。我點了個小的，原來都好大碗，三個人都夠食，蠔仔🦪夠多，肉碎再加上一些魚乾，十分好味。明記小炒皇，店員一端上枱，已聞到陣陣的香味，苟菜超爽口，配上蝦乾🦐、墨魚🐙、腰果等，相當惹味，口感豐富，值得推介👍。

收到消息今晚老公要加班，又可以唔使煮飯啦👏！老公提議打冷食小菜，選擇荃灣街市附近的食肆「明記海鮮潮州菜館」食潮州菜😍。天寒地凍，又雨紛紛！已經來到明記，原來不是戶外大排檔打冷舖啊！已經𨍭營樓上店的潮州菜館👍。進入店內，潮州打冷大排檔風味出晒嚟，滷水鵝、原隻大賴尿蝦、凍蟹、檸檬烏頭魚等等，不醉無歸感覺🥰。環境很舒服，座位寬躺，還有啤酒妹妹進場增加全場氣氛🥳。《蠔仔肉碎粥》$118分量十足，粥材料豐富有蠔仔、肉碎、大地魚仔、薑絲、蔥、芫荽、芹菜、冬菜、油魚仔等等。味道鹹鹹地，鮮味很重😋。《潮式蠔仔餅》$108急不及待品嚐，熱騰騰的，蛋漿均以塗上很多蠔仔，咬落內𥚃煙靭外面香脆😋。《鹹菜炆門鱔》$98好耐冇吃過的菜式，鹹菜加上辣椒提升門鱔更加惹味，越食越開胃😋。今日很滿足食到－餐豐富潮州菜😍。

做左openrice 咁多年cd-rom, 用做下指標睇下去邊食飯，訂下枱，買下外賣. 今次明記真係點着左我團火！荃灣友大部份都知道明記食物質數可以，但價錢一年貴過一年， 仲貴過大鴻輝食任食. 今日家人想食打冷外賣，荃灣區我只諗到明記質素比較有保證，而對上一次幫襯已經係兩年前，唔想家人失望，唯有硬着頭皮頂硬上. 一上到門口收銀，同個四眼阿姐講我買外賣，有冇折，定係好似之前咁夠幾百蚊就送一個雜拼，個四眼阿姐掛住睇賽馬，hea住講我地外賣冇折架喎， 而送雜拼都已經冇做. 算啦咁既然佢咁忙睇馬， 我唯有問佢可唔可以俾個餐牌我睇，佢指住第一張枱，叫我自己行過去攞，但明明佢背脊後面係有餐牌，但係唔想攞俾我囉. 我分別叫咗韭菜豬紅，滷水鵝片雜拼同埋辣酒煮花螺共500 信用卡付款. 係我等待之際，我就上OpenRice睇睇其他人仲有咩推介. 但就俾我發現咗，原來經OpenRice訂係有九折. 我即時問阿姐（指住個App)點解呢度有九折, 佢支吾以對同我講咁你喺邊度訂呀，然後繼續睇馬，好似完全唔想解釋咁. 咁既然我柒咗就要認，而對方都唔係好care 我既反應，咁我只好上OpenRice留我第一個留言

呢幾日天氣轉涼，凍冰冰就想去打冷店食飯，呢間潮州打冷店位於荃新天地一期旁邊，距離荃灣站5分鐘路程，出閘後行天橋過去就到，非常方便。餐廳位於一樓，從樓梯一上就可以店舖擺放了很多大眼雞、烏頭、賴尿蝦、凍蟹等潮州菜式！一坐低，職員好快已經上小菜，有花生和酸菜！來到打冷店當然必點潮州蠔仔餅，蠔仔大小適中，蠔餅炸得酥脆香口，蘸上魚露汁吃更帶出蠔仔的鮮味！馬拉盞通菜，一上枱嘩一聲，碟菜好大份而且夠鑊氣，超抵食！明記潮州炒飯，飯是用石頭鍋上，能保持炒飯的溫度不會冷卻，吃到底的時候還可以吃到飯焦呢！店舖開到凌晨三點，還可以同朋友睇埋世界盃！

天氣突然轉涼，就約埋朋友去食打冷同小菜就最好不過，一入餐廳已經見到多款正宗潮州美食。餐牌上有多款優惠孖寶，小菜及火鍋😋蒜蓉開邊蒸蝦餐廳用了海蝦所以肉質特別鮮甜，蒜蓉及調味適中，粉絲吸入鮮甜醬汁，煙煙韌韌特別好食😋欖菜肉鬆四季豆大大碟粉量不少，四季豆炒得好香好有鑊氣，欖菜本身鹹鹹香香加入豬肉碎配白飯不錯。西檸煎軟雞雞肉炸至金黃色，外皮香脆雞肉又香又嫩，啖啖肉配上酸酸甜甜檸檬醬汁，好惹味😋大檸Tea大大杯檸檬茶有一公升裝份量，好抵飲👍基本上每枱必點的。

想一邊食好嘢，一邊睇世界盃，一定要嚟荃灣鱟地坊嘅「明記海鮮潮州菜館」打冷。全層有多部電視機，坐邊都會睇到，裝修很有打冷格局。一邊是擺滿各類打冷食品，可以睇清楚先揀食邊款潮式蠔仔餅每次打冷我都必食嘅蠔餅，外層脆卜卜兼有蛋香，食落不太油膩，蠔仔脹卜卜，感覺夠新鮮，再點上少許魚露一齊食，能提升蠔嘅鮮味。客家黃酒雞煲一上菜就聞到陣陣藥材味和濃濃嘅酒香。雞肉吸收咗黃酒嘅芳香之後，帶點甜味，雞肉夠嫩滑，而且份量都幾多。飲咗幾碗湯之後，成個人都暖咗。天氣再凍啲，真係超正。招牌煲仔焗蜆豉椒炒蜆食得多，我覺得焗蜆嘅做法更能帶出鮮甜味，而且還帶點海水嘅鹹味。最欣賞係每隻蜆都幾大隻，而且隻隻蜆都開晒，用料絕對夠新鮮。勁大檸檬茶最後叫咗杯超大嘅檸檬茶，足足有1000 mL。雖然咁大杯，但茶味和檸檬味都好平衡，真係超抵飲。

話說我屋企嗰位是球迷，世界盃開幕之後，他夜晚都會心掛掛，想出街食晚飯都有得睇波，去鱟地方的明記就啱晒了！明記營業到凌晨 3 點，又可以睇波！晚市好熱鬧，好多客人！坐低之後有小食魚乾仔同花生！因為是潮州菜館的關係，出面放了很多賴尿蝦，凍蟹，大眼雞，烏頭等等潮州菜式！好吸引！鑊氣小炒的種類好多，蒸炒煮炸菜式任君選擇！我哋兩個人叫咗三餸一飯！每碟餸的份量都不少！椒鹽魷魚呢碟餸好適合飲番幾杯，魷魚新鮮，爽口彈牙，超級惹味的椒鹽，魷魚外面有鬆脆的炸漿，每啖咬落去都發出鬆脆的聲音！咕嚕肉咕嚕肉啖啖肉，外脆內軟，肉質彈牙又Juicy！咕嚕汁酸酸甜甜，有麥芽糖的甜味，超好餸飯的菜式！海味時蔬粉絲煲有好多蔬菜，菜心、西蘭花、白菜仔、各種菇，還有鮮魷，清清地，又多嘢食！如果多人聚餐，可以叫多幾款菜式都幾好！

荃灣的餐廳明記，食小菜及打冷等中式小菜，餐廳裝修企理，位於天保大廈1樓，餐廳都很寬敞舒適，還可以一邊食一邊看足球，營業時間到凌晨 3 點。菜牌一大本，有很多菜式選擇。入到餐廳門口見到有很多打冷的菜式，有凍花蟹、 瀨尿蝦、烏頭魚、 鹵水鵝、大墨魚……豉汁蒸魚雲$118隔了很久未食過豉汁蒸魚雲了，所以今晚特意要了此菜，豉汁蒸魚雲裡面有很多豆鼓，還食到調味有蒜蓉味，面上還放有蔥花，鼓味濃，魚雲很軟滑。蠔仔肉碎粥$78 蠔仔細細粒，內有肉碎、大地魚、蝦干、芫荽、蔥……等，令粥底清甜，很愛食。白飯魚煎蛋$108蛋煎得夠香，上枱已聞到飄出的蛋香，內白飯魚的份量適中，因白飯魚較為大條，所以有少少骨感，蛋煎得金黃，蛋邊香脆。餐廳打冷及中式菜式較多，下次可以再試下其他菜式。

自從疫情都很少去酒家飯店之類的菜館，現在大家都習慣了生活，心血來潮約朋友去食滷水鵝，飲大啤😂，去了荃灣區的明記海鮮潮洲菜館，雖是室內但這裡不失大排檔風味，感覺也不錯！金牌滷水鵝：大大碟厚肉，滷汁味道香而且剛好不會太咸👍🏻，下面還有豆腐墊底，正！蠔仔粥必叫：好有蠔仔鮮味，蠔仔比我想像中多，大大粒厚肉，當你吃了一些咸的小菜吃幾口蠔仔粥不但中和油膩感而且粥底很清甜鮮味，不會吃到飽飽漲漲的，好過吞幾口飯！黃金鮮魷：很愛黃金系列，那種蛋黃沙沙的外層令魷魚增加豐富的味道，魷魚彈牙嫩口，不會過硬，我吃了很多🫢所以蠔仔粥真係可以幫我沖一沖油膩感👍🏻

今晚睇波9點英格蘭🏴󠁧󠁢󠁥󠁮󠁧󠁿，老友約我去打冷睇下波，又好，今晚夜小小啦🤭🤭果然，入到去已經滿座，世界盃開始happy😍估唔到明記可以睇到3點🤭先來餐前小吃，麻辣青瓜，木耳及花生，20蚊收費，打冷當然要點了滷水鵝，份量夠多，滷水鵝肉夠厚，仲好嫩滑，充滿鵝油香，滷水汁微甜，下層有豆腐及花生。不錯👍🏻黃金鮮魷，鮮魷夠新鮮，煙韌有咬口，外皮又夠脆，加上大量鹹蛋黃一齊炒更好味，不覺不覺咁吃清。潮式凍馬友-新鮮，肉好滑，尤其是底嗰層油。正蠔仔肉碎粥味道好正，蠔仔又多又大粒，腥味不大，胡椒味重，入面仲有碎魚乾，照得來好香😍😍😍最後睇波緊係叫支青島，十點後仲要買一送一，睇波好去處👍🏻👍🏻👍🏻

今晚和朋友去荃灣明記打冷，從樓梯一上，原來店面都不小，有種別有洞天的感覺。而且營業時間至凌晨三點，下次可約朋友一齊邊食宵夜邊睇波，真是不錯。這店的出品多元化，看看滷水檔，凍蟹、凍賴尿蝦、滷水鵝、大墨魚等等，未坐低已垂涎。潮式炸蠔餅，服務員一端上枱，已聞到陣陣香味，急不及待要品嚐一下。看上去已覺得十分香脆，入口果然酥脆無比，香脆的粉漿包著鮮味的蠔仔，而且有很多蠔，加上些辣椒醬，真是讓人回味。滷水鵝片，肉質相當嫩滑，肥瘦適中，賣相吸引，鵝肉很入味，入口甘香，蘸上些白醋更惹味，果然有水平。蠔仔粥，份量十足，沒想到小碗原來都很大碗，潮州粥夾雜著蠔仔、魚乾，甚有潮州風味。一邊食粥，一邊食蠔餅，美味。明記小炒皇，碟頭不小，看上去色澤吸引，十分香，相當惹味，枸菜超爽口，配上彈牙的八爪魚和菜脯，真是吃到停不了，伴飯伴粥都正。超大凍檸檬茶，真係超級大杯，足足1000毫升，兩、三個人都夠飲，真是巨型得驚人，而且茶味香濃，幾好味，又冰涼。

天氣轉涼很想吃鑊氣小炒，跟同事到荃灣吃明記！大概七點左右，餐廳食客已佔一半席位，非常熱鬧。食客都是一群人聚餐，分享鑊氣小炒，有的更喝酒為樂，這年頭跟朋友相聚時間真要是好好珍惜。而我就點了三道菜及白飯，吃得非常飽，同時很滿足。黃金鮮魷這道菜真是不得不吃分量多、炸得香脆黃金即是蛋黃味道十分香而且炒得很乾身，一點也不油膩即使放涼了，炸物仍然保持乾爽，沒有油膩感鮮魷亦很嫩滑、口感爽口彈牙真是性價比高馬拉盞通菜通菜份量十分多、夠新鮮菜都是翠綠、爽脆口感秋冬吃熱騰騰的小菜真是很棒通菜吸收了馬拉盞的味道味道帶點微辣、鹹香惹味，感覺很開胃令我多吃了飯黑椒牛仔骨牛仔骨份量很多，而且也很大塊肉肉質彈牙、一點也不韌醃得入味又鬆軟，鮮嫩多汁黑椒汁很惹味，不會太辣跟牛仔骨味道很相襯

📍 明記海鮮潮州菜館 (天保大廈) (荃灣)荃灣鱟地坊72號天保大廈1樓今日係荃灣想搵打冷食，就係open rice睇下有邊間同有朋友介紹過呢間都好食，就行去試下，雖然話食打冷，但有d朋友唔多食內臟，所以無乜點叫冷盤😂但唔緊要，試下佢d小菜我地叫左個小炒王、蒜蓉芥蘭、薑蔥田雞煲同一個孖寶雙拼「蒜蓉開邊蝦🍤加炒龍躉」小炒王好大碟，岩灑d朋友飲啤酒🍻蒜蓉芥蘭🥬同樣大碟同好夠熱😂⋯⋯食到最尾都食剩薑蔥田雞煲，我無食到，因為唔食田雞，朋友就話幾入味同都幾足料。蒜蓉開邊蝦個底仲有粉絲，欣賞🤩同蝦size都適中🤗龍躉就有小小「hi」，味道都夠同配料都足👍🏻

📍 明記海鮮潮州菜館🤩宵夜打冷必食🤣，除左小菜，叫小菜都唔差架🟠薑蔥田雞煲😁👍爆香薑蔥，香味十足！田雞肥美！香噴噴🤗🟠蒜蓉蒸蝦，👍蝦好新鮮！清清地粉絲，加埋啲蝦汁🤣最鐘意食吸左汁既粉絲😎🟠龍躉班球，龍躉球厚厚實實👍👍👍所以好正呀🤤🟠小炒王，😁打冷必叫小菜，送啤酒一流🤣正呀！！！🟠蒜蓉芥蘭，🤣清炒芥蘭，份糧大到食唔哂！火候好正！😁🀄️總結野食唔錯，價錢中規中矩，份量大，一班人食野，夠哂，飲住啤酒食飯👍👍👍👍

晚飯在「明記海鮮潮州菜館 」，甫踏入菜館，熟悉的＜打冷＞傳統名物盡展眼前，怎不令人垂涎！除了潮式佳餚，還有很多選擇，例如今個晚飯也很豐富，更是受愛吃肉一族的歡迎！沙茶牛肉炒米~煎香的米粉滿載沙茶醬牛肉、彩椒、紫洋葱和菠蘿，將煎成扁平的餅狀米粉邊角複摺起，又像剪開的米粉包，現在開始打開米粉包賞味，米粉煎香脆口，吸收沙茶醬汁與肉汁吃，味道香濃，菠蘿伴吃很開胃添！石鍋海鮮炒飯~熱乎乎的石鍋保温著海鮮炒飯，可以慢慢品嘗，蛋香飯香、粒粒金黃炒飯有石班魚、鮮魷和蝦仁伴吃，吃到最後還吃到飯焦香。西檸煎軟雞~啖啖嫩肉又份量不少的煎軟雞，蘸有清新的西檸汁吃，又不會嫌多的。黃金魷魚鬚~很受歡迎的黃金魷魚鬚，夠酥脆、鬚肉也爽滑，祇嫌黃金（鹹蛋黃）不足夠，可以加強會更理想。脆皮炸鮮奶~上次吃過酥炸鮮奶，今次轉了脆皮炸鮮奶，外觀像春卷，外脆內軟，咀嚼滲出啖啖奶香與油香，真是久遺了的味道！